लॉकडाउनमुळे अडचणीत असलेल्या ठाणे जिल्ह्यातील जातीय अत्याचार पिडित कुटुंबांना नॅशनल दलित मुव्हमेंट फॉर जस्टिस (एन.डी.एम.जे.) तर्फे जीवनावश्यक वस्तुंचे वाटप…

दिनांक ७ जून २०२० रोजी ठाणे जिल्ह्यातील कोरोना आपात्कालीन परिस्थितीत लॉकडाउनमुळे अडचणीत आलेल्या अनेक जातीय अत्याचार पिडित गरजू कुटुंबाना नॅशनल दलित मुव्हमेंट फॉर जस्टिस (एन.डी.एम.जे.) यांच्यावतीने
संघटनेचे राज्य महासचिव एड.डॉ.केवल उके यांच्या हस्ते जीवनावश्यक वस्तुंचे वाटप करण्यात आले.
दिनांक ३ जानेवारी २०२० रोजी तुर्फापाडा-ठाणे येथील अनुसुचित जाती-जमातीची लोक राहात असलेल्या झोपड्या जाळण्यात आल्या होत्या. या घटनेत जवळपास ३५-४० झोपड्या जळुन ख़ाक झाल्या होत्या. सदर घटनेचा पाठपुरावा येथील स्थानिक नेते आयु. राजाभाऊ चव्हान हे करत असून त्यांच्या विनंतीवरून एन.डी.एम.जे. संघटनेने येथील पिडित कुटुंबांना दहा किलो गव्हाचे पीठ, दहा किलो तांदूळ, दोन किलो साखर, दोन किलो गोडेतेल, दोन किलो तुर डाळ, उडिद डाळ, आंघोळीची व धुण्याची साबन, मीठ, मिरची, हळद, बिस्कीट पूड़े, सॅनिटरी पॅड आदी वस्तूंची एकत्रित किट तयार करून सदर किट पिडित कुटुंबांना देण्यात आली.
तसेच जिल्ह्यातील अंबरनाथ येथील बोहनोली गावाच्या आदिवासी कुटुंबांच्या अवैधरित्या जमीनी लाटल्या गेल्याच्या घटनेतील पिडित कुटुंबांना व ठाणे जिल्ह्यातील पूर्णा, दहिसर मोरी, वडवली, जंबिवली सह अश्या प्रकारच्या जातीय अत्याचाराच्या अनेक गुन्ह्यातिल पिडित कुटुंबांना त्यांच्या घरी जाउन जीवनावश्यक वस्तुंच्या किटचे वाटप करण्यात आले.
“या महामरिच्या टाळेबंदीमूळे हाताला काम नासल्याने कुटुंबाची फार वाताहत होत आहे, अनेकांना दिवसाला एक वेळचे जेवण करून वेळ काढावा लागत आहे, नातेवाईकांनी सुद्धा पाठ फिरवली, अशा परिस्थितीत एन.डी.एम.जे.संघटना आमच्या मदतिला धाउन आली आणि किमान काही आठवडे निघतील एवढे अन्न-धान्य व किराना मालाची मदत केली याचे मानावे तेवढे आभार कमी आहे” या शब्दात अनिल जोगदंड यांनी स्थानिकांच्या वतीने आभार व्यक्त केले.
उपस्थित लोकांना प्रदेश प्रसिद्धी प्रमुख तथा पत्रकार राहुल सावंत यांनी कोविड-१९ या आजारचा प्रादुर्भाव रोखण्यासाठी काय खबरदारी घ्यायला पाहिजे या बाबत माहिती दिली. या प्रसंगी एन.डी.एम.जे.संघटनेचे ठाणे-मुंबई प्रदेश अध्यक्ष मा.बंदिश सोनावने, आयु.शशिकांत वाघ, सामाजिक कार्यकर्ते आयु.राहुल कासारे, आयु.दिपक गुप्ता, आयु.नितेश गायकवाड यांच्यासह अनेक कार्यकर्ते उपस्थितीत होते.