Uncategorized

पुरोगामी महाराष्ट्र न्यूज ( प्रमोद शिंदे)- दहिगाव ता.माळशिरस जिल्हा सोलापूर येथे दर रविवारी जेमतेम आठवडे बाजार भरत असतो हा आठवडी बाजार गेली एक वर्षापासून सुरू झाला आहे.या आठवडी बाजाराला आता मोठ्या प्रमाणात स्वरूप येऊ लागले आहे आज मकर संक्रातीनिमित्त दहिगाव आठवडी बाजारामध्ये रेकॉर्ड ब्रेक गर्दी पाहावयास मिळाली याचे कारण असे की येत्या बुधवारी मकर संक्रांति असून मंगळवारी भोगी आहे भोगी निमित्त खेंदाट गरगटी भाजी करण्याची परंपरा वर्षानुवर्ष महाराष्ट्रात चालू आहे या खेंदाट भाजीसाठी  अनेक भाज्या लागतात अनेक भाज्या वापरून खेंदाड केले जाते या घरगटी भाजीसाठी पालक, चाकवत ,गाजर,आंबट बोर, टोमॅटो, हरभरा,घेवडा,पावटा,अशा प्रकार च्या अनेक  भाज्या मिळून भाजी केली जाते त्या भाज्या घेण्यासाठी दहिगाव बाजार येथे आज गर्दी पहावयास मिळाली या बाजारात नातेपुते,पिरळे,एकशिव,चंद्रपुरी कुरबावी,गुरसाळे, अलंकापुरी,फुलेनगर,बावन चाळी येथील लोक बाजारासाठी मोठ्या संख्येने आले होते. याचे कारण संक्राती सणाचा हा शेवटचा एकमेव बाजार असल्याने या बाजारात गर्दी झाली होती बाजारामध्येे पालेभाज्या सह तिळगुळ बांगड्या व सना साठी लागणारे साहित्य याची विक्री मोठ्याा प्रमाणात झाली आहे हळूहळू दहीगाव येथील आठवडी बाजार वाढत असल्याचं दिसून येत आहे

पुरोगामी महाराष्ट्र नेटवर्क( मुंबई )-वसई -विरार शहरात अशुद्ध पाण्याची खुलेआम विक्री;५१ पाणी विक्रेत्यांवर गुन्हे दाखल

