आंतरराष्ट्रीय

पुरोगामी महाराष्ट्र न्यूज नेटवर्क प्रमोद शिंदे
सालाबाद प्रमाणे याही वर्षी शंभू महादेव शिखर शिंगणापूर यात्रा मोठ्या उत्साहात संपन्न होत आहे या शिखर शिंगणापूर यात्रेसाठी प्रशासनाने जोरदार तयार केले आहे तसेच या यात्रेसाठी मोठा पोलीस बंदोबस्त तैनात केला जातो. शिंगणापूर यात्रेनिमित्त शिखर शिंगणापूर पोलीस स्टेशन यांच्या कडे बंदोबस्त साठी येणाऱ्या अतिरिक्त पोलिस स्टाफ यांना पिण्याची पाण्याची सोय संत तेली भुतोजी महाराज नाना महाराज खळदकर यांच्या मार्गदर्शनाखाली व सुभाष आढाव यांच्या सहकार्याने श्री शिवशक्ती प्रतिष्ठान दहीगाव व साॅईल टच अॅग्रो बारामती यांच्या कडून बिसलरी पाण्याचे दीडशे बॉक्स देऊन पिण्याच्या पाण्याची सोय केली.यावेळी शिंगणापूर पोलीस स्टेशन चे हवालदार लोखंडे साहेब व सोनवलकर साहेब
,शिवशक्ती प्रतिष्ठान चे संचालक धनाजी ढगे व साॅईल टच अॅग्रो चे संचालक तात्यासाहेब राणे,दहिगाव गावचे युवा नेते बाळासाहेब कदम, शिवशक्ती चे अध्यक्ष राम जाधव खजिनदार गणेश गोडसे, धनाजी चिकणे, सचिन काटकर, राहुल काटकर, प्रणव खराडे , नामदेव चव्हाण श्रिमंत नरळे दत्ता नाकुरे पांडु साहेब साॅईल टच अॅग्रो चे मॅनेजर शिंगटे तसेच प्रतिष्ठानच इतर कार्यकर्ते मोठ्या संख्येने उपस्थित होते.

महाराष्ट्र न्यूज नेटवर्क प्रमोद शिंदे

प्रयत्नाने वाळूचे कण रगडता तेलही गळे या म्हणी प्रमाणे सात ते आठ वर्ष पूर्ण घरादाराचा त्याग करून शंभर टक्के समर्पण वृत्तीने अभ्यास करून पिरळे ता.माळशिरस जिल्हा सोलापूर येथील चि. गणेश चंद्रकांत नरळे याची एमपीएससी परीक्षेतून  पीएसआय पदी निवड झाली. गावकऱ्यांनी कौतुकाने त्याची उघड्या जीपमधून व घोड्यावरून फटाक्यांची आतिषबाजी करत गुलाल डीजे हलगी लावून गावातून वाजत गाजत मिरवणूक काढली. गणेश हा पिरळे गावातील पहिलाच पीएसआय म्हणून त्याने बहुमान मिळवला पिरळे गावे 5000ते 6000 लोकसंख्येचे गाव असून उद्योजकांचे गाव म्हणून गावाची ओळख आहे. गावातील तरुण विविध क्षेत्रात उद्योग व्यवसाय करतात त्यात प्रामुख्याने बेल्ट चप्पल टाय मोठा साबण कारखाना तसेच वेगवेगळे दूध,शेती ,व्यवसाय छोटे-मोठे दूध प्लांट आहेत. अलीकडच्या काळात स्पर्धा परीक्षा मध्ये भाग घेऊन  मानाच्या आणि मोक्याच्या जागा मिळवण्याचा बहुमान देखील गावातील तरुण करत आहेत त्यातीलच एक गणेश चंद्रकांत नरळे शिक्षण बीई मेकॅनिकल.