पिरळे येथील महालक्ष्मी यात्रा कमिटी अध्यक्षपदी दादासाहेब शिंदे
पिरळे येथील महालक्ष्मी यात्रा कमिटी अध्यक्षपदी दादासाहेब शिंदे
पुरोगामी महाराष्ट्र न्यूज नेटवर्क नातेपुते( प्रतिनिधी)-पिरळे तालुका माळशिरस येथील महालक्ष्मी यात्रा कमिटी अध्यक्षपदी दादासाहेब शिंदे सर यांचे एकमताने निवड करण्यात आली आहे. सालाबाद व परंपरेनुसार याहीवर्षी पिरळे येथे महालक्ष्मी यात्रा मोठ्या प्रमाणात आयोजित करण्यात आली आहे. कोरोना प्रादुर्भावामुळे सलग दोन वर्ष महालक्ष्मी यात्रा भरवता आली नाही.शासनाचे निर्बंध असल्यामुळे यात्रेला परवानगी मिळाली नसल्यास दोन वर्ष यात्रा रद्द करण्यात आली होती. परंतु 1 एप्रिल पासून शासनाने सर्व निर्बंध वाढल्याने यंदा श्री महालक्ष्मी यात्रा मोठ्या उत्साहात संपन्न होणार आहे.
या अनुषंगाने काल मारुती मंदिर येथे ग्रामस्थांच्यावतीने बैठक घेण्यात आली.बैठकीत दादासाहेब शिंदे यांची यात्रा कमिटी अध्यक्ष पदी निवड करण्यात आली. या बैठकीस सरपंच संदीप शेठ नरोळे, माजी उपसरपंच दशरथ जाधव, माजी सरपंच महादेव शिंदे,संभाजी साळवे, ग्रामपंचायत सदस्य शिवाजी लवटे,संदीप वाघ सर, गणेश दडस,पांडुरंग साळवे,महादेव होळकर ,दत्तात्रेय लवटे, दीपक शिंदे सर,संतोष पाटणे,दादा ठावरे आदि मान्यवरांसह ग्रामस्थ मोठ्या संख्येने उपस्थित होते.यंदाच्या यात्रेमध्ये लोककला जपणारा पारंपरिक कार्यक्रमास प्राधान्य देण्यात येणार आहे तसेच विविध कार्यक्रमाचे आयोजन करण्यात येणार आहे.