भाजपचे अशोक शेळके यांच्या मागणीला यश

नालासोपारा(प्रतिनिधी)-वसई विरार शहरात खुलेआमपणे आरोग्यास अपायकारक असे अशुद्ध पिण्याचे पाणी विक्री केले जात असल्याची धक्कादायक आणि गंभीर बाब उघडकीस आली आहे.वसई-विरार शहरातील नागरिकांच्या आरोग्याशी खेळ सुरू असल्याने पिण्याचे दूषित पाणी विक्री करणाऱ्या शहरातील ५१ व्यावसायिकांवर महानगरपालिकेच्या आरोग्य विभागाने तुळींज पोलीस ठाण्यात मंगळवारी तक्रार दिल्यानंतर गुन्हा दाखल करण्यात आला आहे. गुन्हा दाखल झाल्यानंतर पाणी विक्रेते आणि व्यावसायिकांमध्ये मोठी खळबळ माजली आहे.दरम्यान अशा प्रकारे दूषित पाणी विक्री करणाऱ्या संबंधितांवर फॊजदारी गुन्हे दाखल करण्याची मागणी भारतीय जनता पार्टीच्या यावा मोर्चाचे उपाध्यक्ष तथा पालघर जिल्हा विद्युत नियंत्रण समितीचे सदस्य अशोक गजानन शेळके यांनी केली होती.त्यांच्या पाठपुराव्याला अखेर यश आले आहे.
साथीच्या विविध आजारापासून रक्षण व्हावे यासाठी वसई-विरार शहरातील सुमारे ७० टक्के हुन अधिक लोक दैनंदिन पिण्याच्या वापरासाठी पाणी खरेदी करतात. मात्र आपण पीत असलेले हे पाणी नेमके कसे आहे? याबाबत नागरिकांना फुसटशी कल्पना देखील नसते. नागरिक विकत घेऊन पीत असलेले हे पाणी आरोग्यास घातक असल्याची माहिती नुकतीच समोर आली आहे. पिण्याच्या पाण्याची विक्री करणाऱ्या अनेक बोगस कंपन्या वसई-विरार शहरात ठिकठिकाणी बस्तान मांडून बसल्या आहेत.विनापरवानगी बेकायदेशीरपणे या कंपन्या शहरातील नागरिकांना बिनदिक्तपणे अशुद्ध आणि पिण्यास अपायकारक पाणी विकून महिन्याकाठी लाखो रुपयांची मलाई लाटत आहेत. भाजपच्या अशोक शेळके यांनी या गंभीर प्रकरणी सातत्याने पत्रव्यवहार -पाठपुरावा करून राज्य शासन, महानगरपालिका प्रशासन आणि पोलीस प्रशासनाचे लक्ष वेधले होते. अशोक शेळके यांच्या मागणीनंतर वसई – विरार शहरातील पाणी विक्रेत्यांकडे पाण्याचे नमुने तपासण्याचा निर्णय घेण्यात होता.
वसई-विरार शहर महानगरपालिकेच्या प्रभाग समिती – ब मधील पिण्याच्या पाण्याचे नमुने मुख्य अणुजिवी शास्त्र, जिल्हा आरोग्य प्रयोग शाळा, ठाणे यांच्या मार्फत तपासले गेले असता, सदरचे पाणी हे पिण्यास अपायकारक असल्याचे अभिप्राय देण्यात आला आहे. प्रभाग समिती – ब मध्ये एकूण ५७ पाणी विक्री करणाऱ्या कंपन्यांचे पाणी पिण्यास अपायकारक असल्याचे या तपासणीमद्धे निष्पन्न झाले आहे. महानगरपालिका प्रशासनाकडून या ५७ पाणी विक्रेत्यांना व्यवसाय बंद करण्याच्या नोटीस जरी बजावण्यात आल्या होत्या.या बोगस कंपन्यांनी महानगरपालिकेच्या आदेशाला न जुमानता पाणी विक्री करण्याचा व्यवसाय चालूच ठेवला
होता.दरम्यान ५७ पैकी ५१ पाणी विक्रेत्यांवर पालिकेच्या आरोग्य विभागाने गुन्हे दाखल केले आहेत. महानगरपालिकेच्या केवळ एकाच प्रभागात इतक्या मोठ्या प्रमाणात बोगस कंपन्या आहेत, तर इतर प्रभागांत काय अवस्था असेल, असा सवालही सामान्य नागरिकांनी उपस्थित केला आहे. अशुद्ध पिण्याचे पाणी राजरोसपणे विकले जात असल्याबद्दल नागरिकांमध्ये संताप व्यक्त होत आहे. यासंदर्भात अशोक शेळके यांनी महाराष्ट्र नेटवर्क ला माहिती दिली

गुन्हे दाखल झालेले पाणीविक्री व्यावसायिक-

१)शिवकुमार चौहान
२)रविकांत उपाध्याय
३)औरंगजेब,
४)मोहंमद हयान
५)अशोक गुप्ता,
६)मोबिन अन्सारी
७)मोनू सोनी
८)दिलीप सिंग
९)तयब अली
१०)चंदन श्रीवास्तव
११)मनीष मिश्रा
१२) दाऊद शेख
१३)अमित सिद्दिकी
१४)धर्मेंद्र यादव
१५)सुरजी गुप्ता
१६)सनी गुप्ता
१७)विनय गुप्ता
१८)दिनेश पारधी
१९)मोहंमद रुस्तम
२०)जगदीश पाटील
२१)मुजीब खान
२२)रामचंद्र यादव
२३)अवधेश गुप्ता
२४)रोशन कुमावत
२५)महेश सोळंखी
२६)विजय शहा
२७)मोहंमद कासीम
२८)अब्दुल गनी मोहंमद
२९)हरिश्वर सोनी
३०)शमीम खान
३१)मोहंमद सहानी
३२)दिलीप पांडे
३३) मोहंमद शाबीर
३४)रामचंद्र रभी,
३५)मोहंमद आयुब
३६)शिव मिश्रा
३७)अभिलाष गोस्वामी
३८) मुशर्रफ खान
३९)संतोष शिंदे,
४०) तरन्नुम शेख
४१) आरिफ शेख
४२)पन्नालाल गुप्ता
४३)राजेश कश्यप
४४)दिलीप सिंग
४५) मोहंमद शाहीन
४६)कल्पेश जैन
४७) मोहंमद इस्लाम,
४८) अजित तुंबडा
४९)कविता सोनवणे,
५०)अभिषेक गुप्ता
५१)हरिलाल गुप्ता.

