प्रमोद शिंदे

रथोत्सवा निमित्त दहिगाव येथे मोफत अस्थिरोग चिकित्सा व उपचार शिबिर संपन्न*

नातेपुते (प्रमोद शिंदे)-श्री महावीर स्वामी दिगंबर जैन अतिशय क्षेत्र दहिगाव मंदिर येथे रथोउत्सवानिमित्त अस्थिरोग चिकित्सा व उपचार शिबिर घेण्यात आले होते या शिबिरात 722 रुग्णांची तज्ञ डॉक्टरांकडून मोफत तपासणी करून औषध उपचा करण्यात आले तसेच 30 ते 40 रुग्णांना शस्त्रक्रियेसाठी पुढे पाठवण्यात आले आहे या शिबिरासाठी डॉक्टर राजेश फडे फलटण ,डॉ.आदर्श मेहता सोलापूर, डॉ. वैभव गांधी अकलूज, डॉ. अजिंक्य होरा नातेपुते, डॉ.निखिल फडे पुणे, डॉ. नितीन लोंढे वालचंद नगर, डॉ. निखिल मिसाळ अकलूज, हे उपस्थित होते. या कार्यक्रमाचे उद्घाटन मान्यवरांच्या हस्ते करण्यात आले होते या कार्यक्रमाचे अध्यक्ष डॉ. वैभव गांधी होते तसेच प. पू. 108 श्रमण मुनी श्री विनिश्चय सागर महाराज यांनी उपस्थितांना मार्गदर्शन केले. अध्यक्ष विजयकुमार दोशी, डॉ. वैभव गांधी, नरेंद्र गांधी यांनी मनोगत व्यक्त केले प्रास्ताविक डॉ.तेजस चंकेश्वरा यांनी केले. तसेच यावेळी दहिगाव चे सरपंच रणधीर पाटील, शिबिर दाता पृथ्वीराज दोशी डॉ.उदय कुमार दोशी दहिगाव येथील ग्रामस्थ डॉ. विकास शहा अशोक दोशी ,डॉक्टर वर्धमान दोशी, डॉ. प्रशांत गांधी,शीतल गांधी ,व मेडिकल असोसिएशन सर्व सदस्य पदाधिकारी उपस्थित होते मेडिकल असोसिएशनच्या वतीने औषध पुरवठा करण्यात आला होता तसेच मान्यवरांच्या हस्ते त्यागी भवन चिकित्सालया चे उद्घाटन करण्यात आले. तसेच मंदिरामध्ये स्वर्गवासी वैभव कुमार अनंतलाल दोशी यांच्या स्मरणार्थ संगीतमय शांतीनाथ विधान सौ पद्मजा राजमहेंद्र अनंतलाल दोशी व दोशी परिवार यांच्यावतीने घेण्यात आले.

शेतकरी अस्वस्थ असेल तर मी स्वस्थ बसणार नाही :- ना. रामदासजी आठवले

पुरोगामी महाराष्ट्र न्यूज नेटवर्क (नाशिक)-दि.३- सध्या महाराष्ट्रात अतिवृष्टीने ओला दुष्काळ सदृश्य स्थिती निर्माण झाली असून, शेतकर्‍यांच्या पिकांचे फार मोठ्या प्रमाणावर नुकसान झालेले आहे. अगोदरच आलेल्या महापूराच्या पाण्यामुळे शेती पिकांचे तसेच पशुधनाचे फार मोठ्या प्रमाणावर नुकसान झाले होते. त्यातूनच शेतकरीवर्ग सावरतोय न सावरतोय तोच अतिवृष्टीने हंगामी पिकांचे देखील नुकसान मोठ्या प्रमाणात झाल्याने राज्यातील शेतकरी पूर्णता हवालदिल होऊन खचला असल्याचे केंद्रीय सामाजिक न्याय व अधिकारता राज्यमंत्री भारत सरकार मा.ना. रामदासजी आठवले साहेब हे आज नाशिक जिल्ह्यातील निफाड व ओझर तालुक्यातील दुष्काळग्रस्त शेतीपिकांची पाहणी करणेसाठी आले असता म्हटले आहेत. यावेळी मोहोड येथील आत्महत्या ग्रस्त शेतकरी संजय भास्कर देशमुख यांच्या कुटुंबाला १ लाख रुपयांची आर्थिक मदत दिली. यावेळी रिपब्लिकन पक्षाचे राष्ट्रीय उपाध्यक्ष मा. काकासाहेब खंबाळकर, नाशिक जिल्हाध्यक्ष मा. प्रकाशजी लोंढे, राज्य उपाध्यक्ष रविंद्र जाधव आदी पदाधिकारी उपस्थित होते.

