आंतरराष्ट्रीय

विजयसिंह मोहिते-पाटील यांच्या वाढदिवसानिमित्त   पिरळे येथील 22 रुग्णांची मोतीबिंदू शस्त्रक्रिया

पुरोगामी महाराष्ट्र न्यूज नेटवर्क प्रमोद शिंदे –

महाराष्ट्र राज्याचे माजी उपमुख्यमंत्री. विजयसिंह मोहिते-पाटील यांच्या वाढदिवसानिमित्त संदिप नरोळे मित्रपरिवार व एच. व्ही. देसाई आय हॉस्पिटल महंम्मदवाडी हडपसर पुणे यांच्या संयुक्त विद्यमाने मोफत डोळे तपासणी, मोतीबिंदू शस्त्रक्रिया व मोफत चष्मे वाटप शिबिर दिनांक 14/ 6 /2022 रोजी मा.आ.श्री. रणजितसिंह मोहिते-पाटील यांच्या शुभहस्ते उद्घाटन करून पिरळे व परिसरामधील पेशंटचे डोळे तपासणी डॉक्टर शरद शिंदे डॉक्टर संभाजी जगताप यांनी 440 रुग्णांची करण्यात केली .

त्यापैकी 241 रुग्णांना मोफत चष्मे वाटप करण्यात आले व 48 पेशंट मोतीबिंदू ऑपरेशन साठी निवडले गेले त्यापैकी दिनांक 19/ 6 /2022 रोजी 22 पेशंट पिरळे या ठिकाणावरून एच. व्ही. देसाई आय हॉस्पिटल महंम्मदवाडी हडपसर पुणे या ठिकाणी पाठवण्यात आले यावेळी रुग्णवाहिका गाडीला सरपंच सौ. अलका रामलिंग नरोळे यांनी श्रीफळ फोडून महिला रुग्ण 11 यांना शाल, पाणी बॉटल, बिस्किट, पुष्पगुच्छ दिले व संदीप नरोळे मित्रपरिवार यांनी पुरुष रुग्ण 11 यांना शाल, पाणी बॉटल,बिस्किट, पुष्पगुच्छ देऊन रुग्णांनाचे ऑपरेशन व्यवस्थित होऊन गेलेली दृष्टी परत  येण्याकरता शुभेच्छा देऊन रुग्णवाहिका गाडीमध्ये बसवून दिले यावेळी सरपंच उपसरपंच सदस्य तसेच संदीप नरोळे , माजी सरपंच बाबुराव गायकवाड ,दत्तात्रेय लवटे, अशोक तोडकर, मेजर दादासो किर्दक, नामदेव दडस, पत्रकार प्रमोद शिंदे, महेश शिंदे ,संजय नरोळे, किरण शिंदे, उत्तमराव कदम सर,सिद्धार्थ डुडू, सचिन ढगे, भाऊसो शिंदे, सुनील नरोळे व ग्रामस्थ उपस्थित होते.

आदिवासींना लाखो रुपयाने गंडवणाऱ्या बंटी-बबलीच्या टोळीवर फसवणुकीेसह ॲट्रोसिटीचा गुन्हा दाखल..

बंटी फरार तर बबली गजाआड..

संदेश भालेराव ठाणे वार्ताहर

: दिनांक ४ जून रोजी अंबरनाथ येथील शिवाजी नगर पोलीस स्टेशन मध्ये बोहनोली गावातील १२ आदिवासी कुटुंबांना सिएट कंपनीकडून मोफत पुनर्वसन करण्याचे खोटे आमिष देवून कंपनीने पिडीतांना दिलेल्या आर्थिक मदतीमधून ७२ लाख ५० हजार रुपये परस्पर आपल्या खात्यात वर्ग करून आदिवासींची फसवणूक केल्याचा गुन्हा येथील स्थानिक कथित समाजसेवीका आरोपी किशोरी पाटील उर्फ वाडीकर, ॲड. तृषांत आरडे आणि अशोक भोईर यांच्यावर झाला आहे. गुन्हा क्रमांक १८०/२०२२ नुसार भांदवी कलम ४२०, ४०६, ४६७, ४६८, १२०-ब, ३४ आणि ॲट्रोसिटी कायदा कलम ३(१)(जी), ३(२)(पाच) आणि ३(२)(पाच-अ) नुसार गुन्हा दाखल झाला असून यातील आरोपी किशोरी पाटील उर्फ वाडीकर हिला दिनांक १० जून २०२२ रोजी अटक करून कल्याण येथील न्यायालयात ११ जून रोजी हजर केले असता न्यायालयाने तिला ५ दिवसाची पोलीस कस्टडी सुनावली. इतर दोन्ही आरोपी अद्याप फरार असून पोलिस त्यांचा शोध घेत आहेत.

