प्रमोद शिंदे

.
(आंतरराष्ट्रीय परिचित पुज्य भदंत शिलबोधी यांच्या लढ्याची केंद्राने घेतली दखल)
पुरोगामी महाराष्ट्र न्यूज नेटवर्क -नवी मुंबई:दि (प्रतिनिधी) येथील उलवे परिसरात आंतरराष्ट्रीय विमानतळ होऊ घातले असून वाघवळीवाडा बुद्धलेणी च्या संवर्धन व पुनर्वसनाचा प्रश्न पँथर ऑफ सम्यक योद्धा या राष्ट्रीय संघटनेने उचलला आहे, आंतरराष्ट्रीय परिचित पुज्य भदंत शिलबोधी यांच्या नेतृत्वात संविधानिक लढा उभारला असून या लढ्याला घवघवीत यश मिळत आहे. याचीच प्रचिती म्हणजे केंद्रीय मंत्री रामदास आठवले यांची लेणी स्थळाला भेट.
आंतरराष्ट्रीय विमानतळाच्या कामा अंतर्गत येथिल गावचे पुनर्वसन करण्यात येत आहे, प्राचीन व ऐतिहासिक लेणी मध्ये स्थानिक गावकऱ्यांनी केरुमाता देवी ची प्रतिष्ठापना करून पूजा अर्चना करून या लेणीचे जतन व संवर्धन केले आहे, मात्र सिडको प्रशासनाने केरुमाता देवीचे पुनर्वसन केले किंतु लेणीचे विद्रुपीकरण करून लेनिवर माती टाकून लेणीचे अस्तित्व संपवण्याचा प्रयत्न केला आहे,
सदर घटनेची चाहूल पँथर योद्धा वीरेंद्र लगाडे यांना लागली असता पँथर डॉ राजन माक्निकर यांना माहिती दिली आणि पँथर योद्धा या संघटनेचे संस्थापक अध्यक्ष शिलबोधी यांच्या नेतृत्वाखाली लेणी बचाव आंदोलनास सुरुवात केली, यावेळी OBC नेते राजाराम पाटील मागील 4 वर्षांपासून पुनर्वसन आंदोलन करत असून लेणी बचावासाठी प्रयत्नशील असल्याचे भेटीअंती सांगितले.
त्या अनुषंगाने पँथर ऑफ सम्यक योद्धा या राष्ट्रीय समाजसेवी संघटनेच्या वतीने पाठपुरावा करण्यात आला याची दखल बहुतांश प्रसारमाध्यमांनी घेतली.
पुज्य भदंत शिलबोधी यांनी जाहीररीत्या प्रशासनाला ठणकावले, आंदोलनाचा इशारा दिला, लेणीचे जतन नाही केले तर भारतासह जगातील भिक्खू संघ आंदोलनात उभारतील आणि जागतिक प्रश्न निर्माण होईल असा इशाराही दिला.
नवी मुंबई RPI नेते महेश खरे यांनी प्रकरणाचे महत्व जाणून केंद्रीय मंत्री रामदास आठवले यांना लेणी संवर्धनासाठी प्रत्यक्ष पाहणी करण्यास भाग पाडले.
केंद्रीय मंत्री आठवले यांनी लेणीचे पाहणी केली व कोणत्याही परिस्तिथीत लेणीचे संवर्धन व पुनर्वसन करण्यात येईल, लेणी अवशेषांचे जतन करून बौद्ध स्तूप उभारण्यात येईल या बद्दल पुरातत्व खाते आणि मुख्यमंत्यांना पत्र पाठवेन अशी प्रसारमध्यांना पुढे बोलतांना ग्वाही दिली. यावेळी पँथर सम्यक योद्धाचे पुज्य भदंत शिलबोधी आठवले यांच्यासोबत पाहणी केली, पँथर श्रावण गायकवाड, पँथर डॉ राजन माकणीकर, वीरेंद्र लगाडे, OBC नेते राजाराम पाटील, पनवेल उपमहापौर जगदीश गायकवाड, सुरेश बारशिंग, RPI नवी मुंबई जिल्हा अध्यक्ष सिद्राम ओव्हाळ, आदी अनेक मान्यवर व
शेकडो RPI व पँथर कार्यकर्ते उपस्थित होते.
