पुरोगामी महाराष्ट्र न्यूज नेटवर्क प्रमोद शिंदे

  माढा लोकसभेचे विद्यमान खासदार धैर्यशील मोहिते पाटील यांनी अतिवृष्टी बाधित व पुरग्रस्त नागरिक विद्यार्थ्यांना आवश्यक कागदपत्रे उपलब्ध करून देण्यासाठी विशेष कॅम्प आयोजित करण्याची मागणी सोलापूर जिल्हा अधिकारी कुमार आशीर्वाद यांच्याकडे पत्राद्वारे केली.सोलापूर जिल्ह्यातील अतिवृष्टी व सीना नदीला आलेल्या महापुरामुळे अनेक नागरिकांचे प्रचंड नुकसान झाले आहे. अनेकांची घरे पाण्यात जलमय झाली, संपूर्ण प्रपंच वाहून गेला, तसेच महत्त्वाची कागदपत्रे देखील नष्ट झाली आहेत. महापूरग्रस्त नागरिकांना पुनर्वसनाच्या कामाकरिता तसेच विविध शासकीय योजनांचा लाभ घेण्यासाठी आवश्यक कागदपत्रांची गरज भासणार आहे. परंतु कागदपत्रांच्या अभावामुळे हे नागरिक सरकारी मदतीपासून वंचित राहण्याची शक्यता आहे. त्यामुळे प्रशासनामार्फत विशेष कॅम्पचे आयोजन करून, नागरिकांना हरवलेली अथवा नष्ट झालेली महत्त्वाची कागदपत्रे (उदा. आधार कार्ड, राशन कार्ड, जात प्रमाणपत्र, उत्पन्न प्रमाणपत्र इत्यादी) पुन्हा मिळवून देण्यासाठी आवश्यक ती कार्यवाही करण्यात यावी म्हणून सांगितले आहे.तसेच, या महापुरामुळे अनेक विद्यार्थ्यांची शालेय व महाविद्यालयीन कागदपत्रे नष्ट झालेली आहेत. विद्यार्थ्यांच्या शैक्षणिक प्रवासात अडथळे येऊ नयेत म्हणून त्यांच्यासाठी स्वतंत्र कॅम्पचे आयोजन करून त्यांना  आवश्यक कागदपत्रे तातडीने उपलब्ध करून देण्यात यावीत.यामुळे महापूरग्रस्त नागरिकांना शासकीय योजनांचा योग्य लाभ मिळेल तसेच विद्यार्थ्यांचे शैक्षणिक नुकसान होण्यापासून रोखता येईल. अशा प्रकारच्या आशयाचे पत्र जिल्हाधिकारी यांना देण्यात आले आहे.

पुरोगामी महाराष्ट्र न्यूज नेटवर्क – प्रमोद शिंदे 
राज्यातील जवळपास २० जिल्ह्यांत, त्यातही विशेषतः मराठवाड्यातील जिल्ह्यांत पाऊस आणि महापुराने सर्वसामान्यांचे जगणे उद्ध्वस्त केले. शेती, पिके, घरेदारे, गुरेढोरे सगळे काही वाहून गेले. अत्यंत निगुतीने उभा केलेला संसार एका पावसाने मोडून पडला. पावसाने काही तासांत होत्याचे नव्हते झाले.
शाळकरी आणि महाविद्यालयीन पोरांची वह्या, पुस्तके, दफ्तरं सगळं वाहून गेलंय. याच पार्श्वभूमीवर राज्य सरकारने पूरग्रस्त विद्यार्थ्यांचे वर्ष वाया जाऊ नये यासाठी १२ वी चे अर्ज भरायला मुदतवाढ देण्याचा निर्णय घेतला आहे. बारावीच्या परीक्षेचे अर्ज भरण्याची मुदत मंगळवारी २९ सप्टेंबर रोजी संपत आहे. परंतु पाऊस आणि पूर परिस्थितीमुळे मराठवाड्यातील हजारो १२ वी च्या विद्यार्थ्यांनी परीक्षेचा अर्ज भरलेला नाही. अर्ज भरण्याचा उद्याचा एकच दिवस बाकी असल्याने एवढ्या जणांचे अर्ज भरणे शक्य नसल्याने मुदतवाढीची मागणी केली जात होती.
पूरग्रस्त भागातील हजारो विद्यार्थ्यांच्या मागणीनंतर राज्याचे उपमुख्यमंत्री एकनाथ शिंदे यांनी बारावीचे अर्ज भरण्याला मुदतवाढ दिल्याची घोषणा केली आहे. राज्याचे शिक्षणमंत्री दादाजी भुसे यांना त्यासंदर्भातील सूचना देण्यात येतील, असे एकनाथ शिंदे यांनी सांगितले.