सविस्तर घटना अशी की, मौजे बोहनोली गांव, अंबरनाथ येथील कणकवाडी या ठिकाणी गावठान जमिनीवरील ९७ गुंठे जागेवर काही आदिवासी कुटुंबे अनेक पिढ्यांपासून वर्षानुवर्षे राहत होते. वर्ष २००६ मध्ये महाराष्ट्र शासनाने बोहनोली गावाच्या गावठानच्या बाजूच्या काही जमिनी महाराष्ट्र औद्योगिक विकास संस्थेला (एम.आय.डी.सी.) दिल्या परंतु त्यामध्ये बोहनोली कणकवाडी (चिंचेवाडी) येथील गावठान जागेवरील ९७ गुंठे जागेचा समावेश न्हवता आणि आज सुद्धा सदर जमिनीच्या ७/१२ वर महाराष्ट्र औद्योगिक विकास संस्थेचा (एम.आय.डी.सी.) शिक्का आढळून येत नाही.

परंतु मागील काही वर्षापासून सिएट कंपनीने सदर गावठान जमीन बेकादेशीररित्या लुबाडून, झोपड्या जाळून, रस्ते उध्वस्त करून व बेकायदेशीररीत्या कंपाउंड उभारून आदिवासींचे राहते घर व गांव सोडण्यास भाग पाडले. तेथे अनधिकृत बांधकाम करून आदिवासी कुटुंबाची इतरत्र जमीन देवून त्यावर घर, रस्ता, वीज व सिएट कंपनीमध्ये कायमस्वरूपी नोकरी देवून आर्थिक पुनर्वसन करण्याचे खोटे आश्वासन देवून फसवणूक केली. याकरिता मध्यस्थी करण्या करीता येथील स्थानिक आगरी समाजाच्या आरोपी किशोरी पाटील उर्फ वाडीकर या समोर आल्या आणि वकील ॲड.तृषांत आरडे हे गोरगरिबांना मोफत मदत करीत असल्याचे सांगून त्यांची सिएट कंपनीमध्ये बाजू मांडली.

आरोपी किशोरी पाटील उर्फ वाडीकर व वकील तृषांत आरडे यांच्या मध्यस्थिने माहे मे २०२१ मध्ये, कंपनीचे अधिकारी अमित तांबे आणि अजय देसाई यांच्यावर कल्याण सत्र न्यायालयात सुरू असलेली जुनी ॲट्रोसिटीची केस व सर्व इतर तक्रारी मागे घेण्याच्या अटीवर १३ आदिवासी इसमांना प्रत्येकी ११ लाख रुपये व शिरवली गावात १७ गुंठे जमिनीवर सर्व सोई सुविधेसह घरे बांधून व नोकरी देवून पुनर्वसन करण्याचे ठरले.

माहे मे २०२१ च्या शेवटच्या आठवडयात आरोपी किशोरी पाटील उर्फ वाडीकर, वकिल तृशांत आरडे व अशोक भोईर यांनी सदर १३ आदिवासिंना बदलापूर येथे बोलावुन त्यांना सीएट कंपनीमध्ये नोकरी संदर्भात अर्ज करायचे आहे असे खोटे सांगुन त्यांचे ओरिजनल पँन कार्ड, आधार कार्ड, राशन कार्ड व फोटो लावून कागदावर अंगठे घेतले व त्यांचे दि.ठाणे जिल्हा मध्यवर्ती सहकारी बँक लिमिटेड, ठाणे शाखा बदलापूर या बँकेत खाते उघडले तसेच स्वतःचे सुद्धा खाते याच बँकेत उघडले.

