Uncategorized

पुरोगामी महाराष्ट्र न्यूज नेटवर्क तांबेवाडी येथील शिवारात जिवंत जखमी तरास वनविभागाच्या ताब्यात मिळाला असून

जखमी तरस  उपचारासाठी सोलापूरला रवाना करण्यात आला आहे

शिकारीसाठी वापरणाऱ्या सापळ्याचा गूढ कायम

माळशिरस… तालुक्यातील तांबेवाडी ( ता माळशिरस ) येथील शिवारात कॅनॉल च्या पाणी सोडण्याच्या दारातील मोरीमध्ये जखमी अवस्थेत तरस आढळून आला ग्रामस्थांनी वनविभागाला कळवताच तातडीने वनपरिक्षेत्र अधिकारी आय ए एच शेख आपल्या पथकासह पोहोचले तातडीने परसावर वैद्यकीय अधिकाऱ्यांनी प्रथम उपचार करून सुरक्षित पिंजर्‍यात पकडण्यात आले. मात्र या रसाच्या पायाला असलेल्या शिकारी सापळ्यामुळे  या प्राण्याची ची शिकार करण्याच्या उद्देश असल्याचे  लक्षात आले त्यामुळे वन विभागाने अज्ञात व्यक्तींच्या विरोधात गुन्हा दाखल केला असून पुढील उपचारासाठी तरस सोलापूर प्राणिसंग्रहालयात पाठविण्यात येणार असल्याची माहिती वन विभागाच्या अधिकाऱ्यांनी दिली.

                    एक वर्ष वयाचा तरस हा प्राणी या परिसरात फिरत असताना  शिकारी सापळ्यात  मध्ये त्याचा पाय अडकल्यामुळे तो जखमी अवस्थेत आढळल्याची माहिती तांबेवाडी गावचे तंटामुक्ती अध्यक्ष दादा चव्हाण यांनी वन विभागाकडे दिली. त्यानुसार वनपरिक्षेत्र अधिकारी आय ए एच शेख, वन परिमंडळ अधिकारी एस एस क्षीरसागर, वनरक्षक एच व्ही साळुंके, सचिन जोशी यांच्या पथकाने घटनास्थळाला भेट दिली. व जय क्षीरसागर, ज्ञानेश्वर बोडरे ,सुमित बजबळकर ,अजय होळ ,तानाजी बोडरे आनंद दहिवाळ आदी ग्रामस्थांच्या मदतीने जखमी तरस पिंजऱ्यात बंद करण्यात आले यानंतर उपचार केले असून पुढील उपचारासाठी सोलापूरच्या प्राणिसंग्रहालय आकडे पाठविण्यात आले.आसुन या बाबत  वन विभागाने अज्ञात व्यक्तीविरुद्ध वन्यजीव अधिनियम 1972च्या नुसार गुन्हा दाखल करण्यात आला आहे .

विशिष्ट पद्धतीच्या शिकारी सापडल्याचे गुढ कायम

जखमी रसाच्या पायामध्ये विशिष्ट प्रकारचा शिकारी सापळा सापडला असून हा सापळा प्रामुख्याने हिंस्र प्राण्यांच्या शिकारीसाठी मराठवाडा विदर्भात वापरला जातो हा सापळा माळशिरस तालुक्यात यात वापरात आल्यामुळे या प्रकाराचे गूढ वाढले आहे कारण या परिसरात कोणतेही प्राणी आढळत नाहीत या भागात काही ठिकाणी हरणांचे अस्तित्व असले तरी हा सापळा त्यांच्या शिकारीसाठी उपयुक्त ठरत नाही त्यामुळे हा सापळा प्रथमच या भागात आढळून आला असून वन विभाग याची कसून तपासणी करीत आहे मात्र अद्याप तरी या प्रकाराचे गूढ वाढले आहे.

