पुरोगामी महाराष्ट्र न्यूज नेटवर्क संदेश भालेरााव कल्याण- कल्याण पूर्व ड प्रभाग क्षेत्रात पुर्ण कृती पुतळ्या संदर्भात दि.10 डिसेंबर रोजी लोकसभा ठाणे जिल्हा-कल्याण खासदार डॉ.श्रीकांत शिंदे यांच्या मार्गदर्शना खाली नगरसेवक महेश गायकवाड यांच्या अध्यक्षतेखालील डोंबिवलीत बैठक पार पडली
सदर बैठकीत पुर्णकृती पुतळ्या साठीआवश्यक आसलेला निधी संदर्भात चर्चा केली आसता खासदार डॉ.श्रीकांत शिंदे यांनी पाचकोटी निधी उपलब्ध करून दिला जाईल असे बैठकीत असलेल्या आंबेडकरी अनुयायीनां सांगितले
त्या प्रसंगी दलित मित्र अण्णा रोकडे,
महादेव रायभोले,मिलिंद बेळमकर,विवेक जगताप, भारत सोनवणे,भारती जाधव, शोभाताई केदारे,ललिताआखाडे,शेखर केदारे,सुमेध हुमणे,प्रशांत बोटे,अतिष गायकवाड, मनिष बनकर,इत्यादी उपस्थित होते

पुरोगामी महाराष्ट्र नेटवर्क मुंबई दि (प्रतिनिधी) भीमा कोरेगाव क्रांतीस्तंभाला अभिवादन करण्यापासून अनुयायांना रोकू नये. ठिकाणी योग्य त्या उपाययोजना कराव्यात अन्यथा आंबेडकरी रोषाला सामोरे जाल असे मत डेमोक्रॅटिक रिपब्लिकन पार्टी ऑफ इंडिया पक्षाचे राष्ट्रीय महासचिव डॉ राजन माकणीकर यांनी प्रतिनिधींशी बोलतांना व्यंक्त केले.

कोरोना सदृश्य स्तिथी पाहता देशासह सर्वत्र विविध उपाययोजना करण्यात आल्या व येत आहेत, सर्व प्रार्थना स्थळे सरकारने उघडी ठेविली असून सर्व धर्मीयांच्या श्रद्धेचा सरकार विचार करत आहे, किंतु आंबेडकरी अनुयायांचे सर्व उत्सव व अभिवादन घरात बसून करा असे सांगत आहे या सरकारच्या धोरणाचा जाहीर निषेध करत असल्याचेही डॉ. माकणीकर यांनी सांगितले.

14 एप्रिल 20 रोजी महामानव विश्वरत्न डॉ. आंबेडकर म्हणजेच भीम जयंती उत्सव, बुद्ध पौर्णिमा, अशोक विजयादशमी दसरा प्रामुख्याने बौद्धांचे प्रमुख उत्सव साजरे करण्यास सक्तीने बंदी आणली महामानव डॉ बाबासाहेब आंबेडकर महापरिनिर्वाण दिनि अभिवादन करण्यास मज्जाव केला, अनुयायांनी शांत बसून घरातूनच उत्सव व अभिवादन केले, मात्र: आता सरकारने 1 जानेवारी 2021 ला भीमा कोरेगाव येथील क्रांतीस्तंभाला अभिवादन करण्यास रोखू नये.
अशी इच्छा डॉ माकणीकर यांनी व्यक्त केली.

अभिवादन करण्यास एक नियमावली बनविण्यात येऊन जागोजागी सरकारने सॅनिटायजर चे फवारे उभारावेत, अभिवादन करण्यास रोखण्याऐवजी अनुयायांच्या अस्मितेचा प्रश्न जाणून भावणेचा सन्मान करावा व योग्य त्या उपाययोजना कराव्यात अन्यथा सरकार वरील आंबेडकरी अनुयायांचा रोष लवकरच उद्रेक घेईल अशी भीती डॉ. माकणीकर यांनी व्यक्त केली.