बौद्ध लेणीच्या जतनासाठी बौद्धभिखु, ग्रामस्थ आंदोलनात उतरले असून देशातील ही पहिली बौद्ध लेणी होय, जिच्यासाठी हिंदू मुस्लिम व बौध्येतर लेणी बचावासाठी आंदोलनात उतरले आहेत. OBC समाजामध्ये जनजागृती आणून समता पेरण्याचे काम राजराम पाटील यांचे हातून होत असल्याचे पुज्य भदंत शिलबोधी यांनी कौतुकात सांगितले व त्याच्या पुनर्वसनाच्या कामात ग्रामस्थांच्या सोबत असल्याचे वाचन भन्ते यांनी दिले.
पुज्य भदंत व त्यांच्या टीमने घेतलेल्या लेणी बचाव आंदोलनाच्या आंदोलनात संविधानतज्ञ सुरेश माने, ना. रामदास आठवले यांच्या आगमनाने आंदोलनाला एक सकारात्मक दिशा लाभली असून असंख्य राजीकय पक्ष प्रमुखांनी आंदोलनात सहभागी असल्याचे सांगितले आहे.
रिपब्लिकन पार्टी ऑफ इंडिया डेमोक्रॅटिक चे युवाध्यक्ष कनिष्क कांबळे, RPI (खरात) राजाराम खरात यांनी आंदोलनास पाठिंबा असल्याचे सांगून लवकरच भेट देणार असल्याचे दूरध्वनिहून सांगितले.
सदर देणीच्या संवर्धन व आंदोलनास भारतातील इतिहासप्रेमी, लेणी अभ्यासक व अनुयायांनी सहभागी व्हावे असे आवाहन पुज्य भदंत शिलबोधी यांनी प्रसारमाध्यमांच्या वतीने केले आहे.

केंद्र व राज्य शासनाने घोषित केलेल्या योजना जनसामान्यांनाद्या…
पी एस खंदारे.
वाशीम)
केंद्र सरकार व महाराष्ट्र शासनाने कोवीड 19साथरोग व टाळेबंदी मुळे होणा-या दुष्परिणामां बाबत लोक कल्याणकारी अनेक प्रकारच्या योजना घोषित केल्या आहेत. या योजनेच्या अमलबजावणी बाबत नॅशनल दलित मुव्हमेंट फाॅर जस्टीस व राष्ट्रीय दलित मानवाधिकार अभियान यांच्या प्रयत्नाने “We Claim”या मोबाईल अॅप च्या माध्यमातून सर्वेक्षण करण्यात आले होते. काॅल करून मिळालेल्या माहितीनुसार ज्या ज्या लाभार्थी ला विविध योजना चा लाभ मिळाला नाही अशा सर्व लाभार्थी ला शासनाने घोषित केलेल्या योजना चा लाभ जनसामान्याना तात्काळ देऊन शासनाच्या योजना ची प्रभावी अमलबजावणी करण्यासाठी नॅशनल दलित मुव्हमेंट फाॅर जस्टीस चे राज्य महासचिव डाॅ. एड. केवल ऊके,राज्य सचिव मा वैभव गिते यांच्या मार्गदर्शनाखाली पी एस खंदारे यांच्या प्रमुख उपस्थितीत जिल्हा अधिकारी वाशिम यांना निवेदन देण्यात आले. या मध्ये रोजगार हमी योजना, प्रधान मंत्री गरिब कल्याण योजना, उज्ज्वला योजना (मोफत गॅस सिलिंडर),संघटीत क्षेत्रासाठी 24%PEF,स्वंयसाह्यता बचतगटासाठी N.R.L.M.योजना अंतर्गत विस लाख रुपये बिन व्याजी कर्ज उपलब्ध करून देणे,प्रधान मंत्री किसान सहायता योजना अंतर्गत प्रती शेतकरी दोन हजार रुपये तिन महिन्यासाठी, जन धन योजना प्रती लाभार्थी पाचशे रुपये तिन महिन्यासाठी, सामाजिक सुरक्षा योजना अंतर्गत जेष्ठ नागरिक, अपंग, विधवा इत्यादी साठी एक हजार रुपये अतिरिक्त अर्थ सहाय, अग्रभागी आरोग्य सेवा कामगारांसाठी पन्नास लाख रुपये विमा योजना,या मध्ये डाॅक्टर, नर्स, पोलिस, सफाई कामगार, पत्रकार, अंगणवाडी सेविका, आशा वर्कर्स, एस टी. कामगार, चालक, वाहक इत्यादी, P.D.S.व I.C.D.S.अन्नधान्याची मोफत धान्य वाटप योजना, अंगणवाडी पौष्टिक आहार व इतरही शासनाने घोषित केलेल्या योजना जनसामान्यांना देण्यासाठी निवेदन देण्यात आले.
