प्रमोद शिंदे

कांदा निर्यातीवरील बंदी  तात्काळ थांबवावी- विरोधी पक्ष नेते देवेंद्र फडणवीस  

पुरोगामी महाराष्ट्र न्यूज नेटवर्क (प्रमोद शिंदे)– कांद्याच्या वाढत्या दरामुळे केंद्र सरकारने कांदा निर्यातीवर बंदी आणण्याचा निर्णय घेतल्यामुळे अजून पावसाळी कांदा शेतकऱ्यांचा  बाजारात आलेला नाही तोवरच कांदा निर्यातीवर बंदी आणण्यात आली आहे. त्यामुळे शेतकऱ्यांमध्ये असंतोष निर्माण झाला असून सध्या कांद्याला मिळणारा चांगला दर थांबला आहे. केंद्र शासनाने भारतात कांद्याचे दर वाढत असल्याने तसेच भविष्यात कांद्याचा तुटवडा निर्माण होऊ नये म्हणून कांदा निर्यात बंदीचा निर्णय घेतला आहे.परंतु या कांदा निर्यात बंदी मुळे शेतकऱ्यांचे नुकसान होत असून शेतकऱ्यांमध्ये असंतोष निर्माण झाला आहे.यावर विरोधी पक्षनेते माजी मुख्यमंत्री देवेंद्र फडणवीस यांनीकांदा निर्यात बंदीच्या पार्श्वभूमीवर त्या निर्णयास विरोध करून केंद्रीय व्यापार वाणिज्य मंत्री श्री पियुष गोयल यांना तात्काळ संपर्क साधत व पत्रव्यवहार करून कांदा निर्यात बंदी उठवावी अशी मागणी  दिनांक 15 सप्टेंबर रोजी पत्राद्वारे केली आहे. या पत्रातील मागणीमुळे कांदा पिकवणाऱ्या शेतकऱ्यांमध्ये नवचैतन्य निर्माण झाले आहे.

https://www.shakkyalegal.com/

https://www.shakkyalegal.com/

पुरोगामी महाराष्ट्र न्यूज नेटवर्क नातेपुते (प्रतिनिधी)- covid-19 कोरोना संदर्भात नातेपुते व परिसरातील लोकांनी गाफील न राहता सतर्क राहावे असे आव्हान रत्नत्रय इंग्लिश मीडियम व ज्युनियर कॉलेज संचालक, महावीर इलेक्ट्रिक चे मालक, सामाजिक कार्यकर्ते वैभव शहा यांनी केले आहे.कारण नातेपुते आणि परिसरात कोरणा प्रादुर्भाव हा झपाट्याने वाढत आहे नातेपुते ही मोठी बाजारपेठ असल्यामुळे नातेपुते आणि परिसरात लोकांची मोठ्या प्रमाणात ये-जा असते एकमेकांचा संपर्कही मोठ्या प्रमाणात होतो त्यामुळे कोरोना प्रादुर्भाव पसरण्यासाठी वेळ लागणार नाही. तसेच नातेपुते आणि परिसरात रुग्ण संख्या झपाट्याने वाढत आहे तसेच मृत्यूची संख्या ही वाढत आहे.त्यामुळे नातेपुते बाजारपेठेत येणाऱ्या-जाणाऱ्या लोकांनी फिजिकल डिस्टंसिंग, मास्क, सँनीटायझर वापर हा नियमित करावा नाही तर येणारा काळ हा अतिशय भयंकर असेल. प्रत्येक घरांमध्ये कोविंड रुग्ण सापडू शकतो. सध्या हॉस्पिटलमध्ये ऑक्सीजन बेड शिल्लक नाही ऑक्सीजन बेड मिळत नसल्याने रुग्ण दगावण्याची संख्याही वाढत आहे. त्यामुळे नागरिकांनीच काळजी स्वतः घ्यायला हवी तसेच नातेपुते येथे शासकीय ऑक्सीजन बेड सह कोविड सेंटर लवकरात लवकर उभारण्यात यावे अशी मागणीदेखील त्यांच्याकडून करण्यात आली आहे.

