प्रमोद शिंदे

पुरोगामी महाराष्ट्र न्यूज नेटवर्क-

लोकसभा निवडणुकीत मी कोणाचेही उमेदवार पाडले नाहीत. मराठ्यांनी पाडले, मी गरीब माणूस आहे. हे मात्र खरे आहे. गरीबांत किती ताकत आहे, हे देशाने आणि महाराष्ट्राने बघितले. आता विधानसभा निवडणुकीसाठी पाडापाडीचा निर्णय एक-दोन दिवसांत होईल. त्यासाठी एक ते दोन दिवस पुरेसे आहेत, असे मराठा आंदोलक मनोज जरांगे पाटील यांनी आज (दि. ७) येथे सांगितले. ते अंतरवाली सराटी येथे पत्रकारांशी बोलत होते.मी सामाजिक कामासाठी बाहेर आहे. हा लढा सुरू ठेवायचा आहे आणि जिंकायचा आहे. मला हे बघायचे होते,उमेदवार दिले होते, आजही लोक तितकेच आहेत. लोकांमध्ये काही फरक पडलेला नाही, ते म्हणतात तुम्ही म्हणाल तसं. तुम्ही म्हणाले, पाडा तर पाडा. उमेदवार ज्यांना माघार घ्यायला लावली. त्यांचे पण काही म्हणणे नाही. काहींना समाजाच्या जीवावर काही व्हायचे आहे, समाजाला काही द्यायचे काम नाही, आणि ते समाजासाठी आम च्यासोबत नव्हते. पण मला आणि माझ्या समाजाला एकीचा फायदा समाजासाठी करायचा आहे, अगोदर मराठा समाजाने आपल्या लोकांना मतदान करण्यासाठी बाहेर काढायचे, असेही जरांगे म्हणाले. आमच्या नादी लागू नका, आम्ही तुमचे काही विरोधक नाहीत, असा सिग्नल देण्यात आला.

 महाराष्ट्रात विधानसभा निवडणूक काही १४ दिवसांवर येऊन ठेपली आहे. २० नोव्हेंबर रोजी महाराष्ट्रातील सर्व २८८ जागांसाठी मतदान होणार आहे. याआधीही १५ ऑक्टोबरपासून आदर्श आचारसंहिता लागू झाली असली तरी त्याचे पालन होताना दिसत नाहीये.मुख्य निवडणूक अधिकारी कार्यालयाकडून दिलेल्या माहितीनुसार, याआधी १५ ते २५ ऑक्टोबर या कालावधीत राज्यभरातून सी-व्हिजिल अॅपवर एकूण १२५९ तक्रारी प्राप्त झाल्या होत्या. त्यापैकी १२५० तक्रारींचे निवडणूक आयोगाने तत्काळ निराकरण केले. अशातच आता राज्यात निवडणूक जाहीर झाल्यापासून २८० कोटी रुपयांची मालमत्ता जप्त करण्यात आली आहे.महाराष्ट्र आणि झारखंड विधानसभा निवडणुकीबाबत निवडणूक आयोगाने अत्यंत कडक पावले उचलली आहेत. मुख्य निवडणूक आयुक्त राजीव कुमार यांनी महाराष्ट्र पोलीस महासंचालकांना राजकीय गुन्ह्यांवर कठोर कारवाई करण्याचे आदेश दिले होते. मुख्य निवडणूक आयुक्तांनी झारखंड, महाराष्ट्र आणि त्यांच्या सीमावर्ती राज्यांचे मुख्य सचिव, पोलीस आयुक्त आणि इतर अधिकाऱ्यांची बैठक घेतली होती. यामध्ये निवडणुकीदरम्यानच्या कायदा आणि सुव्यवस्थेबाबत चर्चा करण्यात आली. त्यानंतर आता आचारसंहिता लागू झाल्यापासून आतापर्यंत २८० कोटी रुपयांची मालमत्ता जप्त करण्यात आले आहेत. तर झारखंडमधून १५८ कोटींची मालमत्ता जप्त करण्यात आली आहे.महाराष्ट्र, झारखंड आणि पोटनिवडणुकीत चालू असलेल्यानिवडणुकांमध्ये कोणतेही प्रलोभन रोखण्यासाठी निवडणूकआयोगाच्या अंतर्गत यंत्रणांनी ५५८ कोटी रुपयांची रोकड, मोफत वस्तू, दारू, ड्रग्ज आणि मौल्यवान धातू जप्त केले आहेत. निवडणुका जाहीर झाल्यापासून एकट्या महाराष्ट्र राज्यातील कारवाईमध्ये सुमारे २८० कोटी आणि झारखंडमधून आतापर्यंत १५८ कोटी रुपयांची मालमत्ता जप्त करण्यात आले आहेत.दरम्यान, २०१९ मधील विधानसभा निवडणुकीच्या तुलनेत दोन निवडणुकांच्या राज्यांमध्ये जप्तीची रक्कम ३.५ पटीने वाढली आहे. महाराष्ट्रात आतापर्यंत ७३.११ कोटींची रोकड, ३७.९८ कोटींचे मद्य, ३७.७६ कोटींचे अंमली पदार्थ, ९०.५३ कोटींचे मौल्यवान धातू जप्त करण्यात आले आहेत.