कोरोणा संचारबंदी च्या काळात सर्वच जेनतेला आर्थिक संकटाचा सामना करावा लागत आहे. या मध्ये प्रामुख्याने दैनंदिन रोजमजुरी करणारे कामगार, शेतमजुर,शेतकरी, न्हावी, परिट, फेरीवाले, फळ फळावळे, भाजीपाला विक्रेते, तिन चाकी रिक्षा (खटले)चालवणारे, विटभट्टी कामगार, घरेलु कामगार, बांधकाम कामगार, फोटोग्राफी, व्हिडिओ शुटींग्ज करणारे, गायक, शाहीर, कवी, बॅडबाजा, वजांत्री, कलाकार, बहुरूपी, नृत्य कलाकार, तमासगिर, देहविक्रीय करणा-या महिला, भटके, पालावर राहणारे कुटुंब, स्थलांतरित कामगार आदी लोकांना कोरोणा संचारबंदी च्या काळात अतोनात हाल अपेस्टा सहन करत जिवन जगत आहेत. शासनाने सर्व लोकांना मदत करावी म्हणून एनडीएमजे च्या वतीने निवेदन दिले.
या वेळी नॅशनल दलित मुव्हमेंट फाॅर जस्टीस चे राज्य सहसचिव पी एस खंदारे, विदर्भ विभागीय उपाध्यक्ष राजीव दारोकार,वाशिम जिल्हा अध्यक्ष समाधान सावंत,उपाध्यक्ष दतराव वानखेडे, भागवत गवई, वाशिम जिल्हा सचिव निलेश भोजणे, जिल्हा संघटक रामदास वानखेडे, नारायण सरकटे, महादेव कांबळे, बबन खरात, एड. भारत गवळी,डाॅ. एम.बी. डाखोरे आदी सहभागी झाले होते.

पुरोगामी महाराष्ट्र न्यूज नेटवर्क (प्रमोद शिंदे)-देशाचे नेते माजी केंद्रीय कृषिमंत्री राष्ट्रवादी काँग्रेसचे सर्वेसर्वा शरदचंद्रजी पवार साहेब हे कोरोना परिस्थिती पाहण्यासाठी माळशिरस तालुक्यासह सोलापूर जिल्ह्याच्या दौऱ्यावर आले होते. त्यांनी नातेपुते येथील कार्यकर्त्यांची भेट घेतली पैलवान अक्षय भांड यांनी स्वागत केले. तसेच पुढे माळशिरस येथे शिवतीर्थ बंगला येथे प्रमुख राजकीय नेत्यांच्या भेटी घेतल्या तालुक्यातील घडामोडी जाणून घेतल्या तसेच या वेळी आरोग्यमंत्री ना. राजेश टोपे सोलापूर जिल्ह्याचे पालकमंत्री ना. दत्तामामा भरणे .सोलापूर जिल्हा परिषदेचे माजी अध्यक्ष फत्तेसिंह माने पाटील. सोलापूर जिल्हा राष्ट्रवादी काँग्रेसचे अध्यक्ष बळीरामकाका साठे, सोलापूर जिल्हा काँग्रेस कमिटीचे जिल्हाध्यक्ष प्रकाशराव पाटील, माळशिरसचे माजी आमदार स्वर्गीय हनुमंतराव डोळस यांचे चिरंजीव युवा नेते संकल्प डोळस, माळशिरस पंचायत समितीचे माजी सभापती मच्छिंद्र ठवरे, राष्ट्रवादी काँग्रेसचे माळशिरस तालुका अध्यक्ष माणिकबापू वाघमोडे, श्री शंकर सहकारी साखर कारखाना बचाव समितीचे उपाध्यक्ष भानुदास सालगुडे पाटील, श्रीशंकर कारखान्याचे माजी संचालक विलास आद्रट, सोलापूर जिल्हा राष्ट्रवादी काँग्रेसचे जिल्हा उपाध्यक्ष प्रभाकर इंगळे, हंसराज माने पाटील, युवा नेते सुजयसिंह माने पाटील, अनेक कार्यकर्ते उपस्थित होते. पुढे वेळापूर तेथे येथे चांदापुरी सहकारी साखर कारखाना चेअरमन उत्तमराव जानकर यांची भेट घेतली व राजकीय विषयांवर येथे चर्चा करण्यात आली तसेच वेळापूर येथे उत्तमराव जानकर यांच्या संकल्पनेतील धान्य बँक याचे लोकार्पण सोहळा आदरणीय पवार साहेब यांच्या हस्ते करण्यात आला. गरजू लोकांना जीवनावश्यक वस्तूंचे वाटप करण्यात आले. या सोलापूर दौ-यायाकडे अनेकांचे लक्ष लागले होते.