   *शेतकरी अस्वस्थ असेल तर मी स्वस्थ बसणार नाही. म्हणून लवकरच आपण केंद्रातील आमच्या सरकारच्या वतीने तसेच राज्य सरकारच्या वतीने नुकसान ग्रस्त शेतकऱ्यांना भरीव अशी मदत करणार आहोत. यावेळी नाशिक जिल्ह्यातील महसूल विभागाचे तहसीलदार, कृषी अधिकारी यांचेसह रिपब्लिकन पक्षाचे पदाधिकारी व कार्यकर्ते मोठ्या संख्येने उपस्थित होते.*

पुरोगामी महाराष्ट्र न्यूज( प्रमोद शिंदे)-  अहमदनगर जिल्हय़ात खर्डा येथील एका पारधी इसमाचा दगडाने ठेचून निर्घृण हत्या करण्यात आल्याची धक्कादायक घटना घडली आहे. बाळू बजरंग पवार (वय- 40, रा. कोष्टी गल्ली, खर्डा, ता.जामखेड) असे मृत इसमाचे नाव आहे. या घटनेमुळे जामखेड तालुक्यातील खर्डा गावात तणाव परसला आहे. या प्रकरणी सुधीर बाळू वाळस्कर, आकाश बाळू वाळस्कर, योगेश बलभीम वाळस्कर, रोहित उर्फ बबलू बाळासाहेब गोलेकर, गौतम राहुल तादगे (सर्व रा. खर्डा, ता. जामखेड) या पाच जणांविरोधात भादवि कलम 302, 34, 504, 506 ,तसेच ॲट्रॉसिटी ॲक्ट प्रमाणे गुन्हा दाखल करण्यात आला आहे.

मृत बाळू पवारची मावशी वेणुबाई बाजीराव काळे यांनी याप्रकरणी जामखेड पोलीसात फिर्याद दिली आहे. सदर फिर्यादीत बाळू बजरंग पवार वय 40 याचे पैसे आरोपींकडे असल्याकारणाने मयत बाळू पवार याने घरी जाऊन पैसे मागितले म्हणून याचा राग मनात धरून आरोपीने दिनांक 29 ऑक्टोबर 2019 रोजी सायंकाळी सात वाजता च्या दरम्यान बाळूच्या घरी जाऊन घरासमोर डोक्यात दगडाने व लाथाबुक्क्यांनी मारहाण करून जखमी केले बाळू यास उपचाराला बार्शी येथे नेले असता उपचारादरम्यान त्याचा मृत्यू झाला. सर्व आरोपींना अटक करेपर्यंत मृतदेह ताब्यात घेणार नसल्याचा पवित्रा नातेवाईकांनी घेतला होता. तसेच खर्डा बंदचे आवाहन करण्यात आले आहे. खर्डा येथे वातावरण तणावपूर्ण असून अनुचित प्रकार घडू नये म्हणून ट्रॅकींग फोर्स, राज्य राखीव पोलीस दल खर्डा येथे दाखल करण्यात आले आहे. तसेच या घटनेतील आकाश बाळू वाळस्कार योगेश बिभीषण वाळस्कर या दोघांना अटक केली आहे सदर घटनेचा तपास एपीआय चव्हाण करत आहेत.२०१४ मध्ये अहमदनगरच्या जामखेड येथील खर्डा गावातील नितीन आगे यांच्या खुनातील प्रकरणात मुख्य आरोपी रोहित गोलेकर यांचे नाव असून त्याने आणि इतर चार साथीदार सोबत घेऊन असाच नितीन आगे यांचा खून केला होता, नितीन आगे खून प्रकरणाने धक्का बसला होता.  उच्च जातीतील मुलीशी प्रेमसंबंध असल्याच्या संशयावरून, त्याची २८ एप्रिल २०१४ रोजी निर्घृणपणे हत्या करण्यात आली. झाडावर त्याचा मृतदेह गळफास घेतल्याप्रमाणे लटकवला. घटनेचे पडसाद राज्यभर उमटल्यानंतर पोलिसांनी मुलीच्या भावासह नऊ जणांवर हत्या, अ‍ॅट्रोसिटी अ‍ॅक्टअंतर्गत गुन्हा नोंदविला होता. मात्र पुरावे कमी पडले आणि साक्ष फुटल्यामुळे खटल्यातील आरोपी सुटले होते. सदर खटल्याचे पुन्हा चौकशीचे आदेश शासनाने दिले आहेत.

