बा विठ्ठला.. महाराष्ट्राला कोरोनामुक्त कर
मुख्यमंत्री उद्धव ठाकरे यांनी घातलं विठ्ठलाच्या चरणी साकडं

    पुरोगामी महाराष्ट्र न्यूज नेटवर्क- पंढरपूर, दि. 1 जुलै:-   महाराष्ट्रासह अवघ्या देशाला कोरोनामुक्त कर आणि माझ्या बळीराजाला सुख, समाधान  आणि भरभराट येऊ दे, असे साकडे मुख्यमंत्री उध्दव ठाकरे यांनी श्री  विठ्ठलाच्या चरणी आज घातले. 

मुख्यमंत्री उद्धव ठाकरे आणि सौ. रश्मी ठाकरे यांच्या हस्ते महाराष्ट्राचे आराध्य दैवत श्री विठ्ठल-रुक्मिणीची बुधवारी पहाटे आषाढी एकादशीनिमित्त शासकीय महापूजा करण्यात आली. त्यानंतर श्री विठ्ठल रुक्मिणी मंदिरे समितीच्यावतीने मुख्यमंत्री उध्दव ठाकरे यांचा सपत्नीक श्री विठ्ठल रुक्मिणी मंदिरे समितीचे कार्यकारी अध्यक्ष गहिनीनाथ महाराज औसेकर यांच्या हस्ते सत्कार करण्यात आला. यावेळी सोलापूर जिल्ह्याचे पालकमंत्री दत्तात्रय भरणे, पर्यावरण मंत्री आदित्य ठाकरे, श्री. तेजस ठाकरे उपस्थित होते.
श्री विठ्ठल-रुक्मिणीची शासकीय महापूजा पहाटे दोन वाजता सुरू झाली. आषाढी एकादशी निमित्त विठ्ठल-रुक्मिणीची महापूजा मानाचे वारकरी अहमदनगर जिल्ह्यातील वीणेकरी विठ्ठल ज्ञानदेव बढे आणि सौ. अनुसया बढे (मु.चिंचपूर-पांगुळ, ता. पाथर्डी) या दाम्पत्यासोबत मुख्यमंत्री उद्धव ठाकरे आणि त्यांच्या पत्नी रश्मी ठाकरे यांनी केली.
मुख्यमंत्री म्हणाले, कोरोनामुळे जग, देश तसेच महाराष्ट्रावर मोठे संकट आले आहे. कोरोनाचे हे संकट लवकरात-लवकर दूर करून महाराष्ट्र आणि अवघा देश कोरोनामुक्त होऊ दे. राज्यातील शेतकरी, वारकरी आणि अवघ्या विठ्ठल भक्तांचा प्रतिनिधी म्हणून मी आषाढी एकादशीला माऊलींच्या दर्शनाला आलो. बळीराजाला सुखी करण्याचे आणि राज्यातील सर्व नागरिकांच्या इच्छा-आकांक्षा पूर्ण करण्यासाठी आपणास बळ द्यावे, अशी मागणी श्री विठ्ठलाकडे केल्याचे मुख्यमंत्री ठाकरे यांनी सांगितले. पंढरपूरच्या विकासासाठी सर्वतोपरी मदत करणार आहे. त्यासाठी विकास प्रकल्पांना मंजुरी दिली जाईल. त्याबाबतचे प्रस्ताव सादर करावे, असे त्यांनी सांगितले.
कोरोनाच्या पार्श्वभूमीवर भाविकांनी आणि जनतेने आरोग्याच्या दृष्टीने पंढरपुरात येऊ नये. घरातूनच श्री विठ्ठलाचे नामस्मरण व पूजा करावी, असे आवाहन श्री. ठाकरे यांनी भाविकांना केले. वारकरी सांप्रदायाने शासनाच्या वतीने वेळोवळी करण्यात आलेल्या आवाहनाला प्रतिसाद देऊन सहकार्य केल्याबद्दल त्यांनी आभार मानले. यावेळी पंढरपूर नगरपरिषदेस शासनाच्यावतीने पाच कोटी रुपयांचा अनुदानाचा धनादेश नगराध्यक्षा साधना भोसले यांच्याकडे सुपूर्द करण्यात आला.
यावेळी नगराध्यक्ष साधना भोसले, समितीचे सदस्य ज्ञानेश्वर महाराज जळगावकर, संभाजी शिंदे, शिवाजीराव मोरे, माधवी निगडे, अतुलशास्त्री भगरे, शकुंतला नडगिरे, विभागीय आयुक्त डॉ. दीपक म्हैसेकर, अतिरिक्त आयुक्त राजेंद्र भोसले, पोलीस महानिरीक्षक सुहास वारके, पोलीस अधीक्षक मनोज पाटील, अतिरिक्त जिल्हाधिकारी संजीव जाधव, मंदिर समितीचे कार्यकारी अधिकारी विठ्ठल जोशी आदी उपस्थित होते.