पुरोगामी महाराष्ट्र न्यूज नेटवर्क पत्रकारीता क्षेत्रातीलच काही बांधवांच्या अहंकारी वृत्तीमुळे “पत्रकार एकता” धोक्यात… गणेश जाधव जालना यांचं वास्तव वादी सोशल मीडियावर खंत
– दुर्दैवाने नमूद करावे लागत आहे की, पत्रकारीता क्षेत्रात अहंकाराने आपली व्याप्ती वाढवल्याचे जाणवत आहे. “मी एकटाच पत्रकार भारी” किंवा “आम्ही चार चौघेच भारी बाकी चिल्लर” किंवा “आपण सोडून इतर पत्रकारांची लायकी नाही” ही भावना दुर्दैवाने वाढत चालली आहे. मी पणा अथवा अहंकाराने एवढे ग्रासले आहे की स्वतःला सर्वात श्रेष्ठ /भारी (?) दाखवण्याच्या नादात काही पत्रकार इतर चांगल्या पत्रकारांचेही खच्चीकरण करण्यास डावपेच आखू लागले आहेत. दुसरे पत्रकार कितीही चांगले असले, कितीही इमानदार असले आणि कितीही कर्तृत्ववान असले तरी आपल्या कानाखालचे नाही किंवा आपली हुजरेगिरी करणारे नसतील तर त्यांचे वेगवेगळ्या पद्धतीने मानसिक खच्चीकरण करण्याचा प्रयत्न आपल्याच काही बांधवांकडून होताना दिसत आहे. मान्यवरांच्या नजरेतही स्वतःला सर्वश्रेष्ठ दाखवून बाकीच्या पत्रकारांना चिल्लर दाखवण्याची मानसिकताही वाढू लागली आहे. एवढेच नव्हे तर जो आपल्या कानाखालचा नाही किंवा आपली हुजरेगिरी करणारा नाही तो जर स्वकर्तृत्वावर पुढे जात असेल तर वेगवेगळ्या पद्धतीने त्यास ब्रेक किंवा अडथळा कसा निर्माण करता येईल याचेही प्रयत्न केले जात आहेत.

पत्रकारीता क्षेत्रात काही पत्रकारांच्या डोक्यात घुसलेल्या या अहंकारामुळे सर्वसामान्य पत्रकारांसाठी पोषक वातावरण तयार होण्यास अडचणीचे तर ठरत आहेच, शिवाय परस्पर संवादावरही याचा गंभीर परिणाम होत आहे. इतर सर्व पत्रकारांना पाण्यात पाहण्याची अथवा तुच्छ समजण्याची ही संकुचित मानसिकता पत्रकार एकतेसाठी धोक्याची घंटा आहे यात तिळमात्र शंका नाही. त्यामुळे खरंच मनातून लोकशाहीचा चौथा स्तंभ मजबूत व्हावा असं वाटत असेल, खरंच पत्रकारांना पोषक वातावरण तयार व्हावं असं वाटत असेल आणि पत्रकार एकता मजबूत व्हावी असं वाटत असेल तर अंतर्मनातील मी पणा अथवा अहंकाराच्या मानसिकतेला सोडल्याशिवाय गत्यंतर नाही….

अपेक्षा एवढीच की, आपल्या पत्रकार बांधवांना सहकार्य करणे शक्य नसेल तर हरकत नाही परंतु त्यांचे खच्चीकरण अथवा अडथळा आणण्याची मानसिकता तरी ठेवू नये. आधीच इमाने इतबारे काम करणारे असंख्य पत्रकार बांधव अनेक संकटांचा सामना करत समाजहितासाठी लढा देत आहेत, आर्थिक दृष्ट्या कमकुवत असतानाही तारेवरची कसरत करत कुटुंबाच्या जबाबदारीसह आपले कर्तव्य पार पाडत आहेत. समाजहितासाठी वर्षानुवर्षे घर जाळून कोळशे करणाऱ्या पत्रकार बांधवांना खंबीरपणे साथ देऊन पत्रकार एकता बळकट करणे आवश्यक असताना, आपल्याच क्षेत्रातील काही बांधव स्वतःच्या अहंकारापोटी इतर सर्वसामान्य पत्रकारांचे खच्चीकरण करण्याची मानसिकता ठेवत असतील तर ही खुप मोठी शोकांतिकाच म्हणावी लागेल.