दिनांक ३० जून २०२१ रोजी सदर मध्यस्थी मार्फत बाँड पेपरवर अशिक्षित आदिवासींचे अंगठे घेवून बेकायदेशीर तडजोड करण्यात आली व पिढीत संतोष वाघे यांनी मा.दिवाणी न्यायालय कल्याण येथे दाखल दावा क्र.२१/२०१८ आणि त्याची पत्नी भुरी संतोष वाघे हिने मा.सत्र न्यायालय कल्याण येथे दाखल ॲट्रोसिटीची केस क्र.१९३/२०१९ मागे घेण्यास भाग पाडले. याच्या मोबदल्यात सीएट कंपनीने भोलानाथ पांडु वाघ, संतोष सोमा वाघे, पिंटया पांडु वाघ, संगीता हिलम, जाईबाई पांडु वाघे, सिता रघुनाथ वाघ, शनिवार शिवा वाघ, बाळाराम शनीवार वाघ, पिंटया व सिता एकनाथ हिलम, अर्जुन नत्थु वाघ, अरूण पांडु वाघ, लक्ष्मी गज्या वाघे, दर्शना व सोमनाथ व दिपक गजानन वाघे या तेरा कुटुंबांना सीएट कंपनी कडून आर्थिक मदत म्हणून आय.सी.आय.सी.आय. बँकेच्या अंधेरी शाखेचे प्रत्येकी ११ लाख प्रमाणे एकूण १कोटी ३२ लाख रुपयाचे १३ डी.डी. आरोपी किशोरी पाटील उर्फ वाडीकर यांनी घेतले व प्रत्येकाच्या खात्यात जमा देखील केले. परंतु आरोपी किशोरी पाटील उर्फ वाडीकर आणि अँड. तृषांत गंगाधर आडे यांच्या माध्यमातून या सर्व आदिवासी कुटुंबाची बैंक पासबूक घेवून त्यांचे आंगठे घेऊन खोटे दस्तावेज तयार करून तसेच दमदाटी करून त्यांच्या खात्यावर आलेली रक्कम परस्पर खात्यावर वळवली. यात आरोपी किशोरी वाडेकर तथा पाटील हिने एकूण रक्कम रुपये ५८लाख ५०हजार स्वतःच्या दि.ठाणे जिल्हा मध्यवर्ती सहकारी बँक लिमिटेड, ठाणे शाखा बदलापूर या बँकेतील खाते क्र.२४५२७ मध्ये चेकद्वारे ट्रान्स्फर करून घेतली. तसेच आरोपी अँड.तृषांत गंगाधर आरडे याने एकूण रक्कम रुपये रुपये १३ लाख स्वतःच्या खात्यावर ऑनलाईन ट्रान्स्फर केले. अश्याप्रकारे या तिकडी गँगने आदिवासी पिडीतांचे एकूण ७२ लाख ५० हजार रुपये चेक व ऑनलाईन पद्धतीने आणि इतर लाखोंची रोख रक्कम सुद्धा पिडीत आदिवासींचे अंगठे घेवून काढून घेतली. हे सर्व करण्याकरिता आरोपी अशोक भोईर यांनी मदत केली. आरोपींनी आदिवासी पिडीतांना केवळ थोडीफार रक्कम देवून त्यांनी वारंवार विचारणा केली असता अनेक उडवाउडवीची उत्तरे देवून त्यांना पळवून लावले. शेवटी त्यांच्या खात्यात काहीच रक्कम शिल्लक नाही व सर्व पैसे आरोपी किशोरी पाटील उर्फ वाडीकर आणि ॲड.तृषांत आरडे यांनी अशोक भोईर यांच्या मदतीने हे पैसे त्यांच्या खात्यात वर्ग केल्याचे त्यांना बँकेने कळविल्यावर आपली फसवणूक झाल्याचे आदिवासी पिडीतांच्या लक्ष्यात आल्यावर नॅशनल दलित मूव्हमेंट फॉर जस्टिस संघटनेचे मुंबई ठाणे प्रदेश अध्यक्ष बंदिश सोनावणे यांना माहिती देण्यात आली. संघटनेचे वरिष्ठ ॲड.केवल उके यांच्या मार्गदर्शनात या सर्व आदिवासी पिडीतांना तत्काळ मदतीचा हात दिला व शिवाजी नगर पोलीस स्टेशन येथे तक्रार देण्यात आली. पोलिसांनी माहितीची शहनिशा करून दिनांक दिनांक ४ जून २०२२ रोजी गुन्हा क्रमांक १८०/२०२२ नुसार भांदवी कलम ४२०, ४०६, ४६७, ४६८, १२०-ब, ३४ आणि ॲट्रोसिटी कायदा कलम ३(१)(जी), ३(२)(पाच) आणि ३(२)(पाच-अ) नुसार या तिन्ही भामट्यांवर गुन्हा दाखल केला.

