*हिंगोली जिल्ह्यातील जवळा बाजार येथे अनोख्या पद्धतीने गाढव आंदोलन *

पुरोगामी महाराष्ट्र न्यूज नेटवर्क हिंगोली (मोहन दिपके) जवळा बाजार जिल्हा हिंगोली येथे भारतीय स्टेट बँक व महाराष्ट्र ग्रामीण बँक व्यवस्थापक यांची खातेनिहाय चौकशीकरून निलंबित करा या मागणीसाठी
भीमशक्त संघटनेने अनोख्या पद्धतीने गाढव आंदोलन केले
गेल्या अनेक वर्षांपासून भारतीय स्टेट बँक व महाराष्ट्र ग्रामीण बँकेतील व्यवस्थापक हे दलालां कडून चिरीमिरी घेऊन व पुढार्यांच्या सांगण्यावरूनच विविध मागासवर्गीय महामंडळातील कर्ज प्रकरणे करत असून सामान्य माणसाना जाचक अटी लावून सतत टाळाटाळ करून दलालांच्या मार्फत अवैधरित्या मायपुंजी जमा करण्यात गुंग आहेत असा आरोप भीमशक्ती संघटना व नॅशनल दलित मोमेंट फॉर जस्टिस अध्यक्षांनी केली आहे. या आंदोलनात बँक व्यवस्थापक यांची खातेनिहाय सखोल चौकशी करून त्यांना तात्काळ निलंबित करण्यात यावे अशी मागणी केली आहे. बँक व्यवस्थापकांना त्यांनी चक्क गाढवाची उपमा देऊन “गाढव आंदोलन” जवळा बाजार एसबीआय बँक समोर करण्यात आले. सामान्य माणसाना अडथळा निर्माण व कामचुकारपणा केल्यास पुढील परिणामास बँक व्यवस्थापक जबाबदार राहतील याची असे भीम शक्ती युवा तालुका उपाध्यक्ष प्रमोद कुलदीपके यांनी सांगितले. मोर्चा त्यांच्या नेतृत्वात काढण्यात आला होता. या मोर्चास भीमशक्ती मराठवाडा उपाध्यक्ष मिलिंद मोरे, युवा जिल्हा अध्यक्ष विशाल इंगोले, , सागर दिपके, रवी दिपके,. नॅशनल दलित मुव्हमेंट फॉर जस्टीस.NDMJ चे मराठवाडा प्रदेश अध्यक्ष जगदीप दीपके, जिल्हा अध्यक्ष मोहन दिपके. व सर्व NDMJ टीम हिंगोली.सिद्धार्थ भारशंकर, सुमेध मुळे आशिष भैया परीहार, दिलीप भंडारे, अनिल भंडारे , संदीप कुलदीपके, , राहुल घोडके, अनुराधा किर्तन, राहुल वाळवंटे, विलास ठगे, बालाजी पवार, विवेक जमदाडे, जगन धबडगे, महेश कदम , संदीप सुर्यवंशी, काशिनाथ गायकवाड, आशाताई किर्तन, समीर शेख, अमोल सोनवणे, जगन धबडगे, भीमशक्ती सामाजिक संघटना ,नॅशनल दलित मुव्हमेंट फॉर जस्टिस. संघटना व कार्यकर्ते करते उपस्थित होते

सर्वधर्मीय प्रार्थनास्थळे सुरू करण्याच्या मागणीसाठी केंद्रियराज्यमंत्री रामदास आठवले यांच्या नेतृत्वात चौत्यभूमी येथे रिपाइंने केली निदर्शने

पुरोगामी महाराष्ट्र न्यूज नेटवर्क मुंबई दि.10 – लॉकडाऊन नंतर आता अनलॉक सुरू झाले आहे. राज्यात सर्व गाड्या; दुकाने;मॉल सुद्धा सुरू झाले आहेत. त्यामुळे कोरोनाचा प्रसार रोखण्याच्या नियमांचे पालन करीत;सुरक्षित अंतर राखून सर्व धर्मीय प्रार्थनास्थळे सुरू करावीत या मागणी साठी आज मुंबईत चैत्यभूमी येथे केंद्रियराज्यमंत्री ना. रामदास आठवले यांच्या नेतृत्वात आंदोलन करण्यात आले. खुली करा खुली करा चैत्यभूमी खुली करा अश्या घोषणा यावेळी देण्यात आल्या. यावेळी रिपाइं चे राष्ट्रीय सरचिटणीस माजी मंत्री अविनाश महातेकर हे उपस्थित होते.
सर्वधर्मीय प्रार्थनास्थळे सुरू करण्यासाठी राज्यभर रिपब्लिकन पार्टी ऑफ इंडिया( आठवले ) यांच्या नेतृत्वात आंदोलन करण्यात आले. त्या अंतर्गत आज मुंबईत चैत्यभूमी येथे आंदोलन करण्यात आले. चैत्यभूमी हा आंबेडकरी जनतेचा आत्मीयतेचा श्रद्धास्थान आहे. असे न रामदास आठवले म्हणाले.

