आंतरराष्ट्रीय

पुणे येथे एन.डी.एम.जे च्या वतीने राज्यस्तरीय महिला नेतृत्व विकास कार्यशाळा संपन्न

पुरोगामी महाराष्ट्र न्यूज नेटवर्क( पुणे )नॅशनल दलित मोमेंट फॉर जस्टिस एन.डी.एम.जे यांच्या वतीने, राज्य महासचिव ऍड.केवलजी उके व राज्य सचिव वैभवजी गिते यांच्या मार्गदर्शनाखाली विश्रांतवाडी पुणे येथे राज्यस्तरीय महिला नेतृत्व विकास व महिलांसाठी कायदेविषयक प्रशिक्षण कार्यशाळा घेण्यात आली. कार्यक्रमाची सुरुवात महापुरुषांच्या प्रतिमेचे पूजन करून करण्यात आली. या शिबिराचे आयोजन राज्य महिला संघटक पंचशीला ताई कुंभारकर यांनी केले होते.या शिबिरात अनेक दिग्गज वकील व सामाजिक कार्यकर्ते यांनी महिलांना कायदेविषयक मार्गदर्शन केले. तसेच ऍड.विद्याताई लोखंडे यांनी कोरोना प्रादुर्भाव काळात महिलांवर कशाप्रकारे अत्याचार झाले आहेत व महिलांवर होणारे कौटुंबिक हिंसाचार यावर मार्गदर्शन केले.तर ऍड.असुंता ताई पारधे यांनी कौटुंबिक हिंसाचाराच्या कायद्याच्या प्रभावी अंमलबजावणीसाठी च्या तरतुदी प्रशिक्षणादरम्यान सांगितल्या, प्राध्यापिका सौ महानंदा डाळिंबी ताई यांनी कोरोना काळात वाढलेले जातीय अत्याचाराचे प्रमाण व त्याचे कारणे याविषयी मार्गदर्शन केले. राज्य प्रसिद्धी प्रमुख संपादक प्रमोद शिंदे यांनी ॲट्रॉसिटी ॲक्ट व एफ.आय.आर मधील त्रूटी विषयी विषयी मार्गदर्शन केले.ऍड.हर्षद भोसले यांनी भारतीय समाज व्यवस्थेमधील सद्यस्थिती चालू असलेल्या घडामोडी व दुष्परिणाम याविषयी मार्गदर्शनकेले. या कार्यक्रमास स सचिन वाघमारे,महानंदाताई डाळिंबे,सुनंदाताई साळवे, मंदाकिनी भोसले, संजीवनी सिरसाठ, शकील सावंत,रश्मी रंगारी,
तुकाराम जेटीथोर, मधुकर हरिभक्त,
अमोल माने, रक्षा तसेच सामाजिक कार्यकर्ते उपस्थित होते.कार्यक्रमाचे सूत्रसंचालन पंचशीला ताई कुंभारकर यांनी केले.सदर कार्यक्रम सोशल डिस्टन्स नियम पालन करण्यात अले. कार्यक्रम यशस्वी होण्यासाठी सम्यक बुद्ध विहार येथील कार्यकर्त्यांनी परिश्रम घेतले.

वंचितच्या माढा लोकसभा मतदारसंघ सल्लागारपदीॲड.सुमित सावंत यांची निवड*( पुरोगामी महाराष्ट्र न्यूज नेटवर्क- प्रमोद शिंदे )माळशिरस येथील प्रसिद्ध वकील, ॲड. सुमित राजू सावंत, यांची वंचित बहुजन आघाडीच्या माढा लोकसभा सल्लागारपदी निवड करण्यात आली आहे ही निवड वंचित बहुजन आघाडीचे संस्थापक ॲड. प्रकाश आंबेडकर यांनी निवड केली आहे. ॲड.सावंत हे वंचित बहुजन आघाडी स्थापन झाल्यापासून पक्षाच्या शाखा विस्तार करण्यापासून माढा लोकसभा, माळशिरस विधानसभा   निवडणुकीसाठी त्यांनी प्रामाणिकपणे या भागात पक्ष बांधणी केली होती. त्याचीच पोहोच म्हणून वंचित बहुजन आघाडीचे संस्थापक – अध्यक्ष . बाळासाहेब तथा ॲड. प्रकाश आंबेडकर यांनी नुकतीच माढा लोकसभा कायदेशीर सल्लागार म्हणून त्यांची निवड केली त्यांचे निवडीबद्दल, विविध संस्था तसेचसामाजिक  संघटना व विविध स्तरातील नागरिकांतून त्यांच्यावर अभिनंदनाचा वर्षाव करीत आहेत

