माळशिरस तालुका

नातेपुते (प्रमोद शिंदे)* नातेपुते पोलीस ठाणेकडून यांच्याकडून सर्व नागरिकांना व तरुणांना आवाहन करण्यात आले आहे,*
दिनांक 24/ 10/19 रोजी मत मोजणी प्रक्रिया असून निवडणूक निकालानंतर काही अतिउत्साही तरुण मोटरसायकलच्या पुंगळ्या काढून विरोधकांच्या घरासमोरून फिरवणे तसेच विरोधकांच्या दरवाजा मध्ये फटाके वाजवणे ,गुलाल उधळणे असे कृत्य करून आपापसात तेढ वाढवतात. त्यामुळे मारामारी सारखे गंभीर गुन्हे घडतात व त्याचे वाईट परिणाम शहरातील व ग्रामीण भागातील लोकांना व नातेवाईकांना भोगावे लागतात.

🛑 पुंगळ्या काढून मो/सा फिरवणाऱ्याचे मोटर सायकल वर कठोर कायदेशीर कारवाई करून मोटरसायकल संबंधित सर्व गुन्हे अशा लोकांवर दाखल करण्यात येतील.

🛑 आगामी दिवाळी सणाच्या कालावधीमध्ये जेलमध्ये जाऊ नये म्हणून सर्वांनी काळजी घेणे आवश्यक आहे.

🛑 गुन्हा दाखल झाल्यानंतर खाजगी किंवा सरकारी कसलीही नोकरी मिळणार नाही भविष्यकाळातील फायदेही मिळणार नाहीत

🛑 शांततेत विजय साजरा करणे गुन्हा नाही परंतु पुंगळ्या काढून मो/सा फिरवणे, विरोधकांच्या घरासमोर फटाके वाजविणे, बेकायदेशीररित्या वाद्य लावून मिरवणूक काढणे अशा वेगवेगळ्या पद्धतीने विरोधकांना चिथाविणे देणें, समाजातील शांतता बिघडविणे, मागील वादावरून भांडण करणे, वाद निर्माण होण्यास कारणीभूत ठरणे, आवाजाचे प्रदूषण करणे हे गंभीर गुन्हे आहेत.. अशांवर सक्त कारवाई करण्यासाठी आम्ही तयारीत आहोत…

🙏🏼 आतापर्यंत मतदान प्रक्रिया शांततेत पार पडण्यास सर्व नातेपुते व ग्रामीण भागाचे नावाला साजेसे असे प्रशासनास सहकार्य केल्याबद्धल सर्व नातेपुते व ग्रामीण भागातील जनतेचे सोलापूर ग्रा जिल्हा पोलीस दल तर्फे आभारी व्यक्त करण्यात आले आहे, याप्रमाणेच मतमोजणी प्रक्रियाही शांततेत पार पाडण्याचा आवाहन सहाय्यक पोलीस निरीक्षक युवराज खाडे यांनी केले आहे

फोंडशिरस येथे पेट्रोल टँकर च्या डिक्स टायर ची धाडशी चोरी
नातेपुते (प्रमोद शिंदे) फोंडशिरस  तालुका माळशिरस येथे इंडियन ऑइल च्या बाणलिंग पेट्रोल पंप येथील पेट्रोल टँकरच्या डिक्स टायरची धाडसी चोरी करण्यात आली हकिकत आशिकी दिनांक 19 /10 /2019 रोजी रात्री बारा ते पहाटे सहा दरम्यान MH -AF45-1000 या पेट्रोल पंपावर उभ्या असलेल्या टँकरचे सात डिक्स सह टायर तसेच दोन बॅटऱ्या केबिन मधील इंजिन कव्हर जवळपास 60 हजार रुपये किमतीचा मुद्देमाल मुद्दामून लबाडीने चोरून त्याची तक्रार फिर्यादी महादेव सुखदेव बनकर राहणार फोंडशिरस यांनी नातेपुते पोलिसात फिर्याद दिली आहे. या घटनेचा तपास पोलीस नाईक राऊत करत आहेत. या चोरीच्या घटनेमुळे परिसरात भीतीचे वातावरण निर्माण झाले असून लोकांमध्ये असंतोष निर्माण झाला आहे. सद्या निवडणुकीचे वातावरण असून सर्वत्र चोख पोलिस बंदोबस्त तसेच ठिकठिकाणी पोलीस चौकी व सीसीटीव्ही कॅमेरे फोंडशिरस व नातेपुते परिसरात असून सुद्धा आशा धाडसी चोरी प्रकार होत आहे. याअगोदर दोन दिवसापूर्वी नातेपुते येथेही दोन घरफोड्या झाल्याचे उघड झाले आहे. सध्या निवडणूक तसेच दिवाळी जवळ आल्याने चोरांचं चांगलं फावत आहे. नेहमीच नातेपुते व परिसरात चोऱ्या होतात. तसेच चोऱ्यांचे प्रमाण ही वाढत आहे या चोरांवर अंकुश ठेवणे गरजेचे आहे.

