माळशिरस तालुका

पुरोगामी महाराष्ट्र न्यूज नेटवर्क-

दिवाळीपूर्वी सोने खरेदी करणाऱ्यांसाठी आनंदाची बातमी आहे. सलग दुसऱ्या दिवशी सोने स्वस्त झाले आहे. गुरुवारनंतर शुक्रवारी सोन्याच्या भावात मोठी घसरण पाहायला मिळाली. त्यामुळे सोन्याचा भाव विक्रमीएचडीएफसी सिक्युरिटीजचे वरिष्ठ विश्लेषक (कमोडिटीज) सौमिल गांधी यांनी सांगितले की, यूएस फेडरल रिझर्व्ह पॉलिस रेटमध्ये कपात होणार नाही असे अमेरिकेच्या मॅक्रो इकॉनॉमिक डेटाने सूचित केल्यामुळे शुक्रवारी सोन्यामध्ये घसरण झाली.
गांधी म्हणाले की, अमेरिकेतील बेरोजगारीचा दर दुसऱ्या आठवड्यात कमी झाला आहे. तर S&P PMI मधील वाढ खाजगी क्षेत्रातील ताकद दर्शवते. या सगळ्याचा परिणाम सोन्याच्या भावावर झाला.
Gold Silver Price on 26 October 2024: दिवाळीपूर्वी सोने खरेदी करणाऱ्यांसाठी आनंदाची बातमी आहे. सलग दुसऱ्या दिवशी सोने स्वस्त झाले आहे. गुरुवारनंतर शुक्रवारी सोन्याच्या भावात मोठी घसरण पाहायला मिळाली. त्यामुळे सोन्याचा भाव विक्रमी पातळीपासून 1,450 रुपयांनी स्वस्त झाला आहे. दुसरीकडे, चांदीच्या भावातही घसरण दिसून आली आहे.
3000 रुपयांची ही घसरण दिसून आली आहे. त्यानंतर दिल्ली चांदीचा भाव 1 लाख रुपयांच्या खाली आला आहे. प्रॉफिट बुकींग आणि परदेशातील कमकुवत मागणीमुळे सोन्या- चांदीच्या भावात घसरण झाली आहे.
ज्वेलर्स आणि किरकोळ विक्रेत्यांच्या घसरलेल्या मागणीमुळे शुक्रवारी राष्ट्रीय राजधानी दिल्लीच्या सराफा बाजारात सोन्याच भाव 1,150 रुपयांनी घसरून 80,050 रुपये प्रति 10 ग्रॅम झाला.
याशिवाय 99.5 टक्के शुद्धतेच्या सोन्याचा भाव 350 रुपयांनी घसरून 80,450 रुपये प्रति 10 ग्रॅम झाला.

श्रीमंतयोगी युवक प्रतिष्ठानचा उपक्रम : जवानांसमवेत लहान मुलांनी केली दिवाळी साजरी

महाराष्ट्र न्यूज नेटवर्क प्रमोद शिंदे-

लहान मुलांमध्ये भारतीय जवानांविषयी प्रेम निर्माण झाले तर येणार्‍या काळात त्यांच्या मनात सैन्यात भरती होण्याची इच्छा निर्माण होईल. आजी – माजी सैनिकांसमवेत दिवाळी साजरी करणे हा उपक्रम स्तुत्य आहे. एक वेगळे समाधान यातून लाभते, असे प्रतिपादन सुभेदार तानाजी चव्हाण यांनी केले.
श्रीमंतयोगी युवक प्रतिष्ठानच्यावतीने सात रस्ता म्हाडा कॉलनी येथील आदर्श बालक मंदिर प्रशाला शाळेत विद्यार्थ्यांनी माजी सैनिकांसमवेत दिवाळी साजरी केली. त्याप्रसंगी ते बोलत होते. व्यासपीठावर प्रमुख पाहुणे म्हणून नाईन महाराष्ट्र एनसीसी बटालियन सोलापूरचे सुभेदार तानाजी चव्हाण, हवालदार निलेश तांबे, नव दलातील मास्टरचिप पेटीओ निवृत्त ऑफिसर सचिन देशपांडे, अशोक विद्युतचे प्रमुख संजीव मुंदडा, सोलापूर जिल्हा माहेश्वरी युवा संघटनेचे अध्यक्ष विठ्ठल काबरा, छत्रपती शिवाजी नाईट कॉलेज शारीरिक शिक्षणचे संचालक संतोष गवळी, आदर्श बालक मंदिर संस्थेचे सचिव अरूणराव गायकवाड, प्रशालेचे मुख्याध्यापक औदुंबर धोत्रे, प्रतिष्ठानचे संस्थापक अध्यक्ष महेश कासट आदी मान्यवर उपस्थित होते.
दिवाळीनिमित्त शाळेतील विद्यार्थ्यांना प्रतिष्ठानच्यावतीने शंकरपाळी, लाडू, चिवडा व चकली (फराळ) पदार्थ यावेळी वाटप करण्यात आला. देशाच्या संरक्षणासाठी सीमेवर लढलेल्या सैनिकांच्या हस्ते फराळ खाऊ मिळाल्यामुळे मुलांच्या चेहऱ्यावर आनंद दिसून आला. सुत्रसंचालन ऐश्वर्या संगटे यांनी केले तर आभार प्रदर्शन मोहन साठे यांनी केले.कार्यक्रम यशस्वी करण्यासाठी अक्षता कासट, मनुश्री कासट, संतोष अलकुंटे, शिला तापडिया, निशांत वाघमारे, गणेश माने, महेश ढेंगले, रंजना ढेंगले, राहुल बिराजदार, भारती जवळे, सुजाता सक्करगी, तुप्ती पुजारी, स्वराज ढेंगले, प्रविण तळे, सुरेश लकडे आदी कार्यकर्त्यांनी परिश्रम घेतले.