पुरोगामी महाराष्ट्र न्यूज नेटवर्क ( प्रमोद शिंदे) 
जिल्ह्यातील नागरिकांनी जिल्हास्तरीय व तालुकास्तरीय मदत कक्षाशी संपर्क करून पूरग्रस्त बाधितांसाठी मदत देण्याचे आवाहन जिल्ह्याचे जिल्हाधिकारी कुमार आशीर्वाद यांनी संस्था संघटना यांना केली आहे.करण्यासाठी कोणाच्याही परवानगीची गरज नाही असेही सांगितले आहे.तसेच प्रशासनाने उपलब्ध करून दिलेल्या किट प्रमाणे मदत करावी असे सुद्धा आवाहन करण्यात आले आहे.सोलापूर जिल्ह्यात अतिवृष्टीमुळे नुकसानग्रस्त व पूर परिस्थितीमुळे पुरग्रस्त नागरिकांना आवश्यक ती मदत करण्यासाठी जिल्हा प्रशासन जिल्हाधिकारी कार्यालय सोलापूर यांचे वतीने जिल्हाधिकारी कार्यालय सोलापूर, सात रस्ता, शासकीय दुध डेअरी शेजारी सोलापूर येथे नैसर्गिक आपत्ती मदत कक्ष स्थापन करण्यात आले आहे. तर तालुक्याच्या ठिकाणी तालुकास्तरीय मदत कक्षाची स्थापना करण्यात आलेली असून ज्या दानशूर व्यक्ती, संस्था, संघटना यांना पूरग्रस्त बाधितांना मदत करावयाची आहे त्यांनी जिल्हास्तरीय व तालुकास्तरीय मदत कक्षाशी संपर्क करावा, असे आवाहन जिल्हाधिकारी कुमार आशीर्वाद यांनी केले आहे.जिल्ह्यातील नुकसानग्रस्त व पुरग्रस्तांच्या सार्वजनिक हितासाठी नागरिकांना आवश्यक त्या सुविधा उपलब्ध व्हाव्यांत या उद्देशाने मदत कक्ष स्थापन करण्यात आलेला असून, मदत कक्षामार्फत आवश्यक ती मदत करुन बाधित नागरिकांचे प्रश्न तात्काळ कार्यवाहीसाठी संबंधित विभागांशी संपर्क साधून सोडविण्यात येतील. या मदत कक्षाच्या माध्यमातून 88 बाधित गावांपैकी कोणत्या गावाला कोणत्या प्रकारची मदतीची आवश्यकता आहे याची माहिती दिली जाणार आहे त्यामुळे गरजू बाधितग्रस्तांना केलेली मदत तात्काळ देणे सोयीचे होणार असल्याचे जिल्हाधिकारी आशीर्वाद यांनी सांगितले. तसेच पूरग्रस्त यांना मदत करण्यासाठी कोणाच्याही परवानगीची गरज नसल्याचेही त्यांनी यावेळी स्पष्ट केले.
जिल्हास्तरीय मदत कक्ष अधिकारी व संपर्क क्रमांक :-
जिल्हाधिकारी कार्यालयात जिल्हास्तरीय मदत कक्ष स्थापन करण्यात आलेला असून जिल्हाधिकारी कार्यालयातील तहसीलदार श्री. सैपन नदाफ मोबाईल क्रमांक 83799 81799 तर दूरध्वनी क्रमांक 0217-2990140 यावर संपर्क साधावा.तालुकास्तरीय मदत मदतीसाठी संपर्क – नायब तहसिलदार, मोबाईल क्रमांक 9881741311, कार्यालयीन क्रमांक 0217-2731014; माढा तालुक्यात श्री प्रितम पवार, पुरवठा निरीक्षक, मोबाईल क्रमांक 9970827574, कार्यालयीन क्रमांक 02183-234031; करमाळा तालुक्यात श्री शतुघ्न चव्हाण, पुरवठा निरीक्षक, मोबाईल क्रमांक 8805907686, कार्यालयीन क्रमांक 02182-220535; बार्शी तालुक्यात श्री संतोष गुलाब शिंदे, पुरवठा निरीक्षक, मोबाईल क्रमांक 9518562532, कार्यालयीन क्रमांक 02184-222213; अपर तहसिल मंद्रुप येथे श्री नवल सरवळे, सहा. महसूल अधिकारी, मोबाईल क्रमांक 9309597368; दक्षिण सोलापूर तालुक्यात श्री विनायक कुलकर्णी, निवडणूक नायब तहसिलदार, मोबाईल क्रमांक 9423331657, कार्यालयीन क्रमांक 0217-2731033; तर मोहोळ तालुक्यात श्रीमती सोनाली निटुरे, पुरवठा निरीक्षण अधिकारी, मोबाईल क्रमांक 9022008681, कार्यालयीन क्रमांक 02189-232234. नागरिकांनी पूरग्रस्त मदतीसाठी संबंधित तालुक्याच्या अधिकाऱ्यांशी संपर्क साधावा.सोलापूर जिल्हायातील पूरग्रस्त बाधीत कुटुंबाना शासना तर्फे किट वाटप करण्यात येत आहे. या किट मध्ये खालील वस्तूंचा समावेश आहे.ज्वारीचे पीठ, आटा, हरभरा दाळ, स्वयंपाक तेल, मीठ, तिखट मसाला, हळद, दूध पावडर, मेणबत्ती पाकीट मध्यम आकाराचे, मच्छर आगरबत्ती, काडीपेटी, टॉर्च विथ बॅटरी, इमरजन्सी लाईट, अंगाचे साबण, प्लास्टीक ताडपत्री, चादर, सतरंजी तसेच पातेला, तवा, ताट, तांबे, वाटी, चमचा, ग्लास, उलतन, पक्कड/सांडशी, पळी (आमटी वाढण्यासाठी), प्लास्टीक बकेट अशा आवश्यक मूलभूत वस्तूंचा समावेश आहे.सामाजिक सस्था पूरग्रस्त बाधित नागारकाना जिल्हा प्रशासनान उपलब्ध करून देण्यात आलेल्या जिल्हास्तरीय मदत कक्ष व तालुकास्तरीय मदत कक्ष यांच्याकडे मदत देऊ शकतात, असेही जिल्हाधिकारी कुमार आशीर्वाद यांनी कळविले आहे.