जाईन गे माये तया पंढरपुरा भेटेन माहेरा आपुलिया नातेपुते : प्रतिनिधी कोरोना महामारीच्या पार्श्वभूमीवर जीवनाचे सर्वच आयाम बदलत आहेत. येणारा काळ हा आपल्या कसोटीचा काळ असणार आहे. समाज, संस्कृती, धर्म, शिक्षण, राजकारण, अर्थकारण, कुटुंब व्यवस्था अशा सर्व अंगांनी आपली जगण्याची शैली बदलणार आहे. धार्मिक, अध्यात्मिक क्षेत्रातला बदल इतिहासात प्रथमच आपल्या वर्षानुवर्षाच्या वारकरी परंपरेच्या पंढरीच्या पायी वारीला करावा लागला कारण दरवर्षी लाखोंच्या संख्येने पंढरीच्या वाटेवर चालणारा भाविक वारकरी समाज आज अगतिक होऊन घरी बसला आहे. ह भ प मनोहर महाराज भगत जेष्ठ किर्तनकार नातेपुते असे मत पुरोगामी महाराष्ट्र न्यूज चॅनलशी बोलताना मांडले जन्माचा वारकरी येतो तुझ्या दारी पांडुरंगा घालाव ही कोरोना महामारी ज्याने थांबवली तुझी पंढरीची पायी वारी महाराष्ट्राच्या खास धार्मिक वैशिष्ट्यात आषाढी आणि कार्तिकी या दोन एकादशींना फार महत्त्व आहे. एक आहे शयनी एकादशी तर दुसरी आहे प्रबोधिनी एकादशी होय. नववधूला ज्याप्रमाणे दिवाळीच्या सणाला माहेरचा ओढा असतो त्याप्रमाणे वारकरी भाविकांना पंढरीची ओढ असते भेटी लागी जीवा लागलीसे आस पंढरीये माझे माहेर साजणी माझे माहेर पंढरी आहे भिवरेच्या तीरी तसेच आपुल्या माहेरा जाईन मी आता नववधूला ज्याप्रमाणे सासरी आपले माहेरच्या आई-वडील भाऊ, बहिणीची आठवण होते त्याचप्रमाणे वारकरी भाविकांना आपल्या पांडुरंगाची आठवण होते. माझे जीवीची आवडी, पंढरपुरा नेईन गुढी पांडुरंग मन रंगले, गोविंदाचे गुणी वेधीले व मी केव्हा पंढरीला जाईल, अशी तळमळ वाटते.पंढरीच्या वाटे वारकरी हुरूहुरू पाहे त्यांचे माहेर,पांडुरंग त्यांचा पिता, चंद्रभागा त्यांची बहीण, पुंडलिक त्यांचा भाऊ यांना कधी भेटेन, उंदड पाहिले उदंड ऐकिले उदंड वर्णिले क्षेत्रमहिमे ऐसी चंद्रभागा ऐसे भीमातीर ऐसा विटेवर देव कोठे अशी मनात प्रेमाची सदिच्छा असते. सासरी बंधने माहेरी मुक्तता. सासरी दु:ख तर माहेरी सुख असते. सासरी काम असते तर माहेरी आराम असतो. कन्या सासुऱ्याशी जाये। मागे परतोनि पाहे
