उसन्या पैशाच्या कारणावरून एकास पेट्रोल टाकून जाळण्याची धमकी, चौघाविरोधात गुन्हा दाखल
– मंगळवेढा तालुक्यातील आंधळगाव येथील यास उबंरउद्दीन बाबासाहेब नदाफ (वय ४० वर्षे व्यवसाय ड्रायव्हर) यास चंद्रकांत भगवान शिंदे, बिरु ज्ञानोबा शिंदे, अरुण आंबादास अवताडे, सुनिता शिवशरण सर्व रा. आंधळगाव यांनी उसने घेतलेले पैसेपरत देऊनही आणखी पैसे दे, पैसे दिले नाहीत तर तुला पेट्रोल टाकुन जाळतो असे म्हणून जिवे मारण्याची फोन वरून धमकी दिल्याप्रकरणी वरील चौघाविरोधात अदखलपात्र गुन्हा दाखल झाला आहे.यातील फिर्यादी उबंरउद्दीनबाबासाहेब नदाफ यांनी वरील चार आरोपी यांचेकडुन उसने पैसे घेतले होते. ते फिर्यादी यांनी आरोपी यांना पैसे परत दिलेले असुन यातील आरोपी यांनी फिर्यादीस वारंवार त्यांचे मोबाईल वरून १६सप्टेंबर रोजी सकाळी १०वाफोन करून व तसेच फिर्यादीचे घरी येवुन आणखीण पैशाची मागणी करून तु जर आम्हाला पैसे दिले नाहीत तर तुला पेट्रोल टाकुन जाळतो असे म्हणून जिवे मारण्याची धमकी दिली आहे. व खोटी अँट्रासीटीचा गुन्हा दाखल करून तुम्हाला आडकावतो असे म्हणाल्याचे फिर्यादीत म्हटले आहे. याप्रकरणी पोलिसांनी अदखलपात्र गुन्हा दाखल केला आहे
