आंतरराष्ट्रीय

• घरकुल योजना मनरेगा चे पैसे लाभार्थ्यास न मिळाल्याने पंचायत समिती समोर अमरण उपोषण*
  पुरोगामी महाराष्ट्र न्यूज नेटवर्क नातेपुते (प्रतिनिधी)-माळशिरस तालुक्यातील रमाई आवास घरकुल योजना अंतर्गत रमाई आवास घरकुल योजना अंतर्गत मनरेगा अंतर्गत नेमलेले ग्रामरोजगार सेवकानीं मस्टर भरलेले नसल्यामुळे रु.18000/मिळाले नाहीत सदरची रक्कम मिळावी या मागणीसाठी डॉ. बाबासाहेब आंबेडकर मागासवर्गीय बहुउद्देशीय सामाजिक संस्थेचे संस्थापक सचिव विशाल साळवे यांनी पंचायत समिती समोर धरणे आंदोलन केले.दरम्यान याची दखल घेऊन सदर घटनेची चौकशी करून कार्यवाही करण्याचे लेखी आश्वासन गट विकास अधिकारी यांनी दिले.माळशिरसचे माजी सरपंच विकास(दादा)धाइंजे यांच्या मार्गदर्शनाखाली उपोषण करण्यात आले. माळशिरस तालुक्यातील मस्टर न भरलेले ग्रामरोजगार सेवक,ग्रामसेवक यांची सखोल चौकशी करावी व घरकूल लाभार्थ्यांना न्याय मिळावा..तसेच मौजे कोथळे,मोरोची,गुरसाळे,भांबुर्डी,शिंदेवाडी,धर्मपुरी ता.माळशिरस येथील 14 वा. वित्त आयोग किती रुपये आला व कोठे खर्च केला याची चौकशी व्हावी.व मार्च 2005 ते 31 मार्च 2021पर्यंत वरील गावात दलित वस्ती,15/% निधी किती रुपये आला व कोठे खर्च केला याची चौकशी व्हावी.यावेळेस रिपाइंचे ऐन.के. साळवे,दयानंद धाइंजे,प्रदीप धाइंजे यांनी भेट दिली.यावेळेस सुनिल ढोबळे,रणजित कसबे, अनिल लांडगे उपस्थित होते.