पुरोगामी महाराष्ट्र न्यूज नेटवर्क मांडवे:
स्वातंत्र्यप्राप्तीनंतर देशाने संविधानाचा स्वीकार करून लोकशाहीतील एका नव्या पर्वाची सुरुवात केली होती तो दिवस प्रजासत्ताक दिन म्हणून साजरा केला जातो. रविवार दिनांक 26 जानेवारी रोजी हा दिवस रत्नत्रय इंग्लिश मेडिअम स्कूल व कनिष्ठ महाविद्यालयांमध्ये उत्स्फूर्तपणे साजरा करण्यात आला.
कार्यक्रमाची सुरुवात संविधान उद्देशिकेचे वाचन करून करण्यात आली.
यानंतर अकलूजचे सुप्रसिद्ध डॉ. मा. श्री समीर अशोककुमार दोशी व सौ. वैशाली समीर दोशी यांच्या शुभहस्ते ध्वजारोहण करण्यात आले.नंतर राष्ट्रगीत, ध्वजगीत,देशभक्तीपरगीत सादर करण्यात आले. त्यानंतर ढोल तशाच्या तालावर संगितमय ,आकर्षक अशी विद्यार्थ्यांनी कवायत सादर केली . रत्नत्रय एज्युकेशन सोसायटीचे संस्थापक अध्यक्ष मा. श्री अनंतलाल (दादा ) दोशी हे कार्यक्रमाचे अध्यक्ष म्हणून उपस्थित होते.
शैक्षणिक वर्ष 2019 -20 या वार्षिक स्नेहसंमेलनातील प्रथम तीन क्रमांक आलेल्या गीतातील विद्यार्थी व मार्गदर्शक शिक्षकांचा सत्कार उपस्थित मान्यवरांच्या शुभहस्ते करण्यात आला. यानंतर इंग्लिश मेडियम ,सेमी व प्री-प्रायमरी च्या विद्यार्थ्यांनी सांस्कृतिक कार्यक्रम सादर केला.या प्रसंगी बोलताना चेअरमन प्रमोद भैय्या दोशी यांनी शाळेच्या प्रगतीचा आलेख मांडला.व पुढे प्रजासत्ताक दिनाबद्दल माहिती सांगितली. त्याचबरोबर त्यांनी सर्व विद्यार्थ्यांना शांतता, समता , बंधुता ही मूल्ये आपल्या जीवनामध्ये जोपासण्याचा संदेश दिला. व राज्यघटनेच्या स्वातंत्र्याचा आदर करण्याचे आव्हान त्यांनी उपस्थित सर्व समुदायास केले.
मा.डॉ.श्री समीर दोशी म्हणाले “विद्यार्थ्यांनी मोबाईलचा अतिवापर टाळावा आणि मैदानी खेळवरती लक्ष केंद्रित करावे.पुढे त्यांनी पालकांना विद्यार्थ्यांच्या आहाराबाबत योग्य ते मार्गदर्शन केले.तसेंच रत्नत्रय इंग्लिश मीडियम स्कूल व कनिष्ठ महाविद्यालयाच्या यशस्वी वाटचालीबद्दल समाधान व्यक्त करून भविष्यासाठी शुभेच्छा दिल्या . कार्यक्रमाचे अध्यक्ष मा. श्री अनंतलाल (दादा) दोशी म्हणाले “आपण ज्याप्रमाणे धार्मिक सणवार उत्सव हे मोठ्या आनंदाने कौतुकाने उत्साहाने साजरे करतो त्या प्रमाणेच संपूर्ण भारतवासी हा राष्ट्रीय सण सुद्धा साजरा करतात. त्यांनी पुढे देशहिताचे विचार आंगी बाळगण्याची व देशभक्ती, राष्ट्रहित हे प्रत्येक भारतीयांनी आपल्या हृदयी जोपासण्यासाठी वचनबद्ध होण्याचे आव्हान केले. इयत्ता दहावी व बारावीच्या विद्यार्थ्यांना गुणवत्ता यादीत क्रमांक आल्यास विद्यार्थी व मार्गदर्शक शिक्षक यांना बक्षीस देण्यात येणार असल्याचे जाहीर केले.