गणेशाचे प्राथमिक शिक्षण इयत्ता पहिली ते सातवी जिल्हा परिषद प्राथमिक शाळा पिरळे येथे झाले.लहान वयात शिक्षणाची गोडी होती अत्यंत हुशार आणि चाणाक्ष गणेश यांनी इयत्ता चौथी आणि सातवी स्कॉलरशिप परिक्षेमध्ये मेरिट लिस्ट मध्ये येऊन स्कॉलरशिप मिळवलेली होती. माध्यमिक शिक्षण इयत्ता आठवी चे शिक्षण श्री वर्धमान विद्यालय वालचंदनगर येथे झाले. नववी ते बारावी चे शिक्षण बा. ज. दाते प्रशाला नातेपुते या ठिकाणी झाले .बारावी नंतर पुढे बी .ई.मेकॅनिकल इंजीनियरिंग चे  शिक्षण पुणे इथे घेतले. घरची अतिशय बिकट आणि हालाखीची परिस्थिती होती  बी इ मेकॅनिकलचे शिक्षण चालू असताना बहिण पोलीस मध्ये भरती झाली त्यानंतर गणेशने सर्विस न करता एमपीएससी परीक्षा देण्याचा निर्णय घेतला त्याच दरम्यान एमपीएससीचा अभ्यास चालू असताना अचानक त्यांच्या वडिलांचे निधन झाले या धक्क्यातून सावरून गणेश यांनी एमपीएससीचा जोराने अभ्यास चालू ठेवला त्यानंतरच्या काळामध्ये कोरोना ने  दोन वर्ष अभ्यास करूनही दोन वर्ष थांबावे लागले वाट पाहावी लागली परंतु त्यानंतर ही खचून न जाता अभ्यासाची पूर्ण कसोटी लावून त्यांनी राज्यसेवेच्या परीक्षा दिल्या पीएसआय चा पहिला प्रयत्न दोन मार्कांनी हुकला परंतु खचून न जाता पुन्हा प्रयत्न चालू केला त्यामध्ये 23 9 2024 रोजी त्यांनी ग्राम महसूल अधिकारी तलाठी ही परीक्षा उत्तीर्ण होऊन तरडगाव तालुका फलटण जिल्हा सातारा येथे काम करत होते परंतु मनामध्ये पुढे अजून काहीतरी मोठा अधिकारी होण्याची इच्छा होती त्यामुळे त्यांनी अभ्यास चालू ठेवला आणि अखेर 2025 मध्ये पीएसआय परीक्षा उत्तीर्ण होऊन PSI पदी निवड. पत्रकार प्रमोद शिंदे यांच्या कुटुंबीयांकडून त्यांचा सत्कार करण्यात तसेच पिरळे गावातील ग्रामस्थ आणि पंचक्रोशीतील ग्रामस्थ यांच्याकडून गणेशचे कौतुक आणि अभिनंदन होत आहे.

पुरोगामी महाराष्ट्र न्युज नेटवर्क
संदेश भालेराव
