सोन्याच्या किंमतीने सर्व रेकॉर्ड मोडीत काढले, १० ग्रॅम सोन्याचा दर
मुंबई : अमेरिका चीनमधील व्यापार तणाव,जागतिक अनिश्चिततेमुळे सोमवारी भारतातील सोन्याच्या किमतींमध्ये मोठी वाढ झाली. ऐन सणासुदीच्या आणि लग्नसराईच्या काळात सोन्याच्या किमतींत रेकॉर्ड ब्रेक वाढ झाल्याने ग्राहकांच्या खिशाला झळ बसत आहे. सोन्यासह चांदीचे ही भाव ग्राहकांच्या अवाक्याबाहेर गेले आहेत इंडियन बुलियन असोसिएशननुसार, २४ कॅरेट सोन्याचा आजचा भाव ( १४ ऑक्टोबर) १ लाख २६ हजार ५९० रुपये प्रति १० ग्रॅम नोंदवला जात आहे. तर किलोमागे चांदीचा दर एक लाख ६१ हजार ६७० रुपयांवर पोहोचला आहे .दरम्यान, २४ तासांपूर्वी (१३ ऑक्टोबर) सोन्याचा भाव १ लाख २४ हजार ५२० रुपये होता आज तो १ लाख २६ हजार ५९० झाला आहे. म्हणजेच २४ तासात सोन्याच्या भावात झालेली वाढ ही २०७० आहे