अभिनेत्री कंगना राणावत यांनी मुख्यमंत्री उद्धव ठाकरे यांचा एकेरी उल्लेख करू नये.मुख्यमंत्री हे एका पक्षाचे प्रमुख नसून ते राज्याचे प्रमुखआहेत. कंगना या दुखावलेल्या आहेत. त्यांना भेटून मी समजूत काढणार आणि त्यांना पाठिंबा देणार असल्याचे ना रामदास आठवले म्हणाले.

पुरोगामी महाराष्ट्र न्यूज नेटवर्क (प्रमोद शिंदे)- दि. 8- अभिनेत्री कंगना राणावत या उद्या बुधवार दि 9 सप्टेंबर रोजी मुंबईत येत आहेत. त्यांना रिपब्लिकन पक्षाच्या वतीने संरक्षण देण्यासाठी रिपाइं चे कार्यकर्ते निळे झेंडे घेऊन मुंबई विमानतळ येथे दुपारी 12 वाजल्यापासून सज्ज राहतील. तसेच कंगना राणावत यांच्या घराला ही रिपाइं कार्यकर्ते संरक्षण देतील.असे रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी जाहीर केले आहे. कंगना राणावत यांनी नुकताच ना रामदास आठवले यांना दूरध्वनी द्वारे संपर्क साधून आपण महाराष्ट्राची भक्त असल्याचे सांगितले आहे.त्यामुळे कंगना ला महाराष्ट्रद्रोही म्हणण्याचा कांगावा शिवसेने ने आता करू नये. अभिनेत्री महिला असणाऱ्या कंगणाला मुंबईत राहण्याचा अधिकार आहे.भारतीय राज्य घटने ने सर्वांना विचारस्वातंत्र्य दिले आहे. त्यामुळे कंगना च्या संरक्षणासाठी उद्या दि. 9 सप्टेंबर रोजी रिपाइं चे  राष्ट्रीय उपाध्यक्ष काकासाहेब खंबाळकर;  जिल्हा अध्यक्ष विवेक पवार ; सिद्धार्थ कासारे; किशोर मासुम  यांच्या नेतृत्वात रिपाइं कार्यकर्ते मुंबई च्या छत्रपती शिवाजी महाराज आंतरराष्ट्रीय विमानतळावर सज्ज राहणार आहेत अशी माहिती रिपाइं चे जिल्हा अध्यक्ष विवेक पवार यांनी दिली आहे. 

कुस्ती-मल्लविद्या महासंघाच्या वतीने श्रीनिवास कदम-पाटील यांना आदर्श कुस्ती प्रसारक पुरस्काराने सन्मानित.