…..य.स.दा सामाजिक संस्था महाराष्ट्र राज्य ,ग्रामस्थ मंडळ टोकावडे, भरत दळवी युवा विकास मंच मुरबाड विधानसभा यांच्या माध्यमातून काल मुरबाड तालुक्यातील टोकावडे गावात जी प्लस हार्ड हॉस्पिटल यांच्या सहकार्याने मोफत आरोग्य तपासणी शिबिराचे वन विभाग कार्यालय येथे आयोजन करण्यात आले होते. या शिबिरात बीपी, डायबीटीस, इसीजी तपासणी, डोळे तपासणी, हाडांची तपासणी तसेच यावेळी रक्तदान शिबिराच्या कार्यक्रमाचे सुद्धा आयोजन करण्यात आले होते .या शिबिरासाठी यसदा संस्थेचे अध्यक्ष डॉक्टर केवल ऊके तसेच यसदा संस्थेचे सचिव शशिकांत खंडागळे , भरत दळवी युवा विकास मंच मुरबाड विधानसभा अध्यक्ष भरत दळवी सर, तसेच एन.डी.एम.जे.महाराष्ट्र राज्य सचिव वैभवजी गिते
टोकावडे येथील श्रमजीवी संघटनेचे युवा कार्यकर्ते दिनेश नंदकर, तसेच एन.डी.एम.जे.संस्थेचे मुंबई ठाणे विभाग अध्यक्ष बंदीश सोनवणे , सिव्हिल इंजिनियर सतेश तायडे , पुरोगामी महाराष्ट्र न्यूज चैनल चे पत्रकार संदेश भालेराव आदी उपस्थित होते. सामाजिक महिला कार्यकर्त्या गौरी गीते व एन.डी.एम.जे. कल्याण डोंबिवली सचिव संदिप घुसळे सर उपस्थित होते .यावेळी ग्रामस्थ मंडळ टोकवडे यांच्या वतीने यसदा संस्थेच्या पदाधिकाऱ्यांचे स्वागत करण्यात आले. तसेच जी प्लस हॉस्पिटलचे वैद्यकीय अधिकारी आणि कर्मचारी यांचेही स्वागत करण्यात आले. अनेकांनी या मोफत आरोग्य तपासणी शिबिराचा लाभ घेतला. यावेळी डोळे तपासणीचे सुद्धा आयोजन करण्यात आले होते. लाईफ लाईन ब्लड बँक बापगाव यांच्या माध्यमातून अनेक रक्तदात्यांनी यावेळी रक्तदान केले .पुढच्या आठवड्यात २२ जून २०२४ रोजी चासोळे येथे या शिबिराचे आयोजन करण्यात आले आहे. यावेळी एन.डी.एम.जे.महाराष्ट्र महासचिव मा.अ‍ॅड.डाॅ.केवलजी उके यांनी संपूर्ण मुरबाड ,कल्याण ,बदलापूर, अंबरनाथ या ग्रामीण भागात यशदा संस्थेच्या माध्यमातून या आरोग्य शिबिरांचे आयोजन करण्यात येत आहे, त्याचा फायदा ग्रामीण भागातील लोकांना होणार आहे असे सांगितले. भरत दळवी यांनी यावेळी सांगितले की मुरबाड, कल्याण ,बदलापूर ,अंबरनाथ या ग्रामीण भागामध्ये यशदा संस्थेच्या माध्यमातून आरोग्य आपल्या दारी ,दवाखाना आपल्या दारी या उपक्रमावर भर दिला जाणार आहे. आरोग्य आपल्या दारी ही मोहीम यशस्वी होणार आहे .यावेळी यावेळी हेही उपस्थित होते. या शिबिराला डॉक्टर योगेश राठोड आणि डॉक्टर योगेश गायकवाड यांचे मोलाचे सहकार्य लाभले. हे शिबिर यशस्वी करण्यासाठी चेतन मानधने ,जगदीश शिवदे, अशोक ठाकरे, अभय नंदकर, किशोर साबळे , हरीचंद्र पवार, सुशील चकवा तसेच टोकावडे गावातील सर्व युवा कार्यकर्ते यांचे मोलाचे सहकार्य लाभले.