पुरोगामी महाराष्ट्र न्यूज नेटवर्क (प्रमोद शिंदे)

श्री शंकर सहकारी साखर कारखाना लि. सदाशिवनगर यांची 2024-25 आर्थिक वर्षाची 58 वी अधिमंडळाची वार्षिक सर्वसाधारण सभा आज खेळीमेळीच्या वातावरणात पार पडली. सभेची सुरुवात शंकराव मोहिते पाटील काकासाहेब, रत्नप्रभादेवी मोहिते पाटील आक्कासाहेब आणि प्रतापसिंह मोहिते पाटील पप्पासाहेब यांच्या प्रतिमापूजनाने जेष्ठ सभासदांच्या हस्ते करण्यात आली.यावेळी महाराष्ट्र राज्याचे माजी उपमुख्यमंत्री मा. श्री. विजयसिंह मोहिते पाटील, विधान परिषदेचे आमदार व कारखान्याचे चेअरमन आ.रणजितसिंह मोहिते पाटील, माळशिरस विधानसभेचे आमदार मा. श्री. उत्तमराव जानकर, तसेच सहकार व राजकीय क्षेत्रातील अनेक मान्यवर उपस्थित होते.चेअरमन रणजितदादांनी भाषणात सांगितले:कारखान्याने ऊस उत्पादक सभासदांना FRP पेक्षा ₹458 प्रतिटन जास्त दर देऊन शेतकऱ्यांच्या हिताचे धोरण राबवले आहे.सभासदांनी ऊस पुरवठा वाढवून कारखान्यास अधिकाधिक सहकार्य करावे, असे आवाहन त्यांनी केले.265 जातीपेक्षा 8602 जातीच्या उसाला प्राधान्य देऊन उतारा वाढवण्याचे महत्त्व त्यांनी अधोरेखित केले.कृष्णाभीमा स्थिरीकरण योजनेची गरज तसेच उजनी धरणाच्या पाण्यावर हक्क प्रस्थापित करण्याचे महत्त्व त्यांनी पटवून दिले.सभेतील सर्व विषय सर्वानुमते मंजूर करण्यात आले.सभेचे प्रास्ताविक व्हा. चेअरमन मिलिंद कुलकर्णी यांनी केले, अहवाल वाचन कार्यकारी संचालक श्री. स्वरूप देशमुख यांनी केले तर आभार संचालक शिवाजी गोरे यांनी मानले. यावेळी सहकार महर्षी कारखान्याचे संचालक, श्री शंकर कारखान्याचे संचालक, शिवामृत दूध संघाचे संचालक, कृषी उत्पन्न बाजार समितीचे संचालक, खरेदी-विक्री संघाचे संचालक, जि. प. व पं. स. सदस्य, सरपंच-उपसरपंच, व्यापारी, ग्रामस्थ, अधिकारी, कर्मचारी व शेतकरी सभासद मोठ्या संख्येने उपस्थित होते.