सदर प्रसंगी सौ. मृणालिनी दोशी, डॉ. वैशाली दोशी, सन्मती सेवा दलाचे माजी अध्यक्ष श्री महावीर शहा नातेपुतेचे प्रतिष्ठित व्यापारी अतुल मेघचंद्र दोशी, अभयकाका दोशी, विराग गांधी ,सागर दोशी, श्रीशंकर सहकारी साखर कारखान्याचे संचालक रामदास कर्णे, रत्नत्रय इंग्लिश मीडियम स्कूल व कनिष्ठ महाविद्यालयाचे अध्यक्ष मा. श्री प्रमोद दोशी , उपाध्यक्ष तुषार गांधी, संस्कृतीक व क्रीडामंत्री डॉ. श्री निवास गांधी, रोनक चंकेश्वर ,वैभव शहा ,संजय दोशी, दत्ता भोसले, रामभाऊ गोफणे, सतीश बनकर , भाग्यश्री दोशी, रेश्मा गांधी, पार्वती जाधव, मुख्याध्यापक, पर्यवेक्षक सर्व विभागाचे विभाग प्रमुख शिक्षक-शिक्षकेतर कर्मचारी विविध क्षेत्रातील मान्यवर तसेच पालक वर्ग मोठ्या संख्येने उपस्थित होते.
कार्यक्रमाचे प्रास्ताविक समीर देशपांडे सूत्रसंचालन श्री सतीश हांगे सर व आभार प्रदर्शन दैवत वाघमोडे सर यांनी केले

• पुरोगामी महाराष्ट्र न्यूज नेटवर्क  नातेपुते -(प्रतिनिधी) नातेपुते तालुका माळशिरस येथे NRC/CAA/CAB/NPR च्या विरोधात  नातेपुते  कडकडीत बंद ठेवण्यात आला NRC/CAA/CAB/NPR कायदा व केंद्र सरकारच्या जाहीर निषेधार्थ व तसेच  देशाची आर्थिक स्थिती  ढासळत असून  देश दिवाळखोरीच्या  उंबरठ्यावर  येऊन  ठेपला आहे केंद्र सरकारच्या  चुकीच्या आर्थिक धोरणामुळे  देशाच्या तिजोरीत पुरेसा निधी  जमा झालेला नाही  केंद्र सरकारने  देशाचा  रिझर्व फंड  वापरण्यास सुरुवात केली आहे  त्याविरोधात माा बाळासाहेब आंबेडकर राष्ट्रीय अध्यक्ष वंचित बहुजन आघाडी यांच्या अध्यक्षतेखाली महाराष्ट्र बंद पाळण्यात आला त्याच पार्श्वभूमीवर नातेपुते शहर पूर्ण दिवसभर बंद होते त्या बंद मध्ये   बंदची सुरवात महापुरुषांच्या प्रतिमेचे पूजन करून करण्यात करण्यात आली. तसेच शहरातून मोर्चा काढण्यात आला तसेच मुस्लिम आरक्षण संघर्ष समन्वय समिती , विद्यार्थी परिषद, मुस्लिम समाज नातेपुते ,यांनीही या बंदला जाहीर पाठिंबा दिला. यावेळी  वंचित बहुजन आघाडीचे  सर्व कार्यकर्ते  सह रोहित नवगिरे,सलमान शेख, धर्माअशोक सावंत ,अप्पा सावंत ,प्रितम साळवे ,नागेश कोणगटांरेकर ,हनुमंत सोरते,संदेश पवार ,महावीर साळवे, बबलू रणदिवे नईम काझी ,जाकीर शेख, मुलानी ,सिकंदर मुलानी ,निजाम काजी ,समीर सोरटे, हयाद शेख,फिरोज फरास,शब्बीर मुलाणी मुदतसर शेख अल्ताप पठाण शिवाजी सावंत, रामभाऊ सावंत, अतुल साळवे, आकाश सोरटे, रामा सोरटे,तुकाराम सोरटे, अरविंद खरात, दादा प्रतापये, तसेच शेकडो कार्यकर्ते ग्रामस्थ सहभागी होते.
  