वंचितच्या माढा लोकसभा मतदारसंघ सल्लागारपदीॲड.सुमित सावंत यांची निवड

पाकिस्तान ने दाऊद इब्राहिम ला त्वरित भारताच्या हवाली करावे – केंद्रियराज्यमंत्री रामदास आठवले

मुंबई दि. 23 – मुंबईत 12 मार्च 1993 रोजी सिरीयल बोम्बस्फोट घडविणारा प्रमुख गुन्हेगार दाऊद इब्राहिम हा गेली 27 वर्षे पाकिस्तान मध्ये लपून राहिलेला आहे. याची पाकिस्तान ला पूर्ण माहिती आहे मात्र तरीही दाऊद भारताच्या सुपूर्द करण्यास पाकिस्तान भारताला सहकार्य केले नाही.आता मात्र पाकिस्तानमधील 80 दहशतवादी गुन्हेगारांची नावे पाकिस्तान सरकार ने जाहीर केलीत त्यात दाऊद चे नाव आहे. त्यामुळे आता पाकिस्तान ने त्वरित दाऊद इब्राहिम ला भारताच्या हवाली करावे त्यासाठी भारत सरकार ने ही पाकिस्तान वर दबाव टाकला पाहिजे असे मत व्यक्त करून आपण गृहमंत्रालयाला याबाबत पत्र पाठविणार असल्याच्या प्रतिपादन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्य मंत्री ना रामदास आठवले यांनी प्रसिद्धीस दिलेल्या पत्रकात म्हंटले आहे.

दाऊद इब्राहिम हा मूळचा मुंबईचा असून त्याच्यावर अनेक खंडणीचे आणि खुनाचे गुन्हे नोंद आहे. संघटित गुन्हेगारीमध्ये लिप्त असणारा आणि पुढे मुंबईत साखळी बॉम्ब स्फोट करून आंतरराष्ट्रीय स्तरावर दहशतवाद्यांसारखे क्रूर गुन्हे घडविणाऱ्या दाऊद ला फाशीची शिक्षा झाली पाहिजे. त्यासाठी पाकिस्तान ने दाऊद भारताच्या हवाली करावे अशी मागणी ना रामदास आठवले यांनी केली आहे.

शाळेत पोक्सो ई बाॅक्स व तक्रारपेट्या न बसवल्यास गटशिक्षणाधिकाऱ्यांवर होणार कारवाई

शिक्षणाधिकारी कुंभार यांनी मागितला‌ अहवाल; अजिनाथ राऊतांनी एनडीएमजेच्या पाठपुराव्याला यश