पुरोगामी महाराष्ट्र न्यूज नेटवर्क प्रमोद शिंदे –

रत्नत्रय पतसंस्थेस सन २०२४ २५ या आर्थिक वर्षात 32 लाख 67 हजार 489 रुपये निव्वळ नफा झाला असून सभासदांना या वर्षी पंधरा टक्के लाभांश वाटप करण्यात येणार आहे अशी माहिती संस्थेचे संस्थापक मा.श्री.अनंतलाल (दादा) दोशी यांनी 21 व्या वार्षिक सर्वसाधारण सभेमध्ये बोलताना दिली
यावेळी संस्थेचे चेअरमन विरकुमार दोशी व्हा चेअरमन डॉक्टर निवास गांधी संचालक प्रमोद दोशी, अजय गांधी,रामदास गोफणे,जगदीश राजमाने,सोमनाथ राऊत, विलास साळुंखे,अनघा गांधी,सचिव ज्ञानेश राऊत यांचे सह सभासद उपस्थित होते
कार्यक्रमाची सुरुवात भगवान महावीरांच्या व तालुक्याचे भाग्यविधाते सहकार महर्षी शंकरराव मोहिते पाटील व आक्का साहेब यांच्या प्रतिमेचे पूजन करून करण्यात आली पुढे बोलताना अनंतलाल दोशी म्हणाले या पतसंस्थेची स्थापना परिसरातील छोट्या मोठ्या व्यवसायिकांना सुलभ रीतीने कर्ज मिळावे त्याची उन्नती व्हावी या उद्देशाने करण्यात आले असून या संस्थेच्या प्रगतीस सर्व सभासद ठेवेदार संचालक व कर्मचारी वर्ग यांचा मोठा सहभाग असून ही पतसंस्था सगळ्यांना चांगली सेवा देती आहे आर्थिक व्यवहाराबरोबरच ही संस्था अनेक सामाजिक कार्य ही करत आहे
प्रास्ताविक संस्थेचे कर्तव्यदक्ष संचालक मा.श्री.प्रमोद (भैय्या)
दोशी यांनी केले त्यांनी सांगितले की संस्थेमार्फत सभासदांसाठी भारतात कुठेही आरटीजीएस एनएफटी ची सोय डीडी काढण्याची सोय क्यू आर कोड पेमेंटचे सोय पिग्मी तसेच लखपती मासिक व्याज ठेव अशा विविध सोयी संस्थेमार्फत सभासदांसाठी चालू केलेल्या आहेत तरी या सर्व सेवेंचा लाभ सभासदांनी व ठेवीदारांनी घ्यावा असे यावेळी त्यांनी सांगितले
संस्थेचा अहवाल वाचन चेअरमन मा.श्री.विरकुमार (भैया) दोशी यांनी केले व संस्थेची स्थापना व तिचे उद्दिष्ट काय आहेत हे त्यांनी सांगितले व संस्थेची चालू वर्षाची आकडेवारी सभासद समोर मांडली 31 मार्च 2025 अखेर संस्थेकडे 23 कोटी 57 लाख रुपये ठेवी असून कर्जवाटप 19 कोटी 15 लाख रुपये केले आहे तसेच संस्थेची गुंतवणूक 9 कोटी 97 लाख रुपये इतकी आहे संस्थेची एकूण वसूल विभाग भांडवल 48 लाख 84 हजार रुपये आहे तसेच संस्थेचे एकूण उत्पन्न 2 कोटी 92 लाख रुपये असून खर्च 2 कोटी 59 लाख रुपये झाला असून संस्थेचा चालू वर्षाचा नफा 32 लाख 67 हजार रुपये झालेला आहे व संस्थेचे यावर्षीचे ऑडिट शशांक पत्की अँड असोसिएट सोलापूर यांनी केले असून संस्थेला त्यांनी ‘अ ‘ वर्ग दिला असल्याचे त्यांनी यावेळी सांगितले
संस्थेचे सचिव श्री ज्ञानेश राऊत यांनी 21व्या वार्षिक सभेचे नऊ विषयाचे वाचन करून संस्थेच्या आर्थिक पत्रकाची माहिती दिली व सर्व विषयावर सविस्तर चर्चा करून सर्व ठराव बहुमताने मंजूर करण्यात आले…
त्यानंतर संस्थेचे सभासद शिवाजी मदने पंकज पानसरे व भगवान शिंदे यांनी यावेळी आपले मनोगत व्यक्त करून त्यांनी यावेळी संस्थेच्या प्रगती बाबत समाधान व्यक्त केले
तसेच सालाबाद प्रमाणे याही वर्षी वेळेवर येणाऱ्या सभासदांमधून लकी ड्रॉ काढण्यात आले यामध्ये प्रथम क्रमांक सुभाष ओवाळ द्वितीय क्रमांक सीमा गुरव तृतीय क्रमांक शिवाजी मदने यांना अनुक्रमे बक्षिसे लागली तसेच सर्व हजर सभासदांना देखील गिफ्ट देण्यात आले व त्यानंतर सर्व सभासदांना स्वादिष्ट जेवणाची सोय करण्यात आली होती यावेळी मोठ्या संख्येने सभासद उपस्थित होते
कार्यक्रमाचे सूत्रसंचालन सौ.अमृता मोहिते मॅडम यांनी केले तर आभार प्रदर्शन श्री.जगदीश राजमाने यांनी मानले सदर कार्यक्रम पार पाडण्यासाठी संस्थेचे कर्मचारी व पिग्मी एजंट यांनी मोलाचे सहकार्य केले…..