पुरोगामी महाराष्ट्र न्यूज नेटवर्क संदेश भालेराव –एन.डी.एम.जे.महाराष्ट्र राज्य महासचिव मा.अ‍ॅड.डाॅ.केवलजी उके साहेबांनी व ठाणे जिल्हा पदाधिकाऱ्यांकडून सुप्रसिद्ध कलाकार गणेश आहीरे यांचा सत्कार करण्यात आला
वासिंद मधील मिमिक्रि एन्ड डान्सर ,अभिनयाचा बादशहा अशी ओळख असलेले गणेश आहिरे यांचा युटुबवर सध्या चर्चेत असलेला मराठी शाँर्ट फिल्म मायेचा पदर लोकांच्या पसंतीस खुपच हिट झालेला दिसतोय. सध्या वासिंद शहरात एकच चर्चा जोरदार चालु आहे.ते म्हणजे अभिनेता गणेश आहिरे यांची मुळचा वारसा लाभलेले दिवंगत रमेश आहिरे महाराष्ट्राचे प्रसिद्ध तबला वादक यांचे तृतीय पुत्र अभिनेता गणेश आहिरे यांना सुध्दा लहानपणापासूनच कलेची आवड निर्माण झाली. इयत्ता सातवी मध्ये असताना त्यांनी कलाक्षेत्रात त्यांनी पहिले पाऊल टाकले .त्यांच्या फुलोसा चेहरा तेरा ह्या गाण्यावर नृत्य सादर करुन समस्त वासिंदकरांची मने जिंकली .त्यानंतर त्यांच्या आयुष्याला सुरुवात झाली .डान्सर कवी,गीतकार ,अँकर,आणि आता नुकताच कृणाल जाधव ( शहापुर ) यांनी दिग्दर्शक केलेला मराठी शाँर्ट फिल्म “मायेचा पदर “यात त्यांनी सादर केलेली दारुच्या आहारी गेलेल्या नशेबाज बापाची भुमिका रसिक प्रेक्षकांनीच उचलुनच धरली . तसेच नुकताच रिलीज झालेल गणेशोत्सवात मधे “दे पैसा दे पैसा बाप्पा आला घरी” हे गाणि सुध्दा खुप हीट चालु आहे. दोन हात करत हा अवलीया कलाकार आपल्या कलेवर प्रेम करत वेळात वेळ काढून आपली कला सादर करत असतो. तेवढ्याच मोठ्या मनाचा हा कलाकार कोणताही अभिमान न बाळगता प्रत्येक कार्यक्रमाच्या ठिकाणी आपली हजेरी दर्शवतो .तो सांगताना नेहमी म्हणतो अनुभव हाच माझा गुरु .कोणताही गुरु न लाभलेल्या या कलाकारांने आज आपली स्वताची ओळख स्वताच्या हिमतीवर व त्याला त्याच्यावर असलेल्या विश्वासावर निर्माण केली.आज इथपर्यंत पोहचण्यात ज्या ज्या व्यक्तीचे त्याला सहकार्य लाभले हे ही तो प्रामाणिकपणे जाहीर करतो. व त्या सर्वांचे आभार मानतो कि आज मी जे काही आहे ते माझ्या मित्रपरिवार व माझे चाहते तसेच रसिक प्रेक्षकांमुळे मी आज येथे पोहचलो.अशा या कलाकाराला आमच्या नॅशनल दलित मूव्हमेंट फाॅर जस्टीस महाराष्ट्र राज्य महासचिव मा.अ‍ॅड.डाॅ.केवलजी उके साहेबांच्या हस्ते सत्कार करण्यात आला .
दिनांक १०\९\२०२१रोजी नियोजित कार्यक्रम डाॅ.केवलजी उके साहेबांच सत्कार तसेच शहापूर तालुक्यातील नवयुवकांना नियुक्तीपत्र देण्यात आले ह्या वेळेस सुप्रसिद्ध कलाकार गणेश आहीरे यांना शहापूर तालुक्यातील एन.डी.एम.जे.सहसचिव पद देऊन डाॅ.केवलजी उके साहेबांनी सत्कार करून सन्मानित केले .
ह्या वेळेस उपस्थित मान्यवर मुंबई ठाणे प्रदेश टीम, ठाणे जिल्हा टीम, कल्याण डोंबिवली शहर जिल्हा टीम ,शहापूर तालुका टीम, वंचित बहुजन शहापूर टीम व स्थानिक ग्रामस्थ मंडळी व कार्यकर्ते उपस्थित होते
प्रतिनिधि संदेश भालेराव

दहिगाव येथील रक्तदान शिबिरास उत्स्फूर्त प्रतिसाद

पुरोगामी महाराष्ट्र न्यूज नेटवर्क- दहिगाव ता.माळशिरस येथे कोरोनाच्या काळात रक्ताचा तुटवडा जाणऊ नये म्हणून. अहिल्यादेवी होळकर पुण्यतिथी, नरवीर उमाजी नाईक यांच्या जयंतीनिमित्त, साक्षर दिन आणि गणपती सनाचे अवचित्य साधुन दहिगाव येथे भव्य रक्तदान शिबिराचे आयोजन करण्यात आले होते. या कार्यक्रमाचे आयोजन पुण्यश्लोक अहिल्यादेवी होळकर प्रतिष्ठान अलंकापुरी, राजे उमाजी नाईक संघटना पिराळे, भारतीय मातंग युवक संघटना-दहिगाव, महाराष्ट्र पोलीस पत्नी संघ व पोलिस मित्र संघटना सोलापूर जिल्हा, भुई समाज विकास संघ धर्मपूरी, नारीशक्ती संघटना मोरोची, जैन विचार मंच,मदत प्रतिष्ठान दहिगाव यांच्या वतीने या शिबिराचे आयोजन करण्यात आले होते व या शिबिरास १०३ रक्त दात्यांनी रक्त दान करून उस्फुर्त प्रतिसाद दिला. या कार्यक्रमाची सुरुवात हि महापुरुषांच्या प्रतिमांचे पूजन करून करण्यात आले. यावेळी महाराष्ट्र पोलीस पत्नी संघ,भोई समाज विकास संघ, नारीशक्ती संघटना अध्यक्ष सौ. यशश्री प्रमोद पाटील, शिवप्रसाद दुध संघाचे अध्यक्ष शरद बापू मोरे, तलाठी समाधान पाटील साहेब, दहिगाव ग्रा.सदस्य सचिन पवार, आद्य क्रांति उमाजी नाईक संघटनेचे अध्यक्ष लखन चव्हाण, दहिगाव ग्रा. उपसरपंच विजयसिंह पाटील माजी ग्रा. उपसरपंच मंगल खिलारे, लताताई बानकर, माजी ग्रा. उपसरपंच व जय मल्हार क्रांति संघटना सोलापूर जिल्हा अध्यक्ष अजित शिरतोडे , ग्रा.सदस्य नितीन मोरे व आयोजक केतन यादव ,तानाजी वलेकर,पिराळे ग्रा.माजी उपसरपंच बापु बुधावले, अक्षय डबडे, यांच्या हस्ते प्रतिमा पुजन करून शिबिरास सुरूवात करण्यात आली.व विविध सामाजिक संघटना, राजकीय पक्षांच्या पदाधिकार्यांनी या शिबिरास सदिच्छा भेट दिल्याबद्दल आयोजकांच्या वतीने पुष्प गुच्छ देऊन सत्कार करण्यात आला.व हा कार्यक्रम यशस्वी रित्या पार पाडण्यासाठी अक्षय अवघडे, महादेव नामदास, वैभव अवघडे, योगेश आडके, चैतन्य रणदिवे, रोहित चिकणे,रोहण खिलारे आदिंनी परिश्रम घेतले.