जवळा नि येथे वयोवृद्ध महिला सापडली कोरोना पाॅझीटीव्ह!

तालुक्याचे तहसिलदार, बिडीओ, पोलीस निरीक्षक, आरोग्य अधिकारी यांनी भेटी देऊन गावातील काही भाग केला सिल

कोविड १९ च्या प्रतिबंधासाठी ग्रामपंचायतने आजपर्यंत केलेल्या प्रयत्नांना अपयश

पुरोगामी महाराष्ट्र न्यूज नेटवर्क उस्मानाबाद जवळा नि‌: प्रतिनिधी (अजिनाथ राऊत ) परांडा तालुक्यातील जवळा नि येथील ७५ वर्षीय वयोवृद्ध महिलेचा रिपोर्ट कोरोना पाॅझीटीव्ह आला आहे. सदर महीलेला पुर्वी बिपीचा व शुगर आजार होता. त्यांना श्वास घेण्यासाठी त्रास होऊ लागल्याने त्यांचे कुटुंबीयांनी दि.१६ जुलै २०२० रोजी शहा हाॅस्पिटल बार्शी येथे प्रथम उपचारासाठी हलवण्यात आले होते सदर हाॅस्पिटलमध्ये उपचार न झाल्याने पुढील उपचारासाठी जगदाळे मामा हाॅस्पीटल बार्शी येथे नेण्यात आले होते तपासणी झाल्यानंतर रात्री उशीरा कोरोना पाॅझीटिव्ह रिपोर्ट आला. त्यानंतर दोन तासाने सदर महिलेचा अचानक दुर्देवी मृत्यू झाला आहे.
पाॅझीटीव्ह आढळुन आलेल्या मृत महिलेच्या संपर्कात आलेल्या अकरा जणांना आरोग्यविभागाने संशयीत म्हणून ताब्यात घेतले आहे. त्यांचे स्वॅबचे नमुने घेवुन तपासणीसाठी पाठवण्यात आल्याची व गावातील एकुण ३० ते ३५ जण विलगीकरण कक्षात ठेवण्यात आले असल्याची माहिती गावचे ग्रामविकास अधिकारी पोपट खटकाळे, सज्जाचे तलाठी मोरे साहेब यांनी दिली आहे. कोरोनाचे विषाणूचे संकट निर्माण झाल्यापासून जवळा नि गावामध्ये अद्याप एकही रूग्ण पाॅझीटीव्ह आढळुन आला नव्हता त्यामुळे आनखी कोरोना पाॅझीटीव्ह रुग्ण सापडतात की काय? अशी चर्चा आहे तसेच गावातील ‌नागरीकांमध्ये भितीचे वातावरण निर्माण झाले आहे.
कोरोना महामारीच्या बाबतीत उस्मानाबाद जिल्ह्यातील स्थीती दिवसेंदीवस बीघडत चालली असुन नागरीकांकडून नियमांचे पालन होत नसल्याने कोरोना रोग फैलावत असल्याचे अनेकांचे मत असुन उस्मानाबाद जिल्हा हाॅटस्पाॅटच्या दीशेने वाटचाल करत असल्याचे बोलले जात आहे.
परांडा तालुक्याचे तहसीलदार, गटविकास अधिकारी, पोलीस निरीक्षक, आरोग्य अधिकारी, यांनी जवळा नि गावास भेटी देऊन रुग्ण सापडलेला तांबोळी गल्लीतील काही भाग सिल करण्यात आला आहे.