पुरोगामी महाराष्ट्र न्यूज नेटवर्क

दहावीची परीक्षा दिली की अनेक विद्यार्थी आपापल्या करिअरच्या शोधात सोयीनुसार आपल्या जुन्या सवंगड्यांना सोडून गगन भरारी घेण्यासाठी नव्या दिशा शोधण्यासाठी बाहेर पडतात. त्यानंतर उच्च शिक्षण, नोकरी,व्यवसाय, नंतर कुटुंबाची जबाबदारी त्याचबरोबर सामाजिक कार्यात सामील होता होता कसे भरभर दिवस निघून जातात कळतच नाही. त्यात अनेक वर्षांनी जुन्या मित्रांची कुठेतरी भेट होते. आणि ठरतं सर्वांनी पुन्हा एकदा एकत्र यायचं असेच दहिगाव हायस्कूल दहिगाव चे 1997 इयत्ता दहावी चे सर्व  माजी विद्यार्थी-विद्यार्थिनी स्नेह मेळावा व शिक्षकांचा कृतज्ञता मिळावा चैतन्य कार्यालय शिंदेवाडी येथे आयोजित करण्यात आला होता.हा मेळावा मोठ्या उत्साहात संपन्न झाला. या मेळाव्यात माजी शिक्षक श्री चंद्रकांत दीक्षित सर, क्षीरसागर सर, नामदेव राऊत सर, निर्मळ सर , मुकुंद मोरे सर ,श्रीमती ढोबळे मॅडम, अंकुश राऊत सर, ढोबळे सर, पानसरे सर तसेच बनकर मामा, सुळके मामा यांना  फेटा,  शाल ,सन्मान चिन्ह आठवणीचे आंब्याचे रोप आणि पुष्पगुच्छ गुरूंचा सन्मान करण्यात आले.यावेळी जुन्या मित्र-मैत्रिणींच्या खूप सार्‍या गप्पा झाल्या.तो / ती सध्या काय करते? मुलं काय करतात? माझं बरं चाललंय,तुझं कसं आहे? अशा अनेक गोष्टी झाल्या जुन्या आठवणींना उजाळा दिला.या स्नेह मेळाव्यास ५५ विद्यार्थी उपस्थित होते.तसेच दत्ता कदम ,गीतांजली दीक्षित , दादा किर्दक यांनी मनोगत व्यक्त केले.किसन ढोबळे सर , क्षिरसागर सर व दीक्षित सर यांनी मार्गदर्शन केले. उमेश खिलारे यांनी दोस्ती वर गीते गायली.या कार्यक्रमासाठी शहाजान शेख ,नितीन पाटील ,संतोष फुले, वैशाली सोरटे यांनी विशेष परिश्रम घेतले . कार्यक्रमाचे सूत्रसंचालन जि प शिक्षिका दिलशाद काझी यांनी केले.आभार प्रदर्शन भिमराव नरळे सर यांनी केले .

संदेश भालेराव मुंबई पुरोगामी महाराष्ट्र न्युज नेटवर्क

महामानव भारतरत्न डॉ. बाबासाहेब आंबेडकर, क्रांतीसुर्य ज्योतिबा फूले आणि छत्रपती शिवाजी महाराज या महापुरुषांचा संयुक्त जयंती उत्सव

भारतीय स्वातंत्र्याच्या पर्वावर डॉ. बाबासाहेब आंबेडकर यांनी तयार केलेली राज्यघटना भारत देशाने स्वीकारली. त्यामुळेच आज अठरापकड जाती, धर्माचे १४० कोटी लोक एकत्र नांदत आहेत व आपला देश एक संघ आहे. विविध प्रांत, चालिरीती, भाषा, प्रथा, परंपरा सांभाळून आपण एक आहोत. जर का, राज्यघटनेत छेडछाड केली, तर आपले राष्ट्र कोलमडेल असे परखड मत प्रख्यात विचारवंत प्रा. डॉ. रावसाहेब कसबे यांनी मंत्रालयात झालेल्या डॅा. बाबासाहेब आंबेडकर, महात्मा फुले व छत्रपती शिवाजी महाराज यांच्या संयुक्त जयंती उत्सवानिमित्त संयुक्त जयंती उत्सव समिती २०२४ द्वारे आयोजित केलेल्या कार्यक्रमात मांडले.
अनुसूचित जाती / जमाती / भज-विजा / इमाव / विमाप्र शासकीय / निमशासकीय अधिकारी / कर्मचारी संघटना, महाराष्ट्र राज्य, मंत्रालय, मुंबई च्या विद्यामाने महामानव भारतरत्न डॉ. बाबासाहेब आंबेडकर यांच्या १३३ व्या जयंतीचे औचित्य साधून संयुक्त जयंती उत्सव समिती २०२४ च्या वतीने मा. श्री. सिद्धार्थ खरात सहसचिव, गृह विभाग मंत्रालय, मुंबई यांच्या अध्यक्षतेखाली शुक्रवार दि.२६ एप्रिल, २०२४ रोजी मंत्रालय, मुंबई येथे बोधिसत्व डॉ. बाबासाहेब आंबेडकर, क्रांती सुर्य ज्योतिबा फूले आणि छत्रपती शिवाजी महाराज या महापुरुषांचा संयुक्त जयंतीचा कार्यक्रम मोठ्या उत्साहात पार पडला.