माळशिरस मध्ये राम सातपुते यांचा निसटता विजय
अवघ्या २५९० मतानी राम सातपुतेचा विजय

नातेपुते (प्रमोद शिंदे )-माळशिरस तालुक्यात राष्ट्रवादीचे उत्तम जानकर व आर पी आय पुरस्कृत भाजपचे उमेदवार राम सातपुते यांच्यात झालेल्या अटीतटीच्या लढतीत राष्ट्रवादीचे उत्तम जानकर यांचा अवघ्या २ हजार ५९० मतांनी पराभव झाला असून, राम सातपुते यांचा येथे निसटता विजय झाला असून विजयानंतरही मोहीते-पाटीलांच्या मतात झालेली घट अत्मचिंतन करायला लावणारी आहे.
अत्यंत चुरशिच्या या निवडणुकीत आत्तापर्यत मोहिते-पाटिल गटाची एकहाती विजयाची परंपरा मोडीत निघाली आहे.अवघ्या २ हजार ५९० मताच्या फरकाने भाजपचे उमेदवार राम सातपुते यांचा विजय झाला .
मतमोजणीची सुरुवात सकाळी ९ वाजता झाली पहील्या फेरीचा निकाल हाती येताच राष्ट्रवादीचे उत्तमराव जानकर यांनी ५ हजार ६९ मतांची आघाडी घेतली हा आकडा वाढत जात १२ व्या फेरीत १६ हजार ५९७ मतांची आघाडी घेतली मात्र १३ व्या फेरीपासुन हा मतांचा आलेख खाली येऊ लागला अखेर २१ व्या फेरीत २ हजार ८५३ मतांनी आर पी आय पुरस्कृत भाजपाच्या राम सातपुते यांनी आघाडी घेतली २२ व २३ व्या फेरीत मताधीक्य कमी झाले २४ व्या फेरीत २ हजार ३११ मताधीक्य मिळवल तर अखेरच्या फेरीत २०६८ मतांची आघाडी मिळाली व पोस्टल ५२२ मतात आघाडी घेत २५९० मतांनी राम सातपुते विजय ठरले .
उमेदवार निहाय आकडेवारी पुढील प्रमाणे
राम विठ्ठल सातपुते (भाजप ) १०३५०७
उत्तमराव शिवदास जानकर (राष्ट्रवादी ) १००९१७ राज यशवंत कुमार ( वंचित बहुजन आघाडी ) ५५३८ ,श्रीकृष्ण ज्ञानदेव प्रक्षाळे (बसपा ) १०८१ अशोकराव सोपानराव तडवळकर -सर ( भारतीय प्रजा स्वराज्य पक्ष ) ६९५ , मकरंद नागनाथ साठे (अपक्ष ) ६८० ,उत्तम एकनाथ मोटे (अपक्ष) ५३४ , बापूराव महादेव अहिवळे (अपक्ष ) ३९० नोटा १८९९ , पोस्टल अवैध्य ७०
सुरुवातीला मोहिते-पाटलांना एकतर्फी वाटणारी माळशिरस विधानसभेची निवडणुक भाजपने बाहेरचा उमेदवार दिल्यामुळे अत्यंत अटीतटीची झाली होती.उत्तम जानकरांनी राष्ट्रवादी पक्षातुन दिलेली लढत ही लक्षवेधी ठरली आहे.या निवडणुकीत भाजपचा विजय झाला असला तरी निसटत्या विजयामुळे मोहिते-पाटलांचा पराभवच म्हणावा लागेल असा निकाला या निवडणुकीत लागला आहे. राष्ट्रवादीचे उत्तम जानकर यांचा पराभव वंचित बहुजन आघाडी चे उमेदवार राजकुमार सोनवणे यांच्यामुळेच झाला असे म्हणता येईल यांना 5538 ते पडले याचा फटका उत्तमराव जानकर यांना पडला ही जागा अनुसूचित जाती राखीव असताना उत्तम जानकर यांचा जात प्रमाणपत्र दाखला उच्च न्यायालयाने वैध ठरवल्याने व माळशिरस ची जागा ही आरपीआयला सुटली असताना तेथे उमेदवार मात्र आयात भाजपचा दिला असल्याने स्थानिक लोक नाराज होते यामुळे लोकांनी वंचित चा व नाटो चा पर्याय निवडल्यामुळे राष्ट्रवादी आणि भाजप या दोघांना याची किंमत मोजावी लागली याचाच परिणाम राष्ट्रवादीचा पराभव व भाजपचा निसटता विजय हा झाला.
भाजपच्या विजयानंतर तालुक्यात मोहिते-पाटील व भाजपच्या कार्यकर्त्यांनी जल्लोषात गुलालाची उधळन व फटक्याची अतिशबाजी करत आनंदोत्सव साजरा केला.शंकरनगर येथिल शिवरत्नवर झालेल्या विजयी सभेत नुतन आमदार राम सातपुते यांना माजी उपमुख्यमंत्री विजयसिंह मोहिते-पाटील,मा.खा रणजितसिंह मोहिते-पाटील,जयसिंह मोहिते-पाटील,धैर्यशिल मोहिते-पाटील,साभापती वैष्णवीदेवी मोहिते-पाटील,अर्जुनसिंह मोहिते-पाटील,शिवतेजसिंह मोहिते-पाटील, के.के. पाटील ,भाजपचे राजकुमार पाटील,सोपानराव नारनवर,शिवसेनेचे नामदेव वाघमारे , बाळासाहेब सरगर , काकासाहेब मोटे , हनुमंत सुळ आरपीआयचे सोमनाथ भोसले, किरण धईंजे, मिलिंद सरतापे, तसेच कार्यकर्ते, मामा पांढरे , मिलींद कुलकर्णी , संजय देशमुख ,आदीनी शुभेच्छा दिल्या.
राम सातपुते माध्यमांशी बोलताना म्हणाले की – माजी उपमुख्यमंत्री विजयसिंह मोहिते-पाटील,रणजितसिंह मोहिते-पाटील व तालुक्यातील भाजपच्या सर्व नेते व कार्यकर्त्यांचे कष्ट जनतेच्या अर्शिवादाने मला विजयी केले आहे त्या सर्वाना मी माझा विजय समर्पित करतो.माळशिरस तालुक्याची सेवा मी माझ्या आई प्रमाणे करीन.