पुरोगामी महाराष्ट्र न्यूज नेटवर्क जवळा – प्रतिनिधी दि.२४

उस्मानाबाद जिल्ह्यातील कोणत्याही जाती धर्माच्या विद्यार्थ्यांसह बालकांवर अन्याय अत्याचार होऊ नयेत आणि जर झालेच तर त्यांना लगेच आॅनलाईन तक्रार करता यावी यासाठी सर्व शाळांमध्ये पोस्को ई बॉक्स व तक्रारपेट्या बसवण्याची मागणी एन.डी.एम.जे. संघपणेचे जिल्हाध्यक्ष आजिनाथ राऊत यांनी संघटणेच्या वतीने वारंवार करुन पाठपुरावा केला होता त्या केलेल्या प्रयत्नास अखेर यश आले आहे.
सविस्तर माहिती अशी की महाराष्ट्र शासनाच्या शालेय शिक्षण व क्रीडा विभागाने 4 ऑक्टोबर 2016 च्या परिपत्रकानुसार बालकांवर होणाऱ्या लैंगिक अत्याचाराचे प्रमाण वाढत असल्यामुळे मुलांचे मानसिक खच्चीकरण होते त्यांच्यावर होणाऱ्या अत्याचाराची तक्रार कोठे करायची याची माहिती नसल्यामुळे आपल्यावर झालेल्या अत्याचाराबाबत कोणाकडे त्याची वाच्यता करू शकत नाही परिणामी अशा प्रसंगांना त्यांना वारंवार बळी पडावे लागते या बाबी विचारात घेऊन राष्ट्रीय बाल अधिकार संरक्षण आयोगाने मुलांवर होत असलेल्या अत्याचाराच्या तक्रारीसाठी www.ncpcr.gov.inया वेबसाईटवर पोस्को ई बॉक्स तयार केलेला असून त्यावर प्रेस केल्यास सदर तक्रार राष्ट्रीय बाल अधिकार संरक्षण आयोगाकडे जाते तसेच शालेय शिक्षण व क्रीडा विभागाने 5 मे 2017 च्या पत्रिका परिपत्रकानुसार सर्व माध्यमांच्या सर्व व्यवस्थापनाचे प्राथमिक माध्यमिक व उच्च माध्यमिक शाळांमध्ये विद्यार्थी व विद्यार्थिंनीवर होणारे अन्याय अत्याचार भेदभावाचे प्रकार वाढत आहेत तसेच असे प्रकार दबुन राहत आहेत.
म्हणुन कोणत्याही जाती धर्माच्या विद्यार्थी, विद्यार्थिंनी‌ व बालकांवर होऊ नयेत आणि जर अशा प्रकारचे अन्याय अत्याचार झालेच तर विद्यार्थ्यांना त्याची आॅनलाईन तक्रार करता यावी यासाठी नॅशनल दलीत मुव्हमेंट फाॅर जस्टिस संघटनेच्या वतीने जिल्हाध्यक्ष आजिनाथ राऊत यांनी गेली एक वर्षापासुन जिल्हाधिकारी, मुख्य कार्यकारी अधिकारी, गटशिक्षणाधिकारी जिल्हापरिषद, कार्यालय उस्मानाबाद यांचेकडे वेळोवेळी निवेदने देऊन वारंवार पाठपुरावा केला होता याची गट शिक्षणाधिकारी रोहिणी कुंभार (प्रा) जिल्हा परिषद उस्मानाबाद यांनी गंभीर दखल घेऊन जिल्ह्यातील सर्व गटशिक्षणाधिकारी पंचायत समिती उस्मानाबाद, तुळजापूर, उमरगा, कळंब, भुम, परांडा, वाशी, यांना दि. 29/07/2020 रोजी लेखी पत्र पाठवून या निवेदनावर तात्काळ अद्याप केलेल्या कारवाईचा अहवाल तसेच जिल्ह्यातील सर्व शाळांमध्ये पोस्को ई बॉक्स व तक्रार पेट्या बसवल्या कि कसे? याचा अहवाल मागवला आहे तसेच पोक्सो ई बॉक्स व तक्रार पेट्या न बसवणाऱ्या गटशिक्षणाधिकाऱ्यांना दोषी धरुन त्यांचेवर योग्य ती कारवाई करण्यात येईल असेही आदेशात नमुद करण्यात आले आहे.

पुरोगामी महाराष्ट्र न्यूज नेटवर्क (प्रमोद शिंदे)-महाराष्ट्राचे माजी मुख्यमंत्री आणि आता विधानसभेतील विरोधी पक्षनेते देवेंद्र फडणवीस यांच्या निवासस्थानी श्री गाणेशोत्सवानिमित रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांनी भेट दिली. यावेळो बिहार राज्याच्या आगामी विधानसभा निवडणुकीसाठी देवेंद्र फडणवीस यांची भाजपने पक्ष प्रभारी म्हणून महत्वपूर्णज जबाबदारी दिल्याबद्दल ना रामदास आठवले यांनी देवेंद्र फडणवीस यांचे अभिनंदन केले.