पुरोगामी महाराष्ट्र न्यूज नेटवर्क (मुंबई): न्यायसहायक वैज्ञानिक प्रयोगशाळा महाराष्ट्र शासनचे प्रभारी संचालक आणि शासकीय रासायनिक विश्लेषक डॉ. कृ. वि. कुलकर्णी यांनी मुंबई येथे आयोजित केलेल्या न्यायसहायक जागृती कार्यक्रम-२०२० या कार्यक्रमास उपस्थित राहण्यासाठी केलेल्या आवाहनास मान्यवर अधिकाऱ्यांसह जनतेचा उत्स्फुर्तपणे प्रतिसाद मिळाला.
राज्यात न्यायसहायक वैज्ञानिक प्रयोगशाळा संचालनालयाच्या अधिपत्याखाली मुंबई येथे मुख्यालय असून नागपूर, पुणे, औरंगाबाद, नाशिक, अमरावती, नांदेड व कोल्हापूर येथे प्रादेशिक न्यायसहायक वैज्ञानिक प्रयोगशाळा तसेच चंद्रपूर, रत्नागिरी, धुळे, ठाणे व सोलापूर येथे लघु न्यायसहायक वैज्ञानिक प्रयोगशाळा कार्यरत आहेत. न्यायसहायक वैज्ञानिक प्रयोगशाळा संचालनालयातील प्रयोगशाळांमध्ये समाजात घडणाऱ्या निरनिराळ्या गुन्ह्यांमधील जप्त नमुन्यांचे शास्त्रीय पध्दतीने विश्लेषणाचे कार्य केले जाते. अलीकडच्या काळात गुन्हेगारांमध्ये गुन्हे करताना अत्याधुनिक सामुग्रीचा वापर होत असून त्या प्रवृत्तींना विफल करण्यासाठी दाखल झालेल्या मुद्देमालांवर रासायनिक विश्लेषण करून सामाजिक हिताच्या दृष्टीकोनांतून तपासी यंत्रणांना आणि पर्यायाने न्यायदान यंत्रणेला महत्वाचा वैज्ञानिक पुरावा वेळेवर उपलब्ध करून देणेकामी न्यायसहायक वैज्ञानिक प्रयोगशाळा संचालनालयाची महत्वाची भूमिका आहे. न्यायसहायक वैज्ञानिक प्रयोगशाळा संचालनालयातील विश्लेषणात्मक कार्याची माहिती प्रदर्शित करण्याच्या दृष्टीने दरवर्षीप्रमाणे यावर्षी न्यायसहायक वैज्ञानिक प्रयोगशाळा संचालनालय, मुंबई येथे दि. २१/०१/२०२० व दि. २२/०१/२०२० या कालावधीमध्ये सकाळी ११ ते सायंकाळी ५ या वेळेदरम्यान न्यायसहायक जागृती कार्यक्रम-२०२० चे आयोजन करण्यात आले होते. तर प्रादेशिक न्यायसहायक वैज्ञानिक प्रयोगशाळा, नागपूर, पुणे, औरंगाबाद, नाशिक, अमरावती, नांदेड व कोल्हापूर आणि लघु न्यायसहायक वैज्ञानिक प्रयोगशाळा, चंद्रपूर, रत्नागिरी, धुळे, ठाणे व सोलापूर येथे दि. २०/०१/२०२० ते दि. २४/०१/२०२० या कालावधीत आयोजन केले आहे. सदरच्या न्यायसहायक जागृती कार्यक्रमामध्ये राज्यातील सर्व वैद्यकीय अधिकारी, पोलिस तपासी अधिकारी व अभियोग न्यायालयासंबंधी असलेल्या अभियोक्ता यांनी त्यांच्या प्रमुखांच्या पूर्वसंमतीने तसेच वैद्यकीय, अभियांत्रिकी व विज्ञान शाखेतील पदव्युत्तर पदवी घेत असलेल्या शिक्षणार्थींना त्यांच्या महाविद्यालयामार्फत/विद्यापीठामार्फत पूर्वसंमतीने त्या त्या ठिकाणी उपस्थित राहण्याबाबत निमंत्रित करण्यात आले होते. या जागृती प्रदर्शनाकरिता अनेक शाळा महाविद्यालयाचे विद्यार्थी, पत्रकार, पोलिस, वकील, अधिकारी व सर्वसामान्य नागरिकांनी हजेरी लावली अशी माहिती शासकीय न्यायसहाय्यक विज्ञान संस्थेचे विधी विभाग प्रमुख डॉ.केवल उके यांनी दिली.