तर नागरीकांनी न घाबरता योग्य ती खबरदारी घेवुन नियमांचे काटेकोरपणे पालन करून प्रशासनास सहकार्य करण्याचे आवाहन तहसिलदार अनिलकुमार हेळकर व परांडा उपजिल्हा रूग्णांलय प्रभारी वैद्यकीय अधिकारी डाॅ. सय्यद यांनी केले तर परांडा पोलीस स्टेशनचे पोलीस निरीक्षक इकबाल सय्यद यांनी कोविड १९ ची लक्षणे आढळुन आल्यास किंवा बाहेर जिल्ह्यातुन आलेल्या नागरीकांची माहिती देण्याचे आवाहन केले. कोरोनाचा प्रसार वाढु नये म्हणुन आम्ही सर्वतोपरी प्रयत्नशील आहोत परंतु नागरीकांनी सहकार्य करण्याची गरज आहे असे मत गटविकास अधिकारी रावसाहेब चकोर यांनी व्यक्त केले.
यावेळी ग्रामविकास अधिकारी पोपट खटकाळे, तलाठी नितीन मोरे, सरपंच नवजिवन चौधरी, उपसरपंच अशोक गवारे यांनी वेळीच उपस्थित राहुन उपाययोजना करुन सहकार्य केले.

— पुरोगामी महाराष्ट्र न्यूज नेटवर्क- प्रमोद शिंदे (नातेपुते) महाराष्ट्र राज्य माध्यामिक आणि उच्च माध्यामिक शिक्षण मंडळाचा इयत्ता बारावीचा निकाल गुरूवारी दुपारी १ वाजता आॅनलाइन पध्दतीने जाहीर करण्यात आला.  यंदाच्या वर्षी सोलापूर जिल्ह्याचा बारावीचा निकाल ९३.७४ टक्के इतका लागला आहे. त्यात नातेपुते परिसरातील बऱ्याच शाळेचा शंभर टक्के निकाल लागल आहे त्यामध्ये नातेपुते एज्युकेशन सोसायटी बाळकृष्ण जयवंत दाते प्रशाला सर्वात मोठी शाळा असून शंभर टक्के निकाल लागला आहे  निकाल पुढील प्रमाणे. शास्त्र100%,वाणिज्य 100%,कला 99.47%शाखा निहाय निकाल शास्त्र शाखा1)साक्षी सुनील निकम  82.77%2) सरगर छाया महादेव 82.46%3) सोरटे दीपाली शिवाजी  82.31%वाणिज्य शाखा1) पाठक प्राची प्रताप84.30%, 2)मोरे पूजा बाळासाहेब82.77%,3) राऊत वैष्णवी नितीन 82.15%,कला शाखा 1)निर्मळ कोमल कैलास86.46%2) जाधव संदीप बाळू 80.76%3) शिंदे सुनीता सोमनाथ79.23%उपप्राचार्य श्री भारत पांढरे व विद्यार्थी यांचे अभिनंदन संस्थेचे अध्यक्ष बाबाराजे देशमुख यांनी केले आहे तसेच  सहकार महर्षी शंकरराव मोहिते पाटील महाविद्यालय यांचा निकाल निकाल-94.23% लागला असूनशास्त्र शाखा – 94. 23 %,वाणिज्य शाखा-87.50%,
 कला शाखा-66.66%, शास्त्र शाखेमध्ये1) रणजीत मल्‍हारी एकतपुरे 79. 53%,2) समीक्षा कुंडलिक सस्ते 72.30%,3) प्रतिक्षा संपत आवळे70.30%, वाणिज्य 1)योगिता किसन ननवरे79.23%, निकिता किसन नवरे77.38%, सानिका नाथा चव्हाण72.% कला शाखा- स्वाती महादेव शिंगाडे 71.84%, रविराज पोपट माने63.53%, राम कृष्ण तुकाराम वसेकर62.46%, असा निकाल असून पद्मजा देवी मोहिते-पाटील व धवलसिंह मोहिते-पाटील यांनी प्राचार्य सी बी कोळेकर व विद्यार्थ्यांचे अभिनंदन केले. समता माध्यमिक विद्यालय व भिवाई देवी ज्युनियर कॉलेज पिरळे  यांचा 100 टक्के निकाल लागला आहे.  कॉलेज तसेच चंद्रकांत घुगरदरे प्रशाला ज्युनियर कॉलेज यांचा निकाल 91.86% लागला आहे. शास्त्र विभाग 98.7%, कला विभाग82.35%, शास्त्र शाखेमध्ये 1)हिमांशू प्रताप जाधव 80.30%,2) वंदना राजू मेत्रे 70.30%,3) माया बाजीराव रुपनवर69.23%, कला शाखा -ऐश्वर्या जीवन सोरटे64%, प्रदीप कर्चे59.7%, उत्कर्ष बाळासाहेब किर्दक58%,. श्रीमती रत्नप्रभादेवी मोहिते-पाटील जुनिअर कॉलेज नातेपुते. कला शाखा निकाल 86.49 1)निकिता प्रभाकर मस्कर 70.76 %2)वैशाली प्रभाकर कर्चे 69.84%,3) रोशनी असिफ शेख 68.30 %यशस्वी विद्यार्थ्यांचे अभिनंदन संस्थेचे अध्यक्ष मा. श्री. जयसिंह मोहिते पाटील व प्रशाला समिती सभापती मा.श्री. राजाभाऊ लव्हाळे यांनी केले. रत्नात्रे इंग्लिश मीडियम स्कूल व कनिष्ठ महाविद्यालय मांडवे यांचा सलग दुसऱ्यांदा 100% निकाल असून चेअरमन प्रमोद दोशी व संचालक मंडळ यांनी विद्यार्थी तसेच शिक्षकांचे अभिनंदन केले.