 * श्री नारायणदास रामदास  विद्यालयात फटाके मुक्त दिवाळी *नातेपुते(प्रमोद शिंदे)श्री नारायणदास रामदास प्राथमिकविद्यामंदिर मध्ये फटाके मुक्त दिवाळी विद्यार्थी व शिक्षक  यांनी सामुदायिक शपथ घेतली यावेळी मुख्याध्यापिका श्रीम्. आगरखेड मॕडम म्हणाले,की आपण सर्वांनी दिवाळी आनंदात साजरी केली पाहिजे परंतु ही दिवाळी साजरी करत असताना हवेत होणारे प्रदूषण पण रोखता आले पाहिजे तसेच पर्यावरणाची हानी होणार नाही,माणसांना  श्वसनाचे ञास होणार  नाहीत,झाडे,वेली,फुले,पशु,पक्षी यावर ही परिणाम होणार नाही,तसेचआपणास कोणतीही ईजा होणार नाही,म्हणून आपण फटाके न उडविता प्रदूषण मुक्त दिवाळी साजरी करु या  !दिवाळी साजरी करत असताना शिक्षकांनी दिलेला अभ्यासही पुर्ण करावा.वाचन दिन आपण साजरा केला आहे त्याचे एखादे तरी गोष्टीचे पुस्तक वाचन करावे. तसेच दिवाळी उत्सव आनंदाने साजरा करा पर्यावरणाची हानी म्हणजेच आपल्या भविष्याची हानी तसेच विद्यार्थ्यांना दीपावलीच्या शुभेच्छ दिल्या . त्यानंतर विद्यार्थ्यांना दिवाळी निमित्ताने खाऊवाटप करण्यात आला शिक्षक  यावेळी शिक्षकेतर कर्मचारी व विद्यार्थ्यी उपस्थित होते .
 शपथ वाचन नजमा पठाण यांनी केले.