*एस.एम.पी.कॉलेज नातेपुते येथे सहकार महर्षी जयंती महोत्सव संपन्न*नातेपुते (प्रमोद शिंदे)- नातेपुते ता.माळशिरस येथील सहकार महर्षी शंकराव मोहिते-पाटील कॉलेजात सहकार महर्षी शंकरराव मोहिते पाटील जयंती महोत्सव उत्साहात संपन्न झाला.या कार्यक्रमाचे उद्घाटन इतिहासकार प्रशांत सरूडकर व पत्रकार यांच्या हस्ते करण्यात आले.कार्यक्रमाची सुरुवात सहकार महर्षी शंकराव मोहिते-पाटील तसेच कै. प्रतापसिंह मोहिते-पाटील यांच्या प्रतिमेचे पूजन करून करण्यात आली प्रशांत सरूडकर सर बोलताना म्हणाले की सहकार महर्षीनी साखर कारखाना उभा करण्यासाठी अतिशय धडपड केली आहे. स्वातंत्र्य चळवळीत त्यांचे महत्त्वाचे योगदान आहे. पुढे बोलताना म्हणाले की पत्रकार हा लोकशाहीचा चौथा स्तंभ आहे.विद्यार्थ्यांनी बहु रंगी व्हायला हवे तसेच विद्यार्थ्यांचे तीन भाषेवर  प्रभुत्व असायला हवे . तसेच कार्यक्रमाचे अध्यक्ष कोळेकर सर ज्येष्ठ पत्रकार सुनील राऊत यांनी मनोगत व्यक्त केले व विविध व्यवसायात प्रावीण्य मिळवलेल्या विद्यार्थ्यांचा कॉलेजच्या वतीने सन्मान करण्यात आला.तसेच विद्यार्थ्यांसाठी रांगोळी स्पर्धा, फुल सजावट स्पर्धा,नृत्य स्पर्धा घेण्यात आल्या तसेच विद्यार्थ्यांनी विविध गुणदर्शन कला सादर केली यावेळी इतिहासकार प्रशांत सरुडकर,प्राचार्य चंद्रकांत कोळेकर, ज्येष्ठ पत्रकार सुनील राऊत, आनंद लोंढे, सुनील गजाकस,अभिमन्यू आठवले, आनंद जाधव, प्रमोद शिंदे,उमेश पोतदार,तसेच अनेक मान्यवर उपस्थित होते.कार्यक्रमाचे प्रास्ताविक प्राध्यापक खंदारे सर यांनी केले आभार सावंत सर यांनी व्यक्त केले.यावेळी सर्व प्राध्यापक वर्ग विद्यार्थी मोठ्या संख्येने उपस्थित होते.

* नातेपुते (प्रमोद शिंदे)- चंद्रप्रभू एज्युकेशन सोसायटी संचलित चंद्रप्रभू इंग्लिश मीडियम स्कूल नातेपुते येथे स्पंदन 2020 या कार्यक्रमाचे आयोजन करण्यात आले होते. या कार्यक्रमात वार्षिक स्नेहसंमेलन व विविध क्षेत्रात प्राविण्य मिळवलेल्या विद्यार्थ्यांसाठी बक्षीस वितरण सोहळा घेण्यात आला होता. या सोहळ्याचे उद्घाटन माळशिरस विधानसभेचे आमदार राम सातपुते, सोलापूर जिल्हा परिषद चे माजी उपाध्यक्ष बाबाराजे देशमुख, कृषी उत्पन्न बाजार समिती  उपसभापती मामासाहेब पांढरे, पं.स.माजी उपसभापती किशोर सुळ व मान्यवरांच्या हस्ते  करण्यात आले.प्रथम प्रतिमेचे पूजन करून कार्यक्रमाची सुरुवात करण्यात आली आमदार सातपुते व मान्यवरांचा सन्मान संस्थेचे अध्यक्ष  नरेंद्र गांधी यांच्या वतीने करण्यात आला आमदार राम सातपुते बोलताना म्हणाले की ग्रामीण भागात स्वखर्चातून अशा प्रकारची शाळा चालवणे म्हणजे गर्वा ची गोष्ट आहे शेतकऱ्यांची मुले इंग्लिश माध्यमातून शिकली पाहिजे यासाठी परिश्रम घेणाऱ्या शिक्षकां चे धन्यवाद मानायला हवेत 90 % पेक्षा जास्त गुण मिळवणारे या शाळेमध्ये आहेत तसेच बाबाराजे देशमुख बोलताना म्हणाले की अतिशय गुणात्मक व उत्कृष्ट अशी शाळा येथील शिक्षकांनी केली आहे तसेच पुढील वाटचालीस शाळेला शुभेच्छा दिल्या.या कार्यक्रमास आमदार राम सातपुते,बाबाराजे देशमुख,मामासाहेब पांढरे,किशोर सुळ संस्थेचे चेअरमन नरेंद्र भाई गांधी,बाहूबलीसेठ शंकेश्वर, सेक्रेटरी बबलू दावडा,सागर गांधी, वर्धमान दोशी,वीरेंद्र दावडा,महाविर मेहता, संजय गांधी, इंजिनीयर गडकरी तसेच प्राचार्य मुल्लासर,शिक्षक,स्टाफ,विद्यार्थी-पालक मोठ्या संख्येने उपस्थित होते कार्यक्रमाचे प्रास्ताविक चेअरमन नरेंद्र गांधी यांनी केले.

