तुळजाराम चतुरचंद महाविद्यालयाच्या विद्यार्थ्यांकडून मतदार जनजागृती
पुरोगामी महाराष्ट्र न्यूज नेटवर्क
बारामती विधानसभा मतदारसंघाच्या निवडणुकीत मतदानाचा टक्क्यात वाढ होण्याकरीता तुळजाराम चतुरचंद महाविद्यालयातील राष्ट्रीय सेवा योजनेच्या विद्यार्थ्यांनी शहरातील बारामती बसस्थानक, बारामती नगरपरिषद तसेच विविध ठिकाणी मतदार जागृतीबाबत पथनाट्याचे सादरीकरण केले.
यावेळी ‘पद्धतशीर मतदार शिक्षण आणि निवडणूक मतदान सहभाग’ अर्थात ‘स्वीप’च्या समन्वयक सविता खारतोडे, राष्ट्रीय सेवा योजनेचे प्रमुख डॉ. विलास कर्डीले यांच्यासह कु. सोहम वाघ, चंद्रहास धुमाळ, सिद्धार्थ काळे, साक्षी फाळके, गायत्री केद्रे, शर्वरी बाचल, प्रतिभा बोराटे आदी उपस्थित होते.
बारामती विधानसभा मतदारसंघात निवडणुकीत मतदानाचा टक्क्यात वाढ होण्याकरीता मतदार जागृती कार्यक्रमाचे आयोजन करण्यात येत आहे. त्याअंतर्गत प्राचार्य डॉ. अविनाश जगताप यांच्या मार्गदर्शनाखाली बारामती बसस्थानक येथे आयोजित मतदार जागृती कार्यक्रमात ‘मतदार राजा जागा हो… लोकशाहीचा धागा हो…. आदी घोषणा देण्यात आल्या. यावेळी प्रवाशी व एसटी कर्मचाऱ्यांचा कार्यक्रमास उत्स्फूर्त प्रतिसाद लाभला. विधानसभा निवडणुकीत सहभागी होत येत्या 20 नोव्हेंबर रोजी सर्व मतदारांनी मतदान करावे, असे त्यांनी आवाहन करण्यात आले.