विधानसभा निवडणुकीचे निकाल कसे लागतील याबद्दल वेगवेगळ्या चर्चा होत आहे. त्यात एकनाथ शिंदे आणि शरद पवार एकत्र येऊ शकतात, अशी चर्चाही सुरू झाली आहे.दुसरीकडे निकालानंतर अजित पवार आणि शरद पवार एकत्र येऊ शकतात, अशीही चर्चा राजकीय वर्तुळात सुरू आहे. या दोन्ही मुद्द्यांवरील चर्चाना राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी उत्तर दिले.एकनाथ शिंदे-शरद पवार एकत्र येण्याची चर्चा मुंबई तक या युट्यूब चॅनेलला जयंत पाटील यांनी मुलाखत दिली. एकनाथ शिंदें सोबत शरद पवार निवडणुकीनंतर आघाडी करू शकतात, असे नवाब मलिक म्हणाले आहेत. याबद्दल बोलताना जयंत पाटील म्हणाले, “एकनाथ शिंदे यांना बरोबर घेण्याचा प्रश्नच उद्भवत नाही. ते महाराष्ट्राचे मुख्यमंत्री आहेत. आता महायुती सरकारने सांगायचं आहे की, देवेंद्र फडणवीस युतीचा चेहरा असणार की, एकनाथ शिंदे?”, असा प्रश्न त्यांनी उपस्थित केला.अजित पवारांना शरद पवार पुन्हा सोबत घेणार का?विधानसभा निवडणुकीच्या निकालानंतर अजित पवारांना सोबत घेऊन सत्तेत बसण्याची वेळ आली, तर त्यांना घेणार का? असाप्रश्न जयंत पाटील यांना विचारण्यात आला होता.जयंत पाटील म्हणाले, “दादा (अजित पवार) फार लांब गेलेतआमच्यापासून. लांब गेल्याचं सगळ्या देशाला दिसतंय. ज्यापद्धतीने त्यांनी भूमिका घेतली, आता ते बरेच लांब गेलेत. ते परतयेण्याची शक्यता नाही आणि ते परत आमच्याकडे येणार हा प्रश्नच येत नाही.