* पुरोगामी महाराष्ट्र न्यूज नेटवर्क ( प्रमोद शिंदे )-महा किड्स इंग्लिश मिडीयम  फोंडशिरस येथे बाजार डे चे आयोजन करण्यात आले होते या कार्यक्रमाचे उद्घाटन महाराष्ट्राचा संघ जिल्हाध्यक्ष  श्रीकांत बाविस्कर  व पत्रकारांच्या हस्ते करण्यात आले कार्यक्रमाच्या सुरुवात बाजार तळातील  फीत कापून करण्यात आले  नंतर प्रतिमेचे पूजन करून संस्थापक  शिवशंकर पांढरे यांच्यावतीने पत्रकार दिनानिमित्त  पत्रकारांचा  सत्कार करण्यात आला यावेळी मनोज राऊत यांनी मनोगत व्यक्त केले बाजार डे च्या या उपक्रमात सर्व विद्यार्थ्यांनी सहभाग घेतला होता या बाजारात मेडिकल,जनरल स्टोअर, फ्रुट स्टॉल, भेळ वडापाव,स्नॅक सेंटर ,खेळणी स्टॉल, भाजी स्टॉल,बेकरी,तसेच खाऊ गल्ली अशा अनेक प्रकारचे स्टॉल विद्यार्थ्यांनी लावले होते. या स्टॉल वरती  मान्यवरांसह  पालकांनी  विद्यार्थ्यांकडून अनेक गोष्टी खरेदी करून  बाजार डे चा आनंद घेतला या बाजार डे च्या पाठीमागचा उद्देश म्हणजे विद्यार्थ्यांना शाळे बरोबर व्यवहारिक ज्ञान व्हावे व व्यवसायाची आवड निर्माण व्हावी होता या कार्यक्रमास पत्रकार  श्रीकांत बविसकर ,आनंद लोंढे, मनोज राऊत, प्रमोद शिंदे, सुनील गजाकस, प्रशांत खरात,रणजीत सुळ, उद्योजक अजित जगताप,संस्थापक शिवशंकर पांढरे आदी मान्यवर उपस्थित होते कार्यक्रम यशस्वी होण्यासाठी शिक्षक स्टाफ जयश्री बोराटे ,साधना चव्हाण, सिमरन शेख, राजश्री गोरे, ज्योती ख़िलारे,सोनम करने , पूनम भोसले, उमा गोरे, रुपाली रायते, व पालक यांनी परिश्रम घेतले.

