दहिगाव हायस्कूल, दहिगावला जिल्हास्तरीय आदर्श शाळा पुरस्कार .
पुरोगामी महाराष्ट्र न्यूज नेटवर्क- (प्रमोद शिंदे)
प्रगत शिक्षण संस्थेचे दहिगाव हायस्कूल, दहिगाव शाळेला माध्यमिक व उच्च माध्यमिक मुख्याध्यापक संघ सोलापूर यांच्या वतीने जिल्हास्तरीय आदर्श शाळा पुरस्कार प्रदान करण्यात आला.या पुरस्काराचे वितरण सोलापूर येथे
शिक्षक आमदार जयंत आसगावकर, महाराष्ट्र राज्य मुख्याध्यापक महामंडळाचे माजी अध्यक्ष श्री सुभाषराव माने सर,जिल्हा परिषदेचे माध्यमिक शिक्षणाधिकारी जगताप साहेब,प्राथमिक शिक्षणाधिकारी व इतर मान्यवर यांच्या हस्ते करण्यात आले. पुरस्कार घेण्यासाठी
प्रगत शिक्षण संस्थेच्या अध्यक्षा वंदनादेवी विठ्ठलराव पाटील, मुख्याध्यापक श्री. विलास चव्हाण सर,प्रशालेतील सर्व शिक्षक, शिक्षिका व शिक्षकेतर कर्मचारी उपस्थित होते.हा पुरस्कार मिळण्यामध्ये संस्थापक व माजी अध्यक्ष कै. विठ्ठलराव आबासाहेब पाटील यांचे अनमोल योगदान आहे. या पुरस्कार प्राप्ती मुळे संस्थेचे तसेच मुख्याध्यापक व शिक्षक वर्ग यांचे पालक व परिसरातून कौतुक होत आहे.
