जिल्हा

दहिगाव हायस्कूलचे 20 नोव्हेंबरला माजी विद्यार्थी स्नेहसंमेलन, 54 वर्षानंतर भेटणार सवंगडी
पुरोगामी महाराष्ट्र न्यूज नेटवर्क ( प्रमोद शिंदे)-

प्रगत शिक्षण संस्थेचे
दहिगाव हायस्कूल दहिगाव यांच्यावतीने 20 नोव्हेंबरला सकाळी दहा वाजता 1968 ते 2022 या कालावधी मधील माजी विद्यार्थ्यांचे स्नेहसंमेलनाचे आयोजन करण्यात आले आहे. संस्थेला पन्नास वर्षे पूर्ण झाल्याच्या आनंदात सुवर्ण महोत्सवानिमित्त तब्बल ५४ वर्षानंतर माजी विद्यार्थी एकमेकांना भेटणार आहेत.याची उत्सुकता सर्व माजी विद्यार्थ्यांना लागली आहे.दहिगाव हायस्कूल दहिगाव ने अनेक गुणवंत विद्यार्थी समाजाला दिले आहे. या हायस्कूल मधून अनेक उच्चपदस्थ अधिकारी मोठे व्यावसायिक विविध क्षेत्रात प्राविण्य मिळवलेले विद्यार्थी घडवलेले आहेत या सर्व विद्यार्थ्यांना 54 वर्षानंतर पुन्हा एकदा एकत्र आणण्याचे काम संस्थेने केले आहे. असे म्हणतात की “ऋणानुबंधाच्या जिथे पडल्या गाठी… भेटीत दृष्टांता मोठी!”विविध ठिकाणी व्यवसायाच्या नोकरीच्या निमित्ताने गेलेल्या माजी विद्यार्थ्यांना एकत्र आणून पुन्हा एकदा जुन्या आठवणींना उजाळा देण्याचे काम संस्थेच्या माध्यमातून होत असल्याने माजी विद्यार्थ्यांमध्ये नवचैतन्य निर्माण झाले आहे. संस्थेच्या वतीने माजी शिक्षक यांचा सन्मान व सर्वांना प्रीती भोजनाचे आयोजन करण्यात आले असून पंचक्रोशीतील सर्व विद्यार्थ्यांना संस्थेच्या अध्यक्ष व सर्व सदस्य मुख्याध्यापक, शिक्षक व कमिटीच्या वतीने निमंत्रित करण्यात आला आहे.

संविधान दिन साजरा न करणाऱ्या अधिकाऱ्यांवर देशद्रोहाचा गुन्हा दाखल करून बडतर्फ करावे……वैभव गिते

संविधान दिनाची अंमलबजावणी न करणारा देशद्रोहीच…..पंचशीला कुंभारकर

             
                                      नॅशनल दलित मूव्हमेंट फॉर जस्टीस या संघटनेच्यावतीने राज्य महासचिव ऍड.डॉ.केवलजी उके यांच्या मार्गदर्शनात राज्य सचिव वैभव गिते यांनी सामाजिक न्याय व विशेष सहाय्य विभागाचे सचिव सुमंत भांगे यांची  भेट घेऊन निवेदन दिले आहे.निवेदनात 26 नोव्हेंबर हा दिन संविधान दिवस  म्हणून साजरा करावा आणि जो अधिकारी कर्मचारी प्राचार्य,मुख्याध्यापक टाळाटाळ करील त्यांच्यावर देशद्रोहाचा गुन्हा दाखल करण्याची मागणी केली आहे.