पुरोगामी महाराष्ट्र न्यूज नेटवर्क प्रमोद शिंदे

. दि.28 सप्टेंबर 2025 रोजी सकाळी 11 ते दुपारी 3 पर्यंत
कार्यक्रमाचे स्थळ : दहिगाव ग्रामपंचायत समोर, मारुती मंदिर नजीक दहिगाव ता.माळशिरस जि.सोलापूरशिवप्रसाद उद्योग समूहाचे अध्यक्ष मा. श्री.शरद (बापु) मोरे तसेच मा.जि.प.सदस्या सौ.ऋतुजाताई शरद मोरे व मान्यवरांच्या हस्ते महालक्ष्मीच्या प्रतिमेचे पूजन करून कार्यक्रमांची सुरुवात करण्यात आली.या कार्यक्रमामध्ये
1) मोफत हृदयरोग तपासणी( ईसीजी, अँजिओग्राफी, अँजिओप्लास्टी)2) मोफत यूरोलॉजी तपासणी ( लघवीचे आजार, किडनी, मूत्राशयाचे आजार, प्रोस्टेट)3) मोफत डोळे तपासणी व मोफत चष्मे वाटप( तिरळेपणा, बुबुळ, प्रत्यारोपण, पापणी पडलेले-रेटीना)4) मोफत कॅन्सर तपासणी
5) मोफत रक्त तपासणी
6) मेंदूचे आजार तपासणी व मोफत शस्त्रक्रिया
7) मनका व मज्जातंतू यासंबंधी मोफत शस्त्रक्रिया
8) अल्पदरात मोतीबिंदू शस्त्रक्रियावरील आजारांच्या तपासण्या मोफत करण्यात आल्या, यावेळी या शिबिराचा 1500 (दीड हजार) नागरिकांनी लाभ घेतला.
मोठ्या प्रमाणात मोफत चष्मे वाटप करण्यात आले.सेवासदन मल्टी स्पेशालिस्ट यांच्यातर्फे सौ.लताताई मोरे यांनी कामकाज पाहिले तसेच ऑपरेशनची तपासणी केली.उपस्थिती : मा.श्री.शरद (बापु) मोरे,
मा.जि.प.सदस्या सौ.ऋतुजाताई शरद मोरे,
वैभव (भैय्या) मोरे, तेजस (दादा) मोरे, बाळासाहेब चिकने, राहुल निकम, धनाजी खुसपे, मधुकर किर्दक, महादेव केसकर, बाळासाहेब निकम, प्रकाश वलेकर, गणेश वलेकर, सागर शिंदे, योगेश चिकणे, अमोल सावंत, डॉ.लताताई मोरे, डॉ. मगर मॅडम, शिवाजी सावंत, सूर्यवंशी सर, सुरज अवघडे, रमेश चिकणे, भारत फुले, सोमनाथ शिंदे, दादा पवार, संजय किर्दक, उद्धव सावंत, सुशांत पाटील, सुधीर मोरे, सोमनाथ बुधावले, सौदागर चिकणे, कार्यकर्ते, अधिकारी, पदाधिकारी, नागरिक, सेवासदन हॉस्पिटल डॉक्टर व कर्मचारी, शिवप्रसाद फॉउंडेशनचे कर्मचारी.

