पिरळे येथे स्मशान भूमी व्हावी म्हणून एन डी एम जे च्या वतीने माळशिरस तहसील कार्यालयावर आंदोलन
पुरोगामी महाराष्ट्र न्यूज नेटवर्क नातेपुते (प्रतिनिधी)पिरळे तालुका माळशिरस जि. सोलापूर येथे व माळशिरस तालुक्यातील ज्या गावांमध्ये स्मशानभूमी नाही अशा गावांमध्ये हायटेक स्मशानभूमी व्हावी म्हणून नॅशनल दलित मोमेंट फॉर जस्टीस( एन डी एम जे)व पिरळे ग्रामस्थांच्या वतीने धरणे आंदोलन करण्यात आले.हे आंदोलन राज्य महासचिव डॉ.केवल उके,आंबेडकरी चळवळीचे नेते विकासदादा धाईंजे,राज्य सचिव वैभव गीते यांच्या मार्गदर्शनाखाली करण्यात आले.तसेच या आंदोलनात पिरळे -फोंडशिरस-एकशिव-तांबेवाडी, पिरळे-दहिगाव गुरसाळे,-कुरबावी,रस्त्यामध्ये पडलेले खड्डे बुजवून तात्काळ रस्ता दुरुस्त करण्यात यावा, वालचंदनगर-दहिगाव-नातेपुते रोडवर आवश्यक त्या ठिकाणी स्पीड ब्रेकर बसवण्यात यावा.पिरळे ते किर्दक वस्ती रस्ता, तसेच पिरळेशिवते-बुधावले वस्ती रस्त्याचे काम तात्काळ सुरू करावे अशा प्रकारची मागणी एन डी एम जे चे राज्य प्रसिद्ध प्रमुख प्रमोद शिंदे यांनी निवेदनात केली आहे. तहसीलदार जगदीश निंबाळकर साहेब यांच्या आश्वासनानंतर आंदोलन तात्पुरते थांबवण्यात आले.लवकरात लवकर कार्यवाही करण्याचे आश्वासन त्यांनी दिले आहे. लवकरात लवकर या मागण्यांवरती कार्यवाही न झाल्यास पुन्हा एकदा तीव्र आंदोलन छेडण्यात येईल असा इशारा प्रमोद शिंदे यांनी दिला आहे.यावेळी नायब तहसीलदार तुषार देशमुख साहेब उपस्थित होते.तसेच या आंदोलनासआंबेडकरी चळवळीचे नेते विकासदादा धाईंजे,जिल्हा परिषद सदस्य बाळासाहेब धाईजे,किसान मोर्चा भाजपा जिल्हाध्यक्ष बाळासाहेब सरगर, शिवसेना शिंदे गटाचे नेते राजकुमार हिवरकर,सामाजिक कार्यकर्ते विशाल साळवे, ज्येष्ठ पत्रकार श्रीकांत बाविस्कर शेतकरी संघटनेचे नेते भीमराव फुले,राष्ट्रवादीचे रणजीत कसबे, पत्रकार सचिन रणदिवे प्रहार संघटनेचे संजय पवळ यांनी पाठिंबा दिला.तसेच पिरळे गावचे उपसरपंच उमेश खिलारे,प्रमोद भोसले,गोरख साळवे, जय मल्हार आद्य क्रांतिवीर संघटनेचे नेते पप्पू बुधावले, माजी शिक्षण विस्तार अधिकारी प्रल्हाद साळवे, ग्रामपंचायत सदस्य गणेश दडस, सचिन झेंडे, प्रफुल्ल बल्लाळ,आप्पा गाडे,जयपाल बल्लाळ,सागर पवार तसेच पिरळे व परिसरातील बहुसंख्य कार्यकर्ते यावेळी उपस्थित होते