महाराष्ट्र शासनाच्या सामान्य प्रशासन विभागाच्या दिनांक 24 नोव्हेंबर 2008 च्या शासननिर्णयानुसार भारतीय संविधानाबाबत जनजागृती आणि सर्व नागरीकांना संविधानाची ओळख व्हावी.याकरिता राज्यात दरवर्षी दिनांक 26 नोव्हेंबर हा दिवस संविधान दिवस म्हणून साजरा करण्याचा निर्णय घेतलेला आहे. सर्व शासकीय व निमशासकीय कार्यालये जिल्हा परिषद पंचायत समित्या,नगरपालिका,महानगर पालिका,ग्रामपंचायती महाराष्ट्रातील सर्व प्राथमिक शाळा व महाविद्यालयांमध्ये संविधान दिवस पुढीलप्रमाणे साजरा करण्याचा निर्णय घेण्यात आला आहे.
सर्व शासकीय निमशासकीय विभागांमध्ये संविधानाच्या प्रस्ताविकेचे सामूहिक वाचन करण्यात यावे.
संविधानाबाबत जनजागृती व्हावी म्हणून सर्व शाळा महाविद्यालयांमार्फत त्या दिवशी संविधान यात्रा काढण्यात यावी.व त्यामध्ये संविधानाची प्रास्ताविका मूलभूत हक्क,कर्तव्य,व जबाबदाऱ्या, इत्यादी संविधानातील महत्वाची कलमे ठळक रित्या दिसतील असे बॅनर, पोस्टर वापरावेत.
याबाबत शाळा महाविद्यालयांमध्ये निबंध/भित्तीपत्रके/सांस्कृतिक कार्यक्रमाचे आयोजन करण्यात यावे.शासकीय कार्यालये,स्थानिक स्वराज्य संस्थांमार्फत संविधानाबाबत जनजागृती करणारी व्याख्याने,कार्यक्रम आयोजित करावेत.संपूर्ण कार्यक्रमाचा वस्तुनिष्ठ अहवाल व्हिडिओ शूटिंग,फोटो,5 डिसेंबर पर्यंत जिल्हाधिकारी यांच्या मार्फत शासनास पाठवावा.
ज्याप्रमाणे केंद्रसरकार व राज्य सरकार तर्फे स्वातंत्र्याच्या अमृत महोत्सवात हर घर तिरंगा हे अभियान राबविण्यात आले आहे.त्याचप्रमाणे हर घर संविधान असे अभियान प्रत्येक घरोघरी राबविण्यात यावे.अनेक शासकीय निमशासकीय कार्यालयीन प्रमुख,महाविद्यालयांचे प्राचार्य,शाळांचे मुख्याध्यापक,26 नोव्हेंबर दिनी कार्यालयात डॉ.बाबासाहेब आंबेडकरांची प्रतिमा ठेवून संविधान दिन साजरा करीत नाहीत.शासनाच्या आदेशानुसार संविधान दिन साजरा करीत नाहीत अशा कार्यालयीन प्रमुखांना बडतर्फ करण्याची कारवाई करण्यात यावी.सर्व विभागांचा वस्तुनिष्ठ अहवाल संविधान दिन साजरा केल्याचा व्हिडीओ चित्रीकरण करावे म्हणून आदेश देण्यात यावेत.ज्या शाळा संविधान यात्रा प्रभात फेरी काढणार नाहीत अशा शाळांची मान्यता रद्द करावी.शासकीय अधिकाऱ्यांनी कसुरी केल्यास देशद्रोही समजून देशद्रोहाचा गुन्हा दाखल करून सेवेतून बडतर्फ करावे.यामध्ये कसुरी केल्यास संघटनेच्या माध्यमातून जे कार्यालयीन प्रमुख संविधान दिन साजरा करणार नाहीत अशांच्या तोंडाला काळे फासण्यात येईल तसेच आझाद मैदानात तीव्र आंदोलन छेडले जाईल याची नोंद घ्यावी.असा इशारा नॅशनल दलित मूव्हमेंट फॉर जस्टीस या संघटनेच्या वतीने राज्य सचिव मा.वैभव गिते यांनी दिला आहे.हे निवेदन सामान्य प्रशासनाच्या प्रधान सचिवांना,शासनाच्या मुख्य सचिवांना देण्यात आले आहे.निवेदनावर राज्य संघटक पी.एस.खंदारे,राज्य कोषाध्यक्ष शिवराम दादा कांबळे,राज्य महिला संघटक पंचशीलाताई कुंभारकर यांच्या सह्या आहेत.

