नीरा नदीत वाहून जाणाऱ्या पिरळे येथील विद्यार्थ्याला भोरकर वाडीच्या युवकांनी वाचवले
पुरोगामी महाराष्ट्र न्यूज नेटवर्क प्रमोद शिंदे नातेपुते (प्रतिनिधी) पिरळे येथील वर्धमान विद्यालय वालचंद नगर येथे इयत्ता बारावी सायन्स मध्ये शिकणारा ओंकार दुर्योधन हाके या विद्यार्थ्याला भोरकरवाडी येथील युवकांनी वाचवलेयासंदर्भात हकीकत अशी की पिरळे येथील दुर्योधन हाके यांचे चिरंजीव ओंकार दुर्योधन हाके व मुलगी गौरी हाके हे वर्धमान विद्यालय वालचंदनगर येथे शिकण्यासाठी आहेत. इयत्ता बारावीची परीक्षा असल्याने पिरळे गावामधून वालचंदनगर या ठिकाणी शाळेसाठी जाण्यास एस.टी किंवा इतर वाहन नाही त्यामुळे सकाळी लवकर दोघेही मोटरसायकलवर शाळेत पेपर असल्याने गेले होते.पेपर सुटल्यानंतर परत येताना नीरा नदी पुलावर अचानक पाणी वाढू लागले होते.पाणी पुलाच्या वर थोडे असल्याने बहिण गौरी ही गाडीवरून खाली उतरली व ओंकार हाके हा विद्यार्थी घरी जाण्यासाठी गाडी घेऊन पुलावरून निघाला असता अचानक पाण्याचा वेळ वेग वाढल्याने गाडीसह तो निरा नदीत दोन किमी अंतर रावर वाहून गेला.ओंकारला पोहायला येत असल्याने इथे उपस्थित असणाऱ्या लोकांनी त्याला बाहेर येण्यासाठी मार्गदर्शन केले व भोरकरवाडी ता इंदापूर येथील बिरजू वाघमोडे व अक्षय जाधव तसेच दुर्गामाता मंडळातील त्यांच्या साथीदाराने स्वतःचा जीव धोक्यात घालून दोरीच्या साह्याने ओंकार हाके या विद्यार्थ्यांचा जीव वाचवला आहे.बिरजू वाघमोडे आणि अक्षय जाधव यांच्या धाडसाचे कौतुक सर्वत्र होत आहे.तसेच पिरळे येथील पालकांकडून शाळेतील विद्यार्थ्यांना जीव धोक्यात घालून शाळेत जावे लागते कळंबोली येथील नीरानदी पूल व कुरबावी नदी पूलावर चांगल्या पद्धतीचे संरक्षक खांब बॅरॅकेट बसवावेत व नातेपुते-पिरळे-वालचंदनगर ,-वालचंदनगर-पिरळे-नातेपुते तसेच बांगार्डे पिरळे नातेपुते एस.टी बस पिरळे मार्गे सुरू कराव्यात यावी अशी मागणी करण्यात येत आहे. एस.टी बस सेवा लवकर सुरू नकेल्यास एन.डी.एम.जे विद्यार्थी संघटना विद्यार्थ्यां पालकासह तीव्र रस्ता रोको आंदोलन करणार असा इशारा प्रसिद्धीप्रमुख प्रमोद शिंदे यांनी दिला आहे.