पुरोगामी महाराष्ट्र न्यूज नेटवर्क प्रमोद शिंदे

पिरळे तालुका माळशिरस येथे माजी उपमुख्यमंत्री विजयसिंह मोहिते-पाटील यांच्या वाढदिवसानिमित्त पाण्याचा प्रश्न सोडवण्यासाठी उद्योजक सतीश ढेकळे यांच्याकडून स्वखर्चातून मुलानी वस्ती येथे पाण्याचा बोर घेण्यात आला या बोरचे उद्घाटन आमदार रणजितसिंह मोहिते पाटील यांच्या हस्ते करण्यात आले.तसेच संदीप नरोळे यांच्या वतीने मोतीबिंदू शस्त्रक्रिया शिबिर चष्मे वाटप शालेय विद्यार्थ्यांना वह्या वाटप व जन्माला आलेल्या मुलींचे स्वागत म्हणून मुलींच्या नावे पाच हजार रुपये एफडी करण्याचा कार्यक्रम घेण्यात आला. यावेळी आमदार रणजितसिंह मोहिते पाटील बोलताना म्हणाले की पिरळे येथे नेहमीच स्तुत्य उपक्रम राबवले जातात विधायक कामांमध्ये पिरळे अग्रेसर आहे. अतिशय चांगले समाजहिताचे उपक्रम घेतले आहेत.पिरळे साठी पाच वर्षात दादांच्या मार्गदर्शनाखाली आतापर्यंत जवळपास दोन कोटी रुपयांचा निधी उपलब्ध झाला आहे सतीश ढेकळे यांनी लोकांचा पाण्याचा प्रश्न सोडून चांगले काम केले आहेत. तसेच बाबाराजे देशमुख बोलताना म्हणाले की जातीपातीचे राजकारण सोडून आपण विकासाच्या मुद्द्यावर राजकारण करणार आहोत येत्या पंचायत समिती मध्ये पिरळे गावचा डंका शिवरत्न वर वाजला पाहिजे सर्वजण एकत्र मिळून विकासाचे काम करू.प्रास्ताविकात संदीप नरोळे यांनी गावासाठी मशानभुमी,प्राथमिक आरोग्य केंद्र, विज महामंडळाकडून सब टेशन,अंतर्गत रस्ते,गावठाणा साठी जागा मिळण्याची मागणी आमदार रणाजितसिंह मोहिते-पाटील यांच्याकडे केली आहे.या कार्यक्रमास माजी पंचायत समिती उपसभापती अर्जुनसिंह मोहिते-पाटील,कृषी उत्पन्न बाजार समिती उपसभापती मामासाहेब पांढरे, राहुल वाघमोडे,प्रतापराव पाटील, संजय कोरडकर ,एकशिव गावचे सरपंच शहाजी धायगुडे, उद्योजक सतीश ढेकळ, अतुल शेटे प्रवीण पांढरकर,उमेश खिल्लारे माजी सरपंच बाबुराव,गायकवाड रवींद्र,सूर्यवंशी महादेव होळकर,संदीप वाघ,दादासाहेब शिंदे, दत्तात्रय लवटे, बाबासाहेब शिंदे,दादासाहेब किर्दक, दीपक शिंदे,भारत ग्रामसेवक शैला साळवे डॉ शरद शिंदे, डॉक्टर बर्गे,सुनील माने शांतिनिकेतन साळवे तसेच पंचक्रोशीतील नेतेमंडळी ग्रामस्थ मोठ्या संख्येने उपस्थित होते. कार्यक्रमाचे आयोजन एच.व्ही देसाई नेत्र रुग्णालय मंमदवाडी पुणे सरपंच अलका नरोळे उपसरपंच कमल खिलारे सदस्य व ग्रामस्थ यांच्यावतीने करण्यात आले कार्यक्रमाचे सूत्रसंचालन विठ्ठल सूर्यवंशी व भाऊसाहेब भिसे यांनी केले.

पुरोगामी महाराष्ट्र न्यूज नेटवर्क प्रमोद शिंदे नातेपुते (प्रतिनिधी)

पिरळे तालुका माळशिरस येथे माजी उपमुख्यमंत्री विजयसिंह मोहिते-पाटील यांच्या वाढदिवसानिमित्त मोफत मोतीबिंदू शस्त्रक्रिया शिबिर चष्मे वाटप तसेच संदीप नरोळे यांच्या वतीने शालेय विद्यार्थ्यांना वह्या वाटप व जन्माला आलेल्या मुलींचे स्वागत म्हणून मुलींच्या नावे पाच हजार रुपये एफडी करण्याचा कार्यक्रम घेण्यात आला.