आंबेडकरी जनता भोळी भाबडी असली तरी शिक्षित आहे, त्यांना प्रसंगावधान कळते, त्यामुळे सरकारने आंबेडकरी अनुयायांबाबत साशंकता बाळगू नये, त्यांना विनम्रपणे अभिवादन करू द्यावे पोलिस बळाचा व कायद्यांच्या कलमांचा वापर करून दबावतंत्राणे आंबेडकरी अनुयायांना वेठीस धरू नका योग्य त्या उपाययोजना करा अन्यथा आंबेडकरी अनुयायांच्या रोषाला सामोरे जाल असा इशारा राष्ट्रीय महासचिव डॉ राजन माकणीकर यांनी प्रतिनिधीशी बोलतांना दिला आहे.

पक्षप्रमुख कनिष्क कांबळे यांच्या नेतृत्वाखाली राष्ट्रीय महाराष्ट्र व पुणे जिल्हा कार्यक्रणीच्या उपस्तिथीत शेकडो डेमोक्रॅटिक रिपब्लिकन्स कार्यकर्ते अभिवादन करणार असून असेल हिम्मत तर कार्यकत्यांना रोखून दाखवावे असेही आवाहन डॉ. माकणीकर व कार्याध्यक्ष कॅ. श्रावण गायकवाड यांनी केले आहे.

पुरोगामी महाराष्ट्र न्युज नेटवर्क कल्याण संदेश भालेराव– ठाणे जिल्हा-मुरबाड मतदार संघातील भाजपाचे आमदार किसन कथोरे यांच्या कारने एका दुचाकी चालकाला जोरदार धडक दिल्याने त्याचा मृत्यू झाला आहे , तर एक महिला गंभीर असल्याचे समोर आले आहे. ही घटना मुरबाड तालुक्यातील दहा गाव आपटी रस्त्यावर घडली असुन घटना स्थळी कल्याण पोलिस दाखल झाले असुन

कार मधील जखमी आणि मृत्यू झालेल्या दुचाकी चालकाचे नाव समजू शकले नाही. तर दुचाकी वरील दुसरी महिला गंभीर असल्याची माहिती समोर आली आहे मात्र अपघात एवढा भीषण होता की, दुचाकी चालकाचा जागीच मृत्यू होउन दुचाकी वरील महिला रस्त्याच्या लगत असलेल्या शेतात उडून पडली होती त्यामुळे ती गंभीर जखमी झाली आहे

पुरोगामी महाराष्ट्र न्यूज नेटवर्क मुंबई दि. 13 – महाराष्ट्र राज्यसरकारने  मंत्रालयात येणाऱ्या कर्मचारी अधिकाऱ्यांसाठी ड्रेसकोडचा नियम केला आहे. रंगबिरंगी नक्षीकामवाल्या कापड्यांच्या पोशाखास मनाई केली आहे. ही मनाई मंत्र्यांनाही लागू झाल्यास मला कसे मंत्रालयात येता येईल ? असा मिश्किल सवाल रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी केला आहे. 
ना. रामदास आठवले हे रंगीबेरंगी नक्षीकाम वाले पोशाख परिधान करण्यासाठी प्रसिद्ध आहेत. तसेच मीश्किलीपणे खुसखुशीत विनोद करण्यात ही ते प्रसिध्द आहेत. त्यानुसार मंत्रालयात ड्रेसकोड च्या बातमीवर ना.रामदास आठवले यांनी मिश्किलपणे आपल्याला मंत्रालयात प्रवेश मिळेल का असा  प्रश्न विचारला आहे.              

पुरोगामी महाराष्ट्र न्यूज नेटवर्क प्रमोद शिंदे – पिरळे व व परिसरात  अवैधरित्या चोरून दारूविक्री सुरू असल्याने पिरळे येथील सामाजिक कार्यकर्ते सुदाम बुधावले यांनी उत्पादन शुल्क  सोलापूर  व नातेपुते पोलीस स्टेशन यांना पिरळे येथे चोरून मोठ्या प्रमाणात दारू विक्री चे धंदे सुरू असले बाबत तक्रार केली असता नातेपुते पोलीस स्टेशन येथील सहाय्यक पोलीस निरीक्षक मनोज सोनवलकर यांनी चोरून दारू विक्री करणार्‍यावर तात्काळ कारवाई केली जाईल असे सांगितले तसेच ते म्हणाले असे निदर्शनास आल्यास तात्काळ पोलिसांची संपर्क साधा दारू विक्री करणाराचा लगेच बंदोबस्त केला जाईल  असे सांगितले.