मनोज जरांगे केल्यानंतर आपल्या उमेदवारांची यादी जाहीर करतील अशी अपेक्षा होती. मात्र त्यांनी एका दिवसातच या निवडणुकीमधून माघार घेण्याची घोषणा करत सर्वांनाच धक्का दिला आहे.मित्रपक्षांनी यादी न पाठवल्याने आपण माघार घेत आहोत. यादीच नाही म्हटल्यावर लढायचे जमेल का? एका जातीवर कसे निवडन येणार माझ्यावर कोणाचाही दबाव नाही- मनोज जरांगे मराठा आरक्षणाच्या आंदोलनाला पुन्हा सुरुवात करणार असल्याचेही यावेळी जरांगे यांनी स्पष्ट केले आहे. निवडणूक संपली की आपले आंदोलन सुरू करणार आहोत. पुन्हा आपल्या जातीसाठी आपण लडू. याला पाड आणि त्याला पाड म्हणायची माझी इच्छा नाही कारण जिंकून कोणी तिसराच येईल. कोणाच्याही प्रचाराला मला जायचे नाही. तसेच, आमचा कोणत्याही पक्षाला, अपक्ष उमेदवाराला पाठिंबा नाही. माझ्यावर महायुती किंवा मविआ, कोणाचाही दबाव नाही असेही मनोज जरांगे यांनी सांगितले.

पुरोगामी महाराष्ट्र न्यूज नेटवर्क

जम्मू-काश्मीरच्या अनंतनागम ध्ये झालेल्या चकमकीत दोन दहशतवादी ठार झाले आहेत. सुरक्षा दलांनी या भागात दहशतवादविरोधी कारवाई सुरु केली होती. या दरम्यान सुरक्षा दल आणि दहशतवाद्यांत चकमक झाली. श्रीनगरच्या खानयार भागातही अशाच प्रकारची चकमक सुरु आहे. या घटनेच्या काही तासांनंतर अनंतनागमध्ये चकमक सुरु झाली.दहशतवादाशी संबंधित शुक्रवारपासूनची चौथी घटना या भागात काही दहशतवादीलपून बसले असल्याची माहिती मिळाली होती. त्यानंतर सुरक्षा दलांनी सर्च ऑपरेशन सुरु केले होते. या दरम्यान झालेल्या चकमकीत सुरक्षा दलांनी दोन दहशतवाद्यांना ठार केले. काश्मीर खोऱ्यात दहशतवादाशी संबंधित शुक्रवारपासूनची ही चौथी घटना आहे.

