नातेपुते नगरपंचायत चे लेखी आश्वासनानंतर बिपिन सातपुते यांनी आपले आमरण उपोषण थांबविले
नातेपुते नगरपंचायत चे लेखी आश्वासनानंतर बिपिन सातपुते यांनी आपले आमरण उपोषण थांबविले
पुरोगामी महाराष्ट्र नेटवर्क नातेपुते
नातेपुते नगरपंचायत हद्दीतील सिटी सर्वे नंबर 486 या सरकारी
मालकीच्या रस्त्यावरील अतिक्रमण काढण्यासाठी अनेक वेळा तोंडी व लेखी अर्ज विनंती करूनही न्याय मिळत नसल्याने गुरुवार दि. ६ ऑक्टोबर सकाळी ११ वाजल्यापासून नातेपुते नगरपंचायत समोर बिपिन सातपुते नगरपंचायतसमोर आमरण उपोषणाला बसले होते.यासंदर्भात मुख्याधिकारी खांडेकर यांची भूमिका स्पष्ट नसल्याने,त्यांच्या भूमिके विरोधात आमरण उपोषण करण्याची वेळ आली होती. पत्रकार व सामाजिक कार्ये यांच्या प्रयत्नाने बिपीन सातपुते यांना न्याय मिळण्याची पहिली पायरी यशस्वी झाली आहे.
सविस्तर माहिती,नातेपुते नगरपंचायतीच्या हद्दीत येणारा सरकारी मालकीचा सिटी सर्व्हे नंबर ४८६ रस्त्यावरील अतिक्रमण खुले करण्याबाबत सतत तोंडी व लेखी स्वरुपात तक्रार करूनही नातेपुते नगरपंचायत टाळाटाळ करत होती. नातेपुते शहरात कोष्टी गल्ली येथे सिटी सर्व्हे नंबर ४८४,४८५,४८७,४८८ अशी मालमत्ता खरेदी केली. सदर ठिकाणी त्यांनी राहण्यासाठी बांधकाम करायचं होते. परंतु त्या ठिकाणी जाण्या योग्यतेचा रस्ता नसल्याने बांधकाम करू शकत नाही. सरकारी सिटी सर्व्हे नुसार त्या ठिकाणी रस्ता आहे, त्याच ठिकाणी रस्ता मिळावा म्हणून ते दोन वर्षापासून सतत प्रयत्न करीत आहेत.यासाठी वेळोवेळी पत्र व्यवहार नगरपंचायतीकडे केला आहे. त्यांनी दिलेल्या पत्रांना दोन वर्षा पासून कोणतेही प्रकारची लेखी उत्तर देण्यात आले नाही. नगरपंचायत च्या संबंधित अधिकाऱ्यांनी सिटी सर्व्हे नंबर ४८६ रस्त्याची मोजणी बाबत आज तागायत निर्णय न घेतल्यामुळे गेले दोन वर्षे त्यांचे बांधकाम होऊ शकले नाही, त्यांनी न्याय मिळणे बाबत नगरपंचायतीची भूमिका स्पष्ट न दिसल्याने त्यांना पुढील कोणतेही बांधकाम करता येत नाही त्यामुळे त्यांचे फार मोठे नुकसान होत आहे. सतत पाठपुरावा करूनहि कोणत्याही प्रकारची कसलीच दखल घेतली जात नाही म्हणून ते गुरुवार दि.६ आक्टोंबर पासून नातेपुते नगरपंचायत समोर न्याय मिळण्यासाठी आमरण उपोषणाला बसले होते. याबाबत नगरपंचायत ने तत्काळ कारवाई करून भूमी अभिलेखा कडे तात्काळ मोजणीचे पैसे भरून त्याचे चलन घेतले व याबाबत मुख्याधिकारी माधव खांडेकर म्हणाले की ,भूमी अभिलेख संबंधित जागेचे चलन भरून घेतले आहे व लवकरच मोजणी करून पुढील कारवाई करण्याचे लेखी आश्वासन दिल्यानंतर बिपीन सातपुते यांचे समाधान झाल्याने नातेपुते नगरपंचायत चे मुख्य अधिकारी माधव खांडेकर यांनी उपोषणकर्ते बिपीन सातपुते यांना ज्यूस देऊन उपोषण थांबविले. बिपीन सातपुते उपोषण सोडल्यानंतर मी माझ्या हक्कासाठी उपोषणाला बसले असताना मला पाठिंबा कार्यकर्त्यांनी दिला पत्रकारांनी बातम्या लावून सहकार्य केले त्यामुळे न्याय मिळण्यासाठी सर्वांनी प्रयत्न केले याबद्दल मी त्यांचे आभारी आहे नगरपंचायतने यापुढेही मला सहकार्य करावे ही अपेक्षा आहे.