 पुरोगामी महाराष्ट्र न्यूज प्रमोद शिंदे –

https://youtu.be/1S4DW_PuWmQ?si=F1YPJzXkFUR2fe1L

2024 विधानसभा निवडणुकी चे रणसिंग फुंकून बराच कालावधी झाला व तयारी अंतिम टप्प्यात आली असताना. अद्यापही भाजपाची असणारी माळशिरस विधानसभा राम भरोसे होती.अंतिम टप्प्यात असताना सुद्धा उमेदवारा संदर्भात संभ्रम होता.कार्यकर्त्यांमध्ये सुद्धा उत्सुकता असून उमेदवार जाहीर नसल्याने कार्यकर्ते थंडावले होते.अखेर आज भाजपने आपला उमेदवार जाहीर केला आहे.पुन्हा एकदा आमदार राम सातपुते यांना उमेदवारी दिली असून. माळशिरस विधानसभा राम भरोसे म्हणजेच रामभाऊ सातपुते यांच्या भरोशावरती ही निवडणूक भाजपाला लढवावी लागणार आहे. कारण 2019 ला मोहिते-पाटील कुटुंबीयांनी भाजपमध्ये प्रवेश करून भाजपला ताकद दिली होती.भाजप समोर तगडे आव्हान असलेले उत्तमराव जानकर यांची माळशिरस तालुक्यात मोठी ताकद  असल्याने एकट्या भाजपला त्यांच्याविरुद्ध लढून जिंकून येणे अशक्य बाब होती. यात  मोहिते-पाटलांनी भाजपमध्ये प्रवेश करून भाजपचे उमेदवार रामभाऊ सातपुते यांना पाठिंबा देऊन 2702 मातांनी थोडक्या मताधिक्याने निवडून आणले होते. परंतु भाजपला 2019 मोहिते पाटील यांनी मदत करून सुद्धा. 2024 ला लोकसभेला मात्र भाजपने डावलले. भाजपने त्या बदल्यात आमदार रणजितसिंह मोहिते पाटील यांना विधान परिषद दिली होती.व कारखाना उभा करण्यासाठी मदत केल्याचे समजते. तसेच उत्तम जानकरांच्या बाबतीतही लोकसभेला त्यांना डावल्यामुळे ते राष्ट्रवादी शरदचंद्र पवार गटासोबत गेले. उत्तम जानकर यांनी लोकसभेला मोहिते-पाटील यांना ताकतीने मदत केली.व राजकीय वैर संपुष्टात आणले. त्या बदल्यात मोहिते-पाटील यांनी उत्तम जानकर यांना विधानसभेला मदत करण्याचे ठरवले. दोन्ही ही मोठ्या ताकती एकत्र आल्याने.भाजपच्या पुढे मोठे आव्हान उभे झाले आहे.त्यामुळे भाजपने लवकर उमेदवार जाहीर केलेला नव्हता. या मतदारसंघात गेली पाच वर्ष राम सातपुते यांनी चांगल्या पद्धतीने काम केले असून. त्यांनी अनेक लोकांना आरोग्य संदर्भात मदत केली आहे. विविध प्रकारच्या रुग्णांची लाखो रुपयांची ऑपरेशन त्यांच्या माध्यमातून मोफत करण्यात आली. कामाच्या जोरावर आमदार राम सातपुते यांना मानणारा गट सुद्धा तयार झाला आहे. याच जोरावर ते माळशिरस विधानसभा निवडणूक लढवून चांगली मते मिळू शकतात. दोन्ही विरोधक गट एकत्र आल्याने भाजपाची असणारी माळशिरस विधानसभा ही रामभरोसे म्हणजेच रामभाऊ सातपुते यांच्या कामाच्या भरोशावर असल्याचं पाहायला मिळते सकाळी साडेनऊ वाजता धर्मपुरी येथे राम सातपुते यांचे जंगी स्वागत करण्यात येत आहे.