पुरोगामी महाराष्ट्र न्यूज नेटवर्क –देशाचे नेते राष्ट्रवादीचे सर्वेसर्वा माजी कृषी मंत्री शरद पवार साहेबांचा वाढदिवस मुंबई येथे साजरा करण्यात आला.कुटुंबातील सदस्यांनी त्यांचे औक्षण करुन त्यांच्या दिर्घायुष्याची प्रार्थना केली.यावेळी उपमुख्यमंत्री अजितदादा पवार, खासदार सुप्रियाताई सुळे, आमदार रोहित पवार यांच्यासह सर्व पवार कुटुंबीय उपस्थित होते.

पुरोगामी महाराष्ट्र न्यूज प्रमोद शिंदे प्रतिनिधी: 
     गोपीनाथराव मुंडे साहेबा मुळे भारतीय जनता पार्टी ग्रामीण भागात तळागाळापर्यंत  पोहोचली असल्याचे मत भारतीय जनता पार्टीचे जिल्हा उपाध्यक्ष बाळासाहेब सरगर यांनी आज माळशिरस येथील भारतीय जनता पार्टी कार्यालय माळशिरस येथे जयंतीच्या निमित्ताने  ते बोलत होते .
        या कार्यक्रमाला भाजपा तालुका सरचिटणीस संजय देशमुख मोटेवाडीचे सरपंच दादासाहेब खरात युवानेते युवराज वाघमोडे नगरसेवक आकाश सावंत बालाजी नरळे गणेश सीद तुळशीराम घुले राहूल बंडगर  आदी उपस्थित होते. 
    ते पुढे बोलताना सरगर  म्हणाले की  भारतीय जनता पार्टी ही दोन खासदाराची पार्टी शहरी भागापुरती मर्यादित होती परंतु गोपीनाथराव मुंडे साहेबांमुळे ग्रामीण भागातल्या तळागाळापर्यंत जाऊन आज 302 खासदाराची पार्टी म्हणून देशात एक नंबर ला आहे. म्हणून मुंडे साहेबांचे काम हे आजच्या भाजप कार्यकर्त्यांना प्रेरणा देणारे आहे .1995 झाली काढलेल्या संघर्षयात्री मुळे महाराष्ट्र राज्यात युतीचे सरकार सत्तेवर आले तेव्हा पासून भाजपला राज्यात वैभव प्राप्त झाले त्याचे श्रेय मुंडे साहेबांना जाते कार्यक्रमाचे सूत्रसंचालन व आभार युवराज वाघमोडे यांनी केले.

महापरिनिर्वाण दिनानिमित्त अकलूज येथे काव्य संमेलन – शेखर खिलारे
पुरोगामी महाराष्ट्र न्यूज नेटवर्क अकलूज(प्रतिनिधी) डॉ.बाबासाहेब आंबेडकर यांच्या महापरिनिर्वाण दिनानिमित्त अकलूज येथे काव्य संमेलन आयोजित करण्यात आले असल्याची माहिती युवासेना शहरप्रमुख शेखर खिलारे यांनी दिली.
      सदरचे संमेलन दिनांक१३.१२.२०२० रोजी सायंकाळी ४.३०वाजता, सदुभाऊ चौक अकलूज येथील विकास सोसायटी हॉल मध्ये होणार असून      श्रीमंत कोकाटे (इतिहास संशोधक) व अमित प्रभा वसंत (पेरलोनी) यांच्या प्रमुख उपस्थिती मध्ये समाज प्रबोधनात्मक उद्दिष्ट आणि ध्येय ठेवून प्रबोधनात्मक काव्यसंमेलन आयोजित केले आहे.तरी माळशिरस तालुक्यातील सर्व साहित्यिक,कवी,कार्यकर्ते यांनी उपस्थित रहावे असे आवाहन शेखर खिलारे यांनी केले आहे.तर आपली कविता सादर करायची असेल तर  शेखर राजाभाऊ खिलारे 8390009006 या नंबर वरती संपर्क साधावा असेही आवाहन करण्यात आले आहे.
   या संमेलनाचे  निमंत्रित कवि म्हणून नितीन चंदनशिवे (दंगलकार),सागर रामचंद्र काकडे (सातारा) सुमित गुणवंत (पुणे),चंद्रशेखर गायकवाड(अकलूज) रोहित देशमुख (वेळापूर) व युवासेना तालुका प्रमुख गणेश इंगळे यांच्या सह विविध क्षेत्रातील मान्यवर उपस्थित राहणार आहेत. या संमेलनाचे आयोजन युवासेना व योद्धा प्रतिष्ठान अकलूज यांच्या वतीने करण्यात आले आहे.