नातेपुते प्रमोद शिंदे-
श्री 1008 महावीर दिगंबर स्वामी जैन अतिशय क्षेत्र ट्रस्टने सलग 23 व्या वर्षी सर्व रोगनिदान शिबिराचे आयोजन केले होते.यावेळी डॉ.श्रेणिक शहा हे कार्यक्रमाचे अध्यक्ष होते.
बोलताना ते म्हणाले की संस्थेने आरोग्य शिबिराच्या माध्यमातून लोकांच्या आरोग्याच्या दृष्टिकोनातून चांगले काम केले आहे.तेवीस वर्षात अनेक रुग्णांवर उपचार संस्थेने केले आहेत.तसेच या शिबिरामुळे अनेक गोरगरीब गरजू रुग्णांना फायदा होत आहे.भविष्यात मोठ्या प्रमाणात या ठिकाणी रुग्णांना सेवा मिळेल सर्व लोकांनी याचा लाभ घ्यावा असे आवाहन त्यांनी उपस्थित त्यांना केले.तसेच ट्रस्टी नरेंद्र गांधी बोलताना म्हणाले थोड्याच दिवसात ट्रस्टच्या वतीने ब्रह्म महती सागर आयुर्वेदिक चिकित्सालय मोठ्या प्रमाणात उभारण्यात येणार आहे.तसेच दहिगाव येथील भारतातील सर्वात सुंदर मेरू तयार झाला आहे.सी आर दोशी सरांचे स्वप्न होते की मोठी आरोग्य सेवा ट्रस्टच्या माध्यमातून उभी करायची आहे.ही संकल्पना आपण पूर्ण करणार आहोत.रथ उत्सव हा दहिगाव चा मानबिंदू आहे. कार्यक्रमाचे प्रास्ताविक डॉ.तेजस चंकेश्वरा यांनी केले. कार्यक्रम उद्घाटनास श्री108 शुभंकीर्ती महाराज यांचे सानिध्य लाभले. तसेच कार्यक्रमाचे दातार व उद्घाटक हिंगणगावकर दोशी परिवार हे होते. शिबिरात रुग्ण तपासणीसाठी डॉ.श्रेणिक शहा इंदापूर,डॉ.समीर दोशी अकलूज,डॉ.भूषण चंकेश्वरा, डॉ.महावीर गांधी, डॉ उत्कर्ष गांधी,डॉ निखिल फडे,डॉ अजिंक्य होरा, डॉ.सीमा गांधी यांनी 650 रुग्णांना मोफत सेवा दिली.मेडिकल असोसिएशनच्या वतीने दीड लाख रुपयांची औषधं मोफत देण्यात आली.या कार्यक्रमास आजी माजी सरपंच,उपसरपंच सोसायटी चेअरमन पदाधिकारी सर्व सदस्य ग्रामस्थ उपस्थित होते.कार्यक्रम यशस्वी होण्यासाठी ट्रस्टी,श्रावक श्राविका यांनी परिश्रम घेतले.

पुरोगामी महाराष्ट्र न्यूज नेटवर्क
“माझा राम सखा,मी
रामाचा,यश दे रामा,नको तूझी सत्ता”फक्त यश हवे असेल तर राम नाम जपा, आजच्या वेगवाण जीवनात नामस्परणाशिवाय पर्याय नसल्याचे मत चैतन्य जपसंकूलाचै कार्याध्यक्ष तथा शिबीर प्रमूख धैर्यशील देशमूख यांनी व्यक्त केलै.
लोंढैवस्ती(कांरूडे) यैथे चैतन्य जप संकूलाच्या २२व्या राज्यस्तरीय शिबिरात ते बोलत होते.
पुढे बोलताना ते म्हणाले ,नामस्परण केल्यास सूख ,समाधान मिळते,द्बेष ,कटूता, बाजूला ठेऊन प्रेम निर्माण करावे,महात्मा गांधी सारखी सहनशीलता अंगी बाळगा,ज्ञानाची भूक कधीहीसंपत नाही.
जपकारात फक्त हिंदूच नाहीत ,तर मूस्लीम,जैन,बौद्ब,पारशी,खीश्चन,या सर्व धर्माचे जपकार आहेत,या शिबीरात महाराष्टातील सर्व जिल्हातील जपकार सहभागी झाले आहेत,जपकाराने जात,धर्म न मानता,भगवंताचे नामस्परण करावे,
या शिबीरातुन अनेकांचे संसार वाचले आहेत,दारू,गूटखा,तंबाखू हि व्यसने सोडवाण्यात जप संकूलामूळे यश मिळाले.
जपकाराचे वर्तन आदर्श असले पाहिजे,औधंचे पंतप्रतिनिधी गोंदवलेकर महाराजाचे भक्त होते,ते नित्य नियमाने महाराजाच्या दर्शनास येत असत,
या कार्यक्रमास धनजंय पवार,राजेंद्र मोरे,विजय लोंढे,सूरेश लोंढे,सौ अश्विनी देऊस्कर,सतिश बर्गे,साहेबराव देशमूख,अर्जून काटे,ज्ञानेश्वर लावंड,हनूमंत पाटिल!प्रभाकर मस्कर,यूवराज सांळूखे,संजय गोसावी,नितीन लोंढे,सतिश बडवे,संपराव पांढरे,नितीन वायाळ,तूषार पवार,दत्ताञय नागमल,दिगंबर लाळगे,सूनिल देशपांडे,रामचंद्र सलगर,महादेव जाधव,माऊली ठोंबरे,उपस्थित होते