पुरोगामी महाराष्ट्र न्यूज नेटवर्क माळशिरस ( )
मळोली तालुका माळशिरस येथील बारामती झटका चे संपादक श्रीनिवास शिवाजीराव कदम पाटील यांना आदर्श कुस्ती प्रसारक 20 20 पुरस्कार देऊन कुस्ती मल्लविद्या महासंघ महाराष्ट्र राज्याचे संघटक पैलवान सोमनाथ चव्हाण व राष्ट्रीय सुवर्णपदक विजेते पैलवान राहुल वाघमोडे मित्र परिवाराच्या वतीने माळशिरस येथील बारामती झटका विभागीय कार्यालय येथे प्रशस्तीपत्र, मेडल, शाल, श्रीफळ देऊन सन्मानित करण्यात आले.
कुस्ती मल्लविद्या महासंघ महाराष्ट्र राज्य यांनी कुस्ती-मल्लविद्या गे माय भू फेडीन तुझे पांग सारे, आणीन आरतीला हे चंद्र सूर्य तारे या ब्रीद वाक्यवर देशांमध्ये आणि देशाच्या बाहेर सातासमुद्रापार कुस्ती पोहोचवण्याचे काम या कुस्ती मल्लविदेच्या माध्यमातून केले जात आहे अशा कुस्ती क्षेत्रांमध्ये अग्रगण्य असलेल्या कुस्ती मल्लविद्या महासंघाकडून श्रीनिवास कदम पाटील यांना आदर्श कुस्ती प्रसारक 20 20 पुरस्कार देऊन सन्मानित केलेली आहे आज पर्यंत कुस्ती क्षेत्रख मध्ये केलेल्या कार्याची दखल घेऊन सदरचा पुरस्कार कुस्ती मल्लविद्या महासंघाचे संस्थापक पैलवान गणेश मानगुडे यांच्या मार्गदर्शनाखाली दिलेला आहे सदरचा पुरस्कार दिल्यानंतर बारामती झटका परिवार यांच्यावतीने कुस्ती मल्ल विद्येच्या सर्व पदाधिकाऱ्यांचे आभार व्यक्त करण्यात आलेले आहेत.

पिरळे येथे आद्य क्रांतिवीर उमाजी नाईक यांना अभिवादन

पुरोगामी महाराष्ट्र न्यूज नेटवर्क (प्रमोद शिंदे)-पिरळे तालुका माळशिरस येथे पिरळे ग्रामस्थांच्यावतीने आद्य क्रांतिवीर नरवीर  उमाजी नाईक यांच्या प्रतिमेचे पूजन करून अभिवादन करण्यात आले यावेळी पिरळे गावचे सरपंच ज्ञानदेव शिंदे, पोलीस पाटील औदुंबर बुधावले, हनुमंत बुधावले, बापूराव बुधावले सुदाम बुधावले, अंकुश बुधावले, प्रकाश मसुगडे, तसेच ग्रामपंचायत सदस्य व ग्रामस्थ मोठ्या संख्येने उपस्थित होते.

साई सेवा दल ग्रुपच्या वतीने अण्णाभाऊ साठे स्मारकास सिमेंटचे बेंचभेट
पुरोगामी महाराष्ट्र न्यूज नेटवर्क (प्रमोद शिंदे) नातेपुते तालुका माळशिरस जिल्हा सोलापूर येथे लोकशाहीर अण्णाभाऊ साठे यांच्या जन्मशताब्दीचे औचित्य साधून साई सेवा दल ग्रुप व मामाश्री प्रतिष्ठान गुरु कर्चे व सोमनाथ भोसले यांच्यावतीने लोकशाहीर अण्णाभाऊ साठे स्मारक नातेपुते येथे सिमेंटचे बेंच भेट देण्यात आले. साई सेवा दल ही सामाजिक सेवाभावी संस्था आहे या संस्थेच्या वतीने व नातेपुते परिसरात अनेक सामाजिक उपक्रम राबवले जातात कोरोना काळात या संस्थेच्या वतीने गरजू लोकांना अन्नदानाचे सुद्धा वाटप करण्यात आले होते.तसेच डॉ.बाबासाहेब आंबेडकर यांच्या स्मारकास उत्कृष्ट दर्जाचा माइक डेक्स भेट देण्यात आला होता. साई सेवा दलाच्या वतीने नातेपुते परिसरात विद्यार्थी,रुग्ण यांनासुद्धा विविध प्रकारची मदत केली जाते ताई सेवादलाचे अध्यक्ष गुरु कर्चे व सोमनाथ भोसले यांनी सामाजिक बांधिलकी जपत अशा प्रकारचे उपक्रम हाती घेतले आहे व भविष्यात समाजातील गरजा ओळखून यापुढेही मदत करणार असल्याचे सांगितले यामुळे परिसरात या सामाजिक संस्थेचे कौतुक होत आहे.