तसेच उद्योजक सतीश ढेकळे यांच्यावतीने लोकांचा पाण्याचा प्रश्न सोडवण्यासाठी स्वखर्चातून मुलाणि वस्ती येथे पाण्याचे बोर घेण्यात आले. यावेळी आमदार रणजितसिंह मोहिते पाटील बोलताना म्हणाले की पिरळे येथे नेहमीच स्तुत्य उपक्रम राबवले जातात विधायक कामांमध्ये पिरळे अग्रेसर आहे. अतिशय चांगले समाजहिताचे उपक्रम घेतले आहेत.पिरळे साठी पाच वर्षात दादांच्या मार्गदर्शनाखाली आतापर्यंत जवळपास दोन कोटी रुपयांचा निधी उपलब्ध झाला आहे.

तसेच बाबाराजे देशमुख बोलताना म्हणाले की जातीपातीचे राजकारण सोडून आपण विकासाच्या मुद्द्यावर राजकारण करणार आहोत येत्या पंचायत समिती मध्ये पिरळे गावचा डंका शिवरत्न वर वाजला पाहिजे सर्वजण एकत्र मिळून विकासाचे काम करू.प्रास्ताविकात संदीप नरोळे यांनी गावासाठी मशानभुमी,प्राथमिक आरोग्य केंद्र, विज महामंडळाकडून सब टेशन,अंतर्गत रस्ते,गावठाणा साठी जागा मिळण्याची मागणी आमदार रणजीतसिंह मोहिते-पाटील यांच्याकडे केली आहे.

या कार्यक्रमास माजी पंचायत समिती उपसभापती अर्जुनसिंह मोहिते-पाटील,कृषी उत्पन्न बाजार समिती उपसभापती मामासाहेब पांढरे, राहुल वाघमोडे,प्रतापराव पाटील, संजय कोरडकर ,एकशिव गावचे सरपंच शहाजी धायगुडे, उद्योजक सतीश ढेकळ, अतुल शेटे प्रवीण पांढरकर,उमेश खिल्लारे माजी सरपंच बाबुराव,गायकवाड रवींद्र,सूर्यवंशी महादेव होळकर,संदीप वाघ,दादासाहेब शिंदे, दत्तात्रय लवटे, बाबासाहेब शिंदे,दादासाहेब किर्दक, दीपक शिंदे,भारत ग्रामसेवक शैला साळवे डॉ शरद शिंदे, डॉक्टर बर्गे,सुनील माने तसेच पंचक्रोशीतील नेतेमंडळी ग्रामस्थ मोठ्या संख्येने उपस्थित होते. कार्यक्रमाचे आयोजन एच.व्ही देसाई नेत्र रुग्णालय मंमदवाडी पुणे सरपंच अलका नरोळे उपसरपंच कमल खिलारे सदस्य व ग्रामस्थ यांच्यावतीने करण्यात आले कार्यक्रमाचे सूत्रसंचालन विठ्ठल सूर्यवंशी व भाऊसाहेब भिसे यांनी केले.

  पुरोगामी महाराष्ट्र न्यूज नेटवर्क सोलापूर.
मंत्री चांडक अंगण, हैदराबाद रोड येथे पर्यावरण दिनाचे औचित्य साधून महेश अण्णा कोठे विकास मंचच्या वतीने विविध जातीचे वृक्ष प्रथमेश दादा कोठे यांच्या हस्ते लावून वृक्षारोपण करण्यात आले. यावेळी प्रथमेश कोठे यांनी वृक्षारोपण व पर्यावरण संवर्धन करण्याचा संदेश दिला. वृक्षाचे संवर्धन करण्यासाठी प्रत्येक व्यक्तीने एक झाड लावले पाहिजे तसेच प्रामुख्याने महिलांनी एक झाड दत्तक घेतले असून झाड जगवण्याची जबाबदारी महिलांनी स्वीकारली आहे.या कार्यक्रमास महेश अण्णा कोठे विकास मंचचे अध्यक्ष रमेश गायकवाड, सचिव सुहास गायकवाड, सदस्य आर. टी. कांबळे, इराप्पा राऊत, नदाफ सर, बळगानुरे सर, डॉ मस्के, श्रवण, दत्ता निकंबे, पंढरी वाघमारे, जितेंद्र वाघमारे, दिलीप गायकवाड व महिला मंडळ उपस्थित होते.