पुरोगामी महाराष्ट्र न्यूज नेटवर्क प्रमोद शिंदे –नांदेड जिल्ह्यातील बिलोली शहरातील झोपडपत्ती मध्ये राहत असलेल्या मातंग समाजाच्या मूकबधिर मुलीवर 27 वर्षीय युवतीवर बलात्कार करून तिचा दगडांनी तोंडावर ठेवून माणुसकीला काळीमा फासणारी घटना दिनांक 09/12/2020 रोजी घडलेली आहे त्या अनुषंगाने लहुजी सेनेचे कार्यकर्ते आक्रमक होऊन माळशिरस येथे निषेध नोंदवण्यात आला व अन्य पीडित कुटुंबाला न्याय मिळण्यासाठी लहुजी शक्ती सेनेच्या वतीने निवेदनामध्ये बलात्कार केलेल्या आरोपीला फाशीची शिक्षा द्यावी, पीडित कुटुंबातील एका व्यक्तीला शासकीय नोकरीमध्ये सामावून घेण्यात यावे, पिडीत कुटुंबाला आर्थिक मदत जाहीर करावी, पीडित कुटुंबाचे पुनर्वसन करण्यात यावे अशा विविध मागण्या माळशिरस तहसीलदार यांच्या मार्फत मुख्यमंत्री महाराष्ट्र राज्य यांना करण्यात आल्या यावेळी लहुजी शक्‍ती सेनेचे पश्चिम महाराष्ट्र संपर्कप्रमुख सतीश सपकाळ सोलापूर जिल्हा अध्यक्ष महादेव तुपसौंदर,युवक जिल्हा अध्यक्ष सागर लोखंडे,जिल्हा प्रसिद्धी प्रमुख संतोष अवघडे,जिल्हा प्रसिद्धी प्रमुख सचिन रणदिवे माळशिरस तालुका युवक अध्यक्ष महादेव भिंगारदिवे,तालुका युवक उपाध्यक्ष विकास लोखंडे,माळशिरस तालुका कार्याध्यक्ष राहुल रणदिवे,वेळापुर शहराध्यक्ष बजरंग कानगे,पिनु भाऊ एडगे,महेंद्र साठे,शहराध्यक्ष समाधान साठे,,पिंटु वायदंडे,शंकर वायदंडे,पप्पु साठे,आंबादास पाटुळे,भैय्या पाटुळे,अमोल कांबळे, इतर कार्यकर्ते व पदाधिकारी मोठ्या संख्येने उपस्थित होते.

