पिरळे येथे एन डी एम जे कडून स्मशानभूमीची मागणी होताच तात्काळ गटविकास अधिकारी यांच्याकडून जागेची पाहणी
पुरोगामी महाराष्ट्र न्यूज नेटवर्क नातेपुते (प्रतिनिधी)-पिरळे ता.माळशिरस येथे ग्रामस्थांकडून अनेक वर्षांपासून स्मशानभूमीची मागणी होत आहे. पिरळे गावची लोकसंख्या ही 6000 पेक्षा जास्त असून स्वातंत्र्याला 75 वर्षे पूर्ण होऊन सुद्धा या गावांमध्ये अद्याप ही स्मशानभूमी नाही म्हणून एन डी एम जे संघटनेचे प्रसिद्धीप्रमुख व पुरोगामी महाराष्ट्र चे संपादक पत्रकार प्रमोद शिंदे यांनी स्मशानभूमी होण्यासाठी दिनांक 8 सप्टेंबर रोजी मा.जिल्हाधिकारी व मा उपविभागीय अधिकारी तसेच मा.तहसीलदार यांना तात्काळ स्मशानभूमी करण्याचे निवेदन दिले होते व एका महिन्यात स्मशानभूमी न झाल्यास आंबेडकरी चळवळीचे नेते विकास दादा धाईंजे व राज्य सचिव वैभव गीते यांच्या नेतृत्वाखाली 10 ऑक्टोबर रोजी आंदोलन करण्याचा इशारा प्रशासनास दिला होता.
यावर मा.प्रांत अधिकारी अकलूज यांनी तहसीलदार माळशिरस यांना स्मशानभूमी संदर्भात कारवाई करण्याचे आदेश काढले तसेच जिल्हाधिकारी यांनी स्मशानभूमीचे प्रस्ताव मागणी केली असता.
पिरळे गावच्या सरपंच अलका नरोळे,उपसरपंच कमाल खिलारे सर्व सदस्य व ग्रामसेवक हनुमंत वगरे यांनी तात्काळ विषयाचे गांभीर्य घेत प्रस्ताव वरिष्ठांकडे सादर केला.या प्रस्तावामध्ये जन सुविधा योजनेअंतर्गत स्मशानभूमी शेड,रस्ता,संपूर्ण वॉल कंपाऊंड,सुशोभीकरण,दफनभूमी सुशोभीकरण, वॉल कंपाऊंड, पाण्याची व्यवस्था,सौर ऊर्जा वरील पंप पेवर ब्लॉक,विंधन विहीर, स्मशानभूमी दफनभूमी येथे अद्यावत लाईटची सोय असा प्रस्ताव देण्यात आला आहे.
परंतु शासनाने जवळपास एक कोटीचा निधी देऊन स्मशानभूमी हायटेक करावी अशी मागणी एन डी एम जे चे राज्य प्रसिद्धीप्रमुख व पुरोगामी महाराष्ट्राचे संपादक प्रमोद शिंदे व ग्रामस्थ करीत आहेत. स्मशानभूमी जागा पाहण्यासाठी माळशिरस गटविकास अधिकारी विनायक गुळवे साहेब पंचायत समिती विस्तार अधिकारी विठ्ठल कोळेकर हे उपस्थित होते.त्यांना उद्योजक संदीपशेठ नरोळे, ग्रामसेवक हनुमंत वगरे यांनी जागे संदर्भात माहिती दिली.यावेळी ग्रामपंचायत सदस्य गणेश दडस,शिवाजी लवटे पाटील,दत्तात्रेय लवटे,तंटामुक्ती अध्यक्ष संजय पाटील, ग्रामसेवक,कर्मचारी अनिल वाघमोडे इत्यादी उपस्थित होते.जागे संदर्भात संजय पाटील यांनी विशेष सहकार्य केले.
सदर स्मशानभूमी संदर्भात पुरोगामी महाराष्ट्र न्यूज चॅनेल ने बातमी प्रसिद्ध केली होती