दोन वर्षांपूर्वी रुपाली चंदनशिवे यांची हत्या चेंबुर येथे झाली होती.
ही तीचे पती ईकबाल शेख याने केली होती. रुपाली व ईकबाल यांचा प्रेम विवाह होता. आपसातील वादांमधून ईकबाल याने रुपालीची गळा चिरून हत्या केली.
ही माहिती BJP च्या मंत्र्यांना व नेत्यांना समजताच त्यांनी लव्ह जिहाद झाला असुन लव्ह जिहाद चा कायदा तात्काळ मंजुर करा असा सुर टिव्ही मीडियाच्या पुढे मांडला.
त्याचवेळी मी व एन.डी.एम.जे टीम रूपाली चंदनशिवे यांच्या कुटुंबीयांची भेट घेतली कुटुंबाने सांगीतले की घरगुती कारणावरून रूपाली ची हत्या झाली तरी हे लव्ह जिहाद झाला आहे असे बोलत आहेत. आम्ही फेसबुक लाईव्ह करून जगाच्या पुढे सत्य आणले.
यावेळी लाईव्ह महाराष्ट्र न्युज चॅनल चे संपादक राहुल सावंत यांनी सर्व हकीकत लाईव्ह जनतेपुढे मांडली.
राजकारणासाठी BJP च्या नेत्यांनी अतीशय खालची पातळी गाठून लहुजी हात झाला म्हणून बौद्ध व मुस्लिम समाजाबद्दल जातीय तणाव वाढवण्याचा केविलवाणा प्रयत्न करून मड्यावरचे लोणी खाण्याचा प्रयत्न केला पण आम्ही त्यांचे मनसुबे उधळून लावले.
या बी.जे.पी च्या राजकारनी नेत्यांनी रूपाली चंदनशिवे यांच्या घरी भेट देउन लव्ह जिहाद झाल्याचे सांगून राजकारण केले परंतू रुपलीला न्याय मिळण्यासाठी काहीही केले नाही. एक रुपयाची मदत दिली नाही शिवाय मुख्यमंत्री सहायता निधीतून देखील मदत दिली नाही.
रुपाली चंदनशिवे व इकबाल शेख यांना 3 वर्षांचा लहान मुलगा आहे. तो रुपालीच्या आईं वडिलांकडे असतो. या निरागस बाळाच्या शिक्षणात कोणतीही कमी पडणार नाही याची दक्षता आम्ही घेऊ.

मला काल चेंबुर पोलीसांनी व रुपाली च्या कुटुंबीयांनी फोन करूण सांगीतले कि, इकबाल याचा कारागृहात मृत्यू झाला आहे……