नॅशनल दलित मुव्हमेंट फॉर जस्टिस, शहापूर तालुका कडून मा ॲड.डाॅ. केवल जी उके सर यांचा सत्कार समारंभ थाटात झाला संपन्न

पुरोगामी महाराष्ट्र न्यूज नेटवर्क संदेश भालेराव– शहापूर याबाबत सविस्तर वृत्त असे की आज दि. १० सप्टेंबर २०२१ रोजी नॅशनल दलित मूव्हमेंट फाॅर जस्टीस शहापुर तालुक्यातील कार्यकर्त्यांनी नॅशनल दलित मूव्हमेंट फाॅर जस्टीस चे राज्य महासचिव मा. ॲड.डॉ. केवलजी ऊके यांची महिला व बालविकास मार्गदर्शन समितीवर सदस्य म्हणून नियुक्ती, तसेच सम्पूर्ण महाराष्ट्रातील दलितांवर होणाऱ्या अन्याय, अत्याचाराविरोधात लढा देऊन न्याय मिळवून देण्याच्या त्यांच्या कार्याचा सन्मानाप्रित्यर्थ सत्कार समारंभ एन डी एम जे ठाणे जिल्हा यांच्या मार्गदर्शनाखाली ठाणे जिल्हा अध्यक्ष विजयजी कांबळे यांच्या अध्यक्षतेखाली आयोजित केला होता, या कार्यक्रमासाठी शहापूर पंचक्रोशीतील कार्यकर्ते मोठया उत्साहाने हजर होते.
या कार्यक्रमाची सुरुवात भारतीय संविधानाचे प्रास्ताविका वाचून एका अनोख्या पद्धतीने करण्यात आली. कार्यक्रमाचे प्रास्ताविक प्रा. गुरुनाथ कशिवले यांनी शहापूर मध्ये नॅशनल दलित मुव्हमेंट ची सुरुवातिच्या बांधणी मध्ये मा. संदेश भालेराव व विनोद रोकडे ,शहापूर तालुक्यातील दिलिपजी थोरात यांचे किती मोलाचे कार्य केले हे नमूद केले. तसेच नॅशनल दलित मुव्हमेंट फॉर जस्टिसचे कार्य सम्पूर्ण महाराष्ट्र भर दलितांना न्याय मिळवून देण्यासाठी कश्या प्रकारे डॉ केवल उके सर यांच्या मार्गदर्शनाखाली चालते याची माहिती दिली.
यावेळी नॅशनल दलित मुव्हमेंट फॉर जस्टिस शहापूर तालुका कार्यकरणीची घोषणा करून नविन कार्यकारणीस नियुक्ती पत्रक देण्यात आले. या नविन कार्यकरणीमध्ये प्रा. गुरुनाथ चंद्रकांत कशिवले यांची शहापूर तालुका अध्यक्ष पदी निवड करण्यात आली, तसेच दिलीप थोरात यांची उपाध्यक्ष, सागर रोकडे यांची महासचिव, मनोहर गायकवाड , विश्वजित घायवट सर यांची प्रसिद्ध प्रमुख, सुप्रसिद्ध कलाकार गणेश अहिरे यांची सहसचिव, राहुल ढोडरे सचिव, मनोज भोईर, दीपेश कांबळे यांची सल्लागार, विपुल पंडित यांची संपर्क प्रमुख, अमर मोरे यांची कार्याध्यक्ष,संघरत्न (दिनेश) घनघाव, प्रतीक अहिरे, जगदीश कशिवले, सारनाथ रोकडे यांची संघटक पदी नियुक्ती करण्यात आली.