तैसे जाले माझ्या जीवा। केव्हा भेटसी केशवा वारी हा नुसता प्रवास नसून दैनंदिन जीवनात केलेला बदल आहे, तेच ते विचार, आचार, व्यापार करण्यापेक्षा वेगळी व आनंददायी यात्रा म्हणजे वारी होय. आनंदाने आनंदासाठीच चालायचे, इतरांचे विचार व अनुभव समजून घेणे, सुख-दु:खाची देवाण-घेवाण करणे, शारीरिक व्यायाम, नवदृष्टी, नवीन मित्रमंडळी, अनेक विषयांचे चर्चासत्र म्हणजे वारी. प्रेमाची मात, देवाची साथ, सेवेचा हात म्हणजे वारी होय. वारी ही शरीरासाठी दवा, मनासाठी दावा, बुद्धीसाठी दुवा हीच पंढरीच्या वारीची हवा या वारीत आपला अहंकार गळून पडतो. मोठेपणा, पदप्रतिष्ठा विसरणे म्हणजे पंढरीची वारी होय. प्रतिष्ठित, धनवान, जगमान्य लोक हे लोकमान्य होतात, देवमान्य होतात व आपलं मोठेपण विसरून गळ्यात टाळ घेऊन विठू माऊलीच्या हरिनामात दंग होतात, विठ्ठल टाळ विठ्ठल दिंडी विठ्ठल मुकी उच्चारा हे वारीचं वैभव व मोठेपण आहे. सामाजिक सहजीवनाची हाक निर्माण होणं वारी आहे. कपाळी गंध, मनाला नामाचा छंद, हृदयामध्ये गोविंद ही वारीची अंतरंग साधना आहे व गळ्यामध्ये तुळशीची माळ, हातामध्ये टाळ एकादशीला करतो फराळ, जो प्रपंच विसरतो, तो खरा वारकरी होय. सुखरुप ऐसे कोण दुजें सांगा माझ्या पांडुरंगा सारिखेंते एकनिष्ठ असणे हेच त्यांचे ज्ञान सुख आहे. शब्दांच्या रूपानं हे संतच पिढ्या-पिढ्यांचे सांगाती झाले आहेत. अटळ कृतज्ञता व चराचरांतील श्‍वास, निःश्‍वासाचं कारण केवळ विठू माउली आहे, ही अढळश्रद्धा. या श्रद्धेतच युगायुगांना ओलांडून पाझरणाऱ्या अमृतानुभवाचं रहस्य दडलं आहे. असे लक्षावधी श्रद्धामेघ टाळ-मृदंगांच्या गजरात नाचत-गात पंढरीकडे निघण्याचा हा भक्तिऋतू. चंद्रभागा होऊन, वाळवंटाचीही मखमली हिरवळ करून झपूर्झा जगण्याचा हा दिंडीक्षण. आषाढी सोहळ्याला आपल्या नादमयी व चित्रमयी दृष्टीनं संतमहात्मे शब्दबद्ध करतात, तेव्हा अवघे पंढरपूर समोर उभं ठाकते. आषाढीचा हा भक्तीचा महोत्सव हाच एक आपल्या जीवनातील अज-अमर महामहोत्सव आहे आषाढी सोहळ्यासाठी दाटून आलेली वैष्णवांची मांदियाळी तर आहेच
खेळ मांडियेला वाळवंटी घाई।
नाचती वैष्णव भाई रे।