पुरोगामी महाराष्ट्र न्यूज नेटवर्क पुणे– फुले शाहू आंबेडकर एज्युकेशनल अँड सोशल फौंडेशनच्या बहुउद्देशीय सत्यशोधक केंद्रातर्फे तेलंगाणा राज्यातील पहिला सत्यशोधक विवाह रजिस्टर नोंदणी करून महात्मा फुले यांना अभिप्रेत असलेल्या पद्धतीने माळी समाजाचे संतोष सोनूले (BA) जिल्हा आदिलाबाद आणि ईश्वरी नागोशे (5वी) जिल्हा आसिफबाद यांचा सत्यशोधक विवाह नुकतेच 7 डिसेंबर 2020 रोजी दु.2.30 वाजता रहाते घरी दुब्बागुडा , आसिफाबाद येथे विधीकर्ते म्हणुन अध्यक्ष सत्यशोधक रघुनाथ ढोक यांनी महात्मा फुले यांचे वेशभुषेत मोफत जाऊन मोफत लावला.
या सत्यशोधक विवाहास शुभेच्छा देताना महाराष्ट्राचे अन्न नागरी पुरवठा व नागरी संरक्षण विभागाचे मंत्री नामदार छगन भुजबळ म्हणाले की महाराष्ट्राचे बाहेर जाऊन तेलंगणा मध्ये प्रथम सत्यशोधक विवाह होत आहे ही आनंदाची बाब आहे. अंधश्रद्धा, कर्मकांड व आर्थिक उधळपट्टी होऊ न देता महापुरुषांचे विचार रुजवून फुले एज्युकेशन च्या माध्यमातून रघुनाथ ढोक यांनी 22 वा मोफत सत्यशोधक विवाह लावला यातून लोक नक्कीच प्रेरणा घेतील असे ही भुजबळ म्हणाले आणि हे कार्य महापुरषांचे विचाराने अखंड राज्यात – परराज्यात चालू ठेवावे अशा मनपूर्वक शुभेच्छा दिल्या.
यावेळी यवतमाळचे राजेंद्र महाडोळे यांचे शुभहस्ते सत्यशोधक विवाह प्रमाणपत्र आणि महात्मा फुले व सावित्रीबाई फुले यांची प्रतिमा भेट दिली.तर आईवडिलांना व विवाह घडवून आणणारे तसेच मदत केली त्या सर्वांना राष्ट्रीय ओबीसी महासंघातर्फे सन्मानपत्र व ज्ञानज्योती सावित्रीबाई फुले ग्रंथ ,महापुरुषांचे प्रतिमा भेट देऊन मान्यवरांसह स्वागत केले.
याप्रसंगी महात्मा फुले रचित मंगलाष्टके, व कवी डॉ.वडगांवकर , लिखित महात्मा फुले यांचा पोवाडा ,संत सावतामहाराज, संत तुकडोजी महाराज व स्वागत गीत प्रथमच करंजी ,नांदेड च्या श्री गुरुदत्त सेवा मंडळाने स्त्री पुरुष आवाजात गाऊन प्रेरणादायी वातावरण करून लौकीक मिळवला तसेच स्थानिकांनी तेलगू भाषेत महात्मा फुले यांचेवर देखील गाणी गायिली. त्या टीमचे रघुनाथ ढोक यांनी सन्मानपत्र व महात्मा फुले, सावित्रीबाई फुले प्रतिमा भेट देऊन अभिनंदन केले.
प्रथमच होणाऱ्या सत्यशोधक विवाहासाठी महाराष्ट्र, उत्तरप्रदेश, कर्नाटक, तेलंगाणा व आंध्र देश या ठिकाणावरून अनेक संस्थाचे प्रतिनिधी, सरपंच तुळशीराम फाटाळे, मंगलाताई रामसिडाम, निवृत्त पोलीस अधिकारी तुकारामजी जीवणे, चंद्रपूरचे सत्यशोधक दिलीप कोटरांगे उपस्थितीत होते.
या कार्यक्रमाचे नियोजनासाठी तेलंगाणा चे अखिल भारतीय माळी महासंघाचे अध्यक्ष सुकुमार पेटकुले आणि माजी न्यायमूर्ती शिवदास महाजन यांनी मदत केली तर सूत्रसंचालन प्रा.सुदाम धाडगे,अमोलभाऊ गुरुनुले यांनी केले. तर मोलाचे सहकार्य देऊळगाव राजाचे माजी नगराध्यक्ष जेष्ठ समाजसेवक तुकाराम खांडेभराड, नांदेड विध्यापीठ चे डॉ.राजाराम माने ,शिवगोविंद कुशावाह व आकाश-क्षितीज ढोक यांनी केले. सुरुवातीला वधूवर यांनी सभामंडपात येताना आपले राष्ट्रीय ग्रंथ भारताचे संविधान ,महात्मा फुले समग्र वाड्मय हातात घेऊन फुलाच्या पायघड्यांवरून आगमन केले नंतर महात्मा फुले व सावित्रीबाई फुले यांच्या पुतळ्यास पुष्पहार अर्पण करून पर्यावरण समतोल राखण्यासाठी ५ झाडाची पूजा करून ती झाडे वाढविण्याचा संकल्प करून त्यांचे हस्ते मुली ,व महिलांना सावित्रीबाई फुले ग्रंथ भेट दिले. यावेळी अक्षता म्हणून फुलांचा वापर केला.