या प्रसंगी मा. डॉ. श्री नितीन करीर, मुख्य सचिव महाराष्ट्र राज्य व मा. श्रो. दिनेश वाघमारे प्रधान सचिव वैद्यकीय शिक्षण उपस्थित होते. बाबासाहेब व महात्मा गांधी यांचे वैचारीक मतभेद होते. बाबासाहेबांची स्वतंत्र मतदार संघाची मागणी मंजूर झाली. गोलमेज परिषदेत भारतासाठी जो कायदा तयार करण्यात येत होता त्या कायद्याच्या स्ट्रक्चरल कमीटीचे डॉ. बाबासाहेब अध्यक्ष होते. सन १९३५ मध्ये हा कायदा भारतात अंमलात आला. बाबासाहेबांच्या कायदेविषयक ज्ञानाची माहीती महात्मा गांधी यांना होती. भारताला स्वातंत्र्याच्या पार्श्वभूमीवर राज्यघटना निर्मितीचे काम सुरू होते. महात्मा गांधी यांच्यासमोर बाबासाहेबांचे नाव होते. भारतीय संविधान निर्मितीमध्ये बाबासाहेबांचा सहभाग असायला हवा याबद्दल त्या काळात ब्रिटीश विदुषी म्युरियल लेस्टर यांनी बाबासाहेब व महात्मा गांधी यांच्या दरम्यान मध्यस्थीची भूमीका पार पाडल्याचे सांगून त्या वेळी पंडीत जवाहरलाल नेहरू, डॉ. राजेंद्र प्रसाद, सरदार वल्लभभाई पटेल यांच्यात घडलेल्या नाट्यमय घडामोडींचे वर्णन प्रा. डॉ. रावसाहेब कसबे यांनी केले. शेवटी संविधानातील समता, बंधुता व भातृभावाचे तत्व समजून घेऊन सामाजिक जबाबदारीची भूमीका मंत्रालय व शासनातील अधिकारी, कर्मचारी यांनी पार पाडावी असे आवाहन त्यांनी केले.
या प्रसंगी बोलतांना महाराष्ट्र राज्याचे मुख्य सचिव मा. डॉ. नितीन करीर यांनी डॅा. बाबासाहेब आंबेडकर यांची विद्वत्ता, महात्मा फुले यांचा दलित, अस्पृश्य व शेतक-यांसाठीचा संघर्ष तर छत्रपती शिवाजी महाराज यांचे शौर्य हे गुण घेण्याची आवश्यकता आहे असे सांगितले.. संविधानामुळेच आपण सर्वजण जीवनाच्या सर्व क्षेत्रात प्रगती करू शकलो असे सांगून महापुरूषांच्या विचारावर मार्गक्रमण करण्याची आवश्यकता आहे असे प्रतिपादन केले. तसेच प्रधान सचिव मा. श्री. दिनेश वाघमारे यांनी बाबासाहेबांनी केलेल्या खडतर विद्यार्थी जीवनाची माहिती सांगितली. विपरीत परिस्थितीतही उच्च शिक्षणाच्या पदव्या मिळविण्यात बाबासाहेब यशस्वी झाले. त्यांचे शिका, संघटित व्हा व संघर्ष करा या मंत्राने अस्पृश्यांचे जीवन बदलले. गुणवत्ता हा बाबासाहेबांचा मुख्य गुण असून मंत्रालयातील अधिकाऱ्यांनी तो अंगीकारावा असे प्रतिपादन त्यांनी केले. संयुक्त जयंती उत्सव समितीचे अध्यक्ष व सहसचिव सिद्धार्थ खरात यांनी बाबासाहेब आंबेडकर हे शिक्षण, उच्च शिक्षण, गुणवत्ता, चारित्र्य, स्वाभिमान व राष्ट्राभिमान ही गुणवैशिष्ट्ये आहेत असे सांगून ते सिम्बॅाल ॲाफ नॅालेज आहेत असे सांगितले. तसेच महात्मा फुले हे समता व समानतेबाबत लेव्हल फिल्डींगचा आग्रह धरणारे होते. तर ध्येय , निती, शौर्य आणि रयतेचा विचार छत्रपती यांनी मांडलेला असून महाराष्ट्र ही संतांची व महापुरुषांची भूमी आहे, मंत्रालय, पॅावर हाऊस मधून त्यांचे विचार आणि वारसा आपण चालवला पाहिजे असे विचार व्यक्त केले आणि संघटनेच्या कार्याचा गौरव केला.