चीनला धडा शिकविण्यासाठी चीनमधून कोणतीही सामुग्री निर्यात करू नका;चिनी मालावर बहिष्कार टाका – केंद्रीय राज्यमंत्री रामदास आठवले

पुरोगामी महाराष्ट्र न्यूज नेटवर्क मुंबई( प्रमोद शिंदे) दि. 18 – चीन हा धोकेबाज देश आहे. धोका देऊन त्यांनी लडाखच्या गलवाण मध्ये भारतीय सैन्यावर हल्ला केला. या भ्याड हल्ल्याचा आपण तीव्र निषेध करतो.चीन ला धडा शिकविण्यासाठी एकदा चीनशी आरपार चे युद्ध लढले पाहिजे तसेच चीनची आर्थिक कोंडी करण्यासाठी प्रयत्न झाले पाहिजेत.त्यासाठी भारतीयांनी चीनी मालावर बहिष्कार टाकला पाहिजे. व्यापार उद्योग जगातला माझे नम्र निवेदन आहे की चीन मधून कोणत्याही प्रकारच्या सामुग्री ची निर्यात करू नका ; चीन मधून मालाच्या इम्पोर्टवर बंदी आणावी; निर्यातबंदी कारावी असे आवाहन रिपब्लिकन पक्षाचे राष्ट्रिय अध्यक्ष केंद्रीय सामाजिक न्याय राज्यमंत्री ना रामदास आठवले यांनी केले आहे.

लडाख च्या गलवाण भागात भारतीय सैन्यावर चिनी सैन्याने कपटबुद्धीने नियोजन करून धोका देत क्रूर हल्ला केला. हा हल्ला भ्याड हल्ला होता. चिनी हल्ला भारतीय सैनिकांनी परतवून लावता आपले शौर्य सिद्ध केले. या हल्ल्यात 20 भारतीय जवान शहीद झाले.त्यांचे हौतात्म्य वाया जाणार नसल्याचे पंतप्रधानांनी म्हंटले आहे. आम्हाला युद्ध नको बुद्ध हवा आहे. पण चीन धोका देत राहून युद्धाची खुमखुमी दाखवीत असेल तर एक दिवस आरपार चे युद्ध लढून चीन ला कायमचा धडा शिकविण्यासाठी भारतीय सैन्य समर्थ आहे. असा ईशारा ना रामदास आठवले यांनी दिला आहे.

’ महिलेच्या चेहऱ्यावर फुलले हास्य

पुरोगामी महाराष्ट्र न्यूज नेटवर्क देविदास माने सोलापूर प्रतिनिधी

अक्कलकोट उत्तर पोलीस ठाण्याच्या सतर्कतेमुळे हरविलेले एक लाख आठ हजार रुपये किमतीचे सोन्याचे दागिने शोधून ज्यांचे आहेत त्यांना परत करण्यात आले. ही घटना गुरुवारी अक्कलकोट शहरामध्ये दुपारी 01:00 वाजे च्या दरम्यान घडली.

चांगुबाई श्रीमंत राठोड राहणार-बोरोटी ता अक्कलकोट यांनी ‘ अक्कलकोट शहरातील सोन्याच्या दुकानातून सोन्याचे मंगळसूत्र, कानफुले पैंजण,जोडवे, असे एक लाख आठहजार किंमतीचे खरेदी केलेले ‘सोने – चांदीचे’ दागिने खरेदी केले होते. घाई गडबडीत मुख्य रस्त्यावर कुठे तरी पडून ते दागिने हरवले आहेत असे सांगत सदरची महिला पोलीस ठाण्यात तक्रार देण्यासाठी आली. सदर घटनेचे ‘ गांभीर्य ओळखुन पोलीस निरीक्षक के.एस.पुजारी यांनी ‘तात्काळ डी बी पथकातील पोना चिंचोळकर , पोका राठोड,पो कॉ शिंपाळे यांना मुख्य बाजार पेठेत पाठवले. सदर कर्मचारी यांना आजूबाजूच्या ‘सिसिटीव्ही’फुटेज पाहून चंद्रकांत कटारे यांच्या दुकानात चौकशी केली असता कटारे यांनीही सदरचे सोने-चांदीचे दागिने’ सापडले आहेत. असे प्रामाणिकपणे कबूल केले. त्याबद्दल पो निरीक्षक पुजारी यांनी ‘ चंद्रकांत कटारे यांच्या प्रामाणिकपणाचे कौतुक करून ज्या महिलेचे सोने-चांदी हरवले आहे.