पुरोगामी महाराष्ट्र न्यूज नेटवर्क- प्रमोद शिंदे
माळशिरस तालुक्यामध्ये शिक्षण संस्थेचे फार मोठ्या प्रमाणात जाळे आहे परंतु प्रत्येक मोठ्या गावातील शाळांना भेटी देत असताना किंवा त्या ठिकाणाहून वावरत असताना मोठ्या शहरांमध्ये येणाऱ्या मुलींना खेड्यातून शहरांमध्ये येणाऱ्या येताना मुलींना रोड रोमण्याचा त्रास शाळेच्या बाहेर एसटी बस स्थानकावर एसटी स्टँड ते शाळा त्याचबरोबर शाळा सुटल्यानंतर घरापर्यंत पोहोचेपर्यंत काही रोड रूमवर मोटरसायकल वरून कर्णकर्ता आवाज करीत मुलींच्या मागे पुढे फिरताना दिसतात याबाबत या तक्रारी अनेक महिला पालकांकडून शिवसेनेकडे प्राप्त झाल्या असल्याकारणाने मी दि.५/४/२०२४ रोजी तात्कालीन मुख्यमंत्री एकनाथराव शिंदे साहेब गटशिक्षणाधिकारी तत्कालीन डीवायएसपी भोरे मॅडम यांच्यासह माळशिरस तालुक्यातील चारही पोलीस स्टेशनचे प्रमुख अधिकारी निर्भया पथकातील सर्व कर्मचारी वृंद आणि त्याचबरोबर तालुक्यातील सर्व मुख्याध्यापक यांच्या समवेत बैठक आयोजित केली होती त्याच धर्तीवर आताही परिस्थितीत हाता बाहेर जात असल्याचे निदर्शनास आल्यानंतर शिवसेनेच्या वतीने श्रीमती सुषमा महामुनी मॅडम गटशिक्षणाधिकारी माळशिरस यांना राजकुमार हिवरकर पाटील शिवसेनेचे सोलापूर जिल्हा प्रमुख ओबीसी यांच्यामार्फत निवेदन देण्यात आले राज्यामध्ये नवदुर्गेच्या नवरात्राच्या महोत्सवाच्या दरम्यान वरील बैठकीचे नियोजन करावे आयोजन करावे व नारीशक्ती सशस्त्र होण्यासाठी जिजाऊ सावित्रीच्या लेकिन साठी प्रशासन सक्षम रीत्या त्यांच्या पाठीशी उभेआहे.याची प्रचिती येण्यासाठी त्याच बरोबर पुरोगामी महाराष्ट्रामध्ये अशा कोणत्याही गोष्टीला पाठीशी घातलं जाणार नाही याची खबरदारी म्हणून बैठकीचा तात्काळ आयोजन करावे अशी निवेदनाद्वारे मागणी राजकुमार हिवरकर पाटील गटशिक्षण अधिकारी त्याचबरोबर श्री रघुनाथ पांढरे गट विकास अधिकारी माळशिरस पंचायत समिती व श्री संतोष वाळके उपविभागीय पोलीस अधिकारी अकलूज यांनाही देण्यात आलं.
यावेळी शिवसेनेचे महाळुंग शहर प्रमुख रोहित रेणके नातेपुते दक्षिण शहर प्रमुख दादा वाघमारे तालुका मीडिया प्रमुख फरीद शेख दहीगाव शाखाप्रमुख दत्ता बोडरे प्रतीक ओव्हाळ दत्तनगर शाखाप्रमुख संजय खुसपे ग्रामपंचायत सदस्य दहिगाव दत्तनगर शाखाप्रमुख सोनू वाघ आदी शिवसैनिक उपस्थित होते.