नवनियुक्त तालुका अध्यक्ष प्रा. गुरुनाथ कशिवले यांच्या हस्ते मा डॉ ऍड केवल उके यांचा सत्कार शाल बुके व संविधानाचे प्रस्तविकेची प्रत देऊन करण्यात आले, या कार्यक्रमात उपस्थित मान्यवरानी नवं नियुक्त कार्यकारणीस सदिच्छा दिल्या. तसेच प्रमुख मार्गदर्शक डॉ ऍड केवल उके सर यांनी उपस्थिताना मार्गदर्शन करून नॅशनल दलित मुव्हमेंट फॉर जस्टिस च्या देशव्यापी कार्यची माहिती दिली. या कार्यक्रमात नॅशनल दलित मुव्हमेंट फॉर जस्टिस चे मुंबई ठाणे प्रदेशाध्यक्ष बंदिशजी सोनवणे, ठाणे जिल्हा अध्यक्ष विजयजी कांबळे, ठाणे जिल्हा सचिव
विनोदजी शामसुदंर रोकडे,
सहसचिव सुनिलजी ठेंगे
ठाणे जिल्हा उपाध्यक्ष विकास चव्हाण,
प्रसिद्धीप्रमुख संदेश भालेराव, कल्याण डोंबिवली अध्यक्ष ऍड प्रवीण बोदडे, कल्याण डोंबिवली सचिव संदीप घुसळे सर, ,आदी मान्यवर उपस्थित होते. तसेच वंचित बहूजन आघाडी शहापूर तालुका अध्यक्ष अनिल भाई कांबळे ,बापू ढोढरे, कांतीलाल भडाँगे, बी.डी जाधव, संतोष कशिवले, नरेंद्र राऊत सर, विकास वाढविनदे, सुधीर उबाळे, महेश डोंगरे, धर्मा गायकवाड आदी लोक उपस्थित होते शहापूर मधून विशेष उपस्थिती होती.

फोंडशिरस येथे राष्ट्रवादीकडून दलित वस्ती सुधार योजनेतून कामाचा धडाकेबाज शुभारंभ

पुरोगामी महाराष्ट्र न्यूज नेटवर्क प्रशांत खरात –

फोंडशिरस तालुका माळशिरस ग्रामपंचायतीवर राष्ट्रवादीची सत्ता येऊन जवळपास सहा ते सात महिने झाले आहे.राष्ट्रवादीच्या काळात प्रथमच दलित वस्तीत सुधार योजनेतून कामाचा धडाकेबाज शुभारंभ करण्यात आला.राष्ट्रवादीचे ज्येष्ठ नेते माजी जिल्हा परिषद सदस्य  भानुदास पाटील यांच्या हस्ते दलित वस्ती येथील रस्त्याचे उद्घाटन करण्यात आले.जवळपास दलित वस्ती साठी नऊ लाख रुपये निधी मंजूर झाला असून या रस्त्याचा उद्घाटन सोहळा थाटात संपन्न झाला या उद्घाटन सोहळ्यात प्रसंग फोंडशिरस गावचे सरपंच  पोपट बोराटे,उपसरपंच दादा रणदिवे, ग्रामपंचायत सदस्य कांतीलाल देवकर,सुनील गोरे,बंडगर मेंबर, माजी सरपंच दादासाहेब रणदिवे,संजय कोडलकर संजय वाघमोड,राहुल वाघमोडे,भाऊसाहेब पाटील, पत्रकार प्रशांत खरात,राहुल धायगुडे,किसन ढोबळे,बिट्टू काळे,लक्ष्मण रणदिवे,नितीन कदम,जमीर मुलानी,औदुंबर पवार तसेच ग्रामपंचायत कर्मचारी, ग्रामस्थ मोठ्या संख्येने उपस्थित होते. 