आरे तील आदिवासींचे हक्क वाचविण्यासाठी रिपब्लिकन पक्षाचे शिष्टमंडळ मुख्यमंत्र्यांना भेटणार – सुमित वजाळे

पुरोगामी महाराष्ट्र नेटवर्क मुंबई( प्रमोद शिंदे) दि. 14 – आरेच्या जंगलाबाबत राज्यातील महाविकास आघाडी सरकारने सर्वात मोठा निर्णय घेतला आहे. आरेतील ६०० एकर जमीन आता वनासाठी राखीव ठेवत संरक्षित वनक्षेत्र जाहिर केले आहे. याबाबत मुख्यमंत्री उद्धव ठाकरे आणि आदित्य ठाकरे यांच्या ट्विटर हँडलवरून या निर्णयाबाबत माहिती दिली आहे.अरे ला संरक्षित वनक्षेत्र जाहीर करून त्यातील आदिवासी कुटुंबांचे शेती आणि निवासाचे पिढीजात अधिकार राज्यशासनाने हिसकावून घेऊ नयेत यासाठी रिपब्लिकन पक्षाच्या झोपडपट्टी महासंघाने अभ्यास दौरा करुन राज्य शासनाला निवेदन द्यावे त्यासाठी रिपब्लिकन पक्षाचे शिष्टमंडळ लवकरच मुख्यमंत्री उद्धव ठाकरे यांना आणि विरोधी पक्षनेते देवेंद्र फडणवीस यांना भेटणार असल्याची माहिती रिपब्लिकन पक्षाचे झोपडपट्टी महासंघाचे मुंबई अध्यक्ष सुमित वजाळे यांनी दिली आहे.

या पाश्वभूमीवर आरेमधील श्रमिक मुक्ती संघटनेने आयोजित कालच्या बैठकीत मा.केंद्रीय सामाजिक न्याय राज्यमंत्री रामदासजी आठवले यांच्या आदेशावरून आरेमधील आदिवासी पाड्यांची पाहणी करण्यासाठी व सध्य स्थिती जाणून घेण्यासाठी अभ्यासगट तयार करण्यात आला आहे.
आरे मधील ज्या जमिनीवर आदिवाशींची घरे आहेत,जी जमीन ते शेतीसाठी कसत आहेत ती जमीन गावठाण म्हणून घोषित करावी.
आरे मधील ६०० एकर जमीन वन घोषीत करण्याबाबत घेतलेला निर्णय हा पर्यावरणासाठी योग्य आहे. मात्र आदिवासींचे हक्क अबाधित राहावेत ही रिपब्लिकन पक्षाची भूमिका आहे.
हा निर्णय घेण्याआधी शासनाने आदिवाशींचा विचार करणे आवश्यक आहे.आदिवासींचे हक्क अबाधित राहावेत यासाठी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले हे आदिवासींच्या पाठीशी आहेत.
आरे मधील आदिवासी कुटुंबाना बेघर होऊ देणार नाही.अशी भूमिका रिपब्लिकन झोपडपट्टी महासंघाचे अध्यक्ष सुमित वजाळे यांनी काल झालेल्या खांबाचा पाडा आदिवासी गावठाण येथील बैठकीत मांडला.

केंद्रीय राज्यमंत्री मा.रामदासजी आठवले अभ्यासगटाचा अहवाल पाहून या विषयी मुख्यमंत्री यांच्याशी भेटून बैठक घेतील.
खांबाचा पाडा येथे झालेल्या बैठकीत सुमितभाऊ वजाळे, अध्यक्ष रिपब्लिकन झोपडपट्टी महासंघ, मा.ऍड.क्रांती एल.सी.,इंडिया सेन्टर फॉर हुमन राईट, मा.नलिनीताई भुजड, मुंबई अध्यक्षा श्रमजिवी संघटना, मा.अशोकराव खांडवे, २७ पाडे प्रमुख, मा.रवींद्र दोडीये अध्यक्ष ऑल इंडिया आदिवासी संघटना, मा.कृष्णा पांगे, अध्यक्ष खांबाचा पाडा, मा.अंकुश भोईर अध्यक्ष श्रमिक मुक्ती संघ, मा.राजू वळवी खांबाचा पाडा प्रमुख, व रिपब्लिकन झोपडपट्टी महासंघाचे सरचिटणीस रतन स.अस्वारे, भीमराव कांबळे, संतोष थोरात, गुलाब गुप्ता, गौतम मोरे, विनोद सोनावणे,यांच्या सह अनेक मान्यवर उपस्थित होते.