– चोरीस गेलेला 100% मुद्देमाल सह 2,04,000/ किमतीचा मुद्देमाल जप्त*

पुरोगामी महाराष्ट्र न्यूज नेटवर्क प्रमोद शिंदे-

नातेपुते पोलीस ठाणे हद्दीमध्ये फिर्यादी यांच्या आकाश तानाजी बोडरे राहणार नातेपुते तालुका माळशिरस यांनी त्यांच्याकडील वापरते *वाहन टाटा टिपर* नंबर एम एच 11 सी एच 0551 या उभ्या असलेल्या वाहनाचे दोन टायर *डिस्कसह किंमत 75,000/ रुपये* खोलून कोणीतरी अज्ञात चोरट्याने ते चोरून नेले आहेत म्हणून वगैरे हकीगत वरून नातेपुते पोलीस ठाणे गुर नंबर 331/2025 बीएनएस कलम 303 (2) प्रमाणे गुन्हा दाखल होता. सदर गुन्ह्यातील घडला प्रकाराबाबत वरिष्ठांच्या मार्गदर्शनाखाली नातेपुते पोलीस ठाणे व उपविभागीय पोलीस अधिकारी कार्यालय गुन्हे प्रकटीकरण पथक  गुन्ह्यातील घटनास्थळाच्या आजूबाजूची सीसीटीव्ही पाहणी करून तसेच  सायबर शाखेकडील तांत्रिक माहितीचे विश्लेषण करून संशयित  आरोपीचा शोध घेतला असता संशयित आरोपी हा *कडेगाव जिल्हा सांगली येथील* नामे बुरान इलाही मुलानी वय – 40 वर्षअसे  असल्याबाबत खात्री झाली आणि त्यानंतर सदर आरोपीस सापळा लावून कडेगांव जिल्हा सांगली येथे पकडण्यात आले. सदर आरोपीस याबाबत विचारणा केली असता प्रथम त्यांनी उडवा उडवीची उत्तरे दिली  त्यानंतर त्याच्याकडे सखोल चौकशी केली असता त्याने सदर गुन्हा केल्याची कबुली दिली व सदर आरोपीस वरील गुन्ह्यांमध्ये अटक करण्यात आले. पोलीस कोठडी दरम्यान सदर आरोपीने गुन्ह्यातील चोरीस गेलेला *माल दोन टायर* *डिस्कसह किंमत 75,000/ रुपये**व  *त्यासाठी वापरण्यात आलेली लाल रंगाची झेन कार तसेच उभे वाहनाचे टायर काढण्यासाठी वापरलेली जॅक व नट बोल्ट काढण्या साठी वापरलेली मशीन* *अशी एकूण 2,04,000/ किं* किमती मुद्देमाल गुन्ह्याचे तपासकामी जप्त करण्यात आलेले आहे. सदर आरोपीवर आटपाडी पोलीस ठाणे येथे यापूर्वी गुन्हा दाखल आहे. सदर गुन्हयाचा पुढील तपास ASI पाठकुलकर हे करीत आहेत. सदर गुन्ह्याचे फिर्यादी यांनी पोलिसांनी केलेल्या तपासावर समाधान व्यक्त केले आहे.सदरची कामगिरी पोलीस अधीक्षक सोलापूर ग्रामीण श्री. अतुल कुलकर्णी सो, अप्पर पोलीस अधीक्षक श्री. प्रितम यावलकर, उपविभागीय पोलीस अधिकारी अकलूज श्री. संतोष वाळके यांचे मार्गदर्शनाखाली नातेपुते पोलीस ठाणेचे सहा. पोलीस निरीक्षक श्री महारुद्र परजने व उपविभागीय पोलीस अधिकारी कार्यालय, अकलूज विभागाच्या गुन्हे प्रकटीकरण विशेष पथकातील सहा. पोलीस फौजदार  श्रीकांतनिकम, पोलीस नाईक राकेश लोहार, पोलीस नाईक दत्ता खरात ,सहा पोलीस  फौजदार सत्यवान पाटकुलकर, सुभाष गोरे पोका / सचिन चव्हाण, मनोज शिंदे, रंजीत मदने, नातेपुते पोलीस ठाणे तसेच *सायबर शाखेकडील जुबेर तांबोळी* यांनी केली आहे. 

पुरोगामी महाराष्ट्र न्यूज नेटवर्क प्रमोद शिंदे –

महाराष्ट्रात व देशात सुप्रसिद्ध 1827 पासूनअसणारे शुद्ध व चोख सोने-चांदीसाठीओळखले जाणारे बारामतीचे चंदूकाका सराफ सोने-चांदी दुकानाचे भव्य शुभारंभ उद्घाटन सोहळा आमदार रणजीत सिंह मोहिते पाटील,मा.आमदार रामहरी रुपनवर,खासदार धैर्यशील मोहिते-पाटील व मान्यवरांच्या हस्ते मोठ्या थाटात संपन्न झाले.प्रसंगी आमदार रणजितसिंह मोहिते पाटील बोलताना म्हणाले की नातेपुते या ठिकाणी चंदुका सराफ यांची सोळावी शाखा सुरू होत आहे.यामुळे नातेपुते परिसरातील लोकांना चांगल्या पद्धतीचा सोनं मिळणार असून येथील युवकांना सुद्धा रोजगाराची संधी उपलब्ध झाली आहे.तसेच त्यांनी पुढील वाटचालीस शुभेच्छा दिल्या.चंदूकाका सराफ सुवर्ण पेढीचे चेअरमन किशोरकुमार जीवनदत्त शहा बोलताना म्हणाले की बऱ्याच वर्षापासून नातेपुते व परिसरातील ग्राहकांची चंदूकाका सराफ सुवर्ण पेढेची मागणी होत होती म्हणून नातेपुते या ठिकाणी सोळाव्या शाखेचा शुभारंभ केला आहे.या सुवर्ण पेढीसाठी कृषी उत्पन्न बाजार समितीचे उपसभापती मामासाहेब पांढरे यांनी जागा उपलब्ध करून दिली आहे. व्यवसायासोबत आम्ही सामाजिक बांधिलकी म्हणून विविध प्रकारचे समाज उपयोग सामाजिक उपक्रम राबवले आहे नातेपुते मध्ये सुद्धा अशाच प्रकारचे उपक्रम राबवत आहोत. तसेच ग्राहकांसाठी आकर्षक योजना जाहीर केली 22 सप्टेंबर ते 30 ऑक्टोबर या कालावधीत 30,000 व त्यापेक्षा जास्त खरेदी व गुंतवणूक करणाऱ्या ग्राहकांसाठी आकर्षक रॉयल एनफिल्ड बुलेट विजेता योजना जाहीर केली आहे.तसेच त्यांनी उपस्थित सर्वांचे आभार मानत स्वागत केले.याप्रसंगी खासदार धैर्यशील मोहिते पाटील,मा.आमदार रामहरी रुपनवर,माजी जिल्हा परिषद  उपाध्यक्ष बाबाराजे देशमुख,मामासाहेब पांढरे,यांनी पुढील वाटचालीस शुभेच्छा दिल्या.या प्रसंगी ज्येष्ठ नगरसेवक ॲड.डी वाय राऊत, हनुमंत सुळ, मा.पंचायत समिती सदस्य माऊली पाटील,डॉ.एम पी मोरे,नातेपुते एज्युकेशन सोसायटीचे चेअरमन बाहुबली सेठ शंकेश्वर,नगराध्यक्ष अनिता ताई लांडगे,पत्रकार सुनील राऊत,मा सरपंच संदीप सेठ नगरसेवक रावसाहेब पांढरे, अतुल बावकर,रणवीर देशमुख,रणजीत पांढरे,उद्योजक राजू शेठ रुपनवर, रत्नत्रय एज्युकेशन सोसायटीचे अध्यक्ष आनंद लाल दोशी, चेअरमन प्रमोद दोशी,सरपंच सोनम खिलारे नंदू लांडगे,बाबा बोडरे, वीरेंद्र पांढरे,आदींसह विविध क्षेत्रातील मान्यवर उपस्थित होते.याप्रसंगी चेअरमन किशोरकुमार शहा,डायरेक्टर नेहा शहा, मॅनेजिंग डायरेक्टर साम्यक शहा यांनी सर्वांच्या स्वागत केले.