आद्य क्रांतिवीर उमाजी नाईक यांच्या जयंतीनिमित्त पुरोगामी महाराष्ट्र न्यूज परिवाराच्या वतीने विद्यार्थ्यांना शालेय साहित्याचे वाटप
पुरोगामी महाराष्ट्र न्यूज नेटवर्क- पिरळे तालुका माळशिरस येथे आद्य क्रांतिवीर नरवीर उमाजी नाईक यांचे 230 वी जयंती निमित्त पिराळे येथे उमाजी नाईक यांच्या प्रतिमेचे अध्यक्ष अजित शिरतोडे व मान्यवरांच्या हस्ते पूजन करण्यात आले तसेच गरीब व गरजू विद्यार्थ्यांना पुरोगामी महाराष्ट्र न्यूज परिवाराच्या वतीने वह्या वाटप करण्यात आल्या यावेळी संपादक प्रमोद शिंदे यांनी मनोगत व्यक्त केले या कार्यक्रमास पिरळे गावचे आजी-माजी सरपंच,उपसरपंच, ग्रामपंचायत सदस्य, पोलिस पाटील तसेच ज्ञानदेव शिंदे कैलास निकम,मुख्याध्यापक नानासाहेब शिंदे सर ,उमेश भैय्या खिलारे,भाऊसाहेब भिसे सर भाजपा ओबीसी सेल जिल्हा उपाध्यक्ष सुनील बनकर,हनुमंत बुधावले सुदाम बुधावले,बाबुराव बुधावले, अंकुश बुधावले ग्रामस्थ व कार्यकर्ते मोठ्या संख्येने उपस्थित होते सांगली जिल्ह्यात व विविध ठिकाणी सुद्धा पुरोगामी महाराष्ट्र न्यूज परिवाराच्यावतीने विद्यार्थ्यांना शालेय साहित्याचे वाटप करण्यात आले.

अंत्यविधी रोखण्याच्या गुन्ह्यात राष्ट्रीय अनुसूचित जाती आयोगाने मागितला अहवाल

एन.डी.एम.जे संघटनेच्या निवेदनाची आयोगाने गंभीर दखल घेतली

पुरोगामी महाराष्ट्र न्यूज नेटवर्क– संपूर्ण महाराष्ट्राला हादरवून सोडणारी घटना बोरगाव-माळेवाडी ता.माळशिरस जि.सोलापूर येथील मातंग बांधवांना अंत्यविधी स्मशानभूमीत करण्यास अडथळा आणणाऱ्या आरोपींवर कडक कारवाईसह इतर 20 मागण्यांचे निवेदन राष्ट्रीय अनुसूचित जाती आयोगास सादर करण्यात आले.पीडित दशरथ साठे यांच्यासह नॅशनल दलित मूव्हमेंट फॉर जस्टीस या संघटनेच्या महिला राज्य संघटक पंचशीलाताई कुंभारकर यांनी माळेवाडी-बोरगाव येथील मानवतेला काळिंबा फासणाऱ्या घटनेचे गंभीर्य आयोगाच्या निदर्शनास आणले.राष्ट्रीय अनुसूचित जाती आयोगाने याची गंभीर दखल घेऊन जिल्हाधिकारी व पोलिस अधीक्षक सोलापूर यांच्याकडून 15 दिवसात अहवाल मागीतला असून अहवाल प्राप्त न झाल्यास आयोगास प्राप्त अधिकारांचा उपयोग करण्यात येईल असे आयोगाच्या पत्रात म्हंटले आहे.या घटनेचे पडसाद राज्यभर उमटले असून अनेक राजकीय पक्ष विविध संस्था-संघटनांनी घटनेचा निषेध करून आरोपींवर कडक कारवाई करण्याची मागणी केली आहे.तरीसुद्धा आरोपींना अद्याप अटक झालेली नाही.

मोखाड्यातील आदिवासी महिला शिवणकला वर्गास राज्य महिला बालविकास मार्गदर्शक समितीचे सदस्य ॲड.डॉ.केवल उके यांनी दिली सदिच्छा भेट..

पुरोगामी महाराष्ट्र न्यूज नेटवर्क पालघर संदेश भालेराव– दिनांक ४ सप्टेंबर २०२१ रोजी,”द व्हिजन ग्रुप” संस्थेच्या मोखाड्यातील आदिवासी महिला शिवणकला वर्गास नॅशनल दलित मूव्हमेंट फाॅर जस्टीस (एन.डी.एम.जे.) संघटनेचे राज्य महासचिव तथा राज्य महिला बालविकास मार्गदर्शक समितीचे सदस्य ॲड.डॉ.केवल उके यांनी सदिच्छा भेट दिली.
पालघर जिल्ह्यातील मोखाडा येथे “द व्हिजन ग्रुप” चे अध्यक्ष विश्वास पाटील यांच्या माध्यमातून आदिवासी महिलांना उपजीविकेचे साधन निर्माण करून देण्या करिता मोफत शिवणकला वर्ग चालविण्यात येते. या अभिनव उपक्रमाचे सर्वांनी कौतुक करून पुढील वाटचालीस सदिच्छा दिली.