धन्यवाद…

सिर्फ हंगामा खडा करना मेरा मकसद नही
सारी कोशिश है की ये सूरत बदलनी चाहिए

– गणेश जाधव (पत्रकार, जालना)

🔳🔳🔳🔳🔳🔳🔳🔳🔳🔳

पुरोगामी महाराष्ट्र न्यूज नेटवर्क (अकलूज )-अकलुज येथे भव्य राज्य स्तरीय जैन वधु वर पालक परिचय मेळावा श्री सन्मती सेवा दल या बहुउद्देशीय अल्पसंख्यांक संस्थेने आयोजित केल्याची माहिती या दलाचे संस्थापक अध्यक्ष मिहिर गांधी यांनी दिली. या मेळाव्यात महाराष्ट्रासह कर्नाटक,गुजरात, मध्यप्रदेश आदि राज्यातील ४५०वधु व ३२५ वर यांची नोंदणी झाली असून, अजूनही नाव नोंदणी सुरु असून आप आपल्या भागातील सन्मती दलाच्या कार्य कर्त्याशी संपर्क साधन्याचे आवाहन मिहिर गांधी यांनी केले आहे, पापरी परिसरात या मेळाव्याच्या पत्रिका देण्यासाठी ते आले होते त्यांनी सदर माहिती दिली.

 वधु वर यांच्या नाव नोंदणीची  संख्या पाहता अकलुज परिसरात आज पर्यन्तचा काळातील सर्वात मोठा हा वधुवर पालक परिचय मेळावा ठरेल व यातून अनेकांचे ऋणानुबन्ध जोडून, राज्याच्या सीमा पार करत नविन नाती तयार होणार आहेत असेही गांधी म्हणाले.  

  रविवार दि १२ जानेवारी रोजी कांतिलाल सांस्कृतिक भवन येथे सकाळी ८:३०वा या वधुवर पालक मेळाव्याचे उद्घाटन संपन्न होणार असून यावेळी माजी उपमुख्यमंत्री विजयसिंह मोहिते पाटिल, प्रसिद्ध प्रसुति तज्ञ डॉ सतीश दोशी, चंदुकाका सराफ अण्ड सन्स बारामतीचे चेयरमन किशोरकुमार शहा,उद्योजिका सुजाताताई शहा, सोलापुर जिल्हा सराफ असो सियेशनचे उपाद्यक्ष सुहास शहा आदि मान्यवर उपस्थित राहणार आहेत.

   श्री सन्मती सेवा दलाचे वधुवर पालक परिचय मेळावा आयोजित करण्याचे हे सहावे वर्ष आहे, दरवर्षी या मेळाव्यात  वधु उमेदवाराकडुन नाव नोंदणी साठि प्रवेश फि आकारली जात नाही, वर उमेदवारा कडुन प्रवेश फि घेतली जाते. या वर्षीच्या वधु वर पालक परिचय मेळाव्यात महाराष्ट्रासह कर्नाटक, गुजरात, मध्यप्रदेश, आदि राज्यातील ४३० वधु व ३०० वर उमेदवार यांच्या नाव नोंदणी झाल्या आहेत. अजूनही नाव नोंदणी सुरु असून नाव नोंदविन्याचे आवाहन गांधी यांनी केले आहे.

 वधुवर मेळावा यशस्वी करन्यासाठी दलाचे विद्यमान अध्यक्ष मयूर गांधी, विरकुमार दोशी, अभिजित दोभाडा, अभिजित दोशी, स्वप्निल गांधी, जिनेंद्र दोशी, महावीर शहा, अविनाश दोशी, प्रितम कोठारी, नवजीवन दोशी, डॉ राजेश शहा, आदि आजपर्यन्तचे माजी अध्यक्ष पदाधिकारी, विविध भागातील संचालक, सभासद सदस्य अथक परिश्रम घेत आहेत.