पुरोगामी महाराष्ट्र न्यूज नेटवर्क-

ऑक्टोबर महिन्यात नवरात्रोत्सव, दसरा, दिवाळी सणांच्या निमित्तानं बाजारापेठेत मोठी उलाढाल झाल्याचं पाहायला मिळालं. मोठ्या प्रमाणात नागरिकांनी खरेदी केल्यानं वस्तू आणि सेवा कराच्या वसुलीमध्ये जोरदार वाढ झाली आहे. ऑक्टोबर महिन्यात यावर्षी जीएसटी कलेक्शनमध्ये साधारणपणे ९ टक्क्यांची वाढ झाली आहे. ऑक्टोबर २०२४ मध्ये जीएसटीकलेक्शन १,८७,३४६ कोटींवर पोहोचलं आहे. गेल्या वर्षी म्हणजेच ऑक्टोबर २०२३ मध्ये हे कलेक्शन १.७३ लाख कोटी रुपये होते. जीएसटी रिफंड केल्यानंतर एकूण कलेक्शनमध्ये ८ टक्क्यांची वाढ झाली असून ते १६८०४१ कोटी रुपये झालं आहे.वस्तू आणि सेवा कराचे ऑक्टोबर महिन्याची आकडेवारीजाहीर करण्यात आली आहे. ऑक्टोबर महिन्याचं एकूण जीएसटी कलेक्शन १,८७,३४६ कोटी रुपये होतं. त्यामध्ये सीजीएसटी ३३८२१ तर एसजीएसटी ४१८६४ कोटी रुपये कोटी होतं.आयजीएसटी ५४८७८ कोटी आणि सेसे ११६८८ कोटी रुपये इतका होता. ग्रॉस डोमेस्टिक रेवेन्यूमध्ये १०.६ टक्के वाढपाहायला मिळाली. तर, इम्पोर्टसच्या बाबतीत आयजीसटी ४४२३३ कोटी रुपये आणि सेस ८६२ कोटी इतका झाला आहे. एकूण जीएसटी कलेक्शन १,८७,३४६ कोटी असूनत्यापैकी १९,३०६ कोटी रुपयांचा जीएसटी रिफंड करण्यात आला आहे. गेल्या वर्षी ऑक्टोबर महिन्यात रुपयांचा रिफंड करण्यात आला होता.१६,३३५ कोटी म्हणजे यावेळी १८.२ टक्के वाढ पाहायला मिळाली. यंदाच्या आर्थिक वर्षात १२,७४,४४२ कोटी रुपयांचं जीएसटी कलेक्शन झालं आहे. गेल्या वर्षी ऑक्टोबर महिन्यापर्यंत जीएसटी कलेक्शन ११,६४,५११ कोटी रुपये झालं होतं म्हणजेच गतवर्षीच्या तुलनेत ९.४ टक्क्यांची वाढ झाली आहे. राज्यांचा विचार केला असता सर्वाधिक जीएसटी कलेक्शन महाराष्ट्रात पाहायला मिळालं आहे. राज्यातील जीएसटी कलेक्शनमध्ये १४ टक्क्यांची वाढ झाली आहे. ऑक्टोबर महिन्यात ३१०३० कोटी रुपयांचं कलेक्शन झालं आहे. तर, गेल्या वर्षी २७३०९ कोटी रुपये झालं होतं. उत्तर प्रदेशमध्ये ९६०२ कोटी, कर्नाटकमध्ये १३,०८१ कोटी, गुजरातम ध्ये ११,४०७ कोटी, हरियाणात १००४५ कोटी रुपयांचं जीएसटी कलेक्शन झालं आहे. या सर्व राज्यांमध्ये जीएसटी कलेक्शन वाढलं आहे. तर, हिमाचल प्रदेशमध्ये २ टक्के, मणिपूरमध्ये ५ टक्के आणि छत्तीसगडमध्ये १ टक्के कलेक्शन घटलं आहे.