अतिशय क्षेत्र दहिगाव येथे परमपूज्य 108 मुनीश्री शुभंकीर्ती महाराज यांच्या सानिध्यात नूतनीकरण धर्म रथाचे उद्घाटन 

पुरोगामी महाराष्ट्र न्यूज नेटवर्क प्रमोद शिंदे
सालाबाद प्रमाणे श्री 1008 महावीर स्वामी दिगंबर जैन अतिशय क्षेत्र वार्षिक रथोत्सवास दहिगाव ता माळशिरस जिल्हा सोलापूर येथे  कार्तिकी वद्य पंचमी निमित्त दिनांक 13 नोव्हेंबर 2022 रोजी रथोत्सवाची सुरुवात झाले आहे .सकाळी नऊ वाजता परमपूज्य 108 मुनीश्री शुभंकीर्ती महाराज यांच्या उपस्थितीत स्व.श्री चंद्रकांत जीवराज गांधी पिलीव यांच्या स्मरणार्थ श्रीमती प्रगती चंद्रकांत गांधी व सौ समता प्रशांत गांधी,श्री व सौ प्रज्योती शितल गांधी दहिगाव, गांधी परिवार यांच्या वतीने भगवान श्री यांचा अभिषेक होऊन तसेच मंदिरामध्ये संगीतमय भक्तामर विधान दुपारी दोन वाजता संपन्न झाला. तसेच परमपूज्य 108 मुनीश्री शुभंकीर्ती महाराज यांच्या सानिध्यात25 वर्षानंतर नूतनीकरण केलेल्या पाच मजली लाकडी धर्म रथाचे उद्घाटन करण्यात आले आहे व श्री 1008 भगवान महावीर यांच्या पालखीची शोभायात्रा पंडितांच्या माळावर वाजत गाजत काढण्यात आली प्रसंगी पंचक्रोशीतील अनेक भाविक उपस्थित होते.

पुरोगामी महाराष्ट्र न्यूज नेटवर्क प्रमोद शिंदे-

उद्या कारंडे येथे चैतन्य जप प्रकल्पाचे दोन दिवसीय राज्यस्तरीय शिबीर दि. १२ व १३ नोंव्हेंबरला कारूंडे  ( लोंढे वस्ती ) ता. माळशिरस,जि,सोलापुर येथे आयोजित करण्यात आले आहे चैतन्य जप प्रकल्पाचै  कार्याध्यक्ष शिबीर प्रमुख धैर्यशील भाऊ देशमुख यांच्या मार्गदर्शनाखाली शिबिराची अंतिम टप्प्यात तयारी झाली असून या शिबीरामध्ये काकड आरती, अंखड सामूदायिक जप नामस्मरण, शोभायाञा, मिरवणूक, प्रसाद,रक्तदान शिबीर, वृक्षारोपण असे धार्मिक व सामाजिक कार्यक्रमाचे आयोजन करण्यात आले आहे. तसेच या शिबिरात राजेंद्र महाराज मोरे, संदिपबूवा मांडके,रांजेंद्र आगवणे, गणपतराव जगताप यांचे प्रवचण किर्तन होणार आहे.
शिबीराचे उद्घाटन सूशिला महादेव पवार यांच्या शुभहस्ते व भारती महाराज, माजी उपमुख्यमंत्री विजयसिह मोहीते पाटील, माळशिरसचे विधानसभा आमदार राम सातपुते, सातारा  जि. प.माजी अध्यक्ष संजीवराजे नाईक निंबाळक, फलटण विधानसभा आमदार दिपक चव्हाण,धैर्यशिल देशमुख,धनजय पवार,अमर जगताप, अमोल पाटील,लक्ष्मण आसबे, नंदकूमार जोशी, गणपतराव जगताप,साहेबराव देशमूख,विजय लोंढे,  अर्जून जाधव व मान्यवरांच्या प्रमुख उपस्थितीत होणार आहे हे शिबिर जपकारांना एकत्र आणण्यासाठी तसेच शिबिरामुळे तरुणांमध्ये परिवर्तन दिसत आहे तरुण पिढी व्यसनापासून दूर करण्यासाठी विचारांची देवाणघेवाण करण्यासाठी अशा प्रकारच्या शिबिरांच्या आयोजन केले जाते महाराष्ट्रात 365 दिवस वेगवेगळ्या ठिकाणी जपमाळ सुरू आहे नातेपुते फलटण पुणे जिल्हा अशा विविध ठिकाणी आतापर्यंत या शिबिराच्या आयोजन केले आहे यासंदर्भात धैर्यशील भाऊ देशमुख यांनी माहिती सांगितली तसेच या शिबिरासाठी भाविक भक्तांनी मोठ्या संख्येने उपस्थित राहण्याचे आवाहन धैर्यशील देशमुख यांनी केले आहे.