तालुका प्रशासनातील अधिकाऱ्यांची धडक कारवाई नियम मोडणाऱ्यांकडुन हजारोंचा दंड वसुल

पुरोगामी महाराष्ट्र न्यूज नेटवर्क -आजिनाथ राऊत उस्मानाबाद जवळा नि प्रतिनिधी
जवळा नि येथे कोरोना विषाणूस प्रतिबंध करण्यासाठी तालुका दंडाधिकारी अनिलकुमार हेळकर, गटविकास अधिकारी रावसाहेब चकोर, पोलीस निरीक्षक इकबाल सय्यद, तालुका आरोग्य अधिकारी सय्यद साहेब, या परांडा तालुक्यातील सर्व विभागातील अधिकारी यांनी जवळ्याचे तलाठी, ग्रामसेवक, सरपंच, उपसरपंच यांना सक्त सुचना देत सोबत घेऊन धडक मोहीम राबविली.
तालुक्यातील सर्व विभागातील अधिकारी यांचे मार्गदर्शनाखाली व सहकार्याने ग्रामपंचायत कार्यालयाच्या वतीने ग्रामविकास अधिकारी पोपट खटकाळे सरपंच नवजीवन चौधरी, उपसरपंच अशोक गवारे यांनी ग्रामपंचायत कर्मचाऱ्यांमार्फत नियम मोडणाऱ्या शेकडो नागरीकांकडुन दंड वसुल केला.
त्यामुळे अनेक दुचाकीस्वारांचे धाबे दणाणले आहेत. संचारबंदीच्या काळात गरज नसतानाही बाजारात व चौकाचौकात फिरणाऱ्यांवर वरील सर्व अधिकारी यांनी संयुक्तरीत्या कारवाईचा बडगा उगारला असून, अनेक ठिकाणी धडक मोहीम हाती घेतली आहे. जवळा नि गावातील बाजार चौकासह विविध ठिकाणी पोलीस निरीक्षक इकबाल सय्यद यांचेसह तालुका विभागातील अधिकारी यांनी चौकाचौकात बिनकामाचे बसण्यास बंदी घातल जवळा भांडगाव मार्गे बार्शीला जानारा रस्ता बंद करीत कारवाई केली.
अनेकजण गरज नसताना बाजारात फिरत होते. तर काही जण मास्क शिवाय फिरताना आढळल्याने त्यांच्यावर कारवाई करण्यात आली.
ही कारवाई तालुका प्रशासनातील पोलीस निरीक्षक, तहसीलदार, गटविकास अधिकारी, आरोग्य अधिकारी या पदाधिकाऱ्यांच्या संयुक्त विद्यमाने व सहकार्याने ग्रामपंचायतीच्या वतीने करण्यात आली. या कारवाईत विना मास्क प्रत्येकी २०० रुपये तर चार चाकी नियम मोडून फिरणाऱ्यांकडुन प्रत्यकी ५०० रुपये असा दंड वसूल करण्यात आला. पोलीस आणि इतर प्रशासनाच्या वतीने दिवसभर हि कारवाई सुरू होती.