माळशिरस (प्रमोद शिंदे): माळशिरस विधानसभा उमेदवारांचे भवितव्य मतदारांनी 21 तारखेला केले मतपेटीत बंद माळशिरस विधानसभा लढत ही रंगतदार होणार असून ही लढत तिरंगी लढत दिसून आली आहे. माळशिरस विधानसभा निवडणूक ही काटे की टक्कर झाले आहे. ही निवडणूक राष्ट्रवादी आणि भाजप यांच्या अस्तित्वाची लढाई होती संपूर्ण महाराष्ट्राचे लक्ष माळशिरस विधानसभेवर असून इथे कोण जिंकणार यावर सर्वांचे लक्ष लागले आहे. कारण लोकसभा आणि विधानसभा निवडणुकीत या मतदारसंघात अनेक घडामोडी झाल्या आहेत या मतदारसंघात पवार विरुद्ध मोहिते पाटील अशीच अस्तित्वाची लढाई असल्याचे दिसून येत आहे यातच भाजपचे कट्टर समर्थक समजले जाणारे तसेच मोहिते-पाटील विरोधक मानले जाणारे उत्तम जानकर यांना भाजपने तिकीट नाकारल्यामुळे त्यांनी बंडखोरी करत राष्ट्रवादी कडून तिकीट मिळवले. त्यामुळे येथील राजकीय वातावरणात बदल झाला आहे. मोहिते-पाटलांना लोकसभेला तिकीट नाकारल्यामुळे त्यांनी भाजपात प्रवेश केला व आपले अस्तित्व सिद्ध केले. आत्ता सुद्ध विधानसभेला तीच परिस्थिती आहे. विधानसभेला हा मतदारसंघ राखीव असल्यामुळे ही जागा आरपीआय ला सोडण्यात आली होती परंतु उमेदवार हे मोहिते-पाटील ठरवणार असे केंद्रीय मंत्री रामदास आठवले यांनी पत्रकार परिषदेत सांगितले त्यामुळे येथील राजकीय वातावरण आणखीन वेगळ्या वळणावर येऊन थांबले मुख्यमंत्री देवेंद्र फडणवीस यांच्या मर्जीतील राम सातपुते यांना तिकीट देण्यात आले व मोहिते पाटील कुटुंबीय राम सातपुते यांच्यासाठी अटीतटीचे प्रयत्न करीत आहेत. त्यामुळे राष्ट्रवादीची अडचण झाली होती. त्यातच उत्तम जानकर यांचा जातीचा दाखला वैध झाल्याने माळशिरस तालुक्यातील वातावरण आणखीन बदलले माळशिरस तालुक्यात राष्ट्रवादी बॅकफूटवर गेली होते पुन्हा फ्रंट फूट वर आली ही लढाई खरंतर राम सातपुते विरुद्ध उत्तम जानकर अशी नसून मोहिते पाटील विरुद्ध पवार व जानकर असल्याचे दिसत आहे. रिपाईला जागा सोडून उमेदवार मात्र भाजपा आरएसएस चा दिल्यामुळे आरपीआयच्या काही कार्यकर्त्यांमध्ये नाराजी दिसून आली आहे. केंद्रीय मंत्री रामदास आठवले यांची सभा झाली या सभेला नेते हजर पण कार्यकर्ते गैरहजर अशी परिस्थिती होती. माळशिरस येथील रामदास आठवले व विजयसिंह मोहिते पाटील यांची सभा फेल गेली त्यामुळे माळशिरस विधानसभेतची निवडणूक एकतर्फी होणार नसल्याचं चित्र स्पष्ट झाले आहे. त्यात वंचित बहुजन आघाडी ने ही