नातेपुते येथे रमजान ईद निमित्त मुस्लिम बांधवांनी हिंदू व बौद्ध बांधवांचा केला सन्मान

पुरोगामी महाराष्ट्र न्यूज नेटवर्क नातेपुते (प्रमोद शिंदे)- तालुका माळशिरस येथील मस्जिद मध्ये रमजान ईद निमित्त शीरखुर्मा पार्टीचे आयोजन करण्यात आले होते.तसेच रमजान ईद निमित्त नातेपुते व पंचक्रोशीतील हिंदू व बौद्ध बांधवांचा नातेपुते येथील मुस्लिम बांधवांनी मज्जित मध्ये बोलावून सर्वांचा सन्मान केला. व शीरखुर्मा पार्टी देऊन सर्वांचे तोंड गोड केले. रमजान हा मुस्लिम बांधवांचा पवित्र महिना मानला जातो. तीस दिवस या महिन्यात कडक उपवास धरले जातात व सांगता रमजान च्या दिवशी शीरखुर्मा करून उत्सव उत्साहात साजरा केला जातो.

मुस्लिम बांधवांकडून सर्वांना शीरखुर्मा खाण्याचे निमंत्रण दिले जाते.यामुळे धार्मिक व जातीय सलोखा राखला जातो याच पार्श्वभूमीवर नातेपुते येथे मोठ्या उत्साहात रमजान ईद संपन्न झाली.ए.पी.आय मनोज सोनवलकर, बशीर काझी,अमरशील देशमुख यांनी नातेपुते येथे शांतता व सामाजिक सलोखा राखण्या संदर्भात मनोगत व्यक्त केले. या कार्यक्रमास नातेपुते पोलीस स्टेशनचे एपीआय मनोज सोनवलकर,उपनगराध्यक्ष मालोजीराजे देशमुख,पी.एस.आय तानाजी पवार ,पंचायत समिती सदस्य माऊली पाटील, नगरसेवक माजी सरपंच अमरशील देशमुख,दादासाहेब उराडे ,दीपक काळे ,शिवसेनेचे नेते अमोल उराडे,विजय पिसाळ, रिपाई चे समीर सोरटे,रोहित सोरटे पत्रकार श्रीकांत बाविस्कर, आनंद लोंढे,प्रमोद शिंदे, आनंद जाधव तसेच अनेक नेते मंडळी व ग्रामस्थ मोठ्या संख्येने कार्यक्रमास उपस्थित होते. या कार्यक्रमाचे आयोज समस्त मुस्लिम बांधव यांनी केला होता. कार्यक्रम यशस्वी होण्यासाठी नइस्मलाईल बागवान,अख्तर पठाण, मुज्जमील बागवान, राजु तांबोळी, समीऱ शेख, तोहीद आतार, मुदस्सर शेख,शब्बीर मुलाणी, मुबीनभाई महाडवाले यांच्यासह सर्व मुस्लिम बांधवांना परिश्रम घेतले.