कार्यकर्त्यांना स्वतःच्या पायावर उभा करण्याचा माळशिरस पॅटर्न संपूर्ण महाराष्ट्रात गेला पाहिजे…विकास दादा धाइंजे

गणेश गायकवाड (तात्या) मौजे कारुंडे ता.माळशिरस जि. सोलापूर यांना शासनाच्या वतीने मिनी ट्रॅक्टर मिळाला याचे पूजन dr. कुमार लोंढे,संतोष माने,दादा जाधव,सचिन लोंढे यांच्या हस्ते संपन्न झाले
यावेळी प्रास्ताविक विशाल साळवे यांनी तर ऍडओकेट सुमित सावंत,धनाजी शिवपालक, एन डी एम जे राज्य सचिव वैभव तानाजी गिते यांनी मनोगत व्यक्त केले
यावेळी प्रमुख भाषणात बोलताना विकास दादा धाइंजे म्हणाले की माळशिरस तालुक्यात 127 ट्रक्टर बौद्ध, मातंग,चर्मकार, यांच्यासह विविध जातींच्या समूहांना मिनी ट्रॅक्टर ची योजना मिळवून देऊन कार्यकर्ते स्वतःच्या पायावर उभे राहिले आहेत आज त्यांची कुटुंब चांगल्या प्रकारे रोजगार मिळवत आहेत हा माळशिरस तालुका पॅटर्न संपूर्ण महाराष्ट्रात घेऊन जाणे काळाची गरज आहे
यावेळी डॉक्टर कुमार लोंढे केेेेे रिपाई जिल्हा युवक संघटक महेंद्र गायकवाड सर, विशाल साळवे, ऍड .सुमित सावंत संपादक प्रमोद शिंदे ,उपसंपादक प्रशांत खरात, एन डी एम जे पश्चिम महाराष्ट्र अध्यक्ष संजय झेंडे, रंजीत कसबे दत्ता कांबळे ,विषाल झेंडे , सचिन झेंडे धनाजी ,शिव पालक संजय नवगिरे ,गोरख गायकवाड रवी झेंडे ,महादेव गायकवाड, गणेश गायकवाड , विशाल गायकवाड, शिवाजी साळे बाळासाहेब सावंत, धीरज सावंत, माळशिरस तालुक्यासह विविध तालुक्यातील फुले शाहू,आंबेडकर, अण्णाभाऊ यांच्या चळवळीतील नेते व कार्यकर्ते मोठ्या संख्येने उपस्थित होते.

सरपंच अमर जगताप यांच्या प्रयत्नांना यश तलावात पाणी सोडण्यास मंजुरी*
नातेपुते( प्रमोद शिंदे)- कारुंडे तालुका माळशिरस येथील लघुपाटबंधारे तलाव कोरडा पडला असल्याने कारुंडे गावात भीषण पाणीटंचाईला सामोरे जावे लागत आहे सोलापूर जिल्ह्यात पावसाचे प्रमाण कमी झाल्याने कारुंडे या भागात विहिरी नाले बोरवेल याचे पाणी आटले आहे. त्यामुळे येथे पाण्याचा प्रश्न निर्माण झाल्याने धीम बलवाडी धरणातील पाणी कारुंडे तलावात सोडण्याची मागणी सरपंच अमर जगताप व ग्रामस्थांनी दिनांक  26 /9 2019 ग्रामसभेचा ठराव करून केली होती.लघु पाटबंधारे विभागाकडे केली होती याची दखल घेत लघुपाटबंधारे कार्यकारी अभियंता बोडके यांनी दिनांक 30/9/2019 रोजी पाणी सोडण्याची मंजुरी पत्राद्वारे दिली आहे.लवकरच तलावामध्ये पाणी सोडले जाईल अशी माहिती सरपंच अमर जगताप यांनी दिली.