नातेपुते येथील राजकुमार यांना उमेदवारी देऊन रणांगणात उभे केले त्यामुळे वंचित बहुजन आघाडीचे मतदान हे निर्णय मतदान ठरणार असून वंचित बहुजन आघाडी च्या उमेदवारांमुळे कोणत्यातरी मोठ्या उमेदवाराला याचा फटका बसणार आहे. ही निवडणूक मोहिते पाटील कुटुंबीयांसाठी अस्तित्वाचा आणि महत्वाची निवडणूक असल्यामुळे राजकीय अस्तित्व टिकवण्यासाठी त्यांनी शेवटपर्यंत प्रयत्न केला आहेत. तसेच शरद चंद्रजी पवार साहेब यांनीही या मतदारसंघात चांगले लक्ष घातले असून राष्ट्रवादीचा उमेदवार कशाप्रकारे निवडून येईल यासाठी पूर्णपणे ताकद लावली आहे. उद्या दिनांक 24 ऑक्टोबर 2019 रोजी निकाल जाहीर होणार आहे. या निकालाची जनता आतुरतेने वाट पाहत असून जनतेने कौल कोणाच्या बाजूने दिला आहे पाहण्यासाठी उत्सुकता लागली आहे. दिनांक 21 /9 /2019 रोजी माळशिरस विधानसभा गाव निहाय खालील प्रमाणे झालेले मतदान- शिंदेवाडी ३१६१ पैकी १९५८ (६३.९७%),देशमुखवाडी १३०३ पैकी ९१३ (७०.०७%),कुरबावी २१२४ पैकी १३६८ (६४.४१%),डोंबाळवाडी कु १४२० पैकी १०५७ (७४.४४%),हनुमानवाडी ९२८ पैकी ६३० (६७.८८%),धर्मपुरी ३७९३ पैकी २३६९(६२.४६%),कोथळे ११८३ पैकी ७२४ (६१.२०%),कारुंडे २९५५ पैकी २०५८(६९.६४%),गुरसाळे ३६९५ पैकी २३०५ (६२.३८%),तांबेवाडी ९९६ पैकी ६१६ (६१.८५%),एकशिव २९०० पैकी २०१५ (६९.४८%),कळबोली १०५५ पैकी ६७४ (६३.८९%),दहीगाव ७०७३ पैकी ४५०४ (६३.६८%),मोरूची ३९६० पैकी २५४० (६४.१४%),पिंपरी २८०८ पैकी १५९३ (५६.७३%),नातेपुते १३८६५ पैकी ८४९७ (६१.२८%),पिरळे २८१७ पैकी १९३३ (६८.६२%),बंगार्डे १५२२ पैकी १२२२ (८०.२९%),पळसमंडळ १९९१ पैकी १२११ (६०.८२),मोटेवाडी फोंडशिरस १२१० पैकी ७८३ (६४.७१%),कदमवाडी ९०० पैकी ६४९ (७२.११%),फोंडशिरस ६८८५ पैकी ४६६२ (६७.७१%),लोणंद १९६० पैकी १३८१ (७०.४६%),फडतरी २६३५ पैकी १६१७ (६१.६७%),नीटवेवाडी फडतरी ५५६ पैकी ३८७ (६९.६०%),लोंढेमोहितेवाढी १२०९ पैकी ८०९ (६६.९१%),गिरवी २८७६ पैकी १८४० (६३.९८%),मांडवे ५८६९ पैकी ३९७६ (६७.७१%),खुळेवाडी ११८० पैकी ८०३ (६७.७१%),तामशिदवाडी १२४३ पैकी ८५७ (६८.९५%),मारकडवाडी फो २२८४ पैकी १६९४ (७४.१७ %),उंबरे दहीगाव २१६६ पैकी १६३८ (७५.६२%),मेडद ३६३८ पैकी २३७२ (६५.२०%),सदाशिवनगर २८३० पैकी १७१० (६०.४२%),पुरंदावडे २३९२ पैकी १५२६ (६३.८०%),जाधववाडी १८१७ पैकी ११८४ (६५.११%),कण्हेर ३८१९ पैकी २३९४ (६२.६९%),भांब १४६७ पैकी ७५३ (५१.३३%),रेडे २३३१ पैकी १२९७ (५५.