पिरळे येथे विजयसिंह मोहिते-पाटील यांच्या वाढदिवसानिमित्त मोफत डोळे तपासणी शिबिर

पुरोगामी महाराष्ट्र न्यूज नेटवर्क प्रमोद शिंदे-

पिरळे ता माळशिरस येथे माजी उपमुख्यमंत्री विजयसिंह मोहिते-पाटील यांच्या 78 व्या वाढदिवसानिमित्त संदीप तात्या नरोळे मित्र परिवार व एच व्ही देसाई आय हॉस्पिटल मोहम्मद वाडी पुणे यांच्या संयुक्त विद्यमाने दिनांक 14 जून 2022 रोजी सकाळी 9:30 वा. मोफत डोळे तपासणी व मोतिबिंदू शस्त्रक्रिया तसेच मोफत चष्मे वाटप शिबिराचे आयोजन करण्यात आले आहे.

या शिबिराचे उद्घाटन विधान परिषद सदस्य आ.रणजीतसिंह मोहिते पाटील यांच्या हस्ते होणार असून या कार्यक्रमास प्रमुख अतिथी म्हणून आमदार रामभाऊ सातपुते अमृत दूध संघाचे चेअरमन धैर्यशील मोहिते पाटील मा जिल्हा परिषद उपाध्यक्ष बाबाराजे देशमुख पंचायत समिती माजी उपसभापती अर्जूनसिंह मोहिते-पटील मामासाहेब पांढरे, ए.पी.आय मनोज सोनवलकर व पंचक्रोशीतील मान्यवर उपस्थिती राहणार असून या शिबिराचा जास्तीत जास्त गरजू लाभार्थ्यांनी लाभ घ्यावा असे आवाहन संदीप नरोळे यांनी केले आहे. या कार्यक्रमाचे आयोजन सरपंच सौ.अलका रामलिंग नरोळे, उपसरपंच श्रीमती कमल दादा खिलारे, ग्रामपंचायत सदस्य व ग्रामस्थ पिरळे यांनी केले आहे.

बारावी परीक्षेत नातेपुते केंद्राचा निकाल ९१.७६ टक्के.
पुरोगामी महाराष्ट्र न्यूज नेटवर्क : पुणे बोर्डा मार्फत फेब्रू. मार्च २०२२ मध्ये इ.१२ वी घेण्यात आलेल्या परीक्षेचा निकाल आज जाहीर करण्यात आला.नातेपुते केंद्राचा निकाल हा ९१.७६ टक्के इतका लागला असून यात डॉ. बा. ज.दाते प्रशाला व कनिष्ठ महाविद्यालय यांचा निकाल ९५.६६ टक्के इतका लागला आहे.शास्त्र शाखा १००%, वाणिज्य शाखा ९६.७०%, तर कला शाखा ८९.६५% .

शास्त्र शाखेत प्रथम ओम पलंगे ८३.३३ , द्वितीय अजय सोनवणे ८०.८३ तृतीय सानिका उराडे ७९.८३
वाणिज्य शाखा प्रथम अपेक्षा मोरे ७७.५०,द्वितीय नितीन लवटे ७४.००,तृतीय अनामिका लोंढे ७२.५०
कला शाखा प्रथम राहुल मोहिते ८२.३४,द्वितीय निर्मिती ठेंगल ७८.१७,तृतीय धनश्री भरते ७७.६३ टक्के.यशस्वी विद्यार्थ्यांचे अभिनंदन संस्थेचे चेअरमन, जि. प. माजी उपाध्यक्ष बाबाराजे देशमुख,उपप्राचार्य भारत पांढरे मुख्याध्यापक प्रवीण बडवे व संस्थेचे पदाधिकारी यांनी केले.
चंद्रकांत घुगरदरे प्रशाला व ज्युनिअर कॉलेज या शाळेचा निकाल ९८.६८ टक्के इतका लागला आहे.

शास्त्र शाखा प्रथम दयाश्री रूपनवर ७८.१७, द्वितीय अनुजा बनकर ७७.८३,तृतीय शुभम म्हेत्रे ७५.८३.
कला शाखा प्रथम वैष्णवी मगर ७५.००, द्वितीय आशा सोनवळ ७४.१७, तृतीय आयेशा काझी ७३.१७%
यशस्वी विद्यार्थ्यांचे अभिनंदन संस्थेचे चेअरमन रघुनाथ कवितके मुख्याध्यापक रवींद्र चांगन व संस्थेचे पदाधिकारी यांनी केले.