वैभव तानाजी गिते
राज्य सचिव
नॅशनल दलित मुव्हमेंट फॉर जस्टिस

महाराष्ट्र न्यूज नेटवर्क प्रमोद शिंदे-
राष्ट्रवादी शरदचंद्रजी पवार गटाचे अधिकृत उमेदवार उत्तमराव शिवदास जानकर व आंबेडकरी चळवळीचे नेते विकास संदिपान भाईंजे दोघेही शरदचंद्र पवार यांच्या ए.बी फॉर्मवर  निवडणुकीचा अर्ज भरणार आहेत. उत्तमराव जानकर हे राष्ट्रवादीचे अधिकृत उमेदवार असून तालुक्यात त्यांची मोठी ताकद आहे. सोबत मोहिते पाटील शरदचंद्रजी पवार गटात आल्यामुळे त्यांचेही ताकद उत्तमराव जानकर त्यांच्यासोबत असणार आहे. माळशिरस विधानसभा मतदारसंघ हा अनुसूचित जाती साठी राखीव असून. या जागेवर उत्तम जानकर यांच्याकडे खाटीक धनगर जातीचा दाखला असल्याने ते या राखीव मतदारसंघातून निवडणूक लढवणार आहेत. परंतु त्यांना पूरक म्हणून आंबेडकरी चळवळीचे नेते विकास धाईंजे यांचा फार्म भरला जाणार आहे. कारण प्रत्येक उमेदवारासाठी डमी म्हणजे पूरक फार्म भरला जातो . कारण यदा कदाचित फॉर्म छालणी काही अडचण होऊन फॉर्म बाद झाल्यास त्यासाठी दुसरा उमेदवार तयार असावा म्हणून माळशिरस तालुक्या सामाजिक काम मोठ्या प्रमाणात असणारे व सर्व जाती धर्मातील लोकांना अहोरात्र मदत करणारे तसेच सोलापूर जिल्हा तसेच माळशिरस तालुक्यात प्रत्येक गावात घराघरात कामाच्या माध्यमातून पोहोचलेले  विकास धाईंजे यांचा सुद्धा फॉर. सकाळी दहा वाजता अकलूज येथील प्रतापसिंह चौकातून मोटर सायकल रॅली काढत मोठा शक्ती प्रदर्शन करत फॉर्म भरण्याची प्रक्रिया पूर्ण होणार आहे. हा फॉर्म भरण्यासाठी विजयसिंह मोहिते पाटील, खासदार सुप्रिया सुळे, खासदार धैर्यशील मोहिते पाटील, आमदार रणजितसिंह मोहिते पाटील, व तालुक्यातील अनेक दिग्गज नेते मंडळी उपस्थित असणार आहेत.

पुरोगामी महाराष्ट्र न्यूज नेटवर्क-

शरद पवार गटाकडून गटाकडून विधानसभेसाठी आपल्या उमेदवारांची दुसरी यादी जाहीर करण्यात आली आहे. राष्ट्रवादी शरद पवार गटाचे प्रदेशाध्यक्ष जंयत पाटील यांनी पत्रकार परिषदेत उमेदवारांच्या नावाची घोषणा केली आहे. दुसऱ्या यादीमध्ये एकूण 22 उमेदवारांच्या नावाची घोषणा करण्यात आली होती . दुसरी यादी तयार करण्यात आली.दुसऱ्या यादीमध्ये अकोल्यामधून अमित भांगरे यांना उमेदवारी जाहीर करण्यात आली आहे. तर एरंडोलमधून सतिश पाटील यांना उमेदवारी देण्यात आली आहे. गंगापूरमधून सतिश चव्हाण यांना उमेदवारी जाहीर झाली आहे. पर्वतीमधून आश्विनी कदम, बीडमधून संदीप क्षीरसागर, माळशिरसमधून उत्तमराव जानकर यांना उमेदवारी जाहीर करण्यात आली आहे.

राष्ट्रवादीच्या उमेदवारांची यादी

1. एरंडोल-सतीश अण्णा पाटील 2. गंगापूर-सतीश चव्हाण 3. शहापूर-पांडुरंग बरोरा 4. परांडा-राहुल मोटे 5. बीड-संदीप क्षीरसागर 6. आर्वी-मयुरा काळे 7. बागलान-दीपिका चव्हाण 8. येवला-माणिकराव शिंदे 9. सिन्नर-उदय सांगळे 10. दिंडोरी-सुनीता चारोस्कर 11. नाशिक पूर्व-गणेश गीते 12. उल्हासनगर-ओमी कलानी 13. जुन्नर-सत्यशील शेरकर 14. पिंपरी-सुलक्षणा शीलवंत 15. खडकवासला-सचिन दोडके 16. पर्वती- अश्विनीताई कदम 17. अकोले- अमित भांगरे 18. अहिल्या नगर शहर-अभिषेक कळमकर 19. माळशिरस-उत्तमराव जानकर 20. फलटण-दीपक चव्हाण 21. चंदगड-नंदिनीताई बाबुळकर-कुपेकर 22. इचलकरंजी-मदन कारंडे.राष्ट्रवादी शरद पवार गटाकडून पहिल्या यादीत एकूण 45 उमेदवारांच्या नावाची घोषणा करण्यात आली होती, तर दुसऱ्या यादीमध्ये आता 22 उमेदवार जाहीर करण्यात आले आहेत. राष्ट्रवादी शरद पवार गटाकडून आतापर्यंत एकूण 67 उमेदवार जाहीर करण्यात आले आहेत.

*उद्या उत्तमराव जानकर विकास धाईंजे राष्ट्रवादीकडून फॉर्म भरणार*