६४%),भांबूर्डी ३६३१ पैकी २२६५ (६२.३८%),येळीव १०८३ पैकी ७२७ (६७.१३%),कचरेवाडी २१७१ पैकी १७१५ (७९.००%),तिरवंडी २९१९ पैकी २१३१ (७३.००%),चाकोरे २३९१ पैकी १८०४ (७५.४५%),कोंढबावी २२३३ पैकी १६९५ (७५.९१%),वटफळी ८६३ पैकी ६२६ (७२.५४%),माळशिरस १५४६६ पैकी ९७९९ (६३.३६%),मोटेवाडी माळशिरस १९३९ पैकी १४०० (७२.२०%),इस्लामपूर २९३१ पैकी २१२० (७२.३३%),गोरडवाडी २५६३ पैकी १९०६ (७४.३७%),मांडकी २४४६ पैकी १३४५ (५४.९९%),जळभावी १३८६ पैकी ८०७ (५८.२३%),गारवाड १२२५ पैकी ७६७ (६२.६१%),तरंगफळ १८६४ पैकी १४७९ (७९.३५%),झंजेवाडी ५१० पैकी ५२५ (८३.३३%),डोंबाळवाडी १०९१ पैकी ६६९ (७९.६५%),पानीव २२६७ पैकी १६६२ (७३.३१%),विजयवाडी १२६९ पैकी ९४७ (७५.२२%),गिरजणी २१६३ पैकी १६१५ (७४.६६%),बागेचीवाडी २८७० पैकी १९७७ (६८.८९%),आनंदनगर २३१० पैकी १६७३ (७२.४२%),यशवंतनगर १०३८२ पैकी ६६९६ (६४.५०%),विझोरी २२८५ पैकी १५६४ (६८.४५%),खुडूस ४८३० पैकी ३५०९ (७२.६५%),चांदापुरी १७११ पैकी १३१२ (७६.६८%),पठाणवस्ती १५७२ पैकी १०३७ (६५.९७%),मगरवाडी १३१७ पैकी ७७८ (५९.०७%),सुळेवाडी २४२० पैकी १२९५ (५३.५१%),पिलीव ७७११ पैकी ५१३० (६६.५३%),झिंजेवस्ती १०७३ पैकी ७१५ (६६.६४%),कुसमोड १७०० पैकी १२१० (७१.१८%),निमगाव मगराचे ६२३४ पैकी ४५११ (७२.३६%),पिसेवाडी २८०९ पैकी २२०१ (७८.३६%),दत्तनगर ११०५ पैकी ७८० (७०.५९%),चांडेश्वरवाडी ३२२४ पैकी २३७० (७३.५१%),माळेवाडी अकलूज ३४९८ पैकी २२७० (६४.८९%),अकलूज २८५२२ पैकी १७७५५ (६२.२५%),संग्रामनगर अकलूज ५०४८ पैकी २८५३ (५६.५२%),माळीनगर ७६०५ पैकी ४४४२ (५८.४१%),सवतगव्हाण १९१९ पैकी १२३४ (६४.३०%),बिजवडी ९५३ पैकी ७०० (७३.४५%),तांबवे २६९३ पैकी १८५४ (६८.८५%),गणेशगाव १०८५ पैकी ७५३ (७०.७०%),संगम १९२४ पैकी १३८७ (७२.०९%),बाभूळगाव १४०६ पैकी १०३१ (७३.३३%),खंडाळी ४६७२ पैकी ३३६२ (७१.९%),वेळापूर १२६८५ पैकी ८६१८ (६७.९४%),मळोली ४८४१ पैकी ३२७८ (६७.७१%),साळमुखवाडी ५०६ पैकी ३९३ (७७.६७%),काळमवाडी १२३८ पैकी ९२१ (७४.३९%),बचेरीवाडी २०७९ पैकी १५७० (७५.५२%),शिंगुर्णी २२०१ पैकी १४७० (६६.७९%),कोळेगाव ३९४० पैकी २८४३ (७२.१६%),फळवणी ३१४३ पैकी २१६० (६८.७२%),तांदूळवाडी ५८५८ पैकी ३९५६ (६७.५३%),शेडेचिचं ९८२ पैकी ७५७ (७७.०९%),धानोरे १४०८ पैकी १११७ (७९.३३%),तोंडले १९३७ पैकी १३९९ (७२.२३%),द्सूर १५०४ पैकी १२६८ (८४.३१%),बोंडले १५०२ पैकी ११४१ (७५.९७%),उघडेवाडी २४३१ पैकी १९२६ (७९.२३%)