पुरोगामी महाराष्ट्र न्यूज नेटवर्क पुणे- जेष्ठ सामाजिक कार्यकर्ते ,शिक्षणमहर्षि, रतन माळी यांचे 70 व्या वाढदिवसानिमित्त दि.9.1.2020 रोजी दु.1 वाजता गणेश कला क्रीड़ा मंदिर येथे सौ.सुशीलाबेन मोतीलाल शाह चैरिटेबल ट्रस्ट तर्फे राहुरी चे संजय झाम्बरे, जेजुरीचे केरबा थोरवे,पुणेचे रणजीत भोसले यांना 3 चाकी सायकल आणि आझाद पिंजारी यांना व्हीलचेअर मोफत भेट दिली तर मागील वेळी मनी पाणसे या दिव्यांगाने भेट दिलेल्या 3 चाकी सायकल वर मागील वार्षिच्या अपंग मेरेथांन मधे 2रा आणि या वर्षी पहिला नंबर मिळविला म्हणून विशेष सत्कार करण्यात आला. यावेळी मोतीलाल शाह,सौ.सुशीलाबेन आणि विश्वत मनोजभाई व सुनीलभाई शाह,लिज्जत पापडचे सुरेश कोते, सेवा मित्र मंडळाचे शिरीष मोहिते,सामाजिक कार्यकर्त्यां पुष्पा कटारिया,गायक तरुणजी मोदी ,रविन्द्र वाघ प्राचार्या स्मिता वाघ ,सुविधा नाईक, रशियन पाहुने इरलीन चित्रकार,मराठी लावणी डान्सर उपस्थित होते.कार्यक्रमाचे स्वागत प्रास्तविक मधेय फुले शाहू आंबेडकर एज्युकेशनल अंड सोशल फाउंडेशनचे अध्यक्ष रघुनाथ ढोक म्हणाले की सौ.सुशीलाबेन ट्रस्ट गेली 15 वर्षे पुणे परिसरात वंचितासाठी सामाजिक कार्य करीत असून गेल्या 11 वर्षात 255 दिव्यांगाना 3चाकी व व्हीलचेअर वाटप केले आहे.हा उपक्रम वर्षातुन ते दोनदा करीत असून मोठे प्रमाणात दिवाळी फराळ वाटप व इतर कार्यक्रम घेत असतात.कार्यक्रमाचे सुरुवातीला बचपन वर्ड फोरम च्या घरटे प्रकल्पातील 40 अनाथ मुलांनी सलग 20 मिनिट छत्रपति शिवाजी महाराज यांचे जीवनातील प्रसंग सूंदर रित्या नृत्यातून प्रदर्शित करून कार्यक्रमाची ऊंची वाढविली तसेच महाराष्ट्राची शान म्हणजे छत्रपति शिवराय हे दाखविले म्हणून या नृत्याला अनेक मान्यवरानी रोख बक्षीसे दिली.यावेळी दिव्यांग व्यवसाय गटातर्फे रोजगार व्यवसाय आणि स्वालंबन कार्ड मेळावा 12 जानेवारी 2020 रोजी सकाळी 11 ते 4 या वेळेत सावित्रीबाई फुले स्मारक,लोहियानगर येथे दिव्यांगानी संपर्क करावे असे आवाहन रघुनाथ ढोक यांनी केले तर कार्यक्रमाला मोलाचे सहकार्य शाह कुटुबीय , व आकाश ढोक ,सचिन पवार,जॉनी रानडे,अनिल कदम यांनी केले.

पुरोगामी महाराष्ट्र न्यूज नेटवर्क( नातेपुते)- दर्पणकार बाळशास्त्री जांभेकर यांच्या जयंतीनिमित्त तसेच पत्रकार दिनाचे औचित्य साधून आप्पासाहेब भांड परिवाराच्यावतीने नातेपुते व परिसरातील पत्रकारांचा सन्मान करण्यात आला यावेळी नातेपुते येथील सकाळचे ज्येष्ठ पत्रकार सुनील दादा राऊत, दै. लोकमतचे महाराष्ट्र पत्रकार संघ जिल्हाध्यक्ष श्रीकांत बाविस्कर,माळशिरस तालुका पत्रकार संघ माजी तालुकाध्यक्ष दैनिक पुण्यनगरी  चे आनंदकुमार लोंढे सर,बारामती झटका चे श्रीनिवास कदम-पाटील,महाराष्ट्र पत्रकार संघ पश्चिम महाराष्ट्र संपर्कप्रमुख मनोज राऊत ,दैनिक पंढरी भूषण पत्रकार आनंद जाधव, पुरोगामी महाराष्ट्र चे संपादक प्रमोद शिंदे, उपसंपादक प्रशांत खरात, दैनिक तरुण भारत, विलास भोसले,दैनिक पुढारी चे सुनील गजाकस,तसेच आप्पासाहेब कर्चे,परफ्युम मराठी चित्रपटातील अभिनेता ओंकार दीक्षित पै.देविदास काळे यांचा सत्कार राष्ट्रवादी युवक नेते पै.अक्षय भांड व मित्रपरिवार यांनी केला या कार्यक्रमाचे आयोजन आकाश भांड यांनी केले होते. तसेच या कार्यक्रमासाठी अक्षय भांड मित्र मंडळातील कार्यकर्ते मोठ्या संख्येने उपस्थित होते.