पुरोगामी महाराष्ट्र न्यूज नेटवर्क नातेपुते (प्रमोद शिंदे)–माळशिरस तालुक्याचे आमदार राम सातपुते यांच्या प्रयत्नातून पिरळे येथील गरीब कुटुंबातील मोलमजुरी करणाऱ्या महिलेची अवघड शस्त्रक्रिया मोफत करण्यात आली.याबाबत हकीकत आशिकी पिरळे ता माळशिरस येथील मोल मजुरी करणारी सुवर्णा बिट्टू रणदिवे या महिलेला अनेक दिवसांपासून शारीरिक त्रास होत होता.त्या फलटण,बारामती,पुणे येथील दवाखान्यामध्ये उपचारासाठी गेल्या होत्या.परंतु त्या ठिकाणी अवघड शस्त्रक्रिया असल्याने उपचार करण्यासाठी डॉक्टरांनी नकार दिला शस्त्रक्रियासाठी डॉक्टरांनी अडीच लाख रुपये खर्च सांगितला होता. घरची परिस्थिती नसल्याने मोठ्या हॉस्पिटलमध्ये उपचार करू शकत नव्हती म्हणून माळशिरस तालुक्याचे आमदार राम सातपुते यांच्या जनता दरबारामध्ये सुवर्णा रणदिवे व त्यांचा भाऊ अनिल खिलारे यांनी आमदार राम सातपुते यांची भेट घेतली व घडलेला प्रकार त्यांच्या कानावर घातला.आमदार सातपुते यांनी तात्काळ त्यांची दखल घेत त्यांना उपचारासाठी दवाखान्यामध्ये पाठवले व डॉक्टरांना फोनवरून पेशंटची काळजी घेण्यास सांगितले आमदार राम सातपुते यांच्या सांगण्यावरून डॉक्टरांनी ही अवघड शस्त्रक्रिया मोफत पार पाडली व सुवर्णा रणदिवे या पेशंटला जीवदान दिले.पेशंट व त्यांच्या कुटुंब तसेच पिरळे ग्रामस्थांकडून आमदार राम सातपुते यांचे आभार व्यक्त केले जात आहेत.यासाठी ऍड तुकाराम शेंडगे,महेश इटकर,नानासो कोथमीरे यांचे विशेष सहकार्य लाभले.