पुरोगामी महाराष्ट्र न्यूज नेटवर्क-

 विधानसभा निवडणुकीच्या सोलापूर जिल्ह्यातील
११ मतदारसंघाच्या मैदानात सद्यःस्थितीत तब्बल ३३३ उमेदवार आहेत. उमेदवारी अर्ज मागे घ्यायला सोमवारचाच दिवस आहे. त्यामुळे शेवटच्या दिवशी यातील कितीजण उमेदवारी मागे घेणार, याकडे सर्वांचेच लक्ष लागले आहे. पण, प्रत्येक उमेदवाराला त्या मतदारसंघातील एकूण वैध म तांच्या एक षष्ठांश (उदा. एकूण मतदानातील एक लाख ८० हजार मते वैध असल्यास त्यापैकी ३० हजार मते पडायलाच हवीत) मते घ्यावीच लागतील, अन्यथा त्यांना डिपॉझिट परत मिळणार नाही.
जिल्ह्याच्या अंतिम मतदार यादीमध्ये तृतीयपंथी मतदार ३१० आहेत. त्यात माढा मतदारसंघात अवघे तीन तर सांगोल्यात पाच तृतीयपंधी
आहेत. २०१९च्या निवडणुकीत ६५ टक्क्यांपर्यंत मतदान झाले होते, यंदा त्यात वाढ होईल, असा विश्वास विल्हा प्रशासनाला आहे. या निवडणुकीत अपक्षांची
कितीजण उमेदवारी मागे घेणार, याकडे सर्वांचेच लक्ष, तृतीयपंथी ३१० मतदार मतदानाचा हक बजावता आला
संख्या जास्त राहिल्यास ज्या उमेदवाराला ७० हजारांपर्यंत मते मिळतील तो विजयी होऊ शकतो.
पण मतदान किती केलेले वाचन आणि निवडणुकीच्या रिंगणात किती उमेदवार असणार, यावर ते समीकरण अवलंबून असणार आहे. २०१९च्या निवडणुकीसाठी एकूण ३३ लाख ९१ लाख ८१४ इतके मतदार होते. २०२४ च्या निवडणुकीत ३८ लाख ४८ हजार ८६९ मतदार आहेत. मागील निवडणुकीच्या तुलनेत
चार लाख ५७ हजार ५५ मतदार वाढले आहेत. वाढलेले मतदान कोणाच्या पथ्यावर पडणार याकडे सवांचे लक्ष लागले आहे. लोकसभा निवडणुकीत अनेक मतदारांकडे मतदान कार्ड असताना देखील मतदार यादीत नावे नसल्याने त्यांना
नव्हता. या पार्श्वभूमीवर आता प्रत्येक उमेदवारांनी स्वतःहून विभागनिहाय मतदार यादी तयार करून आपल्या विश्वासातील कार्यकत्यांकडे दिली आहे. आपल्याला खात्रीने पडणाऱ्यांची नावे त्यात आहेत की नाही, याची शहानिशा केली जात आहे. याशिवाय आपल्याला मागच्या निवडणुकीत कोणत्या ठिकाणी कमी मतदान झाले होते असे भाग काढून त्याठिकाणी पोचण्याचे नियोजनही उमेदवारांनी केले आहे.
जिल्ह्यातील मतदारसंघनिहाय मतदार मतदारसंघ पुरुष महिला एकूण
करमाळा १,७१,५१५१,५७,४६८ ३,२८,९९४ माडा १,८३,९४८ १,६८,७४० ३,५२,६९१ बार्शी १,७३,४५३ १,६४,००२ ३,३७,४९९ मोहोळ १,७३,१२१ १९,५८,३२९ ३,३१,४५८ शहर उत्तर १,६२,४६७१,६६,०५९३,२८,५७२ शहर मध्य १,७०,५०९१,७६,११५ ३,४६,६७७ अक्कलकोट १,९६,५७७ १,८६,९६४३,८३,४७९ दक्षिण सोलापूर १,९५,७५१ १,८६,९६४ ३,८२,७५४ पंढरपूर-मंगळवेढा १,९१,४६४ १,८२,१९४ ३,७३,६८४ सांगोला १,७२,७०४ १,६०,७८४ ३,३३,४९३ माळशिरस १,८०,३२२ १,६९,२१४ ३,४९,५६८ एकूण १९,७१,८३१ १८,७६,७२८ ३८,४८,८६९

 विधानसभा निवडणुकीच्या पार्श्वभूमीवर चक्क उपमुख्यमंत्री देवेंद्र फडणवीस यांचा नावानिशी लाडक्या बहिणीला फोन केला जात आहे.सदर फोन हा रेकॉर्ड फोन असून लाडक्या बहिणीला स्वतः देवेंद्र फडणवीस महिलेचं नाव घेऊन दिवाळीच्या हार्दिक शुभेच्छा तसेच भाजपलाच मतदान करा असं फोनवर बोलत असल्याने या फोनबाबत सर्व महिलांमध्ये चर्चा सुरू आहे. प्रत्येक महिला एकमेकींना सांगण्याचा प्रयत्न करत आहेत की मला देवेंद्र फडणवीस यांचा फोन आला होता. आणि भाजपलाच मतदान करा असं त्या फोन मधून सांगण्यात येत आहे. अशा प्रकारचा प्रचार भाजपच्या वतीने करण्यात येत आहे.  