पुरोगामी महाराष्ट्र न्यूज नेटवर्क- प्रमोद शिंदे

दि. 26 सप्टेंबर 2025 रोजी सकाळी 11 ते दुपारी 3 पर्यंत
कार्यक्रमाचे स्थळ : शिंदेवाडी मारुती मंदिराजवळ चावडी शिंदेवाडी ता.माळशिरस जि.सोलापूरशिवप्रसाद उद्योग समूहाचे अध्यक्ष मा. श्री.शरद (बापु) मोरे तसेच मा.जि.प. सदस्या सौ.ऋतुजाताई शरद मोरे व मान्यवरांच्या हस्ते महालक्ष्मीच्या प्रतिमेचे पूजन करून कार्यक्रमांची सुरुवात करण्यात आली.या कार्यक्रमामध्ये
1) मोफत हृदयरोग तपासणी( ईसीजी, अँजिओग्राफी, अँजिओप्लास्टी)2) मोफत यूरोलॉजी तपासणी ( लघवीचे आजार, किडनी, मूत्राशयाचे आजार, प्रोस्टेट)3) मोफत डोळे तपासणी व मोफत चष्मे वाटप( तिरळेपणा, बुबुळ, प्रत्यारोपण, पापणी पडलेले-रेटीना)4) मोफत कॅन्सर तपासणी
5) मोफत रक्त तपासणी
6) मेंदूचे आजार तपासणी व मोफत शस्त्रक्रिया
7) मनका व मज्जातंतू यासंबंधी मोफत शस्त्रक्रिया
8) अल्पदरात मोतीबिंदू शस्त्रक्रियावरील आजारांच्या तपासण्या मोफत करण्यात आल्या, यावेळी या शिबिराचा 750 नागरिकांनी लाभ घेतला.
मोठ्या प्रमाणात मोफत चष्मे वाटप करण्यात आले.सेवासदन मल्टी स्पेशालिस्ट यांच्यातर्फे सौ.लताताई मोरे यांनी कामकाज पाहिले तसेच ऑपरेशनची तपासणी केली.उपस्थिती : मा. श्री. शरद (बापु) मोरे, सौ. ऋतुजाताई शरद मोरे, सुभाष रणवरे, तुषार निकम, किरण शिंदे, लतेश शिंदे, अविनाश देवकर, चेतन शिंदे, रवी मोटे, नीता झेंडे (सरपंच धर्मपुरी), शारदा देवी शिंदे (सरपंच शिंदेवाडी), छगन शिंदे, दत्ता देशमुख, हनुमंत देशमुख, प्रशांत देशमुख, चेअरमन घाडगे, सोमाबापू शिंदे, अनिल पवार, अमोल भोसले, लालासो देवकर, रणजीत देशमुख, प्रणिल देशमुख, अभिषेक देशमुख, अजय देशमुख, सुशांत पाटील, कार्यकर्ते, अधिकारी, पदाधिकारी, नागरिक, सेवासदन हॉस्पिटल डॉक्टर व कर्मचारी, शिवप्रसाद फॉउंडेशनचे कर्मचारी,