पुणे येथे एन.डी.एम.जे च्या वतीने राज्यस्तरीय महिला नेतृत्व विकास कार्यशाळा संपन्न

पुरोगामी महाराष्ट्र न्यूज नेटवर्क( पुणे )नॅशनल दलित मोमेंट फॉर जस्टिस एन.डी.एम.जे यांच्या वतीने, राज्य महासचिव ऍड.केवलजी उके व राज्य सचिव वैभवजी गिते यांच्या मार्गदर्शनाखाली विश्रांतवाडी पुणे येथे राज्यस्तरीय महिला नेतृत्व विकास व महिलांसाठी कायदेविषयक प्रशिक्षण कार्यशाळा घेण्यात आली. कार्यक्रमाची सुरुवात महापुरुषांच्या प्रतिमेचे पूजन करून करण्यात आली. या शिबिराचे आयोजन राज्य महिला संघटक पंचशीला ताई कुंभारकर यांनी केले होते.या शिबिरात अनेक दिग्गज वकील व सामाजिक कार्यकर्ते यांनी महिलांना कायदेविषयक मार्गदर्शन केले. तसेच ऍड.विद्याताई लोखंडे यांनी कोरोना प्रादुर्भाव काळात महिलांवर कशाप्रकारे अत्याचार झाले आहेत व महिलांवर होणारे कौटुंबिक हिंसाचार यावर मार्गदर्शन केले.तर ऍड.असुंता ताई पारधे यांनी कौटुंबिक हिंसाचाराच्या कायद्याच्या प्रभावी अंमलबजावणीसाठी च्या तरतुदी प्रशिक्षणादरम्यान सांगितल्या, प्राध्यापिका सौ महानंदा डाळिंबी ताई यांनी कोरोना काळात वाढलेले जातीय अत्याचाराचे प्रमाण व त्याचे कारणे याविषयी मार्गदर्शन केले. राज्य प्रसिद्धी प्रमुख संपादक प्रमोद शिंदे यांनी ॲट्रॉसिटी ॲक्ट व एफ.आय.आर मधील त्रूटी विषयी विषयी मार्गदर्शन केले.ऍड.हर्षद भोसले यांनी भारतीय समाज व्यवस्थेमधील सद्यस्थिती चालू असलेल्या घडामोडी व दुष्परिणाम याविषयी मार्गदर्शनकेले. या कार्यक्रमास स सचिन वाघमारे,महानंदाताई डाळिंबे,सुनंदाताई साळवे, मंदाकिनी भोसले, संजीवनी सिरसाठ, शकील सावंत,रश्मी रंगारी,
तुकाराम जेटीथोर, मधुकर हरिभक्त,
अमोल माने, रक्षा तसेच सामाजिक कार्यकर्ते उपस्थित होते.कार्यक्रमाचे सूत्रसंचालन पंचशीला ताई कुंभारकर यांनी केले.सदर कार्यक्रम सोशल डिस्टन्स नियम पालन करण्यात अले. कार्यक्रम यशस्वी होण्यासाठी सम्यक बुद्ध विहार येथील कार्यकर्त्यांनी परिश्रम घेतले.

वंचितच्या माढा लोकसभा मतदारसंघ सल्लागारपदीॲड.सुमित सावंत यांची निवड*( पुरोगामी महाराष्ट्र न्यूज नेटवर्क- प्रमोद शिंदे )माळशिरस येथील प्रसिद्ध वकील, ॲड. सुमित राजू सावंत, यांची वंचित बहुजन आघाडीच्या माढा लोकसभा सल्लागारपदी निवड करण्यात आली आहे ही निवड वंचित बहुजन आघाडीचे संस्थापक ॲड. प्रकाश आंबेडकर यांनी निवड केली आहे. ॲड.सावंत हे वंचित बहुजन आघाडी स्थापन झाल्यापासून पक्षाच्या शाखा विस्तार करण्यापासून माढा लोकसभा, माळशिरस विधानसभा   निवडणुकीसाठी त्यांनी प्रामाणिकपणे या भागात पक्ष बांधणी केली होती. त्याचीच पोहोच म्हणून वंचित बहुजन आघाडीचे संस्थापक – अध्यक्ष . बाळासाहेब तथा ॲड. प्रकाश आंबेडकर यांनी नुकतीच माढा लोकसभा कायदेशीर सल्लागार म्हणून त्यांची निवड केली त्यांचे निवडीबद्दल, विविध संस्था तसेचसामाजिक  संघटना व विविध स्तरातील नागरिकांतून त्यांच्यावर अभिनंदनाचा वर्षाव करीत आहेत

वंचितच्या माढा लोकसभा मतदारसंघ सल्लागारपदीॲड.सुमित सावंत यांची निवड