अतिशय क्षेत्र दहिगाव वार्षिक रथोत्सव यात्रेनिमित्त नूतनीकरण रथ उद्घाटन

पुरोगामी महाराष्ट्र न्यूज नेटवर्क प्रमोद शिंदे  
सालाबाद प्रमाणे श्री 1008 महावीर स्वामी दिगंबर जैन अतिशय क्षेत्र वार्षिक रथोत्सवास दहिगाव ता माळशिरस जिल्हा सोलापूर येथे  कार्तिकी वद्य पंचमी निमित्त दिनांक 13 नोव्हेंबर 2022 रोजी रथोत्सवाची सुरुवात होत आहे.सकाळी नऊ वाजता परमपूज्य 108 मुनीश्री शुभंकीर्ती महाराज यांच्या उपस्थितीत स्व.श्री चंद्रकांत जीवराज गांधी पिलीव यांच्या स्मरणार्थ श्रीमती प्रगती चंद्रकांत गांधी व सौ समता प्रशांत गांधी,श्री व सौ प्रज्योती शितल गांधी दहिगाव, गांधी परिवार यांच्या वतीने भगवान श्री यांचा अभिषेक होऊन तसेच मंदिरामध्ये संगीतमय भक्तामर विधान दुपारी दोन वाजता. 25 वर्षानंतर नूतनीकरण केलेल्या पाच मजली लाकडी धर्म रथाचे उद्घाटन करण्यात येणार आहे.    इथूनच यात्रा उत्सवात सुरुवात होते.यंदा रथ यात्रा उत्सवानिमित्त विविध कार्यक्रमाचे आयोजन करण्यात आले आहे. तसेच दिनांक 14/11 2022 रोजी सकाळी नऊ वाजल्यापासून ते चार वाजेपर्यंत सर्व रोग निदान शिबिर व संगीतमय बोलिया अभिषेक चे आयोजन कार्तिकी वैद्य सात दिनांक 15 /11/ 2022 रोजी सुशोभित धर्म रथामध्ये श्री 1008 भगवान महावीर स्वामी यांची मूर्ती विराजमान करून सालाबाद प्रमाणे शोभा यात्रेचे आयोजन करण्यात आलेआहे.तसेच त्याच दिवशी स्व.सीआर दोशी यांना समाज रत्नपुरस्कार प्रदान, कथा महतीसागरांच्या चतुर्थ आवृत्तीचे प्रकाशन,रथा मधून मूर्ती मंडपात घेऊन तीर्थप्रसाद व संगीताचा कार्यक्रम अशाप्रकारे रथ उत्सव कार्यक्रमाचे आयोजित करण्यात आले आहे.

तत्वत मंजुरी दिल्याबद्दल आमदार रणजितसिंह मोहिते पाटील यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांचे मानले आभार
पुरोगामी महाराष्ट्र न्यूज नेटवर्क/प्रतिनिधी ; मुख्यमंत्री एकनाथ शिंदे यांच्या सहकार्यातून व उपमुख्यमंत्री देवेंद्र फडणवीस यांच्या माध्यमातून पाणी पुरवठा मंत्री गुलाबराव देवकर यांच्याकडे केलेल्या पाठपुराव्याने माळशिरस तालुक्यातील फोंडशिरस व वाडी वस्त्यांकरीता भविष्यकालीन पुढील ३० वर्षांचा विचार करून जलजीवन मिशन अंतर्गत १७ कोटी ८३ लक्ष रूपयांच्या योजनेस महाराष्ट्र जीवन प्राधिकरण यांच्याकडून तांत्रिक मंजूरी मिळाली असल्याची माहीती आ.रणजितसिंह मोहिते-पाटील यांनी दिली.
आमदार रणजितसिंह मोहिते-पाटील पाटील यांनी माळशिरस तालुक्यातील ग्रामीण भागातदेखील प्रत्येकाच्या घरात दरात नळ कनेक्शनद्वारे फिल्टर केलेले पिण्यायोग्य पाणी पोहचावे म्हणून जलजीवन मिशन अंतर्गत तब्बल २५१ कोटी रूपयांच्या पाणी पुरवठा योजना आणलेल्या असून आ.मोहिते-पाटील यांनी खऱ्या अर्थाने माळशिरस तालुक्यातील जनतेसाठी *जलजीवन मिशनच* राबवत असल्याचे म्हणावे लागेल
*चौकट*उपमुख्यमंत्री देंवद्र फडणवीस यांच्या माध्यमातून आ.मोहिते-पाटील यांनी मंजूर करून आणलेल्या पाणी पुरवठा योजना
१)निमगाव(म)३३ कोटी रूपये२)बोरगाव माळेवाडी 13 कोटी रूपये३)फोंडशिरस १७ कोटी ८३ लक्ष रूपये४)वेळापूर ७२ कोटीं( तत्त्वतः मान्यता)५)संग्रामनगर ४९कोटी ०८ लक्ष रूपये६)यशवंतनगर ६६ कोटी ६७ लक्ष रूपये- उन्हाळ्याच्या कालावधीत पाणी पातळी व पाण्याची उपलब्धतेच्या कमतरतेमुळे फोंडशिरस वाड्या वस्त्यांवरीलग्रामस्थांना पिण्याच्या पाण्याच्या टंचाईला सामोरे जावे लागत असल्याने फोंडशिरस येथील तलावात बुडीत क्षेत्रात नवीन विहीर घेऊन त्यातून पंपाद्वारे पाणी उचलून तलावापासून ४ किलोमीटर अंतरावरील बाणलिंग मंदिरासमोर नूतन जलशुद्धीकरण केंद्र बांधण्यात येणार आहे. तसेच जलशुद्धीकरण केंद्रा जवळच जुन्या टाकी शेजारीच नवीन २,२०,००० लिटर तसेच मोटेवडी येथे १,५८,००० लिटर व बोराटे मळा येथे ८२,००० लिटर  क्षमता असणाऱ्या नवीन तीन टाक्या बांधण्यात येणार असून या नवीन टाक्यामधून फोंडशिरस व वाड्या-वस्त्याकरीता नळ कनेक्शनद्वारे पिण्याच्या पाण्याचे वितरण होणार आहे.