पुरोगामी महाराष्ट्र न्यूज नेटवर्क प्रमोद शिंदे –

महाराष्ट्र शासन कृषि विभाग मंडळ कृषि अधिकारी नातेपुते कार्यक्षेत्रातील २६ गावात डाळीब पीन होल बोरर ‘ मका लष्करी अळी नियंत्रण ‘ हुमणी अळी नियंत्रण ‘ हवामान आधारित फळपीक विमा ‘ बीजप्रक्रिया व खरीप पीक विमा योजना अंतर्गत प्रचार प्रसिद्धी व प्रसार ची संयुक्त मोहीम राबविली जात आहे. या मोहीमेअंतर्गत मौजे मोरोची येथील ५२शेतकरी बांधवानी प्रशिक्षण व प्रक्षेत्र भेटीसाठी सहभाग नोदवीला .

कार्यक्रमात श्री अमित गोरे यांना मका लष्करी अळी नियंत्रण ‘ श्री दत्तात्रय पांढरमिसे यांनी हुमणी अळी नियंत्रण ‘ श्री सतीश कचरे मंडळ कृषि अधिकारी नातेपुते यांनी एकरी १०० टन ऊस उत्पादन सुत्रे व बियाणे खरेदी करताना घ्यावयाची काळजी ‘ श्री रणजीत नाळे यांनी डाळींब पीन होल बोरर व श्री सचीन देठे आर सी एफ यांनी मका व बाजरी बीजप्रक्रिया या वर प्रात्यक्षिक मार्गदर्शन व माहिती दिली .

तसेच कार्यक्रमांत श्री दत्तात्रय गायकवाड तालुका कृषि अधिकारी माळशिरस यांनी गट शेती ‘ पतप्रधान सुक्ष्म खादय प्रक्रिया उदयोग बाबत महिती दिली. कार्यक्रमांनतर मोरोची गावात लावलेल्या ३० हुमणी नियंत्रण लाईट ट्रॉप ला भेटी देऊन निरीक्षणे घेतली यामध्ये सापडलेल्या तीन हजार पेक्षा जास्त हुमणी प्रौढ किटक बघून शेतकऱ्यांना विश्वास पटला व महत्व विशद करून दाखविण्यात आले या कार्यक्रमास मोरोची गावचे प्रथम नागरिक श्री समाधान गोरे सरपंच श्री बाळासाहेब माने उपसरपंच श्री भिमराव साळूंखे सोसायटी चेअरमन श्री अनिल सुळ मा .सरपंच सुनिल सुळ ‘ वैभव वावरे ग्रा. सदस्य श्री लक्ष्मण सुळ श्री दातात्रय सुळ श्री विठठल सोनमळे श्री चंद्रकांत भोसले हे प्रगतशिल शेतकरी उपस्थितीत होते .

कार्यक्रमाचे नेटके नियोजन व सुत्रसंचालन श्री विजयकुमार कर्णे व आभार प्रदर्शन श्री उदय साळूंखे यांनी करून चहापानाने कार्यक्रमांची सांगता झाली .

पुरोगामी महाराष्ट्र न्यूज नेटवर्क ठाणे, आगामी पावसाळ्याला तोंड देण्यासाठी जिल्ह्यातील ग्रामीण आरोग्य यंत्रणा सज्ज झाली आहे. साथरोगाच्या काळात करावयाच्या उपाययोजनांबाबत आरोग्य विभागामार्फत जिल्हा, तालुका, प्राथमिक आरोग्य केंद्रस्तरावर साथ नियंत्रण कक्ष व पुरपरिस्थिती नैसर्गिक आपत्ती काळासाठी भरारी पथकाची स्थापना करण्यात आली आहे. जिल्ह्यातील प्रत्येक आरोग्य संस्थेस आवश्यक तो औषधांसह सर्पदंशवरील इंजेक्शन उपलब्ध करून देण्यात आली आहेत, अशी माहिती जिल्हा आरोग्य अधिकारी डॉ. गंगाधर परगे यांनी सांगितले.

जिल्हाधिकारी राजेश नार्वेकर आणि जिल्हा परिषदेचे मुख्य कार्यकारी अधिकारी डॉ. भाऊसाहेब दांगडे यांच्या मार्गदर्शानाखाली जिल्हा आरोग्य यंत्रणा अलर्ट मोडवर काम करीत असल्याचे जिल्हा आरोग्य अधिकाऱ्यांनी सांगितले. जिल्हास्तरावर तीन भरारी पथक स्थापन करण्यात आले असून ती २४ तास कार्यान्वित करण्यात आली आहेत.

