पुरोगामी महाराष्ट्र न्यूज च्या वतीने अहिल्यादेवी होळकर जयंती निमित्त गरीब व गरजू मुलींना ड्रेस व खाऊ वाटप

पुरोगामी महाराष्ट्र न्यूज च्या वतीने अहिल्यादेवी होळकर जयंती निमित्त गरीब व गरजू मुलींना ड्रेस व खाऊ वाटप
पुरोगामी महाराष्ट्र न्यूज नेटवर्क –नातेपुते तालुका माळशिरस येथील पुण्यश्लोक राजमाता अहिल्यादेवी होळकर यांच्या जयंतीनिमित्त कोरोना काळात अडचणीत आलेल्या गरीब कुटुंबातील गरजू मुलींना पुरोगामी महाराष्ट्र न्यूज व महाराष्ट्र पत्रकार संघ यांच्या वतीने ड्रेस,मास्क व खाऊ वाटप करण्यात आला.कार्यक्रमाची सुरुवात कार्यालयात पुण्यश्लोक अहिल्यादेवी होळकर यांच्या प्रतिमेचे पूजन महाराष्ट्र पत्रकार संघ जिल्हाध्यक्ष श्रीकांत बाविस्कर व जेष्ठ पत्रकार संपादक अभिमान आठवले यांच्या हस्ते करण्यात आले. व झोपडी मध्ये राहणाऱ्या गरीब कुटुंबातील मुलींना ड्रेस व खाऊ वाटप करण्यात आला. तसेच लॉकडाऊन मुळे त्यांच्या कुटुंबातील लोकांच्या हाताला काम नाही त्यामुळे उपासमार होत आहे.या कारणाने त्या कुटुंबातील लहान मुले भिक्षा मागण्यासाठी बाहेर पडतात या मुलांना भिक्षा मागण्यासाठी बाहेर पाठवू नका, त्यांच्या आरोग्याची काळजी घ्या कोरोना पासून त्यांचा बचाव करा.

अशी विनंती त्या मुलांच्या पालकांना संपादक प्रमोद शिंदे यांनी केली व त्यांना भिक्षा मागणे पासून परावृत्त केले.तसेच त्यांच्या शिक्षणाचा खर्च पुरोगामी महाराष्ट्र न्यूज कडून केला जाईल त्यांना लागणारे शालेय साहित्य वही,पेन पुस्तके हे पुरोगामी महाराष्ट्र न्यूज कडून पुरवले जाईल त्यांच्या शिक्षणाची जबाबदारी प्रमोद शिंदे यांनी घेतली .यावेळी पत्रकार श्रीकांत बाविस्कर,महाराष्ट्र पत्रकार संघ तालुका अध्यक्ष प्रमोद शिंदे,अभिमन्यू आठवले साहेब,कार्यकारी संपादक प्रशांतजी खरात साहेब,पत्रकार सचिन रणदिवे , महादरबारचे संपादक हनुमंत माने.आदी मान्यवर उपस्थित होते. या कार्यक्रमाचे आयोजन संपादक प्रमोद शिंदे कार्यकारी संपादक प्रशांत खरात यांनी केले.