ग्लोबल इंटरनॅशनल स्कूल मध्ये पत्रकारांचा सन्माननातेपुते( प्रतिनिधी) मोरची येथील डॉक्टर नीटवेज ग्लोबल इंटरनॅशनल स्कूल मध्ये पत्रकार दिनानिमित्त पत्रकारांचा सन्मान करण्यात आला हा सन्मान ग्लोबल इंटरनॅशनल स्कूलचे संस्थापक अध्यक्ष डॉक्टर दत्तात्रय निटवे यांच्या हस्ते करण्यात आला सन्मानाचे स्वरूप सन्मानचिन्ह श्रीफळ गुलाब पुष्प देऊन करण्यात आले यावेळी प्रमुख पाहुणे म्हणून नातेपुते पोलीस स्टेशनचे सहाय्यक पोलीस निरीक्षक युवराज खाडे हे होते खाडे बोलताना म्हणाले की पत्रकारितेची सुरुवात बाळशास्त्री जांभेकर यांनी केली आहे दर्पण म्हणजे आरसा असा पत्रकारिता म्हणजे समाजातील भावना आतापर्यंत पोहोचवणे पत्रकारांची लेखणी तापली की भल्याभल्यांना घाम फुटतो तसेच त्यांनी पत्रकारांना पत्रकार दिनाच्या शुभेच्छा दिल्या यावेळी डॉक्टर निटवे ज्येष्ठ पत्रकार सुनील राऊत ,लतीफ नदाफ पत्रकार आनंद लोंढे ,प्रमोद शिंदे विद्यार्थिनी कु समृद्धी रुपनवर यांनी मनोगत व्यक्त केले या कार्यक्रमासाठी संस्थेचे विश्वस्त हनुमंत माने ,एपीआय युवराज, खाडे ज्येष्ठ पत्रकार सुनील राऊत, महाराष्ट्र पत्रकार संघ जिल्हा अध्यक्ष श्रीकांत बाविस्कर, लतीफ नदाफ, आनंद लोंढे, प्रमोद शिंदे, आनंद जाधव, विलास भोसले ,सुनील गजाकस, प्रशांत खरात ,उमेश पोतदार, आदी मान्यवर उपस्थित होते या कार्यक्रमाचे आयोजन इंग्लिश मिडीयम चे प्रिन्सिपल संदीप पानसरे यांनी केले होते कार्यक्रम यशस्वी होण्यासाठी सर्व शिक्षक, शिक्षिका व स्टाफ यांनी परिश्रम घेतले.

