पिरळे येथे आमदार राम सातपुते यांच्या आमदार फंडातून पुरातन शंभू महादेव मंदिर सभामंडप मंजुर
पुरोगामी महाराष्ट्र न्यूज नेटवर्क प्रमोद शिंदे (प्रतिनिधी)–पिरळे ता माळशिरस येथील पुरातन हेमाडपंथी महादेव मंदिर सभामंडप आमदार राम सातपुते यांच्या फंडातून मंजूर करण्यात आला आहे.हा सभामंडप आमदार स्थानिक विकास निधी मधून मंजूर करण्यात आला आहे.या सभामंडपाचे काम व्हावे म्हणून पिरळे गावचे सरपंच संदीप नरळे तसेच उपसरपंच व सर्व सदस्य यांनी माजी उपमुख्यमंत्री विजयसिंह मोहिते पाटील,रणजितसिंह मोहिते-पाटील,तसेच आहे धैर्यशील मोहिते पाटील यांच्याकडे कामासंदर्भात मागणी केली होती त्यांच्याच सहकार्याने आमदार राम सातपुते यांनी आपल्या स्थानिक विकास कार्यक्रमातून सुमारे आठ लाख रुपये निधी उपलब्ध करून आहे. बांधकाम विभागास सदर कामाचे इस्टीमेंट तयार करण्याचे आदेश देण्यात आले आहे.लवकरचआजपर्यंत दुर्लक्षित असलेले ऐतिहासिक पुरातन हेमाडपंती महादेव मंदिर सभामंडप करण्यात येणार असल्याने गावातील नागरिकांमध्ये आनंदाचे वातावरण निर्माण झाले असून गावच्या वतीने याबाबत संदीप नरोळे यांनी माहिती दिली व मोहिते-पाटील कुटुंब तसेच आमदार राम सातपुते यांचे आभार व्यक्त केले.