जिल्ह्यात तीन तज्ञ डॉक्टरांचे शिघ्र प्रतिसाद पथक कार्यरत असून येथील आरोग्य विभागात साथ नियंत्रण कक्ष कार्यरत आहे. तालुका, प्राथमिक आरोग्य केंद्रस्तरावर देखील हा कक्ष कार्यान्वित आहे.

तालुकास्तरावर भरारी पथक स्थापन करण्यात आले असून त्यामध्ये गट विकास अधिकारी, तालुका वैद्यकिय अधिकारी, तालुका पर्यवेक्षक, आरोग्य कर्मचारी यांचा समावेश आहे. प्राथमिक आरोग्य केंद्रस्तरावर वैद्यकिय अधिकारी व आरोग्य कर्मचाऱ्यांसह २४ तास कक्ष कार्यान्वित करण्यात आला आहे.

प्रत्येक आरोग्य संस्थेस आवश्यक त्या औषधसाठ्यासोबत सर्पदंशवरील इंजेक्शन सुध्दा उपलब्ध करून देण्यात आली आहेत. त्याचबरोबर जिल्हास्तरावर जादा औषधसाठा देखील उपलब्ध करण्यात आला आहे.

पावसाळ्यात अतिवृष्टीमुळे ज्या गावांचा संपर्क तुटतो अशा ठिकाणी आशा सेविका आणि अंगणवाडी सेविका यांना प्राथमिक उपचारासाठी औषधे देण्यात आली आहेत. सर्व प्राथमिक आरोग्य केंद्रांवर पावसाळा सुरू होण्यापूर्वी आवश्यक असणाऱ्या २१ औषधांची यादी पाठविण्यात आली असून तीन महिने पुरेल इतका औषधसाठा करण्याबाबत सूचना देण्यात आल्याचे जिल्हा आरोग्य अधिकाऱ्यांनी सांगितले.

ग्रामीण भागात संभाव्य आपत्कालीन पूरपरिस्थितीमुळे साथीच्या रोगांचा फैलाव होण्याच्या शक्यतेमुळे सर्व प्राथमिक आरोग्य केंद्र, प्राथमिक आरोग्य पथक, दवाखान्यांमध्ये प्रतिबंधात्मक उपाययोजनांच्या सूचना देण्यात आल्या आहेत. गावात दवंडी देवून पाणी उकळून व गाळून पिणे, पिण्याचे पाण्याचे साठे नियमित ब्लिचिंग पावडरद्वारे शुध्दीकरण केले जाते किंवा नाही त्याची पडताळणीकरीता ओ.टी. टेस्ट नियमितपणे करण्याच्या सूचना देण्यात आल्या आहेत. प्राथमिक आरोग्य केंद्र स्तरावर आपत्कालीन कक्ष तयार करुन वैद्यकिय पथकास प्रथमोपचार किट व मेडिसीन किट तयार करण्याबाबत सुचना दिल्या आहेत, असे डॉ. परगे यांनी सांगितले.
००००

पिरळेत राजमाता अहिल्यादेवी होळकर जयंती उत्साहात

पुरोगामी महाराष्ट्र न्यूज नेटवर्क नातेपुते प्रतिनिधी

पिरळे ता माळशिरस जिल्हा सोलापूर येथे पुण्यश्लोक राजमाता अहिल्यादेवी होळकर यांची 297 वी जयंती मोठ्या उत्साहात साजरी करण्यात आली. मान्यवरांच्या हस्ते सकाळी राजमाता पुण्यश्लोक अहिल्यादेवी होळकर यांच्या प्रतिमेचे पूजन करण्यात आले.तसेच हलगी,ढोल च्या तालावर पारंपारिक गजी खेळ खेळण्यात आला.

जयंती निमित्ताने महाप्रसादाचे आयोजन करण्यात आले होते तसेच राजमाता अहिल्यादेवी होळकर यांच्या प्रतिमेची भंडारा उधळत रथा मधून भव्य दिव्य मिरवणूक काढण्यात आली कार्यक्रमाचे आयोजन राज ioमाता अहिल्यादेवी होळकर जयंती उत्सव समितीच्या वतीने करण्यात आले होते.