नातेपुते (प्रतिनिधी)- दर्पणकार बाळशास्त्री जांभेकर यांच्या जयंती निमित्त पत्रकार दिनाचे औचित्य साधून रत्नत्रय पतसंस्था व एज्युकेशन सोसायटी यांच्यावतीने पत्रकारांना एक लाखाचा अपघात विमा भेट म्हणून देण्यात आला.तसेच रत्नत्रय व दोशी परिवाराच्यावतीने माळशिरस तालुक्यातील पत्रकारांचा सन्मान करण्यात आला यावेळी कार्यक्रमाचे अध्यक्ष चंद्रप्रभू पतसंस्था नातेपुते चेअरमन राजेश शेठ शंकेश्वर हे होते. यावेळी संस्थेचे अध्यक्ष प्रमोद दोशी बोलताना म्हणाले की ही संस्था सुरू झाल्यापासून प्रत्येक वर्षी पत्रकारांचा सन्मान करते पत्रकार हा लोकशाहीचा कणा आहे त्यांचा सन्मान करणे हे आपले कर्तव्य आहे तसेच  पत्रकार गहिनीनाथ वाघबरे, श्रीनिवास कदम पाटील, लक्ष्मण वाघमोडे ,व अनेक मान्यवरांनी आपले मनोगत व्यक्त केले. यावेळी रत्नत्रय संस्थेचे संस्थापक अनंतलाल दोशी ,चेअरमन विरकुमार दोशी, पत्रकार भगवान बनकर,आनंद शेंडगे,संजय हुलगे,प्रमोद शिंदे,विलास भोसले,प्रशांत खरात,बंडू पालवे,आप्पा कर्चे, वैभव शहा तसेच संस्थेचे पदाधिकारी शिक्षक,शिक्षिका,स्टाफ मोठ्या संख्येने उपस्थित होता. तसेच पुरंदावडे येथील शितल एवळे या विद्यार्थिनी ची लोकसेवा आयोगाची परीक्षा उत्तीर्ण होऊन राज्य विक्रीकर निरीक्षक पदी निवड झाल्याबद्दल संस्थेच्यावतीने तिचा सत्कार करण्यात आला तसेच शाळेतील शिक्षिका यांना उपक्रमशील आदर्श गुणवंत शिक्षक पुरस्कार देण्यात आला.

पुरोगामी महाराष्ट्र न्यूज नेटवर्क (मुंबई )-महाराष्ट्राचे मुख्यमंत्री हे राज्यस्तरीय उच्चाधिकार दक्षता व नियंत्रण समितीचे अध्यक्ष असतात अनुसूचित जाती जमाती अत्याचार प्रतिबंधक कायदा 1989 संशोधित अधिनीयम 2015 सुधारीत नियम 2016 नुसार राज्याच्या मुख्यमंत्र्यांनी एका वर्षात दोन बैठका घेणे कायद्याने बंधनकारक आहे मुख्यमंत्री महोदयांनी या समितीची स्थापना करून तात्काळ उच्चअधिकाऱ्यांची बैठक बोलावून राज्यात बौद्ध दलित आदिवासी अनुसूचित जाती-जमातींच्यावर वाढलेल्या अत्याचाराचा आढावा घ्यावा कर्तव्यात कसूर करणाऱ्या अधिकाऱ्यांवर कारवाई करावी पीडित कुटुंबांचे पुनर्वसन करावे राज्यात शिवसेना काँग्रेस व राष्ट्रवादी काँग्रेस पक्षांनी महाआघाडी करून सत्ता स्थापन करून मंत्रिमंडळाचे खातेवाटप सुद्धा झाले आहे त्यामुळे अधिक वेळ न घालवता दक्षता समितीची स्थापना करावी व न्याय करावा अशी मागणी नॅशनल दलित मूव्हमेंट फॉर जस्टीस चे राज्य सचिव वैभवजी गिते साहेबांनी केली आहे

महाराष्ट्र पत्रकार संघ तालुका अध्यक्षपदी प्रमोद शिंदे यांची निवडनातेपुते (प्रतिनिधी)- महाराष्ट्र पत्रकार संघाच्या  नूतन वर्षानिमित्त  व  पत्रकार दिनाचे औचित्य साधून महाराष्ट्रभर पदाधिकाऱ्यांचे  नियुक्ती करण्यात आली आहे . या निवडी  महाराष्ट्र पत्रकार संघाचे  राज्याध्यक्ष  विलासरावजी कोळेकर सर यांच्या अध्यक्षतेखाली  रत्नागिरी येथे करण्यात  आले आहेत त्यामध्ये महाराष्ट्र पत्रकार संघाच्या माळशिरस तालुका अध्यक्ष पदी प्रमोद ज्ञानदेव शिंदे यांची निवड करण्यात आली आहे ही निवड महाराष्ट्र पत्रकार संघाचे राज्याध्यक्ष कोळेकर सर व राज्य कमिटीतील सर्व सदस्य यांनी एक मताने केले असून प्रमोद शिंदे यांना संघवाढीस पुढील वाटचालीस शुभेच्छा दिल्या तसेच सोशल मीडियातून सुद्धा  यांच्यावर शुभेच्छांचा वर्षाव होत आहे. तसेच प्रमोद शिंदे  म्हणाले की संघाने दिलेली जबाबदारी मी माझे कर्तव्य समजून प्रामाणिकपणे पार पाडीन.