अनुसूचित जाती / जमाती / भज-विजा / इमाव / विमाप्र शासकीय / निमशासकीय अधिकारी / कर्मचारी संघटना, महाराष्ट्र राज्य, मंत्रालय, मुंबई चे अध्यक्ष भारत वानखेडे, यांनी राज्यभर कार्यरत असलेल्या संघटनेच्या कार्याची माहीती देऊन दरवर्षी घेण्यात येत असलेल्या संयुक्त जयंती कार्यक्रमाबद्दल सविस्तर माहीती दिली. डॅा. बाबासाहेब आंबेडकर महापरिनिर्वाण दिनानिमित्त शासकीय सुट्टी देण्याबद्दल महाराष्ट्र शासनाकडे केलेल्या प्रयत्नांची व त्यानंतर मिळालेल्या यशाची माहीती सांगितली. तसेच गृह विभागाच्या अप्पर मुख्य सचिव मा. सुजाता सौनिक मॅडम यांनी केलेल्या सहकार्याबद्दल आभार व्यक्त करून त्यांनी दिलेल्या सुचनेनुसार पुस्तके प्रदर्शन व विक्रीसाठी ठेवल्याची व पुस्तक विक्रीला प्रचंड प्रतिसादा मिळालेल्याबद्दल ची माहीती दिली…
कार्यक्रमाचे प्रास्ताविक श्रीमती .शिल्पा नातू यांनी केले, पाहुण्यांचा परिचय श्री. संतोष साखरे यांनी तर उपस्थितांचे आभार प्रदर्शन करताना श्री. सी. आर. निखारे यांनी महापुरुषांचा विचाराचा प्रचार व प्रसारही करण्याचे कार्य संघटनेच्या अशा प्रकारच्या कार्यक्रमातून करीत असल्याचे सांगितले आहे. या कार्यक्रमाला संघटनेचे पदाधिकारी सुभाष गवई, अंबादास चंदनशिवे, भास्कर बनसोडे, सुबोध भारत, विजय नांदेकर, सी.आर. निखारे, एन. डी. पाटील, सविता शिंदे,, प्रिया रामटेककर, डी.के.खाडे, , श्रीम. चि. नि. सूर्यवंशी, अशोक आत्राम, राजेंद्र सवणे, अजित तायडे, रामदास शेळके, सुनील सरदार, गोपीनाथ कांबळे, नितीन सुर्वे, मनोहर बंदपट्टे, सविता साळुंखे, विकास थोरात, राजेश साळुंके, , प्रशांत सदांशिवे, देविदास भगुरे, रवींद्र पेटकर, सुनील सामंत, पूजा भोसले, विलास थोरात,सपना चव्हाण, राजेंद्र खरात, रविंद्र पवार, दयानंद कांबळे, रसिक खडसे, , मनोज कांबळे, , अरुण कसबे, ,संजय जाधव, विशाल घाडगे, विशाल जोंधळे, विलास थोरात, , विलास धायजे, विकास कांबळे, रविंद्र बोर्डे, संजय कुऱ्हे, बिकेन ठाकूर, विजय अंभोरे, तुषार पैठणकर, , , दीपक बैले मुरलीधर आढाव, , गजानन सारुकते, नरेंद्र शेजवळ, अश्विनी मेंढे, सुनील जाधव, योगेश वासनिक, विजय भोसले, प्रभू कदम, सुनील खाडे, मनीषा जमदाडे,महेश वालदे, प्रदीप खडसे, , , संध्या सोनवणे, श्रीराम गवई, मारुती फड, रोहित गमरे, भारती कोरगावकर, नितीन साखरे, अभिजीत कांबळे, , मिलिंद कांबळे, संदीप कांबळे, मनोज जोगदंड, विजय भोसले, मदन सोंडे, राजेंद्र बच्छाव, , सुरेंद्र सोनकांबळे, सुशील कांबळे विनायक कांबळे, कैलास मुंगरे, प्रकाश जाधव, , अमोल जल्हारे, कैलास शेलार, अशोक जाधव, रत्नप्रभा बेले, संभाजी जाधव, प्रविण पवार, संतोष साखरे, सुगंधा पवार, निलिमा मेश्राम, ज्ञानेश्वर पाटमासे, , डी. के. खाडे, किरण गावतुरे, दिलीप देशमुख, रवींद्र मिठबावकर, इत्यादी पदाधिकारी तसेच इतरही मंत्रालयीन अधिकारी / कर्मचारी मोठ्या संख्येने उपस्थित होते.

