उत्तम जानकर यांचा पश्चिम भागातील दौरा यशस्वी, मतदारांचा प्रचंड प्रतिसाद.
पुरोगामी महाराष्ट्र न्यूज नेटवर्क-प्रमोद शिंदे
विधानसभा निवडणूक अनुषंगाने तसेच ताकदीने व शक्तिप्रदर्शन करत उमेदवारी अर्ज दाखल करण्यासाठी 23 ऑक्टोबर पासून उत्तम जानकर यांनी दौऱ्याच्या आयोजन केले होते, या दौऱ्यात मतदारांकडून प्रचंड प्रमाणात प्रतिसाद मिळाल्याचे दिसत आहे.
२५४ – माळशिरस विधानसभा मतदारसंघाचे महाविकास आघाडीचे लोकप्रिय उमेदवार मा.श्री.उत्तमराव जानकर साहेब हे सोमवार दि.२८ ऑक्टोंबर २०२४ रोजी नामनिर्देशन पत्र दाखल करीत आहेत. या अनुषंगाने संपूर्ण माळशिरस तालुक्यात उमेदवार मा.श्री. उत्तमराव जानकर साहेब, युवानेते श्री.अर्जुनसिंह मोहिते-पाटील (माजी उपसभापती पंचायत समिती माळशिरस), ज्येष्ठनेते श्री. बाबाराजे देशमुख (माजी उपाध्यक्ष जिल्हा परिषद सोलापूर) व माळशिरस तालुक्यातील महाविकास आघाडीचे सर्वपक्षीय मान्यवर पदाधिकारी यांच्या उपस्थितीत गावभेट दौऱ्याचे आयोजन करण्यात आले. याप्रसंगी प्रमुख मान्यवर- पदाधिकारी यांनी ग्रामस्थांना मार्गदर्शन केले.
यावेळी पिंपरी कारडे धर्मपुरी,देशमुखवाडी व डोंबाळवाडी कुरबावी कळंबोली एक शिव, तांबेवाडी, पिरळे ,दहिगाव या गावांमध्ये कॉर्नर बैठका व सभा घेण्यात आल्या यावेळी गावातील सरपंच, उपसरपंच, ग्रामपंचायत सदस्य, सर्वपक्षीय मान्यवर पदाधिकारी, मोठ्या संख्येने उपस्थित होते.