*वैभव गितेंनी सामाजिक न्याय मंत्री धनंजय मुंडेंची भेट घेऊन आरोपिंविरुद्ध कडक कारवाई करून कुटुंबांचे पुनर्वसन करण्याची केली आक्रमकपणे मागणी*
नातेपुते (प्रमोद शिंदे) — ठाणे ब्रह्मांडरोड जवळील झोपडपट्टी  दि.03/01/2020 रोजी जातीयवाद्यांनी दलीत वस्तीला आग लावली या आगीत 35 ते 40 झोपड्या जळाल्या असून घरातील संसारउपयोगी साहित्य व महत्वाची कागदपत्रे जळाली आहेत अमोल बालाजी पाईकराव यांनी कासार वडवली पोलीस स्टेशनमध्ये दिलेल्या फिर्यादीवरून गुन्हा. रजि.नंबर.06/2020 भादवी 436,506,34 व एट्रोसिटी ऍक्ट च्या 3 (1) z नुसार गुन्हा दाखल आहे पुढील तपास वर्तकनगर सहाययक पोलिस आयुक्त पंकज शिरसाट हे करीत आहेतनॅशनल दलित मूव्हमेंट फॉर जस्टीस राज्य सचिव सचिव वैभव गिते यांनी मंत्रालयात सामाजिक न्याय मंत्री धनंजय मुंडेंची भेट घेऊन चर्चा करून निवेदन दिले निवेदनात आरोपींवर कडक कारवाई करावी जिल्हाधिकारी, पोलीस आयुक्त व समाजकल्याण अधिकारी यांनी घटनास्थळी भेट द्यावी,कोणताही अनुचित प्रकार टाळण्यासाठी फिर्यादी व साक्षीदार यांना पोलिस संरक्षण देऊन प्रतिबंधात्मक उपाययोजना करून सर्व कुटुंबांचे आहे त्याच ठिकाणी पक्की घरे बांधून देऊन पुनर्वसन करण्याची मागणी केली सामाजिक न्याय विभागाचे मंत्री धनंजय मुंडे यांनी तात्काळ कारवाई करण्याचे आदेश विशेष पोलिस महानिरीक्षक (ना.ह.स)मुख्यालय मुंबई यांना दिले आहेतदोन दिवसांपूर्वी नॅशनल दलित मूव्हमेंट फॉर जस्टीस या संघटनेचे राज्य महासचिव ऍड.डॉ. केवलजी उके साहेबांच्या आदेशाने राज्य सचिव वैभव गिते,मुंबई ठाणे प्रदेश अध्यक्ष बंदिश सोनवणे, प्रदेश सचिव शशिकांत खंडागळे,नवनाथ भागवत,रोहित साळे यांच्या टीमने घटनास्थळी भेट देऊन अत्याचारग्रस्त व्यक्तींशी चर्चा केली कायदेशीर अधिकारांची माहिती दिली सांत्वन केले पुनर्वसन करण्यासाठी संघटना आपल्या पाठीशी राहील असे आश्वासन दिले होतेघोडबंदर रोड पातलीपाडा हिरानंदानी ईस्टेच्या लगत हिरानंदानी ते ब्रम्हांड जाना-या रोडच्या बाजुला लागुन कमित कमी 10 ते 15 वर्षापासुन झोपडपट्टी बसलेली आहे हे लोक अनेक ठिकानावरून रोजी रोटीच्या शोधात या ठिकानी आलेले आहे बरेच मंडळी कुटूंब विदर्भातील पुसद येवतमाळ नांदेड च्या ठिकानातील जास्तीत जास्त बौध्द ,मातंग आदिवासी या जाती-जमातीमधिल कुटूंब आहेत हिरानंदानी येथिल ऊच्चभ्रु वस्तीमध्ये धुनी भांडी आणी जे मिळेल ते काम करून जीवन व्यथित करनारी हि जनता आहे रूम भाडे तत्वावर घेऊन राहण्या ईतकी आपली ऐपत नसल्यामुळे ते या झोपडपट्टीत राहत होते . लोक झोपड्या खाली का करत नाही म्हणुन दिनांक 03/01/2020 यादिवशी भरदिवसा आरोपींनी झोपड्यांना आग लावून पळ काढला असे काही प्रत्येक्ष दर्शी सांगत आहेत आणी त्या आगी मध्ये 35ते 40 झोपड्या जळून संसार रस्त्यावरती आला आहे त्यांना कपडे नाहीत अन्न नाही पैसा नाही जीवनावश्यक वस्तु त्यांच्यकडे नाहीत त्यांची लहान मुल रस्त्यावर कडाक्याच्या थंडीत ऊघड्यावर झोपत आहेत कोनतीही प्रशासकीय मदत त्यांना मिळाली नाही एट्रोसिटी अँक्ट च्या नियमांनुसार सर्व कुटुंबांचे तात्काळ पुनर्वसन न झाल्यास तीव्र आंदोलन करण्याचा इशारा नॅशनल दलित मूव्हमेंट फॉर जस्टीस (एन.डी.एम.जे)या संघटनेने दिला आहे.*1) फोटो ओळ कारवाई संदर्भात धनंजय मुंडे यांना निवेदन देताना राज्य सचिव वैभव गीते2) जळीत घटनास्थळ व येथील पीडित