पुगामी महाराष्ट्र न्यूज नेटवर्क -प्रमोद शिंदे
नातेपुते आणि परिसरात वारंवार मोटर सायकल चोरी करणारा व मंगळसूत्र चोरणाऱ्या संशयत चोरास नातेपुते पोलिसांनी बेड्या ठोकल्या आहेत. याबाबत पोलिसांनी दिलेल्या माहितीनुसार हकीकत अशी की,
नातेपुते पोलीस ठाणे येथे दि, 25 /03/2024 रोजी फिर्यादी नामे. अभिनंदन अरविंद जोशी रा. नातेपुते यांनी नातेपुते पोलीस ठाणे येथे तक्रार दिली की त्यांची मोटरसायकल MH 45 B 1117 हिरो होंडा कंपनीची सीडी डाऊन 25,000/ रुपये किमतीची अक्षय शिक्षण संस्था नातेपुते येथे गेट समोर लावलेली असता दि. 18/03/2024 रोजी अज्ञात चोरट्याने चोरून नेले बाबत पोलीस ठाणे येथे गुन्हा क्रमांक 99/2024 IPC 379 अन्वये गुन्हा दाखल करण्यात आला होता तपास पोलीस हवालदार धोत्रे हे करत होते तसेच 13/03/2024 रोजी फिर्यादी नामे – सौ कमल बाळासाहेब घनवट रा. नातेपुते ह्या नातेपुते ते शिखर शिंगणापूर येथे जाण्यासाठी एसटी स्टँड नातेपुते येथून प्रवासाठी बस मध्ये चढत असताना त्यांचे गळ्यातील 10,000/ रुपये किमतीचे दोन डोरले असलेले मुळे मंगळसूत्र कुणीतरी आज्ञा चोरट्याने चोरून नेले बाबत नातेपुते पोलीस ठाणे गुन्हा रजिस्टर क्रमांक 73/2024 IPC 379 अन्वये आज्ञात चोरट्या विरुद्ध गुन्हा दाखल करण्यात आलेला होता त्याचा तपास पोलीस हवालदार /718 भगत हे करत होते तसेच यापूर्वी दहिगाव चौक नातेपुते येथून 10,000/ रू किमतीची मोटरसायकल चोरी झाले बाबत तक्रारदार नामे – दशरथ सिद्धू शिंदे रा. दहिगाव यांची तक्रारीवरून नातेपुते पोलीस ठाणे गुन्हा रजिस्टर क्रमांक 97/2024 IPC 379 अन्वये गुन्हा दाखल करण्यात आलेला होता. वारंवारं होणाऱ्या मोटरसायकल चोरी बाबत , सोलापूर ग्रामीण पोलीस अधीक्षक शिरिश सरदेशपांडे, अप्पर पोलीस अधीक्षक प्रीतम यावलकर ,उपविभागीय पोलिस अधिकारी अकलूज विभाग नारायण शिरगावकर यांचे सूचना व मार्गदर्शनाखाली
नातेपुते पोलीस ठाणे प्रभारी अधिकारी महारुद्र परजणे, पोलीस उपनिरीक्षक विक्रांत दिघे, पोलीस हवालदार धोत्रे, अमित भगत, अमोल वाघमोडे, नितीन तळेकर,पोलीस कॉन्स्टेबल, रणजीत मदने, सोमनाथ मोहिते यांनी वरिष्ठांच्या प्राप्त सूचना मार्गदर्शन व सीसीटीव्ही फुटेज तांत्रिक व विश्लेषण करून 2 आरोपी यांचेकडून 3 गुन्हे उघड झाले असून त्यामधील दोन मोटरसायकल व दोन डोरले असलेले मनी मंगळसूत्र असे एकूण किंमत 45,000/ रुपये किमतीचा चोरीतील मुद्देमाल आरोपी उमेश पोपट लोंढे राहणार बरड ता.फलटण जिल्हा सातारा यास अटक करून त्याच्याकडून हस्तगत केलेला आहे. आरोपी सध्या पोलीस कस्टडी रीमांड मध्ये असुन गुन्ह्याचा तपास चालू आहे.