पुरोगामी महाराष्ट्र न्यूज नेटवर्क नातेपुते ( प्रतिनिधी )
 श्री भारतवर्षीय दिगंबर जैन तीर्थसंरक्षणी महासभेची पश्चिम महाराष्ट्र कार्यकारिणी नुकतीच जाहीर करण्यात आली . यामध्ये नातेपुते येथील अहिंसा सेवा समिती संस्थापक अध्यक्ष तथा नातेपुते नगरपंचायतीचे नगरसेवक अविनाश दोशी यांची पश्चिम महाराष्ट्र उपाध्यक्षपदी निवड करण्यात आली . श्री भारतवर्षीय दिगंबर जैन तीर्थसंरक्षणी महासभेच्या माध्यमातून स्वास्थ्य , सेवा , उच्च शिक्षण व स्वयंरोजगारासाठी मदत , जुन्या मंदिरांचा जीर्णोद्धार , सामूहिक विवाह , तीर्थक्षेत्र स्वच्छता मोहीम राबवित समाजकार्य करणाऱ्या महासभेच्या कार्यकारणीच्या निवडी करण्यात आल्या . यावेळी श्री सन्मती सेवा दल बहुउद्देशीय अल्पसंख्याक संस्थेचे संस्थापक अध्यक्ष मिहीर गांधी , श्री भारतवर्षीय दिगंबर जैन तीर्थसंरक्षणी महासभा पश्चिम महाराष्ट्र अध्यक्ष नितीन गांधी फलटण , उपाध्यक्ष अविनाश दोशी नातेपुते मयूर गांधी अकलूज , डॉ . राजेश शहा म्हसवड , विपुल शहा बारामती , राहुल कोले वाळवा हाळभाग , चंद्रकांत वसवाडे , रूई ता . हातकणंगले , नितेश फडे अकलूज , अखिल दोशी मोडनिंब आदी उपस्थित होते . पश्चिम महाराष्ट्र उपाध्यक्षपदी अविनाश दोशी यांची निवड झाल्याबद्दल त्यांचा सत्कार नातेपुते येथे अहिंसा सेवा समितीच्या वतीने करण्यात आला . यावेळी राजेंद्र डूडू , महेश दावडा , महावीर दोशी , डॉ . तेजस चंकेश्वरा , अतुल दोशी आदीसह अन्य मान्यवर उपस्थित होते. अहिंसा सेवा समितीचे संस्थापक अध्यक्ष नगरसेवक अविनाश जोशी नेहमीच सामाजिक कामात अग्रेसर असतात कोरोना काळात त्यांनी अनेक गरजू लोकांना सलग दोन महिने घरपोच अन्नदान केले आहे तसेच संस्थेच्या माध्यमातून वृक्षारोपण स्वच्छता अभियान मॅरेथॉन स्पर्धा नातेपुते शहरात सीसीटीव्ही साठी योगदान आशा प्रकारे विविध सामाजिक उपक्रम त्यांनी राबवले आहेत