राज्याच्या पोलीस महासंचालक रश्मी शुक्ला यांची अखेर बदली झाली आहे. काँग्रेस आणि महाविकास आघाडीने रश्मी शुक्ला यांच्या बदलीसाठी सातत्याने मागणी लावून धरली होती. अखेर त्यांच्या या मागणीला यश आल्याचं दिसतंय. रश्मी शुक्ला यांची सेवा जून 2024 रोजी समाप्त झाली असतानाही भाजप, युती सरकारने जानेवारी 2026 पर्यंत त्यांना नियमबाह्य बढती दिली होती, असा आरोप काँग्रेस प्रदेशाध्यक्ष नाना पटोले यांनी केला होता. तसंच रश्मी शुक्ला यांची कार्यपद्धती अत्यंत वादग्रस्त राहिली असून नियमबाह्य कामे करणे तसेच विरोधी पक्षांतील नेत्यांना धमकावण्याची कामे त्यांनी केली आहेत, असाही आरोप नाना पटोलेंनी केला होता.

निवडणूक आयोगाकडून बदली करण्याचा आदेश नाना पटोले, काँग्रेसच्या या आक्षेपानंतर आता भारतीय निवडणूक आयोगाने मोठा निर्णय घेतला आहे. सध्या राज्यात विधानसभेची निवडणूक लागलेली आहे. एकीकडे या निवडणुकीची धूम चालू असताना दुसरीकडे निवडणूक आोयगाने रश्मी शुक्ला यांची बदली करण्याचा आदेश दिला आहे. तसेच नाना पटोले यांनी रश्मी शुक्ला या भाजपसाठी काम करत होत्या असेही आरोप केले आहेत.