कृष्णामाईच्या प्रेरणेमुळेच सहकार महर्षिनी माळशिरसमध्ये क्रांती केली. सविता ढोबळे

कृष्णामाईच्या प्रेरणेमुळेच सहकार महर्षिनी माळशिरसमध्ये क्रांती केली.
सविता ढोबळे
नातेपुते ( प्रतिनिधी)
कृष्णामाई माने पाटील या आदर्श माता होत्या. त्यांनी आपल्या मुलांवर सामाजिक कार्याचे संस्कार केले. त्यांच्या प्रेरणेमुळेच सहकारमहर्षि शंकरराव मोहिते पाटील यांनी माळशिरस तालुक्यात क्रांती केली असे मत साविता ढोबळे यांनी व्यक्त केले आहे.
मोरजाई विद्यालय मोरोची ता माळशिरस येथे कृष्णामाई माने पाटील यांची पुण्यतिथी साजरी करण्यातआली त्यावेळी प्रमुख पाहुण्या म्हणुन त्या बोलत होत्या.
यावेळी मुख्याध्यापक विकास सुर्यवंशी, रामहरी आचार, बाळासाहेब बळवंतराव , फिरोज आतार, संपत रुपनवर, आशा महामुनी, दिपाली जाधव, सुनंदा वजाळे, रणजित बाबर, बाळासाहेब लवटे, विठ्ठल लोंढे उपस्थित होते . यावेळी कु केतकी पाटील, पुनम अवघडे यांनी मनोगत व्यक्त केले.
यावेळी बोलताना सौ ढोबळे म्हणाल्या की, सहकारमहर्षि शंकरराव मोहिते पाटील यांनी माळशिरसच्या माळरानावर सहकार, शैक्षणिक,कृषी औद्योगिक , दुग्ध क्रांती केली आहे. त्यांच्या मातोश्री कृष्णामाईनी लहानपणी केलेल्या सामाजिक कार्याच्या संस्कारामुळे , कृष्णामाईनी आपली तिन्ही मुले कर्मवीर बाबासाहेब माने पाटील, धर्मवीर सहाशिवराव माने पाटील, सहकारमहर्षि शंकरराव मोहिते पाटील यांना आदर्श घडवण्यासाठी प्रयत्न केले. इथल्या सामान्य लोकांचे दुःख दुर व्हावे यासाठी सहकारी संस्था स्थापना करुन जीवनमान उंचावण्याची प्रेरणा त्यांनी दिली . त्यांचे स्वप्न आज प्रत्येक्षात उतरलले पहावयास मिळत आहे. सहकारमहर्षिनीं स्थापन केलेल्या संस्था गरीबांची आश्रयस्थाने बनलीआहेतअसे त्या म्हणाल्या.
कार्यक्रमाचे सुत्रसंचालन विवेक भागवत यांनी केले तर आभार प्रथमेश पाटोळे यांनी मानले..

महाराष्ट्र शासनाच्या 33 कोटी वृक्ष लागवड संकल्पनेतून पुरोगामी महाराष्ट्र न्यूज चॅनेल ने झाडे लावा झाडे जगवा अभियान राबवले होते या अभियानात सुप्रसिद्ध हार्ट स्पेशलिस्ट डॉक्टर एम के इनामदार यांनी उस्फुर्त सहभाग नोंदवून सहकार्य केल्याबद्दल त्यांना पुरोगामी महाराष्ट्र न्यूज चॅनल यांच्या वतीने सन्मानपत्र देण्यात आले