कोरोना अमृत व्यक्तीवर स्वतःतहसीलदार सोनाली मेटकरी यांनी केले अंत्यसंस्कार

पुरोगामी महाराष्ट्र न्यूज नेटवर्क (प्रमोद शिंदे)–इंदापूर तालुक्यात कोरोना प्रादुर्भाव वाढत असून त्यामध्ये एका व्यक्तीचा कोरोना covid-19 ने मृत्यु झाल्यानंतर मृत व्यक्तीच्या नातेवाईकांनी अंत्यसंस्कार करण्यास नकार दिला त्यांनी फक्त बघ्याची भूमिका घेतली यावर इंदापूर तालुक्याच्या कर्तव्यदक्ष तहसीलदार सौ.सोनाली मेटकरी मॅडम यांनी स्वतः रात्री एक वाजता स्मशानभूमी मध्ये जाऊन कर्मचाऱ्यांच्या सोबत त्या मृत व्यक्ती वरती अंत्यसंस्कार केले. अंत्यसंस्कार केल्यानंतर दुसऱ्या दिवशी मृत व्यक्तिच्या नातेवाईकांचा मॅडमचे आभार मानण्यासाठी फोन आला असता त्यांचा चांगला समाचार तहसीलदार मेटकरी मॅडम यांनी घेतला.
याअगोदर गेल्यावर्षी चिखली येथील निरा नदी पात्रात सोलापूर जिल्ह्यातील तांबेवाडी येथील इसम पाण्याच्या पुरात अडकली होती. तेव्हा देखील तत्परता दाखवून तहसीलदार सोनाली मेटकरी मॅडम यांनी पालक मंत्री दत्तात्रय मामा भरणे यांच्या सहकार्याने यंत्रणा लावून त्या व्यक्तीचे प्राण वाचवले होते.या कोरोना काळातही चांगल्या प्रकारे परिस्थिती हाताळून आपले कर्तव्य चोख बजावल्यामुळे यांचे सोशल मीडियाच्या माध्यमातून सर्वत्र कौतुक होत आहे.कोरोना मृत व्यक्तीच्या नातेवाईकांना त्यांनी संदेश दिला की PPE किट घालून मृत व्यक्तींचे अंत्यसंस्कार करावेत PPE कीट घातल्यानंतर कसल्याही प्रकारचा धोका नाही स्वतःच्या नातेवाईकाचा अंत्यसंस्कार केल्यानंतर समाधान वाटते त्यांनी प्रशासनासोबत येऊन यात सहभागी व्हावे. यामुळे प्रशासनाचा भार ही कमी होईल.

*स्वातंत्र्य दिनाचे औचित्य साधून माऊली सरकार  यांच्यावतीने  जिलेबी भरून शासकीय कर्मचाऱ्यांचे केले तोंड गोड *

पुरोगामी महाराष्ट्र न्यूज नेटवर्क ( प्रमोद शिंदे)-स्वातंत्र्य दिनाचे औचित्य साधून नातेपुते येथे  राष्ट्रीय समाज पक्षाचे तालुकाध्यक्ष सामाजिक कार्यकर्ते माऊली सरक व मित्रपरिवार यांच्यावतीने नातेपुते परिसरातील शासकीय कर्मचारी ,पोलीस स्टेशन तलाठीऑफिस,ग्रामीण रुग्णालयाचे कर्मचारी व इतर सामाजिक कार्यकर्ते यांना तंत्र दिनाच्या आनंदोत्सवात जिलेबी चे वाटप करून तोंड गोड करण्यात आले .यावेळी राष्ट्रीय समाज पक्षाचे प्रदेश सचिव नितीनजी धायगुडे, राष्ट्रीय समाज पक्षाचे अल्पसंख्याक आघाडीचे पश्चिम महाराष्ट्र अध्यक्ष शाहीद मुलाणी,राष्ट्रीय समाज पक्षाचे नेते अण्णासाहेब पांढरे, नातेपुते शहर अध्यक्ष अमरजीत जानकर, तसेच तानाजी बोडरे, गणेश बोडरे, उपस्थित होते.