पुरोगामी महाराष्ट्र न्यूज नेटवर्क-

राज्यात येत्या २० नोव्हेंबर रोजी विधानसभेची निवडणूक होत आहे. या निवडणुकीत एकूण ९ कोटी ७० लाख २५ हजार ११९ मतदार आपला मतदानाचा हक्क बजावणार आहेत. यामध्ये १८ ते १९ वयोगटातील एकूण २२ लाख २२ हजार ७०४ तर वयाची शंभर वर्षे पूर्ण झालेले ४७ हजार ३९२ मतदार असल्याची माहिती मुख्य निवडणूक अधिकारी कार्यालयामार्फत देण्यात आली आहे.राज्यातील एकूण मतदारांमध्ये ५ कोटी २२ हजार ७३९ पुरुष, ४ कोटी ६९ लाख ९६ हजार २७९ महिला तर ६ हजार १०१ तृतीयपंथी मतदार असे एकूण ९ कोटी ७० लाख २५ हजार ११९ मतदार आहेत. यामध्ये १८ ते १९ वर्षे वयोगटातील एकूण २२ लाख २२ हजार ७०४ मतदारांमध्ये पुरुष। मतदार १२ लाख ९१ हजार ८४७, ९ लाख ३० हजार ७०४ महिला तर तृतीयपंथी मतदारांची संख्या १५३ इतकी आहे. २० ते २९ या वयोगटातील एकूण १ कोटी ८८ लाख ४५ हजार ००५ मतदारांमध्ये पुरुष मतदार १ कोटी १ लाख ६२ हजार ४१२, महिला मतदार ८६ लाख ८० हजार १९९ तर तृतीयपंथी मतदारांची संख्या २३९४ इतकी आहे. ३० ते ३९ या वयोगटातील एकूण २ कोटी १८ लाख १५ हजार २७८ मतदारांमध्ये पुरुष मतदार १ कोटी ११ लाख २१ हजार ५७७, महिला मतदार १ कोटी ६ लाख ९१ हजार ५८२ तरतृतीयपंथी मतदारांची संख्या २ हजार ११९ इतकी आहे. ४० ते ४९ या वयोगटातील एकूण २ कोटी ७ लाख ३० हजार ५९८ मतदारांमध्ये पुरुष मतदार १ कोटी ७ लाख ४९ हजार ९३२, महिला मतदार ९९ लाख ७९ हजार ७७६ तर तृतीयपंथी मतदारांची संख्या ८९० इतकी आहे. ५० ते ५९ या वयोगटातील एकूण १ कोटी ५६ लाख १० हजार ७९४ मतदारांमध्ये पुरुष मतदार ७८ लाख ५४ हजार ०५२, महिला मतदार ७७ लाख ५६ हजार ४०८ तर तृतीयपंथी मतदारांची संख्या ३३४ इतकी आहे. ६० ते ६९ या वयोगटातील एकूण ९९ लाख १८ हजार ५२० मतदारांमध्ये पुरुष मतदार ५० लाख ७२ हजार ३६२, महिला मतदार ४८ लाख ४६ हजार २५ तर तृतीयपंथी मतदारांची संख्या १३३ इतकी आहे.वर्ष ७० ते ७९ या वयोगटातील एकूण ५३ लाख ५२ हजार ८३२मतदारांमध्ये पुरुष मतदार २६ लाख ३६ हजार ३४५, महिला मतदार २७ लाख १६ हजार ४२४ तर तृतीयपंथी मतदारांची संख्या ६३ इतकी आहे. ८० ते ८९ या वयोगटातील एकूण २० लाख ३३ हजार ९५८ मतदारांमध्ये पुरुष मतदार ९ लाख १५ हजार ७९८, महिला मतदार ११ लाख १८ हजार १४७ तर तृतीयपंथी मतदारांची संख्या १३ इतकी आहे. ९० ते ९९ या वयोगटातील एकूण ४ लाख ४८ हजार ३८ मतदारांमध्ये पुरुष मतदार १ लाख ९७ हजार ३२३ तर महिला मतदारांची संख्या २ लाख ५० हजार ७१५ इतकी आहे.वयाची शंभर वर्षे पूर्ण झालेल्या १०० ते १०९ या वयोगटातील एकूण ४७ हजार १६९ मतदारांमध्ये पुरुष मतदार २० हजार ९८३, महिला मतदार २६ हजार १८४ तर तृतीयपंथी मतदारांची संख्या २ आहे. ११० ते ११९ या वयोगटातील एकूण ११३ मतदारांमध्ये पुरुष मतदार ५२ तर महिला मतदारांची संख्या ६१ आहे. तर १२० हून अधिक वयोगटातील ११० मतदारांमध्ये पुरुष मतदार ५६ तर महिला मतदारांची संख्या ५४ आहे. ODविशेष वयोगटामध्ये ८५ ते १५० वयोगटामधील एकूण १२ लाख ४० हजार ९१९ मतदारांमध्ये ५ लाख ४२ हजार ८९१ पुरुष, ६ लाख ९८ हजार ०२२ महिला आणि ६ तृतीयपंथी मतदार आहेत. तर १०० ते १५० वयोगटामधील एकूण ४७ हजार ३९२ मतदारांमध्ये २१ हजार ९१ पुरुष, २६ हजार २९९ महिला आणि २ तृतीयपंथी मतदार आहेत. त्याचबरोबर एकूण ६ लाख ४१ हजार ४२५ दिव्यांग मतदारांमध्ये पुरुष मतदार ३ लाख ८४ हजार ६९, महिला मतदार २ लाख ५७ हजार ३१७ तर तृतीयपंथी मतदारांची संख्या ३९ इतकी आहे. सेवा दलातील (सर्विहस व्होटर्स) एकूण १ लाख १६ हजार १७० मतदारांमध्ये १ लाख १२ हजार ३१८ पुरुष तर ३ हजार ८५२ महिला मतदार आहेत.राज्यात मतदानासाठी एकूण १ लाख १८६ मतदान केंद्र उभारण्यात येत असून यापैकी शहरी भागात ४२ हजार ६०४ तर ग्रामीण भागात ५७ हजार ५८२ केंद्र असणार आहेत, अशी माहिती मुख्य निवडणूक अधिकारी कार्यालयामार्फत देण्यात आली आहे.