त्यांनाही पोलीस ठाण्यास बोलावून सोने चांदीची खात्री करूनच सुपूर्त करण्यात आले. त्यावेळी त्या महिलेच्या चेहऱ्यावरील आनंद आणि समाधान सर्वाना खुपच आनंद देऊन जाणारे होते. उत्तर पोलीस ठाण्यातील पोलीस अधिकारी व कर्मचाऱ्याच्यां सतर्कतेमुळे एक लाख आठ हजार रुपये किमतीचे सोने चांदी दागिने परत मिळाल्याने पोलीस कर्मचाऱ्याचें नागरिकातून अभिनंदन केले जात आहे.

वाशीम येथे एनडीएमजे च्या वतीने जीवनावश्यक वस्तू चे वाटप…
पुरोगामी महाराष्ट्र न्यूज नेटवर्क (वाशिम)-

नॅशनल दलित मुव्हमेंट फाॅर जस्टीस चे राज्य महासचिव तथा सदस्य आंतरजातीय विवाह मसुदा समिती व आकस्मिकता योजना मसुदा समिती चे मंत्रालयीन सदस्य मा एड डा केवल ऊके साहेब यांच्या मार्गदर्शनाखाली व राज्य सहसचिव पी एस खंदारे यांच्या नेतृत्वात आणि एनडीएमजे चे विदर्भ विभागीय समन्वयक डाॅ. रामकृष्ण कालापाड, जिल्हा संघटक रामदास वानखेडे, जिल्हा उपाध्यक्ष नारायण सरकटे, जिल्हा उपाध्यक्ष भागवत गवई,जिल्हा कोषाध्यक्ष कुसुमताई सोनुने, मालेगाव तालुका अध्यक्ष महादेव कांबळे, मालेगाव तालुका सहसचिव विश्वास कांबळे, मालेगाव तालुका प्रतिनिधी अर्जून लबडे, मोहन पठाडे यांच्या हस्ते अत्याचार पिडीत व गरजू कुटुंबाला जीवनावश्यक वस्तू चे वाटप करण्यात आले या मध्य वानखेडे नगर वाशिम येथील पाच कुटुंबाला तर झोडगा बु. येथील दहा कुटुंबाला आणि झोडगा खुर्द येथील अकरा कुटुंब असे एकूण सव्वीस कुटुंबाला प्रत्येकी एका कुटुंबाला अन्नधान्याची किट जीवनावश्यक वस्तू दिल्या गेल्या विविध प्रकारचे वस्तू वाटप केल्याने पिडीत कुटुंबाच्या चेह-यावर खुप मोठे समाधान व आनंद दिसुन आला.
प्रारंभी नॅशनल दलित मुव्हमेंट फाॅर जस्टीस चे राज्य सहसचिव पी एस खंदारे यांनी कोरोणा व्हायरस च्या प्रादुर्भाव रोखण्यासाठी व पावसाळ्यात संसंर्ग व साथरोग संदर्भात सुरक्षितता पाळून कुटुंबाला आजारापासुन वाचविण्यासाठी माहिती दिली व काय उपाययोजना करायला पाहिजे या बद्दल मार्गदर्शन केले.
या वेळी नॅशनल दलित मुव्हमेंट फाॅर जस्टीस चे मालेगाव तालुका व स्थानिक कार्यकर्ते गौतम गवई, विश्वास कांबळे, रमेश ताजणे, कांशीराम गवई, भीमराव गवई, कमलाबाई अडांगळे, मैनाबाई गवई, सुलाबाई ताजणे, अनिता गवई व ग्रामस्थ मोठ्या संख्येने उपस्थित होते.
सर्वांनी एनडीएमजे च्या कामाचे कौतुक करून प्रोत्साहन दिले.