नातेपुते पोलीस ठाणे हद्दीत मालमत्तेविषयी गुन्हे घडू नये यासाठी पोलिस पेट्रोलिंग मध्ये वाढ करण्यात आलेले आहे…
त्यामुळे नातेपुते पोलीस ठाणे हद्दीतील नागरिकांन कडून पोलिसांचे अभिनंदन केले जात आहे.

पुरोगामी महाराष्ट्र न्यूज नेटवर्क प्रमोद शिंदे–
जि प शाळा पिरळे येथील शिक्षक यांनी शाळेच्या परिसरात अनोखा उपक्रम राबवला आहे.
शाळेच्या परिसरात परिस बागेसाठी पुरेशी जागा असल्याने त्याचा पुरेपूर उपयोग कसा केला पाहिजे याचे उदाहरण जिल्हा परिषद प्राथमिक शाळा पिरळे येथील मुख्याध्यापक शंकर शिंगाडे सर व सर्व शिक्षक यांनी एक आदर्श संपूर्ण महाराष्ट्र समोर ठेवले आहे. शाळेमध्ये मध्यान भोजन योजना सुरू आहे. या यासाठी विद्यार्थ्यांच्या मध्य अन्नासाठी दररोज बाहेरून पालेभाज्या आणाव्या लागतात. ह्या पालेभाज्या आणण्यासाठी शाळेतील शिक्षकांचा बराचसा वेळ व पैसे खर्च होतात. तसेच तो भाजीपाला ऑरगॅनिक पद्धतीचा व विषमुक्त मिळत नाही. बाजारामध्ये रासायनिक पद्धतीने पिकवलेला भाजीपाला खरेदी करावा लागतो. यावर मुख्याध्यापक व काही शिक्षकांना एक भन्नाट संकल्पना सुचली ती म्हणजे शाळेच्या परिसरात ऑरगॅनिक पद्धतीचा भाजीपाल्याचा मळा तयार करण्याची.मुख्याध्यापक शंकर शिंगाडे, यांच्या मार्गदर्शनाखाली. संजय ढवळे सर, हनुमंत फुले, जब्बर मुलाणी सर, अमोल खरात सर, सचिन निगडे सर, शिक्षिका, शेंडगे मॅडम, मुलाणी मॅडम, व नामदेव मॅडम यांनी विद्यार्थ्यांच्या मदतीने परिश्रम घेत.शाळेच्या परिस बागेत अक्षरशा भाजीपाल्याचा मळा फुलवला.यामध्ये प्रामुख्याने शेवगा ,वांगी , टोमॅटो, दुधी भोपळा , घोसावळे , फ्लॉवर , मिरची ,कोबी, कढीपत्ता ,कोथिंबीर,मेथी , पालक , घेवडा , दोडका ,अशा ऑरगॅनिक विषमुक्त पाल्या भाज्यांचा समावेश आहे. या उपक्रमाने महाराष्ट्र भरात शिक्षक व विद्यार्थ्यांचे कौतुक होत आहे