यावेळी नॅशनल दलित मूव्हमेंट फाॅर जस्टीस (एन.डी.एम.जे.) संघटनेचे मुंबई ठाणे प्रदेश अध्यक्ष बंदिश सोनावने, प्रदेश सचिव शशिकांत खंडागळे, कल्याण अध्यक्ष नितेश गायकवाड, पालघर अध्यक्ष चेतन शेवाळे, उपाध्यक्ष हेमंत शिंगडे, सचिव सुरेश वळवी, त्र्यंबकेश्वर अध्यक्ष पांडुरंग पालवे, सचिव प्रकाश गोडे व मोखाडा तालुका सचिव मयूर पागी इत्यादी उपस्थित होते.

नातेपुते येथे मालोजीराजे देशमुख मित्र परिवाराच्या वतीने डेंगू व चिकनगुनिया प्रतिबंधात्मक औषध फवारणी

पुरोगामी महाराष्ट्र न्यूज नेटवर्क नातेपुते (प्रमोद शिंदे)

नातेपुते तालुका माळशिरस येथील कोरणा प्रादुर्भाव सुरू असतानाच त्यामध्ये डेंगू चिकनगुनिया साथीच्या रोगांची भर पडली आहे.या रोगांवरती नियंत्रण मिळवण्यासाठी प्रतिबंधात्मक योजना म्हणून मालोजी देशमुख मित्र परिवाराच्या वतीने औषध फवारणीचा स्तुत्य उपक्रम हाती घेण्यात आला आहे. रविवारी सायंकाळी पाच वाजता माजी वैद्यकीय अधिकारी डॉ. एम.पी.मोरे,माजी जिल्हा परिषद उपाध्यक्ष बाबाराजे देशमुख व प्रमुख मान्यवरांच्या उपस्थितीत या स्तुत्य उपक्रमाचा शुभारंभ करण्यात आला.सध्या नातेपुते येथे डेंगू,चिकनगुनियाची साथ सुरू असून रुग्ण संख्या वाढत आहे.यावर प्रतिबंध करण्यासाठी मालोजीराजे देशमुख मित्रपरिवार यांच्या वतीने डेंगू व चिकनगुनिया प्रतिबंध औषध फवारणी करण्यात आली.या स्तुत्य उपक्रमाचे पंचक्रोशीत कौतुक होत आहे.कार्यक्रमास डॉक्टर एम.पी.मोरे,माजी जि.प.उपाध्यक्ष बाबाराजे देशमुखमाजी सरपंच ऍड भानुदास राऊत,कृषी उत्पन्न बाजार समिती उपसभापती मामासाहेब पांढरे, ऍड पिसाळ,रावसाहेब पांढरे मभाऊ देशमुख, महेश शेटे,युवा नेते मालोजीराजे देशमुख,उपसरपंच अतुल पाटील,पं.स.सदस्य,माऊली पाटील,डॉक्टर नरेंद्र कवितके,उद्योजक अतुल बावकर,सिकंदर मुलानी, तसेच ग्रामस्थ व कार्यकर्ते मोठ्या संख्येने उपस्थित होते.या कार्यक्रमाचे आयोजन मालोजीराजे देशमुख मित्रपरिवार यांच्यावतीने करण्यात आले होते.

पुरोगामी महाराष्ट्र न्यूज नेटवर्क- नातेपुते टाइम्सचे संपादक लतीफ चाचा नदाफ यांची भारतीय पत्रकार संघ जिल्हाध्यक्षपदी निवड झाल्याबद्दल रिपब्लिकन पार्टी ऑफ इंडिया पक्षाच्यावतीने तसेच महाराष्ट्र पत्रकार संघ च्या वतीने सत्कार करण्यात आला यावेळी रिपाईचे पश्चिम महाराष्ट्र सचिव एन के साळवे साहेब ज्येष्ठ महाराष्ट्र पत्रकार संघ जिल्हाध्यक्ष पत्रकार श्रीकांत बाविस्कर महाराष्ट्र पत्रकार संघ तालुकाध्यक्ष प्रमोद शिंदे रिपाई तालुका कार्याध्यक्ष विनोद रणदिवे पत्रकार भगत महाराज व इतर कार्यकर्ते उपस्थित होते