*अक्षय भांड यांचे कडून जागतिक फोटोग्राफर  दिनानिमित्त फोटोग्राफर यांचा सत्कार*

पुरोगामी महाराष्ट्र न्यूज नेटवर्क नातेपुते (प्रमोद शिंदे)-राष्ट्रवादी काँग्रेस पक्षाचे माळशिरस तालुक्याचे युवा नेते पै.अक्षय भांड यांनी नातेपुते भांड गॅस एजन्सी येथे जागतिक फोटोग्राफी दिन साजरा करत माळशिरस तालुक्यातील  फोटोग्राफर  यांचा सत्कार केला अक्षय भांड म्हणाले की 
फोटोग्राफी ही कला आहे. सृष्टीतील सौंदर्य जतन करण्याचे प्रभावी माध्यम आहे. आज जागतिक फोटोग्राफी दिनानिमित्त फोटोग्रााफर यांचा सन्मान करणे हे आपले कर्तव्य आहे.तसेच त्यांनी नातेपुते व नातेपुते परिसरातील सर्व फोटोग्राफर मंडळीचा सत्कार केला व राष्ट्रवादी काँग्रेस पक्षा कडून व पुरोगामी महाराष्ट्र परिवाराच्या वतीने जागतिक फोटोग्राफी दिनाच्या शुभेच्छा दिल्या यावेळी.भांड गॅस एजन्सी चे मालक आप्पासाहेब भांड ,पत्रकार प्रमोद शिंदे, प्रशांत खरात ,टोग्राफर व फोटोग्राफर संघटनेचे अध्यक्ष महादेव नवगण,सचिव अविनाश लिपारे,माळशिरस तालुका अध्यक्ष ज्ञानेश निकम,जाकिर मुलाणी,महेश टोमके, प्रकाश पद्मन, राहुल बोत्रे,तुषार देसाई,हंसराज  लाळगे,मंजूर मुलाणी,सोमनाथ लाळगे,गणेश शिंदे,सुखदेव गेजगे,प्रशांत बरडकर,राहुल पिसे,सागर रिठे,राजू एकळ,प्रज्वल बोत्रे,दत्ता बोत्रे,,नवनाथ कुराडे,संजय बनकर ,सुमित जाधव, आदी भंडारे,दिपक जाधव,किरण राऊत, कार्यकर्ते उपस्थित होते.

*माळशिरस येथे स्वातंत्र्य दिन व वामन दादा कर्ङक यांच्या जयंती निमित्त जीवनावश्यक वस्तूंचे वाटप* 
पुरोगामी महाराष्ट्र न्यूज नेटवर्क( प्रमोद शिंदे) – माळशिरस  नालंदा बुद्ध विहार  येथे  भारतीय स्वातंत्र्य दिन तसेच भिम शाहीर वामनदादा कर्डक यांच्या जयंतीचे औचित्य साधून शिध्दार्थनगर येथे आंबेडकरी चळवळीचे नेते माळशिरस चे माजी सरपंच विकास दादा धांईजे यांच्यावतीने माळशिरस तालुक्यातील शाहीर लोक कलावंत  यांना  जीवनावश्यक वस्तूंचे वाटप  करण्यात आले. हे वाटप राष्ट्रवादी चे नेते उत्तमराव जानकर तसेच आंबेङकरी चळवळीच्या कार्यकर्ते यांच्या हस्ते करण्यात आले. कार्यक्रमाची सुरुवात डॉ.बाबासाहेब आंबेडकर यांच्या प्रतिमेचे पूजन उत्तमराव जानकर व प्रमुख मान्यवरांच्या हस्ते करण्यात आले. तसेच लोककलावंत शाहीर यांनी स्वरचित कोणावरती व  भीम गीते सादर करून शाहिरी जलसा सादर केला यावेळी माजी सरपंच तुकाराम देशमुख, पांडुरंगतात्या वाघमोङे जेष्ठ नेते अशोकबापु धाईजे,पंचायत समिती सदस्य अजय सकट,माजी पंचायत समिती सदस्य अनिल सावंत,नगरसेवक भगवान थोरात,विशाल साळवे,रणजीत कसबे ,प्रदिप धाईजे,लोकशाहिर जितेंद  धाईजे, रणजित धाईजे,बाळु काटे,किरण धाईजे, तसेच माळशिरस तालुक्यातील  लोककलावंत शाहीर मोठ्या संख्येने उपस्थित होते. हा कार्यक्रम यशस्वी होण्यासाठी अध्यक्ष किशोर धाईजे,युवक अध्यक्ष बुध्दभूषण धाईजे ,बुध्दभूषण बनसोङे, अतुल धाईजे  अनिल धाईजे यांनी परिश्रम घेतले, या कार्यक्रमाचे आयोजन विकास दादा धाइजे यांनी केले होते तसेच हा कार्यक्रम सोशल डिस्टंसिंग च्या नियमांचे पालन करून करण्यात आला.