माळशिरस विधानसभा फॉर्म छालनीत 35 अर्जापैकी 25 उमेदवार पात्र तर 4 उमेदवार अपात्र
पुरोगामी महाराष्ट्र नेटवर्क-प्रमोद शिंदे
माळशिरस २५४ अनुसूचित जाती विधानसभा मतदार संघात उमेदवारी अर्ज दाखल करण्याच्या शेवटच्या दिवशी माळशिरस विधानसभेसाठी २९ उमेदवारांनी ३५ नामनिर्देशपत्र दाखल केलेली होती. त्यापैकी २५ उमेदवारांची नामनिर्देशनपत्र पात्र झालेली असून ४ उमेदवारांची नामनिर्देशनपत्र अपात्र ठरलेली आहेत.
शरद गेना सावंत अपक्ष , अरुण मनोहर धाईंजे अपक्ष, सोमनाथ अरुण भोसले अपक्ष, मकरंद नागनाथ साठे अपक्ष, उत्तमराव शिवदास जानकर नॅशनलिस्ट काँग्रेस पार्टी शरदचंद्र पवार, सुरज अशोक सरतापे बहुजन समाज पार्टी, प्रेमसिंह ज्ञानदेव कांबळे अपक्ष, मनोजकुमार उत्तम सुरवसे अपक्ष, नागेश आबा जाधव अपक्ष, राज यशवंतकुमार वंचित बहुजन आघाडी, सुधीर अर्जुन पोळ अपक्ष, कुमार आनंदा लोंढे अपक्ष, राम विठ्ठल सातपुते भारतीय जनता पार्टी, ज्ञानेश्वर मारुती काटे अपक्ष, अतुल श्रीमंत सरतापे अपक्ष, विकास संदिपान धाईंजे अपक्ष, दादा विश्वनाथ लोखंडे अपक्ष, साळवे नंदकुमार कृष्णाजी अपक्ष, प्रकाश वामन नवगिरे अपक्ष, अनिल तानाजी साठे अपक्ष, शैलेश जनार्दन कोथमिरे अपक्ष, प्रा. डॉ. धनंजय तुकाराम साठे अपक्ष, प्रा. डॉ. सुनील सुखदेव लोखंडे राष्ट्रीय समाज पक्ष, त्रिभुवन विनायक धाईंजे अपक्ष अशा २५ उमेदवारांचे नामनिर्देशनपत्र पात्र झालेले आहेत.
तर, अनिल गौतम नवगिरे, संस्कृती राम सातपुते, अडगळे लालासाहेब ज्ञानोबा, किशोर शिवाजी सुळ असे चार उमेदवारांचे नामनिर्देशनपत्र अपात्र ठरलेले आहेत.
अकलूज उपविभागीय कार्यालय अकलूज येथे निवडणूक निर्णय अधिकारी तथा प्रांताधिकारी विजया पांगारकर हे निवडणूक निर्णय अधिकारी म्हणून काम पाहत आहेत. त्यांना सहकार्य सहाय्यक निवडणूक अधिकारी तथा तहसीलदार सुरेश शेजुळ हे काम पाहत आहेत. कायदा व सुव्यवस्था अबाधित राखण्यासाठी अकलूज उपविभागीय पोलीस उपअधीक्षक नारायण शिरगावकर यांच्या मार्गदर्शनाखाली अकलूज, माळशिरस, नातेपुते आणि वेळापूर पोलीस स्टेशनच्या प्रभारी अधिकाऱ्यांनी चोख बंदोबस्त ठेवलेला आहे.
माळशिरस तालुका संवेदनशील असल्याने एसआरपी तैनात करण्यात आलेली आहे. उमेदवारी अर्ज शांततेत दाखल झालेले होते. नामनिर्देशन पत्रांची छाननी देखील शांततेत पार पडलेली आहे. दि. ४/११/२०२४ तारखेला उमेदवारी अर्ज माघारी घेण्याची वेळ ३ वाजेपर्यंत आहे. त्यानंतर चिन्ह वाटप होऊन माळशिरस तालुक्यातील निवडणुकीचे खरे चित्र स्पष्ट होणार आहे.
