बसमध्ये चढताना तीन महिलांचे दागिने चोरले
मंगळवेढा बसस्थानकावर चोरट्यांचा सुळसुळाट वाढला असून सोमवार दि.२० रोजी दुपारी २.३० वाजता मंगळवेढा-सोलापूर या बसमध्ये महिला प्रवाशी चढत असताना तीन महिलांच्या गळ्यातील दागिने चोरण्याचा प्रकार घडला. दरम्यान येथे नेमणूकीस असलेला पोलीस कर्मचारी बसस्थानकावर नसल्यामुळे चोरट्यांनी ही संधी साधून घेतल्याच्या तक्रारीचा सुर उपस्थित प्रवाशामधून उमटला असून तो पोलीस कर्मचारी नेमका कोठे होता? याचा शोध घेवून पोलीस अधिक्षक अतुल कुलकर्णी यांनी संबंधीत कर्मचार्यावर कारवाईकरावी अशी मागणी प्रवाशी वर्गातून पुढे येत आहे.सोमवार दि. २० रोजी दुपारी २.३० च्या दरम्यान बसस्थानक प्लॅटफार्मला मंगळवेढा-सोलापूर ही बस लागताच बसमध्ये चढण्याची महिला वर्गाची प्रचंड गर्दी होती. बसमध्ये चढत असताना गर्दीचा चोरट्यांनी फायदा घेत प्रवाशी तीन महिलांचे गळ्यातील दागिने चोरले. सदर तिघी पैकी एका महिलेच्या लक्षात आले आपल्या गळ्यात दीडतोळ्याचे मंगळसुत्र नाही, तिने जोर जोराने ओरडण्यास चालू केल्यानंतर महिला चोरट्याच्या लक्षात येताच तिने बाकड्या खाली दागिने टाकून काढता पाय घेतला. सोमवारी आठवडी बाजार असल्यामुळे प्रवाशांची नेहमीच वर्दळ असते. म्हणून येथे दिवसभर एक पोलीस कर्मचारी नेमला जातो. सोमवारी नेम लेला पोलीस येथे नसल्याचे पाहून सदर महिला चोरट्यांनी तीन म हिलांच्या गळ्यात दागिने कापण्याचे धाडस दाखविले. सदर घटनेप्रसंगी तो पोलीस कर्मचारी नेमका कोठे होता? याचा पोलीस अधिक्षकांनी जरुर शोध घेवून नेमलेल्या ठिकाणी नसलेल्या पोलीस कर्मचार्यावर योग्य ती कारवाई करावी अशी प्रवाशी वर्गातून मागणी पुढे येत आहे.