नातेपुते (प्रमोद शिंदे)* नातेपुते पोलीस ठाणेकडून यांच्याकडून सर्व नागरिकांना व तरुणांना आवाहन करण्यात आले आहे,*
दिनांक 24/ 10/19 रोजी मत मोजणी प्रक्रिया असून निवडणूक निकालानंतर काही अतिउत्साही तरुण मोटरसायकलच्या पुंगळ्या काढून विरोधकांच्या घरासमोरून फिरवणे तसेच विरोधकांच्या दरवाजा मध्ये फटाके वाजवणे ,गुलाल उधळणे असे कृत्य करून आपापसात तेढ वाढवतात. त्यामुळे मारामारी सारखे गंभीर गुन्हे घडतात व त्याचे वाईट परिणाम शहरातील व ग्रामीण भागातील लोकांना व नातेवाईकांना भोगावे लागतात.

🛑 पुंगळ्या काढून मो/सा फिरवणाऱ्याचे मोटर सायकल वर कठोर कायदेशीर कारवाई करून मोटरसायकल संबंधित सर्व गुन्हे अशा लोकांवर दाखल करण्यात येतील.

🛑 आगामी दिवाळी सणाच्या कालावधीमध्ये जेलमध्ये जाऊ नये म्हणून सर्वांनी काळजी घेणे आवश्यक आहे.

🛑 गुन्हा दाखल झाल्यानंतर खाजगी किंवा सरकारी कसलीही नोकरी मिळणार नाही भविष्यकाळातील फायदेही मिळणार नाहीत

🛑 शांततेत विजय साजरा करणे गुन्हा नाही परंतु पुंगळ्या काढून मो/सा फिरवणे, विरोधकांच्या घरासमोर फटाके वाजविणे, बेकायदेशीररित्या वाद्य लावून मिरवणूक काढणे अशा वेगवेगळ्या पद्धतीने विरोधकांना चिथाविणे देणें, समाजातील शांतता बिघडविणे, मागील वादावरून भांडण करणे, वाद निर्माण होण्यास कारणीभूत ठरणे, आवाजाचे प्रदूषण करणे हे गंभीर गुन्हे आहेत.. अशांवर सक्त कारवाई करण्यासाठी आम्ही तयारीत आहोत…

🙏🏼 आतापर्यंत मतदान प्रक्रिया शांततेत पार पडण्यास सर्व नातेपुते व ग्रामीण भागाचे नावाला साजेसे असे प्रशासनास सहकार्य केल्याबद्धल सर्व नातेपुते व ग्रामीण भागातील जनतेचे सोलापूर ग्रा जिल्हा पोलीस दल तर्फे आभारी व्यक्त करण्यात आले आहे, याप्रमाणेच मतमोजणी प्रक्रियाही शांततेत पार पाडण्याचा आवाहन सहाय्यक पोलीस निरीक्षक युवराज खाडे यांनी केले आहे